బాలీవుడ్‌లో కొత్త ప్రేమకథను షురూ చేశారు రకుల్‌ప్రీత్‌ సింగ్‌. ఈ ప్రేమకథ సుఖాంతం కావడానికి ఎన్నో మలుపులు. ఆ మలుపుల చిక్కుముడులు ఎలా వీడాయి? అనే విషయం ప్రస్తుతానికి సస్పెన్స్‌. అర్జున్‌కపూర్, రకుల్‌ప్రీత్‌సింగ్‌ జంటగా నటిస్తున్న హిందీ చిత్రం  ప్రారంభమైంది. కాష్వీ నాయర్‌ ఈ సినిమాతో దర్శకురాలిగా పరిచయమవుతున్నారు. భూషణ్‌ కుమార్, నిఖిల్‌ అద్వానీ, జాన్‌ అబ్రహాం నిర్మిస్తున్నారు. ‘‘పిక్చర్‌ షురూ (సినిమా మొదలైంది). మిగతా వివరాలను త్వరలో వెల్లడిస్తాం’’ అన్నారు అర్జున్‌ కపూర్‌.

... అంటున్నారు బాలీవుడ్‌ హీరో అర్జున్‌ కపూర్‌. అశుతోష్‌ గోవారీకర్‌ దర్శకత్వంలో ఆయన హీరోగా రూపొందుతున్న పీరియాడికల్‌ చిత్రం ‘పానిపట్‌’. సంజయ్‌ దత్‌ కీలక పాత్ర పోషిస్తున్నారు. కృతీసనన్‌ కథానాయిక. ఈ సినిమా షూటింగ్‌ కోసం ముంబైలోని ఓ ప్రముఖ స్టూడియోలో భారీ సెట్‌ వేశారు టీమ్‌. ఒకవైపు షూటింగ్‌లో పాల్గొంటూ ఈ సినిమా కోసం గుర్రపు స్వారీ కూడా నేర్చుకుంటున్నారు అర్జున్‌. ‘‘గతేడాది డిసెంబర్‌ చాలా సంతోషంగా గడిచింది. ‘పానిపట్‌’ సినిమా షూటింగ్‌లో మళ్లీ పాల్గొంటున్నాను. ఇప్పుడీ సినిమా కోసం గుర్రపుస్వారీని మరింత బాగా నేర్చుకుంటున్నాను’’ అని పేర్కొన్నారు అర్జున్‌ కపూర్‌. ఈ సినిమాను ఈ ఏడాదే విడుదల చేయాలనుకుంటున్నారు. ఇక అర్జున్‌ కపూర్‌ వ్యక్తిగత విషయానికొస్తే.. బాలీవుడ్‌ నటి మలైకా అరోరా ఖాన్‌తో ఆయన ప్రేమలో ఉన్నట్లు వార్తలు వస్తున్నాయి.


 అన్యాయాలను ఎదిరించడం, తన దారికి అడ్డొచ్చిన విలన్లను చితగ్గొట్టడం.. హీరోయిన్‌పై ఈగ వాలకుండా చూసుకోవడం... సినిమాల్లో హీరో ప్రధాన కర్తవ్యం దాదాపు ఇదే. రీల్ మీదే కాదు.. ఒక్కోసారి రియల్‌గా కూడా హీరోలవుతుంటారు కొంతమంది. ఇటీవల బాలీవుడ్ హీరో అర్జున్ కపూర్ అలానే మారారు. ఆయన కనబర్చిన హీరోయిజమ్ శ్రుతీహాసన్ పాలిట వరమైంది. అసలు విషయంలోకి వస్తే.. అర్జున్ కపూర్, సోనాక్షీ సిన్హా జంటగా ‘ఒక్కడు’ హిందీ రీమేక్ ‘తేవర్’ రూపొందుతోంది. ఈ చిత్రంలోని ఒక ప్రత్యేక పాటను శ్రుతీహాసన్ పాడారు.
  
