లండన్‌: వింబుల్డన్‌ గ్రాండ్‌స్లామ్‌ టెన్నిస్‌ టోర్నీ పురుషుల సింగిల్స్‌ విభాగంలో ప్రపంచ నంబర్‌వన్, టాప్‌ సీడ్‌ కార్లోస్‌ అల్‌కరాజ్‌ మూడో రౌండ్‌లోకి దూసుకెళ్లాడు. శుక్రవారం జరిగిన పురుషుల సింగిల్స్‌ రెండో రౌండ్‌లో ఈ స్పెయిన్‌ స్టార్‌ 6–4, 7–6 (7/2), 6–3తో అలెగ్జాండర్‌ ముల్లర్‌ (ఫ్రాన్స్‌)పై గెలుపొందాడు. 2 గంటల 33 నిమిషాలపాటు జరిగిన ఈ మ్యాచ్‌లో అల్‌కరాజ్‌ ఐదు ఏస్‌లు సంధించాడు. 32 విన్నర్స్‌ కొట్టి, 41 అనవసర తప్పిదాలు చేశాడు. నెట్‌ వద్దకు 29 సార్లు దూసుకొచ్చి 24 సార్లు పాయింట్లు గెలిచాడు. రెండు సార్లు ప్రత్యర్థి సర్వీస్‌ను బ్రేక్‌ చేసిన అల్‌కరాజ్‌ తన సర్విస్‌లో మాత్రం ఒక్కసారి కూడా బ్రేక్‌ పాయింట్‌ అవకాశం ఇవ్వలేదు. మరోవైపు ఐదో సీడ్‌ సిట్సిపాస్‌ (గ్రీస్‌) హోరాహోరీ పోరులో గట్టెక్కి మూడో రౌండ్‌లోకి అడుగు పెట్టాడు. 2013, 2016 వింబుల్డన్‌ చాంపియన్‌ ఆండీ ముర్రే (బ్రిటన్‌)తో 4 గంటల 40 నిమిషాలపాటు జరిగిన రెండో రౌండ్‌ పోరులో సిట్సిపాస్‌ 7–6 (7/3), 6–7 (2/7), 4–6, 7–6 (7/3), 6–4తో విజయం సాధించాడు. 17 ఏస్‌లు సంధించిన సిట్సిపాస్‌ ఏకంగా 90 విన్నర్స్‌ కొట్టడం విశేషం. ఇతర రెండో రౌండ్‌ మ్యాచ్‌ల్లో మూడో సీడ్‌ మెద్వెదెవ్‌ (రష్యా) 6–3, 6–3, 7–6 (7/5)తో మనారినో (ఫ్రాన్స్‌)పై, ఆరో సీడ్‌ హోల్గర్‌ రూనె (డెన్మార్క్‌) 6–3, 7–6 (7/3), 6–4తో కార్బాలెస్‌ బేనా (స్పెయిన్‌)పై నెగ్గారు.   అజరెంకా జోరు  మహిళల సింగిల్స్‌లో మాజీ నంబర్‌వన్‌ అజరెంకా (బెలారస్‌), నాలుగో సీడ్‌ జెస్సికా పెగూలా (అమెరికా) ప్రిక్వార్టర్‌ ఫైనల్లోకి ప్రవేశించారు. మూడో  రౌండ్‌ మ్యాచ్‌ల్లో అజరెంకా 6–2, 6–4తో 11వ సీడ్‌ కసత్‌కినా (రష్యా)ను ఓడించగా... పెగూలా 6–4, 6–0తో కొకియారెటో (ఇటలీ)పై  గెలిచింది.  సుదీర్ఘ టైబ్రేక్‌...  మహిళల సింగిల్స్‌లో సురెంకో (ఉక్రెయిన్‌), అనా బొగ్డాన్‌ (రొమేనియా) మ్యాచ్‌ చరిత్రకెక్కింది. 3 గంటల 40 నిమిషాలపాటు జరిగిన ఈ మ్యాచ్‌లో సురెంకో 4–6, 6–3, 7–6 (20/18)తో బొగ్డాన్‌ను ఓడించి ప్రిక్వార్టర్‌ ఫైనల్‌ చేరింది. నిర్ణాయక మూడో సెట్‌లో టైబ్రేక్‌ ఏకంగా 37 నిమిషాలు సాగింది. తద్వారా మహిళల గ్రాండ్‌స్లామ్‌ టోర్నీల చరిత్రలో సుదీర్ఘంగా సాగిన టైబ్రేక్‌గా రికార్డు నమోదైంది. 38 పాయింట్ల తర్వాత టైబ్రేక్‌లో ఫలితం తేలడం కూడా రికార్డే. ఈ మ్యాచ్‌లో సురెంకో ఐదుసార్లు, బొగ్డాన్‌ ఆరుసార్లు మ్యాచ్‌ పాయింట్లు కాపాడుకోవడం గమనార్హం.  


