వాడిన నూనెతో బయోడీజిల్

వాడిన నూనెతో బయోడీజిల్

పదే పదే మరగించిన నూనె వాడటం వల్ల కేన్సర్ వచ్చే ప్రమాదం పెరుగుతందని శాస్త్రం చెబుతుంది. బోలెడంత డబ్బు పోసి కొంటున్న నూనెను ఒకసారి మాత్రమే ఎలా వాడి పడేయగలమన్నది హోటళ్లు, ఆహార పరిశ్రమ వర్గాల బాధ. ఈ సమస్యకు ఓ చక్కటి పరిష్కారాన్ని కనుక్కున్నారు ఢిల్లీ ఐఐటీ విద్యార్థులు. వాడేసిన వంటనూనెను బయోడీజిల్‌గా మార్చే ఓ యంత్రాన్ని అభివృద్ధి చేశారు.

నిజానికి ట్రాన్స్ ఎస్టరిఫికేషన్ అనే ప్రక్రియ ద్వారా ఏ నూనెనైనా బయోడీజిల్‌గా మార్చవచ్చునని చాలాకాలంగా తెలుసు. కాకపోతే ఎవరికి వారు వాడుకునే రీతిలో పరికరం మాత్రం లేకపోయింది. అభిషేక్ శర్మ, హర్షిత్ అగర్‌వాల్, మోహిత్ సోని అనే ముగ్గురు ఐఐటీ విద్యార్థులు ఈ కొరతను తీర్చారు. వాషింగ్ మెషీన్ సైజులో ఉండే ఈ యంత్రంతో బయోడీజిల్ తయారు చేసుకోవడం చాలా సులువని వారు అంటున్నారు.