సినీనటి ఆదాశర్మ గురువారం సోమాజిగూడలో సందడి చేసింది. ఓ సెల్‌ఫోన్‌ లాంచింగ్‌ వేడుకలో వైవిధ్యమైన తలకట్టుతో ఇలా నవ్వులు రువ్వింది.
  


 నీతో ప్రేమలో పడిపోతా.. ఏమనుకుంటున్నావో!
 కమాండో 2 : ట్రైలర్‌
 నిడివి :2 ని. 34 సె.
 హిట్స్‌ : 91,45,132
 ‘ఇంకోసారి ఇలా చేశావా.. నీతో నేను పిచ్చిగా ప్రేమలో పడిపోతాను జాగ్రత్త. అంతేకాదు, నీ పెదవుల మీద ముద్దు పెట్టుకుంటాను. ఏమనుకుంటున్నావో’ : అమ్మాయి!ఒరేయ్‌ హీరో ఏం చేశావురా అంత పెద్ద తప్పు?!ఆ పిల్ల ఆదాశర్మ. వాడు విద్యుత్‌ జమాల్‌. చిత్రం కమాండో 2. చిత్రం మార్చి 3న విడుదలౌతోంది.ఇండియాస్‌ మోస్ట్‌ వాంటెడ్‌ బ్లాక్‌ మనీ ఏజెంట్‌ విక్కీ చడ్డా మలేసియాలో అరెస్ట్‌ అవుతాడు. అతడి భార్యతో సహా మలేసియన్‌ అధికారి ఇంట్లో సేఫ్‌గా ఉంటాడు. అతడిని ఇండియా తెచ్చేందుకు ఒక టీమ్‌ మలేసియా బయల్దేరి వెళుతుంది. ఆ టీమ్‌ బయటి హీరో విద్యుత్‌ జమాల్‌. ఆ టీమ్‌లోని హీరోయిన్‌ ఆదా శర్మ. వీళ్లిద్దరి వేట, వీళ్లిద్దరి సయ్యాట.. చిత్రంలో ఇంట్రెస్టింగ్‌ పార్ట్‌. ఇంతకీ జమాల్‌ ఏం చేశాడు. భావనారెడ్డి (ఆదాశర్మ) ఎందుకు ఢమాల్‌ అంది! వీడియోలో తెలీదు. సినిమాలో చూడాల్సిందే.
 
 బేబీ బేబీ..
 ఐ ఫీల్‌ క్రేజీ.. జైన్‌ మాలిక్, టేలర్‌ స్విఫ్ట్‌
 జైన్‌ మాలిక్, టైలర్‌ స్విఫ్ట్‌ – ఐ డోన్ట్‌ వాన్నా లివ్‌ ఫరెవర్‌
 నిడివి : 4 ని. 16 సె. హిట్స్‌ : 1,30,94,908
 బ్రిటన్‌ అబ్బాయి జైన్‌ మాలిక్, అమెరికన్‌ అమ్మాయి టేలర్‌ స్విఫ్ట్‌ కలిసి పాడిన తాజా మెలోడియస్‌ సెన్సేషన్‌ ‘ఐ డోన్ట్‌ వాన్నా లివ్‌ ఫరెవర్‌’ (ఫిఫ్టీ షేడ్స్‌ డార్కర్‌). ‘మూసి ఉన్న నాలుగ్గోడల నడుమ కళ్లింత చేసుకుని నీ పిలుపు కోసం ఎదురుచూస్తున్నా. ఏ ఆశా లేని నిర్దాక్షిణ్య జీవితం ఇది..’ అంటూ సాంగ్‌ మొదలౌతుంది. ‘నువ్వొచ్చే వరకు నీ పేరునే పలవరిస్తూ కూర్చుంటాను... నువ్వు రావు.. నాకు పిచ్చిపట్టిపోతుంది. నువ్వే జీవితం అనుకున్న నేను, నీ నిర్లక్ష్యం వల్ల.. జీవించాలని కోరుకోవడం లేదు.. బేబీ బేబీ, ఐ ఫీల్‌ క్రేజీ, అప్‌ ఆల్‌ నైట్, ఆల్‌ నైట్‌ అండ్‌ ఎవ్రీ డే’ అని ప్రియుడు ఆవేదన చెందుతాడు. ‘ఐ జస్ట్‌ వాన్నా కీప్‌ కాలింగ్‌ యువర్‌ నేమ్‌ అంటిల్‌ యూ కమ్‌ బ్యాక్‌ హోమ్‌’ అంటూ సోలిపోతాడు. ప్ఛ్‌.. పాపం అనిపిస్తుంది ఈ అబ్బాయిని చూస్తే. అమ్మాయిది కూడా ఇదే బాధ. సమాంతర చరణాలలో. ఒకరికోసం ఒకరు తపించిపోతుంటారు. ఒకరి ఎడబాటును ఒకరు తట్టుకోలేకపోతుంటారు. వెరీ హార్ట్‌ టచింగ్‌.
 