 ♦ తొలి రౌండ్‌లో అలవోక విజయం
 ♦ యూఎస్‌ ఓపెన్‌ టోర్నీ
 
 నేటి మ్యాచ్‌లు రాత్రి గం.8.30 నుంచి స్టార్‌ స్పోర్ట్స్‌ సెలెక్ట్‌–1లో ప్రత్యక్ష ప్రసారం
 సెరెనా విలియమ్స్, అజరెంకా లాంటి స్టార్‌ క్రీడాకారిణుల గైర్హాజరీలో ఫేవరెట్‌గా మారిన మూడో సీడ్‌ గార్బిన్‌ ముగురుజా యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో శుభారంభం చేసింది. గతంలో ఈ టోర్నీలో  నాలుగుసార్లు ఆడినా, రెండో రౌండ్‌ను దాటి ముందుకెళ్లలేకపోయిన ఈ స్పెయిన్‌ స్టార్‌ ఈసారి మాత్రం ఏకంగా టైటిల్‌పైనే గురి పెట్టింది.ఈ ఏడాది వింబుల్డన్‌ టైటిల్‌ సొంతం చేసుకొని అద్భుతమైన ఫామ్‌లో ఉన్న ముగురుజా తొలి అడ్డంకిని అలవోకగా అధిగమించి టైటిల్‌ వేటను మొదలుపెట్టింది.  
 
 న్యూయార్క్‌: సీజన్‌ చివరి గ్రాండ్‌స్లామ్‌ టోర్నమెంట్‌ యూఎస్‌ ఓపెన్‌ మహిళల సింగిల్స్‌ విభాగంలో సీడెడ్‌ క్రీడాకారిణులు ముగురుజా (స్పెయిన్‌), పెట్రా క్విటోవా (చెక్‌ రిపబ్లిక్‌), కరోలినా గార్సియా (ఫ్రాన్స్‌) బోణీ చేశారు. సోమవారం మొదలైన ఈ టోర్నమెంట్‌ తొలి రౌండ్‌ మ్యాచ్‌ల్లో మూడో సీడ్‌ ముగురుజా 6–0, 6–3తో వర్వారా లెప్‌చెంకో (అమెరికా)ను ఓడించగా... 13వ సీడ్‌ క్విటోవా 7–5, 7–5తో మాజీ నంబర్‌వన్‌ జెలెనా జంకోవిచ్‌ (సెర్బియా)పై, 18వ సీడ్‌ గార్సియా 6–0, 6–1తో మార్టిన్‌కోవా (చెక్‌ రిపబ్లిక్‌)పై గెలుపొందారు.
 లెప్‌చెంకోతో జరిగిన మ్యాచ్‌లో ముగురుజాకు ఏ దశలోనూ తన ప్రత్యర్థి నుంచి ఇబ్బంది ఎదురుకాలేదు.
 
 యూఎస్‌ ఓపెన్‌లో అంతగా మెరుగైన రికార్డు లేని ముగురుజా ఈసారి మాత్రం ఫేవరెట్స్‌లో ఒకరిగా ఉంది. 63 నిమిషాల్లో ముగిసిన ఈ మ్యాచ్‌లో ముగురుజా కేవలం ఒక డబుల్‌ ఫాల్ట్‌ మాత్రమే చేసింది. తొలి సెట్‌లో ఒక్క గేమ్‌ కూడా కోల్పోని ఈ స్పెయిన్‌ స్టార్‌ రెండో సెట్‌లో మాత్రం తన సర్వీస్‌ను ఒకసారి చేజార్చుకుంది. 16 విన్నర్స్‌ కొట్టిన ఆమె నెట్‌ వద్దకు 17సార్లు దూసుకొచ్చి 15సార్లు పాయింట్లు సాధించింది. మరోవైపు పదోసారి యూఎస్‌ ఓపెన్‌లో ఆడుతున్న క్విటోవా ఈ టోర్నీలో ఒక్కసారి కూడా క్వార్టర్‌ ఫైనల్‌ దశను దాటలేకపోయింది. మాజీ నంబర్‌వన్‌ జంకోవిచ్‌తో జరిగిన పోరులో క్విటోవా తన అనుభవాన్నంతా రంగరించి పోరాడి గెలిచింది. 90 నిమిషాలపాటు జరిగిన ఈ మ్యాచ్‌లో క్విటోవా ఐదు డబుల్‌ ఫాల్ట్‌లు చేసింది. 28 విన్నర్స్‌ కొట్టిన ఈ చెక్‌ స్టార్‌ 31 అనవసర తప్పిదాలు చేసింది. అయితే కీలకదశలో జంకోవిచ్‌ సర్వీస్‌లను బ్రేక్‌ చేయడంద్వారా క్విటోవా మ్యాచ్‌ ఫలితాన్ని శాసించింది.
 
