భూమి ఫడ్నేకర్‌, షెహనాజ్‌ గిల్‌, కుషా కపిలా ప్రధాన పాత్రల్లో తెరకెక్కించిన చిత్రం 'థ్యాంక్యూ ఫర్ కమింగ్'.  కరణ్‌ బూలానీ దర్శకత్వంలో ఏక్తాకపూర్‌, రియా కపూర్‌, అనిల్‌ కపూర్‌ సంయుక్తంగా ఈ చిత్రాన్ని నిర్మించారు.  ఇటీవలే రిలీజైన ఈ అడల్ట్ మూవీకి మిశ్రమ స్పందన వచ్చింది. సెన్సార్‌ బోర్డ్‌ ఏ సర్టిఫికేట్‌ ఇచ్చిన ఈ చిత్రంపై నెటిజన్స్ విమర్శలు చేస్తున్నారు. తాజాగా మూవీ ప్రమోషన్లలో నిర్మాత ఏక్తా కపూర్ ట్విటర్‌ వేదికగా 'ఆస్క్‌ మీ ఎనిథింగ్' సెక్షన్ నిర్వహించారు. అయితే ఇందులో పాల్గొన్న నెటిజన్స్ నిర్మాతపై విమర్శలు చేశారు.  (ఇది చదవండి: నిజం కాబోతున్న సినిమా కథ.. ప్రాణాలకు ముప్పు తప్పదా?) ఓ నెటిజన్ రాస్తూ..'నీ వల్ల ఎంతోమంది యువత చెడిపోతున్నారు. మంచి సినిమాలు చేయడం తెలుసుకో' అంటూ కామెంట్ చేశాడు. కొందరైతే ఏకంగా.. నువ్వు, కరణ్ జోహార్ కలిసి చాలామంది చెడగొడుతున్నారు.. ఎంతోమంది విడాకులకు మీ ఇద్దరే కారణమని పోస్ట్ చేశాడు. దీనికి ఏక్తా కపూర్ స్పందిస్తూ అవునా అని రిప్లై ఇచ్చింది. మరో నెటిజన్‌ రాస్తూ..దయచేసి మీరు అడల్ట్‌ సినిమాలు చేయడం మానండి అని విజ్ఞప్తి చేశాడు. దీనిపై స్పందిస్తూ.. 'ఆ ఛాన్సే లేదు.. నేనొక అడల్ట్‌ కాబట్టి అలాంటి సినిమాలే చేస్తా’ అని కౌంటరిచ్చింది. నెటిజన్ల విమర్శలను ఏమాత్రం లెక్క చేయకుండా తనదైన శైలిలో ఇచ్చిపడేసింది.  (ఇది చదవండి: హీరో రవితేజపై విరుచుకుపడ్డ 'కేజీఎఫ్' యష్ ఫ్యాన్స్!) కాగా.. జితేంద్ర, శోభా కపూర్‌ కుమార్తెగా ఇండస్ట్రీలోకి అడుగుపెట్టిన ఏక్తా కపూర్  సినిమాలు, సీరియల్స్‌ను కూడా నిర్మించారు. రాగిణి ఎంఎంఎస్‌, ది డర్టీ పిక్చర్‌, షాదీ కే సైడ్‌ ఎఫెక్ట్స్‌, ఏక్‌ విలన్‌, ఉడ్తా పంజాబ్‌, సూపర్‌ సింగ్‌, హాఫ్‌ గర్ల్‌ఫ్రెండ్‌, డ్రీమ్‌గర్ల్‌ వంటి చిత్రాలకు ఆమె నిర్మాతగా వ్యవహరించారు.