 ఫ్రీ పీజా, బీర్‌..
 ఓ.. మై వైట్‌ హౌస్‌!
 బౌలింగ్‌ ఇన్‌ ది వైట్‌ హౌస్‌ బేస్‌మెంట్‌
 నిడివి : 5 ని. 48 సె.
 హిట్స్‌: 12,44,143
 వైట్‌ హౌస్‌లో ఉద్యోగం అంటే.. ప్రతి ఒక్కరు అక్కడ ఒక అమెరికన్‌ ప్రెసిడెంట్‌ అన్నంత హోదా ఉంటుంది. ఆ రిచ్‌నెస్, ఆ సౌకర్యాలు, రిఫ్రెష్‌మెంట్స్, ఫ్రీ పీజా, బీర్‌.. ఓహ్‌! ఇవన్నీ లోపలి వాళ్లు్ల వచ్చి బయటికి చెప్తే తప్ప ఆ వైభోగం గురించి బయటి ప్రపంచానికి తెలియదు. అయితే కేసీ నైస్టాట్‌ అనే యువకుడు కళ్లారా వాటన్నిటినీ తిలకించి వచ్చాడు.  వైట్‌ హౌస్‌ బేస్‌మెంట్‌లోకి వెళ్లడం కోసం 2011 నుంచి అతడు ట్రై చేస్తున్నాడట. వైట్‌హౌస్‌లో పని చేస్తున్న ఒక ఉద్యోగిని పట్టుకుని, అతడి నుంచి అపాయింట్‌మెంట్‌ సంపాదించి, ఎవరికీ అనుమానం రాకుండా బేస్‌మెంట్‌లో అన్నీ తిరిగేసి, సక్సెస్‌ఫుల్‌గా ఒక షాట్‌ బౌలింగ్‌ కూడా ఆడేసి, వాటన్నిటినీ తన కెమెరాలో షూట్‌ చేయించుకుని (కొన్ని తను షూట్‌ చేశాడు. తనని వేరొకరిచేత షూట్‌ చేయించుకున్నాడు).. ఈ వీడియోను.. ఐదేళ్ల తర్వాత, ఇప్పుడు.. కొన్ని గంటలక్రితమే యూట్యూబ్‌లోకి అప్‌లోడ్‌ చేశాడు.
  