 ఇతర తొలి రౌండ్‌ మ్యాచ్‌ల్లో సోఫియా కెనిన్‌ (అమెరికా) 7–5, 7–5తో 32వ సీడ్‌ లారెన్‌ డేవిస్‌ (అమెరికా)పై, క్రిస్టినా ప్లిస్కోవా (చెక్‌ రిపబ్లిక్‌) 6–2, 6–2తో ఎగుచి (జపాన్‌)పై, అలైజ్‌ కార్నెట్‌ (ఫ్రాన్స్‌) 6–4, 6–4తో హీతెర్‌ వాట్సన్‌ (బ్రిటన్‌)పై, మగ్దలీనా రిబరికోవా (స్లొవేకియా) 6–3, 6–4తో కామిల్లా గియోర్గి (ఇటలీ)పై గెలిచి రెండో రౌండ్‌కు చేరుకున్నారు.
 
 పురుషుల సింగిల్స్‌ విభాగంలో 32వ సీడ్‌ రాబిన్‌ హాస్‌ (నెదర్లాండ్స్‌) తొలి రౌండ్‌లోనే ఇంటిముఖం పట్టాడు. కైల్‌ ఎడ్మండ్‌ (బ్రిటన్‌) 6–3, 7–5, 6–3తో హాస్‌ను బోల్తా కొట్టించాడు. ఇతర మ్యాచ్‌ల్లో 12వ సీడ్‌ పాబ్లో కరెనో బుస్టా (స్పెయిన్‌) 6–3, 6–2, 7–6 (7/5)తో ఇవాన్‌ కింగ్‌ (అమెరికా)పై నెగ్గగా... కామెరూన్‌ నోరి (బ్రిటన్‌) 7–6 (9/7), 6–1తో ఆధిక్యంలో ఉండగా అతని ప్రత్యర్థి తుర్సునోవ్‌ గాయం కారణంగా వైదొలిగాడు.  
 
 నాలుగో సీడ్‌గా సానియా జంట
 మహిళల డబుల్స్‌ విభాగంలో సానియా మీర్జా (భారత్‌)–షుయె పెంగ్‌ (చైనా) జోడీకి నాలుగో సీడ్‌ లభించింది. తొలి రౌండ్‌లో ఈ జంట పెట్రా మార్టిక్‌–డోనా వెకిక్‌ (క్రొయేషియా)లతో తలపడుతుంది. పురుషుల డబుల్స్‌లో రోహన్‌ బోపన్న (భారత్‌)–పాబ్లో క్యువాస్‌ (ఉరుగ్వే) జోడీకి పదో సీడింగ్‌ దక్కింది. తొలి రౌండ్‌లో ఈ ద్వయం బ్రాడ్లీ క్లాన్‌–స్కాట్‌ లిప్‌స్కీ (అమెరికా) జంటతో ఆడుతుంది. 


 ప్రపంచ మాజీ నంబర్‌వన్, రెండుసార్లు ఆస్ట్రేలియన్‌ ఓపెన్‌ మహిళల గ్రాండ్‌స్లామ్‌ సింగిల్స్‌ టైటిల్‌ విజేత విక్టోరియా అజరెంకా సోమవారం మొదలయ్యే యూఎస్‌ ఓపెన్‌కు దూరం కానుంది. గతేడాది డిసెంబర్‌లో అజరెంకాకు బాబు జన్మించగా.. తాజాగా ఈ శిశువు సంరక్షణ విషయంలో తనకు ఆమె మాజీ బాయ్‌ఫ్రెండ్‌ మధ్య వివాదం నడుస్తోంది.
 
 దీంతో కొన్ని న్యాయపరమైన సమస్యలను పరిష్కరించుకునే నేపథ్యంలో యూఎస్‌ ఓపెన్‌లో ఆడటం లేదని 28 ఏళ్ల ఈ బెలారస్‌ టెన్నిస్‌ స్టార్‌ ట్విట్టర్‌లో పేర్కొంది.