‘ఆర్‌ఎక్స్‌ 100’ సినిమా తర్వాత పలువురు దర్శకనిర్మాతలు తమ పంథా మార్చుకుంటున్నారు. ముఖ్యంగా కొందరు యువ దర్శకులు బోల్డ్‌ కంటెంట్‌ సినిమాలకు అధిక ప్రాధ్యనతనిస్తూ సినిమాలను తెరకెక్కిస్తున్నారు. ఈ జాబితాలో సీనియర్‌ దర్శక నిర్మాత ఎంఎస్‌ రాజు కూడా చేరిపోయినట్లుగా తెలుస్తోంది. ఎన్నో ఫీల్‌ గుడ్‌ సినిమాలను టాలీవుడ్‌కు అందించిన ఎంఎస్‌ రాజు తన రూట్‌ మార్చుకున్నాడు. శ్రవణ్‌ రెడ్టి టైటిల్‌ రోల్‌లో ఎంఎస్‌ రాజు దర్శకత్వంలో రొమాంటిక్‌ ఎంటర్‌టైనర్‌గా తెరకెక్కుతున్న చిత్రం ‘డర్టీ హరి’. తాజాగా ఈ సినిమాకు సంబంధించిన ఫస్ట్‌ లుక్‌ పోస్టర్‌ను చిత్ర బృందం విడుదల చేసింది.  బాత్‌ టబ్‌లో షర్ట్ లేకుండా ఉన్న హీరోకు ఓ అమ్మాయి తన కాళ్లతో సిగరెట్ అందిస్తున్నట్టుగా ఉన్న స్టిల్‌తో ఫస్ట్‌ లుక్‌ పోస్టర్‌ను రిలీజ్‌ చేశారు. ప్రస్తుతం ఈ ఫోటో నెటింట్లో తెగ వైరల్‌ అవుతోంది. దీనిపై నెటిజన్లు మిశ్రమంగా స్పందిస్తున్నారు. ఈ పోస్టర్‌తోనే సినిమా ఎలా ఉండబోతుందో తెలిసిపోతుందని కొందరు కామెంట్‌ చేస్తుండగా.. ‘ఎంఎస్‌ రాజును కూడా మార్చేశారు కదా’అంటూ మరికొంత మంది సరదాగా పేర్కొంటున్నారు. .  మనసంతా నువ్వే, ఒక్కడు, వర్షం, నువ్వొస్తానంటే నేనొద్దంటానా వంటి అద్భుత ప్రేమకథలను నిర్మించిన ఎంఎస్‌ రాజు.. వాన, తూనీగ తూనీగ వంటి లవ్‌ క్లాసికల్‌ చిత్రాలకు దర్శకత్వం వహించారు. అయితే నిర్మాతగా సక్సెస్‌ సాధించినా.. కమర్షియల్‌ డైరెక్టర్‌గా రాణించలేకపోయాడు. ఈయన డైరెక్షన్‌లో వచ్చిన రెండు చిత్రాలకు మంచి పేరొచ్చినా.. కమర్షియల్‌గా హిట్‌ సాధించలేకపోయాయి.  దీంతో సినిమాలకు చిన్న విరామం తర్వాత ‘డర్టీ హరి’ తో మరోసారి దర్శకుడిగా తన అదృష్టాన్ని పరీక్షించుకుంటున్నాడు. ఎలాగైనా డైరెక్టర్‌గా విజయం సాధించాలనే ఉద్దేశంతో బోల్డ్‌ అండ్‌ అడల్ట్‌ కామెడీని డైరెక్టర్‌ ఎంచుకున్నాడని సినీ వర్గాలు పేర్కొంటున్నాయి. ఇక ఈ సినిమాకు సంబంధించి హీరోయిన్‌ వివరాలతో పాటు నటీనటులు, సాంకేతిక నిపుణుల గురించి త్వరలో వెల్లడిస్తామని చిత్ర బృందం ప్రకటించింది.  