 అది మాత్రమే కాదు.. ఈ పాటకు అర్జున్ కపూర్‌తో కలిసి కాలు కదిపారామె. ఈ పాటకు సంబంధించిన ఓ సన్నివేశంలో గుర్రాలు కూడా ఉన్నాయి. ఆ సన్నివేశం చిత్రీకరణకు సంబంధించిన విరామంలో శ్రుతీహాసన్ రిలాక్స్ అవుతున్నారు. కళ్లు మూసుకుని హాయిగా రిలాక్స్ అవుతున్న శ్రుతి తనకు జరగబోతున్న ప్రమాదాన్ని పసిగట్టలేకపోయారట. ఓ గుర్రం ముందుకు ఉరుక్కుంటూ వచ్చి, శ్రుతిని కాలితో తన్నబోవడం అర్జున్ కపూర్ దృష్టిలో పడిందట.
  
 ఆ గుర్రం కాలు సరిగ్గా శ్రుతి పొట్టవైపు ఉందట. అర్జున్ సకాలంలో శ్రుతిని అక్కణ్ణుంచి పక్కకు లాగడంతో పెద్ద ప్రమాదం తప్పింది. ఊహించని ఈ పరిణామానికి శ్రుతీహాసన్ కంగారు పడినా, ప్రమాదం తప్పినందుకు హాయిగా ఊపిరి పీల్చుకున్నారు. అయితే, కాపాడినందుకు తనతో పార్టీకి రమ్మని శ్రుతిని ఆహ్వానించారట అర్జున్. వరుణ్ ధావన్ హీరోగా రూపొందుతున్న ‘బద్లాపూర్’ చిత్రం షూటింగ్ ముగియడంతో ఆ చిత్రబృందం ‘ర్యాప్ అప్ పార్టీ’ ఏర్పాటు చేశారట. ఆ పార్టీకి ఆహ్వానం అందుకున్న అర్జున్‌కపూర్ తనతో పాటు శ్రుతిని కూడా తీసుకెళ్లారని బాలీవుడ్ టాక్.


 సినిమాకు ఇంత పారితోషికం అని కాకుండా కొంతమంది స్టార్ హీరోలు లాభాల్లో వాటానో, ఓ ఏరియా ఇవ్వమనో అడుగుతుంటారు. ఇప్పటివరకూ ఏ కథానాయిక కూడా ఈ స్థాయిలో డిమాండ్ చేసిన దాఖలాలు లేవు. ఆ ఘనతను దీపికా పదుకొనె దక్కించుకోబోతున్నారని సమాచారం. గత ఏడాది దీపికా పదుకొనె నటించిన చిత్రాలన్నీ భారీ విజయం  సాధించడంతో అమాంతం పారితోషికం పెంచేశారు. అయితే, ఓ ఇంగ్లిష్ సినిమాకి మాత్రం లాభాల్లో వాటా అడుగుతున్నారట దీపికా. ఆ చిత్రం పేరు ‘ఫైండింగ్ ఫానీ ఫెర్నాండెజ్’. 
  
 దీపికా నటిస్తున్న తొలి ఇండియన్ ఇంగ్లిష్ సినిమా. ఈ చిత్రాన్ని దినేష్ విజన్‌తో కలిసి నటుడు సైఫ్ అలీఖాన్ రూపొందిస్తున్నారు. ‘ఇషక్‌జాదే’ ఫేం అర్జున్‌కపూర్, నసీరుద్దీన్ షా, పంకజ్‌కపూర్, డింపుల్ కపాడియా, దీపికా పదుకొనె ముఖ్య పాత్రధారులు. జూలైలో విడుదల కానున్న ఈ సినిమాకి వచ్చే లాభాల్లో వాటా ఇవ్వాలని నిర్మాతలతో దీపికా ఒప్పందం కుదుర్చుకున్నారనే టాక్ ఉంది. ఇది నిజమేనా? అని దీపికాను ఓ జర్నలిస్ట్ అడిగితే -‘‘మీ జీతం ఎంతో నేనడిగానా? మరి.. నా సంపాదన గురించి మీకెందుకు?’’ అని ఘాటుగా స్పందించారట. ఒకవేళ వాటా తీసుకోకపోతే.. ‘లేదు’ అని సింపుల్‌గా చెప్పొచ్చు. కానీ, కోపం తెచ్చుకోవాల్సిన అవసరం ఏంటో? ఈ ఉలికిపాటు దేనికో?