41 ఏళ్ల అశ్వినీ తివారీ అయ్యర్‌ మొన్న కంగనా రనౌత్‌తో ‘పంగా’ తీసింది. నిన్న లాక్‌డౌన్‌లో కూచుని ఇన్ఫోసిస్‌ నారాయణమూర్తి – సుధామూర్తిల బయోపిక్‌ కోసం స్క్రిప్ట్‌ పూర్తి చేసింది. అదే సమయంలో మొదటిసారిగా ఒక నవల రాసి మార్కెట్‌లోకి ఆగస్టు 1న విడుదల చేస్తోంది. అందరిలానే ఆమెకూ రెండు చేతులే ఉన్నాయి. కాని స్త్రీలు ఇన్ని పనులు చేయగలరు అని సృజనాత్మకంగా ఉండగలరని చెబుతోంది. ‘ది హిడెన్‌ పవర్స్‌ ఇన్‌ ఎవ్రి ఉమన్‌’ అని నాలుగేళ్ల క్రితం బెంగళూరు టెడ్‌ఎక్స్‌ కోసం ఒక ఉపన్యాసం ఇచ్చింది అశ్వినీ తివారీ అయ్యర్‌. ప్రతి స్త్రీలో ఉండే అంతర్గత శక్తులను ఆ స్త్రీలు తెలుసుకోవాలని, వాటిని ఉపయోగంలోకి తేవాలని ఆమె మాట్లాడింది. ముంబైలో పుట్టి పెరిగిన అశ్వినీ తివారీ అయ్యర్‌ నిజానికి అడ్వర్‌టైజ్‌మెంట్‌ రంగంలో విశేష గుర్తింపు పొందింది. ‘లియో బర్నెట్‌’ వంటి అంతర్జాతీయ అడ్వర్‌టైజ్‌మెంట్‌ కంపెనీలో క్రియేటివ్‌ డైరెక్టర్‌గా పని చేసింది. కాని ఆమె తనలో ఒక సినిమా దర్శకురాలు దాగి ఉందని గ్రహించిన మరుక్షణం 2013లో ఆ మంచి ఉద్యోగానికి రాజీనామా చేసి బాలీవుడ్‌లో పని చేయడం మొదలెట్టింది. ‘నీల్‌ బత్తి సన్నాట’, ‘బరేలీకి బర్ఫీ’, ‘పంగా’ సినిమాలకు దర్శకత్వం వహించింది. ఆమె దర్శకత్వ ప్రతిభకు అవార్డులు వచ్చాయి. ‘ఏ క్షణమూ ఖాళీగా ఉండటం నాకు నచ్చదు’ అని చెప్పే అశ్వినీ అయ్యర్‌ గత రెండేళ్లుగా కరోనా వల్ల పని సరిగ్గా జరక్కపోయినా సోనీ లివ్‌ కోసం ‘ఫాడు’ అనే ప్రేమ కథను తీసింది. ఇన్ఫోసిస్‌ దిగ్గజాలు సుధామూర్తి, నారాయణమూర్తి జంట జీవిత కథను అధ్యయనం చేసి వారి బయోపిక్‌కు స్క్రిప్ట్‌ సిద్ధం చేసుకుంది. అంతేనా? ఒక నవల కూడా రాసేసింది. దాని పేరు ‘మాపింగ్‌ లవ్‌’. గణితంలో మేప్‌ల ద్వారా అంచనాలను చేస్తారు. అలా ప్రేమను మేప్‌ చేయగలమా? అదే ఈ కథాంశం. ‘ఇది నా మొదటి నవల. లాక్‌డౌన్‌లో దొరికిన ఏకాంతంలో కూచుని రాశాను. రాయడంలో ఉండే ఆనందాన్ని అనుభవించాను’ అంటుంది అశ్వినీ అయ్యర్‌. ఈ నవల ఆగస్టు 1న మార్కెట్‌లోకి రాబోతోంది. అశ్విని తన సినిమా కథాంశాలకు గాని నవలకు గాని స్త్రీల జీవితాన్నే తీసుకుంది. ‘నీల్‌ బత్తి సన్నాట’లో చిన్న ఊళ్ల స్త్రీలు కనే కలలను ఆమె చూపించింది. ఇక ‘పంగా’ అయితే వైవాహిక జీవితంలో మునిగిపోయిన స్త్రీ తిరిగి తన క్రీడా సామర్థ్యాన్ని పరీక్షించుకోవాలని చూస్తుంది. ‘స్త్రీలు ఎన్నో చేయగలరు. ఎన్నో చేయాలి’ అంటుంది అశ్వినీ. ‘దంగల్‌’ దర్శకుడు నితేష్‌ తివారి ఈమె భర్త. సుధామూర్తితో...,; కంగనా రనౌత్‌తో...

కబడ్డీ కోర్టులో ప్రత్యర్థులను చెడుగుడు ఆడేందకు సిద్ధమయ్యారు కథానాయిక కంగనా రనౌత్‌. ‘బరేలీ కీ బర్ఫీ’ ఫేమ్‌ అశ్వినీ అయ్యర్‌ తివారి దర్శకత్వంలో కంగనా రనౌత్‌ ప్రధాన పాత్రలో రూపొందుతున్న ‘పంగా’ చిత్రం ఆదివారం మొదలైంది. ఇందులో కబడ్డీ ప్లేయర్‌గా కనిపిస్తారు కంగనా. ఈ సినిమా ఫస్ట్‌ షెడ్యూల్‌ భోపాల్‌లో స్టార్ట్‌ అయింది. ఈ షెడ్యూల్‌ 20 రోజులు సాగనుందని బాలీవుడ్‌ టాక్‌.  


 న్యూఢిల్లీ: ప్రముఖ బాలీవుడ్ నటుడు అమిర్ ఖాన్తో పనిచేయాలనుకునే ప్రతి వ్యక్తి కల తప్పకుండా నెరవేరుతుందని దర్శకురాలు అశ్విని అయర్ తివారీ అన్నారు. దర్శకుడు నితీశ్ తివారీ భార్య అయిన ఆమె ప్రస్తుతం అమిర్ నటిస్తున్న 'దంగల్' చిత్ర సెట్ వద్దకు వెళ్లిన సందర్భంలో ఆ విశేషాలు చెప్పారు.
 
 'దంగల్ చిత్రం కోసం వేసిన సెట్ వద్దకు నేను వెళ్లాను. అమిర్ ఖాన్ పనిచేస్తుండటం చూశాను. నా కల నెరవేరుతుందని అనుకుంటున్నాను. ఈ చిత్రానికి నా భర్త నితేశ్ దర్శకత్వం వహిస్తున్నారా.. లేక నేనా అనేది విషయమే కాదు. నేను అమిర్ చిత్రాలకు దర్శకత్వం వహించడం ఎప్పటికీ ప్రేమిస్తాను. అతడు ప్రతి దర్శకుడికి నెరవేరే ఓ కలలాంటివాడు. ఆయన చాలా ప్రజ్ఞావంతులు' అని ఆమె చెప్పారు.