తమిళసినిమా: ఆ చిత్రంలో నటించడం అవసరమా అని స్నేహితులు, సన్నిహితులు అన్నారని నటి రియామిక పేర్కొంది. సమీపకాలంలో తెరపైకి వచ్చిన ఎక్స్‌ వీడియోస్‌ చిత్రంలో కథానాయకిగా నటించిన నటి రియామిక. చెన్నైలో ఉన్నత విద్యను పూర్తి చేసిన బెంగళూర్‌ బ్యూటీ ఈమె. అమ్మ ఆశను పూర్తి చేసిన కూతురుల పట్టికలో రియామిక ఒకరు. కళాశాలలో చదువుతుండగానే కొన్ని వాణిజ్య చిత్రాల్లో నటించిన రియామికకు ప్రముఖ ఛాయాగ్రాహకుడు బాలసుబ్రమణియన్‌ కుటుంబ స్నేహితుడన్నది గమనార్హం. రియామికకు తొలి చిత్రం కుండ్రత్తిలే కుమరనుక్కు కొండాట్టం అయినా పేరు తెచ్చి పెట్టింది మాత్రం ఎక్స్‌ వీడియోస్‌నేనట. ఈ చిత్రంలో నటించడం కూడా అనూహ్యంగా జరిగిందని రియామిక చెప్పింది. మొదట దర్శకుడు కథ చెప్పకుండా తన పాత్రకు సంబంధించిన సన్నివేశాలనే తెలిపారని అంది. అంతే కాకుండా చిత్రంలో నటించడం మొదలెట్టిన తరువాతే టైటిల్‌ చెప్పారని పేర్కొంది. అయితే ఎక్స్‌ వీడియోస్‌ చిత్రంలో తన నటనను పలువురు ప్రశంసించినా, సన్నిహితులు, స్నేహితులు కొందరు ఇలాంటి చిత్రంలో నటించడం అవసరమా అని ప్రశ్నించారని చెప్పింది. అయినా ఒక మంచి అవగాహనాత్మక చిత్రంలో నటించానని సంతృప్తి చెందినట్లు అంది. ఈ చిత్రం తరువాత అఘోరి చిత్రంలో నటించానని, హర్రర్‌ థ్రిల్లర్‌ ఇతివృత్తంతో కూడిన ఇందులో ఐదే పాత్రలు ఉంటాయని, అందులో తనదే మహిళ పాత్ర అని చెప్పింది. ఈ చిత్ర షూటింగ్‌ కేరళలో నెల రోజుల పాటు జరిగిందని తెలిపింది. అక్కడ షూటింగ్‌ గ్యాప్‌లో పిల్లలకు క్లాసిక్‌ డాన్స్‌ నేర్పించడంతో పాటు చిత్ర యూనిట్‌కు సాంకేతిక కళాకారిణిగానూ పనిచేసినట్లు చెప్పింది. ప్రస్తుతం మాయవన్‌ చిత్రం ఫేమ్‌ దర్శక నిర్మాత సీవీ.కుమార్‌ దర్శకత్వం వహిస్తున్న చిత్రంలో ముఖ్య పాత్రను పోషిస్తున్నట్లు తెలిపింది. మొదట ఆయన నిర్మించే చిత్రంలో నటించే అవకాశం వచ్చిందని, తరువాత ఒన్‌ ప్లస్‌ ఒన్‌లా ఆయన దర్శకత్వం వహిస్తున్న చిత్రంలోనూ నటించే అవకాశాన్ని కల్పించారని చెప్పింది. తన నటన చూసి అందరూ చాలా బాగా నటిస్తున్నావు.కూత్తుపట్టరై (ఫిల్మ్‌ ఇన్‌స్టిట్యూట్‌)లో శిక్షణ పొందావా అని అడుగుతుండడంతో, ఆ కూత్తుపట్టరైలో శిక్షణ ఎలా ఉంటుందో చూద్దామని, ప్రస్తుతం అక్కడ చేరినట్లు రియామిక తెలిపింది. మంచి ఛాలెంజింగ్‌లో కూడిన కథా పాత్రల్లో నటించాలని ఆశపడుతున్నట్లు చెబుతున్న ఈ బ్యూటీకి బాలీవుడ్‌ నటి కంగనా రావత్, కోలీవుడ్‌లో నయనతార నచ్చిన నటీమణులని తెలిపింది.


 చెన్నై: ఇప్పటివరకు సాఫ్ట్ రోల్స్ చేస్తూ వచ్చిన నటుడు అవసరాల శ్రీనివాస్ బోల్డ్ రోల్‌ చేయడానికి సిద్ధమయ్యాడు. బాలీవుడ్ అడల్డ్ కామెడీ 'హంటర్రర్' తెలుగు రీమేక్ లో లీడ్ రోల్ చేయనున్నాడు. ఈ సినిమాలో 'సెక్స్ అడిక్ట్'గా అతడు నటించనున్నాడు. బోల్డ్ సీన్లతో పాటు ఎమోషనల్ సన్నివేశాలు కూడా ఎక్కువగా ఉన్నాయని శ్రీనివాస్ చెప్పాడు.
 
