పాడేరు: విశాఖ జిల్లాలో బాక్సైట్ తవ్వకాలకు వ్యతిరేకంగా గిరిజన సంఘాలు, విద్యార్థులు ధర్నాకు దిగారు. పాడేరు మండలకేంద్రంలోని ఐటీడీఏ కార్యాలయం వద్ద బాక్సైట్ తవ్వకాలకు అనుమతిస్తూ ప్రభుత్వం ఇచ్చిన జీవో 97 ప్రతులను దగ్ధం చేసి నిరసన తెలిపారు. ఈ ఆందోళనలో గిరిజన సంఘం జిల్లా ప్రధాన కార్యదర్శి అప్పల నర్స, ఎస్‌ఎఫ్‌ఐ జిల్లా కార్యదర్శి నాయుడుతో పాటు పలువురు పాల్గొన్నారు.