వేములపల్లి: నల్లగొండ జిల్లా వేములపల్లి మండలం శెట్టిపాలెం గ్రామానికి చెందిన అన్నమణి, మిర్యాలగూడకు చెందిన శ్రీదేవి ఐదేళ్లుగా సహజీవనం సాగిస్తున్నారు. శ్రీదేవికి మిర్యాల గూడకు చెందిన ఓ వ్యక్తితో వివాహం జరగగా, మూడేళ్ల క్రితం విడిపోయారు. శ్రీదేవి, అన్నమణిలు ఇప్పటికీ మూడుసార్లు వివాహం చేసుకున్నారు.  శ్రీదేవి శుక్రవారం అన్నమణిని తీసుకెళ్లేందుకు శెట్టిపాలెం రాగా గ్రామస్తులు, అన్నమణి తల్లిదండ్రులు వారించారు. అయినా వినకపోవడంతో స్థానికులు  వేములపల్లి పోలీసులకు సమాచారం అందించారు. పోలీసులు వారికి కౌన్సెలింగ్ నిర్వహించగా తామిద్దరం కలిసే జీవిస్తామని స్పష్టం చేశారు.


 *వైద్యులతో ఎమ్మెల్యే కోన రఘుపతి
 
  బాపట్ల: ‘సార్.. నాకు ఆపరేషన్ చేయరంట.. నన్ను గుంటూరు వెళ్లమంటున్నారు’ అంటూ ఓ గర్భిణి  బాపట్ల వైఎస్సార్‌సీపీ ఎమ్మెల్యే కోన రఘుపతి ఎదుట బోరుమంది. గణపవరానికి చెందిన గర్భిణి అన్నామణి మంగళవారం బాపట్ల ఆస్పత్రికి చేరుకుని ఆపరేషన్ చేసి తనను, బిడ్డను కాపాడాలని కోరింది.
  
  బీ పాజిటివ్ బ్లడ్ లేకపోవటంతో గుంటూరు వెళ్లాలని వైద్యులు సూచించారు. ఆ సమయంలో ఆస్పత్రిలో అభివృద్ధి పనులు పరిశీలనకు వచ్చిన ఎమ్మెల్యే దృష్టికి అన్నామణి తన బాధను తీసుకెళ్లగా.. స్పందించిన ఆయన ‘నాది బీ పాజిటివ్ బ్లడ్.. నా బ్లడ్ తీసుకుని ఆపరేషన్ ప్రారంభించండి’ అని ముందుకొచ్చారు. చివరకు ఎమ్మెల్యే చొరవతో గుంటూరులోని బ్లడ్‌బ్యాంకు నుంచి  అదే గ్రూపు రక్తం తెప్పించి వైద్యులు ఆమెకు ఆపరేషన్ చేశారు.