‘‘దేవకి నందన వాసుదేవ’ సినిమా మంచి భావోద్వేగాలతో కూడిన యాక్షన్‌ ఎంటర్‌టైనర్‌. ధర్మం అంటే దేవుడు అనే మాట కూడా ఈ మూవీలో చాలా కీలకం. అలాగే పూర్తి వాణిజ్య అంశాలు ఉంటాయి. మా చిత్రం కుటుంబ ప్రేక్షకులకు అద్భుతంగా నచ్చుతుంది. అలాగే అన్ని వర్గాల ప్రేక్షకులు ఎంజాయ్‌ చేసేలా ఉంటుంది’’ అని డైరెక్టర్‌ అర్జున్‌ జంధ్యాల తెలిపారు. అశోక్‌ గల్లా, వారణాసి మానస జంటగా నటించిన చిత్రం ‘దేవకి నందన వాసుదేవ’. నల్లపనేని యామిని సమర్పణలో సోమినేని బాలకృష్ణ నిర్మించిన ఈ సినిమా ఈ నెల 22న విడుదల కానుంది.ఈ సందర్భంగా అర్జున్‌ జంధ్యాల విలేకరులతో మాట్లాడుతూ– ‘‘గుణ 369’ డైరక్టర్‌ ప్రశాంత్‌ వర్మగారికి నచ్చింది. ఆయన రాసిన ‘దేవకి నందన వాసుదేవ’ కథకు నేనైతే న్యాయం చేయగలనని భావించి, దర్శకత్వ బాధ్యతలను నాకు అప్పగించారు. ఫైనల్‌ సినిమా చూసి సర్‌ప్రైజ్‌ అయ్యారాయన. అశోక్‌ గల్లాగారు తన పాత్ర కోసం చాలా కష్టపడ్డారు. మానసది బలమైన పాత్ర. దేవ్‌ దత్తాగారు కంసరాజ్‌ పాత్రని అద్భుతంగా చేశారు.సాయి మాధవ్‌ బుర్రాగారు సినిమాలోని భావోద్వేగాలు, కథకి తగ్గట్టుగా మాటలందించారు. నేపథ్య సంగీతం, మ్యూజిక్‌తో ఈ సినిమాకిప్రాణం పోశారు భీమ్స్‌. బాలకృష్ణగారు ఈ కథకి కావల్సినవన్నీ సమకూర్చి గ్రాండ్‌గా నిర్మించారు. హీరో మహేశ్‌బాబుగారికి మా సినిమా ట్రైలర్‌ బాగా నచ్చింది. ఆయన మా టీమ్‌ని అభినందిస్తూ సోషల్‌ మీడియాలో పోస్ట్‌ చేశారు’’ అని తెలిపారు.

సూపర్ స్టార్ కృష్ణ మనవడు, సూపర్ స్టార్ మహేష్ బాబు మేనల్లుడు అశోక్ గల్లా హీరోగా నటించిన తాజా చిత్రం ‘దేవకి నందన వాసుదేవ’. ఈ చిత్రానికి ‘హను-మాన్‌’ఫేం ప్రశాంత్‌ వర్మ కథ అదించగా, ‘గుణ 369’ఫేం అర్జున్‌ జంధ్యాల దర్వకత్వం వహించారు. నల్లపనేని యామిని సమర్పణలో లలితాంబిక ప్రొడక్షన్స్ బ్యానర్‌పై సోమినేని బాలకృష్ణ నిర్మించారు. ఇప్పటికే టీజర్, ట్రైలర్, సాంగ్స్ సినిమాపై మంచి బజ్ క్రియేట్ చేశాయి. నవంబర్ 22 ఈ సినిమా థియేటర్లలోకి రానుంది. ఈ సందర్భంగా దర్శకుడు అర్జున్‌ మీడియాతో ముచ్చటించారు. ఆ విశేషాలు..→ ‘దేవకి నందన వాసుదేవ’ సినిమాలో కృష్ణుడు, కంసుడు రిఫరెన్స్ ఇందులో ఉంటుంది. మూడో సంతానం వలన మరణం అని ట్రైలర్ లోనే చాలా క్లియర్ గా చెప్పాము. అయితే చెప్పని విశేషాలు చాలా ఉన్నాయి. ట్రైలర్లో కంటే చాలా ఎక్కువ కథ సినిమాలో ఉంది.→ ప్రశాంత్ వ‍ర్మ చెప్పిన కథను నేను ఓన్‌ చేసుకున్నాను. అలా కథను ఓన్‌ చేసుకున్నప్పడే కొత్త ఐడియాస్‌ వస్తాయి. నేను చెప్పిన కొన్ని ఆలోచనలకి ప్రశాంత్ గారు హ్యాపీగా ఫీలయ్యారు. ఆయన సినిమా చూసి చాలా సర్ ప్రైజ్ ఫీల్ అయ్యారు.→ ఈ కథకు హీరోగా అశోక్‌ అయితేనే బాగుటుందనిపించింది. ఆయన క్యారెక్టర్ కి ఎలాంటి లుక్ అయితే బాగుంటుందని దానిపై చాలా వర్క్ చేసాం. ప్రతిదీ ఆ క్యారెక్టర్ నుంచి డిజైన్ చేసుకున్నాం.