విశాల్ కథానాయకుడిగా అధిక్ రవిచంద్రన్ దర్శకత్వంలో తెరకెక్కిన మార్క్ ఆంటోని చిత్రం గత అక్టోబర్‌లో విడుదలై అభిమానుల నుంచి విశేష స్పందనను అందుకుంది. ఈ నేపథ్యంలో మార్క్ ఆంటోని సినిమాను హిందీలో కూడా విడుదల చేయాలని చిత్ర బృందం ముంబైలోని సెన్సార్ బోర్డు అధికారులను సంప్రదించింది.కానీ మార్క్ ఆంటోని సినిమాను హిందీలో విడుదల చేసేందుకు సెన్సార్ సర్టిఫికెట్ రావడం అంత ఈజీ కాదని హీరో విశాల్‌ అన్నారు. ఇక సెన్సార్ సర్టిఫికేట్ పొందేందుకు లంచం అడిగేలా ముంబై సెన్సార్ బోర్డ్ అధికారులు మెర్లిన్ మేనకా అనే బ్రోకర్ ద్వారా మార్క్‌ ఆంటోని చిత్ర బృందాన్ని సంప్రదించారు. దీన్ని అస్సలు ఊహించని చిత్ర నిర్మాతలు.. తదనంతరం, విశాల్ మేనేజర్ హరికృష్ణన్ బ్రోకర్ మెర్లిన్ మేనకాతో మాట్లాడి లంచం ఇచ్చాడు. ఆపై సెంట్రల్‌ బోర్డు ఆఫ్‌ ఫిల్మ్‌ సర్టిఫికేషన్‌పై విశాల్ చేసిన ఆరోపణలతో  సీబీఎఫ్‌సీ ముంబయి శాఖ అధికారులపై సీబీఐ కేసు నమోదు చేసింది. ఆ కేసు విచారణలో భాగంగా తాజాగా విశాల్‌ సీబీఐ ఎదుట హాజరయ్యాడు. ఇదే విషయాన్ని సోషల్‌ మీడియా ద్వారా ఆయన ఇలా తెలిపాడు. 'మార్క్‌ ఆంటోని సినిమాకు సంబంధించిన ఈ కేసు పూర్తిగా కొత్త అనుభవాన్ని ఇచ్చింది. విచారణలో భాగంగా అక్కడి అధికారులు  వ్యవహరించిన తీరుపై నేను సంతృప్తిగా ఉన్నాను. నేను జీవితంలో సీబీఐ ఆఫీసుకు విచారణ కోసం వెళ్తానని అసలు అనుకోలేదు. రీల్‌ లైఫ్‌లోనే కాదు.. రియల్‌ లైఫ్‌లోనూ అవినీతిపై పోరాడాల్సిన అవసరం ఉంది.' అని విశాల్ పేపర్కొన్నాడు. నటుడు విశాల్‌, అతని మేనేజర్ హరికృష్ణలను ముంబైలోని సీబీఐ కార్యాలయానికి రెండోసారి పిలిపించిన అధికారులు వారికి ఎంత మొత్తంలో లంచంగా చెల్లించారనే దానిపై విచారణ చేపట్టారు. గత సారి సీబీఐ అధికారులు విశాల్ మేనేజర్ హరికృష్ణను 9 గంటల పాటు విచారించిన విషయం తెలిసిందే. Just finished my visit to CBI office in Mumbai for an enquiry regarding the CBFC case. Was a complete new experience and am glad the way the enquiry is being conducted. Took some inputs too about how a CBI office would look like. Lol. Never ever thought in my life I will be going… — Vishal (@VishalKOfficial) November 28, 2023


 ఆ కుర్రాడికి త్రిష, నయనతార అంటే ఇష్టం. అంత అందమైన అమ్మాయిలను మాత్రమే ప్రేమించాలని ఫిక్స్ అవుతాడు. అనుకోకుండా ఇద్దర మ్మాయిలను ఒకేసారి ప్రేమిస్తాడు. చివరికి ఇతని పరిస్థితి ఏమైందనే కథాంశంతో ఆదిక్ రవిచంద్రన్ దర్శకత్వంలో తమిళంలో తెరకెక్కిన చిత్రం ‘త్రిష ఇల్లన్న నయనతార ’. ప్రముఖ సంగీత దర్శకుడు ఏ.ఆర్. రెహమాన్‌కు మేనల్లుడూ, స్వయంగా మ్యూజిక్ డెరైక్టరైన జీవీ ప్రకాశ్‌కుమార్ ఈ సినిమాలో కథానాయక పాత్రధారి. ఆనందిని, మనీషా యాదవ్ నాయికలుగా నటించిన ఈ చిత్రాన్ని ‘త్రిష లేదా నయనతార’ పేరుతో రుషి మీడియా పతాకంపై కృష్ణ, రమేశ్ తెలుగులో విడుదల చేయనున్నారు.
 
 హైదరా బాద్‌లో జరిగిన పాటల వేడుకలో జీవీ ప్రకాశ్‌కుమార్ మాట్లాడుతూ- ‘‘యూత్ ఆలోచనలకు అద్దం పట్టేలా ఈ చిత్రాన్ని దర్శకుడు తెరకెక్కించారు. ఈ చిత్రానికి సంగీతం సమకూర్చడంతో పాటు తెలుగులో నేనే డబ్బింగ్ చెప్పాను’’ అన్నారు. ‘‘ఇదొక బోల్డ్ మూవీ. యూత్‌కు కనెక్ట్ అవుతుంది. తమిళంలో లాగే తెలుగులో కూడా సక్సెస్ అవుతుందన్న నమ్మకం ఉంది’’ అని ఆనందిని అన్నారు. నిర్మాత బెక్కెం వేణుగోపాల్, సంగీత దర్శకుడు సాయి కార్తీక్ తదితరులు పాల్గొన్నారు.