 'సెకాండాఫ్ చాలా ఎమోషనల్ గా ఉంటుంది. అందుకే ఈ సినిమా చేస్తున్నా. ఈ చిత్రాన్ని అందరూ అడల్ట్ కామెడీ అంటున్నారు. కానీ స్టోరీ, నా కేరెక్టర్ కు లోతైన అర్థం ఉంద'ని శ్రీనివాస్ పేర్కొన్నాడు. ఈ ప్రాజెక్టుపై అఫీషియల్ గా సంతకం చేయలేదని, కొద్ది రోజుల్లో ఫైనల్ అవుతుందని వెల్లడించాడు. ఇప్పటికే సినిమా షూటింగ్ ప్రారంభమైందని, ఆగస్టు నుంచి తాను చిత్రీకరణలో పాల్గొంటానని చెప్పాడు. హీరోయిన్ ను ఇంకా ఎంపిక చేయలేదన్నాడు. రెజినా, రాశిఖన్నా పేర్లు విన్పిస్తున్నాయి. ఈ సినిమాకు నవీన్ మేడారం దర్శకత్వం వహిస్తున్నాడు.


 ‘గుంటూరు టాకీస్’ వంటి ఎడల్ట్ కామెడీతో ఓ హిట్‌ను తన ఖాతాలో వేసుకున్న రష్మి ఓ హారర్ చిత్రంలో కనిపించడానికి సిద్ధమవుతున్నారు. బాలాజీ నాగలింగం సమర్పణలో ఆనంద్ నందా, రష్మీ గౌతమ్ జంటగా డి.దివాకర్ దర్శకత్వంలో తెరకెక్కిన చిత్రం ‘రాజుగారి బంగ్లా’. ఈ చిత్రం పాటలను దర్శకుడు ఎస్.వి. కృష్ణారెడ్డి హైదరాబాద్‌లో విడుదల చేశారు. ఈ సందర్భంగా ఎస్.వి. కృష్ణారెడ్డి మాట్లాడుతూ- ‘‘మంచి హారర్ సబ్జెక్ట్‌తో తెరకెక్కిన ఈ చిత్రం అందరికీ మంచి పేరు తీసుకురావాలి’’ అని ఆకాంక్షించారు.
 
 దర్శకుడు దివాకర్ మాట్లాడుతూ- ‘‘సింగిల్ షెడ్యూల్‌లో ఈ చిత్రం పూర్తిచేశాం. ఈశ్వర్ అందించిన బాణీలు ఈ చిత్రానికి హైలైట్’’ అని చెప్పారు. ఈ పాటల విడుదల వేడుకలో నిర్మాతలు తుమ్మలపల్లి రామసత్యనారాయణ, సి.కల్యాణ్, సంగీత దర్శకుడు ఆర్.పి. పట్నాయక్ తదితరులు పాల్గొన్నారు.


 ‘‘తెలుగు, తమిళ భాషల్లో ఏకకాలంలో ‘బేబీ డాల్’ చిత్రం షూటింగ్ చేస్తున్నాం. ప్రేయసి ఎలా ఉండాలనేదానిపై ప్రతి అబ్బాయికీ కొన్ని ఆలోచనలుంటాయి. యువతకు నచ్చేలా అడల్ట్ కామెడీగా దీన్ని రూపొందిస్తున్నాం’’ అని దర్శకురాలు హాసికా దత్ అన్నారు. మానస్ హీరోగా రైజింగ్‌సన్ ఫిలిమ్స్ పతాకంపై హాసికా దత్ హీరోయిన్‌గా నటిస్తూ, దర్శకత్వం వహిస్తున్న ‘బేబీ డాల్’ చిత్రాన్ని రాజు నిర్మిస్తున్నారు. ఈ చిత్రం పాటల రికార్డింగ్ హైదరాబాద్‌లో సోమవారం ప్రారంభమైంది. ఆమె మాట్లాడుతూ, ‘‘నెల్లూరు, హైదరాబాద్‌లలో షూటింగ్ చేస్తున్నాం. ఫుల్ లెంగ్త్ ఎంటర్‌టైనర్‌గా రూపొందిస్తున్నాం’’ అని తెలిపారు. ఈ చిత్రానికి కెమెరా: రాఘవ నూలేటి, సంగీతం: మున్నా కాశీ.