→ అశోక్ గారు యాక్షన్ ఎమోషన్ లో ఇరగదీస్తారు. ఈ సినిమాని చాలా అద్భుతంగా చేశారు. తన పాత్ర కోసం చాలా హార్డ్ వర్క్ చేశారు.→ ట్రైలర్‌ చూసి అందరూ ఈ సినిమా కథని మురారి సినిమాతో పోల్చుతున్నారు. కానీ ఆ కథకు ఈ సినిమాకు ఎలాంటి సంబంధం లేదు. మురారిలో ఒక డెస్టినీ ఫీల్ ఉంటుంది. ఇందులో అది ఇంకోరకంగా ఉంటుంది. హీరోకి ఒక గండం ఉంది. ఆ గండం నుంచి ఎలా బయటపడతారనేది ఇంట్రెస్టింగ్ గా ఉంటుంది. అందుకే ట్రైలర్ లో కూడా ఎక్కడా లేనివిధంగా భూమిలో సుదర్శన చక్రంతో వాసుదేవుని విగ్రహం అని చెప్పాం. దానికి ఒక కనెక్షన్ ఉంది. అది చూస్తున్నప్పుడు ఆడియన్స్ ఒక సెపరేట్ ట్రాన్స్ లోకి వెళ్ళిపోతారు. అది కచ్చితంగా చెప్పగలను.→ మహేష్ బాబు గారికి ట్రైలర్ చాలా నచ్చింది. ఆయన టీమ్ అందర్నీ అప్రిషియేట్ చేస్తూ సోషల్ మీడియాలో పోస్ట్ చేశారు. అలాగే సినిమాను కూడా చూడబోతున్నారు. ఇప్పటివరకు సినిమా చూసిన వాళ్లంతా కూడా చాలా అద్భుతంగా ఉందని అప్రిషియేట్ చేశారు. → ఈ సినిమా ఫ్యామిలీ ఆడియన్స్ కి అద్భుతంగా నచ్చుతుంది. ఇది మంచి ఎమోషనల్ యాక్షన్ ఎంటర్టైనర్. ధర్మం అంటే దేవుడు అనే మాట కూడా ఇందులో చాలా కీలకం. దాని యొక్క సారాంశం కథలో అండర్లైన్ గా వెళుతుంది. అలాగే అవుట్ అండ్ అవుట్ కమర్షియల్ ఎలిమెంట్స్ వుంటాయి. అందరూ ఎంజాయ్ చేసేలా ఉంటుంది. సినిమాలో విజువల్ ఎఫెక్ట్స్ చాలా నేచురల్ గా ఉంటాయి. చాలా మంచి విజువల్ ఫీలింగ్ ఉంటుంది.→ ఒక సక్సెస్ఫుల్ డైరెక్టర్ ఇచ్చిన కథకి 100% న్యాయం చేయాలి. అలాగే ఖచ్చితంగా ఈ సినిమాని హిట్ చేయాలి. ఈ రెండిటిని దృష్టిలో పెట్టుకొని వర్క్ చేయడం ఛాలెంజింగ్‌గా అనిపించింది.→ సాయి మాధవ్ గారు చాలా అద్భుతమైన డైలాగ్స్ రాశారు. ఎమోషనల్ డెప్త్ పట్టుకుని కథకి తగ్గట్టుగా మాటలందించారు. భీమ్స్ ఈ సినిమాకి తన బ్యాగ్రౌండ్ స్కోర్ తో ప్రాణప్రతిష్ట చేశాడు. మ్యూజికల్ గా సినిమా వండర్ఫుల్ గా ఉంటుంది.

తెలుగు దర్శకుడు అర్జున్‌ జంధ్యాల ఇంట విషాదం చోటు చేసుకుంది. అనారోగ్యంతో బాధపడుతున్న ఆయన తండ్రి డాక్టర్‌ జంధ్యాల చంద్ర భాస్కర శాస్త్రి శనివారం(జూన్‌ 24న) కన్నుమూశారు. ఆయన స్వగ్రామమైన ప్రకాశం జిల్లాలోని నర్సింగోలులో ఆదివారం అంత్యక్రియలు జరగనున్నాయి.  కాగా అర్జున్‌ జంధ్యాల.. కార్తికేయ గుమ్మకొండతో గుణ 369 సినిమా తీశాడు. దీనికంటే ముందు అతడు బోయపాటి శ్రీను దగ్గర అసిస్టెంట్‌గా పని చేసినట్లు తెలుస్తోంది. సరైనోడు, జయ జానకి నాయక వంటి చిత్రాలకు ఆయన అసిస్టెంట్‌ డైరెక్టర్‌గా వ్యవహరించాడు. గుణ 369తో దర్శకుడిగా మారిన అతడు ప్రస్తుతం యంగ్‌ హీరో అశోక్‌ గల్లాతో మరో సినిమా చేస్తున్నాడు. ఈ చిత్రానికి హనుమాన్‌ డైరెక్టర్‌ ప్రశాంత్‌ వర్మ కథ అందించగా భీమ్స్‌ సిసిరోలియో సంగీతం అందిస్తున్నాడు. సాయి మాధవ్‌ బుర్ర సంభాషణలు రాస్తుండగా ఎస్‌. బాలకృష్ణ నిర్మిస్తున్నాడు. చదవండి: కోలీవుడ్‌లో నటి రీఎంట్రీ.. రజనీకాంత్‌ భార్యగా..