 ‘హార్ట్‌ఎటాక్’,‘గరం’,‘క్షణం’ తదితర చిత్రాల ద్వారా పేరు తెచ్చుకున్న నటి అదాశర్మ ఆనందానికి ఇప్పుడు అవధులు లేవు. అందుకు కారణం ఉంది. హీరో శింబు నటిస్తున్న తమిళ రొమాంటిక్ కామెడీ ‘ఇదు నమ్మ ఆళు’ చిత్రంలో ఆమె ఒక ప్రత్యేక గీతంలో నటిస్తున్నారు. ఇటీవలే ఆ షూటింగ్‌లో పాల్గొన్న అదా శర్మ, శింబును ప్రశంసల్లో ముంచెత్తేస్తున్నారు. ‘‘శింబు ప్రతిభావంతుడైన డ్యాన్సర్. అతనితో డ్యాన్స్ చేయడం భలేగా ఉంటుంది. అతను అలా సెట్స్‌లోకి వస్తాడు. స్టెప్ ఏమిటని చూస్తాడు. అంతే! చటుక్కున డ్యాన్స్ మొదలుపెట్టేస్తాడు. కేవలం నిమిషాల్లో స్టెప్పులు నేర్చేసుకుంటాడు.
 అంత మంచి డ్యాన్సర్‌తో పనిచేస్తుండే సరికి నేను కూడా చాలా ఉత్సాహంగా, కష్టపడి డ్యాన్స్ చేశా’’ అని అదాశర్మ చెప్పుకొచ్చారు. సినిమాలో హీరో పరిచయగీతంగా వచ్చే ‘మామన్ వెయిటింగ్...’ అనే పాట ఇది. ‘‘డ్యాన్స్ నాకున్న ప్రధాన బలం. కానీ, ఇప్పటిదాకా నా ప్రతిభ చూపే అవకాశం రాలేదు. అందుకే, ఈ సినిమాలో ప్రత్యేక గీతమనగానే ఒప్పుకున్నా’’ అని ఈ భామ అన్నారు. అదా ఇప్పటికే రెండు హిందీ సినిమాలకూ, ఒక తమిళ-తెలుగు ప్రాజెక్ట్‌కూ సైన్ చేశారు. ఈ ఏప్రిల్ నుంచి ఆ హిందీసినిమాల్లో ఒకదాని షూటింగ్ మొదలవుతుందట!


 ‘‘మదన్ ఈ చిత్రాన్ని బాగా డెరైక్ట్ చేశాడు. సినిమా బాగా వచ్చింది. ఫీల్‌గుడ్ ఫ్యామిలీ ఎంటర్ టైనర్ ఇది. ఇందులో మంచి సోల్ ఉంటుంది. ఆది డ్యాన్స్, ఫైట్స్, అదా శర్మ నటన హైలైట్ ’’ అని సాయికుమార్ తెలిపారు. ఆది, అదాశర్మ జంటగా వసంత శ్రీనివాస్ సమర్పణలో శ్రీనివాస సాయి స్క్రీన్స్ పతాకంపై మదన్ దర్శకత్వంలో పి.సురేఖ నిర్మించిన ‘గరం’ ఈ శుక్రవారం విడుదల అవుతోంది. ఈ సందర్భంగా చిత్రబృందం  హైదరాబాద్‌లో విలేకరులతో మాట్లాడింది.
  
   ‘‘ఈ చిత్రానికి మంచి టెక్నీషియన్స్, నటులు పనిచేశారు. ‘గరం’ చిత్రం అమెరికాలో కూడా పెద్ద రేంజ్‌లో విడుదలవుతోంది. ఓ మంచి సినిమాను అందరూ ఆదరించాలి’’ అని సాయికుమార్ పేర్కొన్నారు. దర్శకుడు మదన్ మాట్లాడుతూ- ‘‘నా దృష్టిలో ఈ సినిమా ఇప్పటికే హిట్. తనికెళ్ల, పోసాని వంటి నట-రచయితలతో పనిచేసే అవకాశం ఈ చిత్రంతో వచ్చింది. సాయికుమార్ గారు నాకు స్వేచ్ఛనిచ్చి, మంచి పని రాబట్టుకున్నారు’’ అని చెప్పారు.
  
   ‘‘సీనియర్లతో కలిసి పనిచేయడం ఆనందంగా ఉంది. సినిమాపై మంచి అంచనాలున్నాయి. యూత్, ఫ్యామిలీ ప్రేక్షకులందరికీ నచ్చే సినిమా ఇది. ‘గరం’ చూసినవారెవరూ డిజప్పాయింట్ అవరు’’ అని ఆది తెలిపారు. అదాశర్మ, తనికెళ్ల, పోసాని, పృథ్వి, నాజర్, చైతన్య కృష్ణ, కథారచయిత శ్రీనివాస్ గవిరెడ్డి పాల్గొన్నారు.