మనోజ్ నందం, భవానీ అగర్వాల్ జంటగా రాజా దాసరి స్వీయదర్శకత్వంలో రూపొందించిన చిత్రం ‘నిను చూశాక’. వచ్చే నెల మొదటి వారంలో ఈ చిత్రాన్ని విడుదల చేయాలనుకుంటున్నారు. ఈ సందర్భంగా రాజా దాసరి మాట్లాడుతూ -‘‘సున్నితమైన భావోద్వేగాల మధ్య సాగే ప్రేమకథా చిత్రమిది. వినోద ప్రధానంగా ఉంటుంది. ఇటీవల విడుదలైన పాటలకు మంచి స్పందన లభిస్తోంది. బ్రహ్మానందంగారు చేసిన పాత్ర ప్రధాన ఆకర్షణగా నిలుస్తుంది’’ అని చెప్పారు.
  


 మనోజ్ నందం, భవానీ అగర్వాల్ జంటగా రాజా దాసరి స్వీయ దర్శకత్వంలో నిర్మిస్తోన్న ‘నిన్ను చూశాక’ సినిమా పాటల ఆవిష్కరణ హైదరాబాద్‌లో జరిగింది.
 బిగ్ సీడీని మోహన్ వడ్లపట్ల, ఆడియో సీడీని సునీల్‌కుమార్ రెడ్డి ఆవిష్కరించారు. చిన్ని కృష్ణ సంగీతం, సురేష్ గంగుల సాహిత్యం ఆకట్టుకుంటాయని దర్శకుడు పేర్కొన్నారు.


 మెగాసుప్రీమ్, భవానీ అగర్వాల్ జంటగా వేదభూమి సమర్పణలో నర్రా శివనాగు దర్శకత్వం వహిస్తున్న చిత్రం ‘బాయ్‌ఫ్రెండ్’. లక్కరాజు రాధా రాజేశ్వరి, అభి నిర్మాతలు. యల్.యమ్. ప్రేమ్ స్వరపరచిన ఈ చిత్రం ఆడియో ఆవిష్కరణ వేడుక తిరుపతిలో జరిగింది. రుద్రరాజు శ్రీదేవి, సైకం రామచంద్రారెడ్డి, రేణుకా శివనాగు అతిథులుగా పాల్గొన్నారు. శివనాగు మాట్లాడుతూ -‘‘బాయ్‌ఫ్రెండ్ ఏం చేస్తాడు? అనేది ప్రస్తుతానికి సస్పెన్స్. ఈ సినిమాలో పాటలన్నీ యువతను ఆకట్టుకునే విధంగా ఉంటాయి కాబట్టే, కాలేజీలో ఆడియో వేడుక చేశాం. పాటలకు, ప్రచార చిత్రాలకు మంచి స్పందన వచ్చింది. థియేటర్ ప్రోమోస్ ఆవిష్కరణను జిల్లాలవారీగా ప్రతి కాలేజీలో జరుపుతున్నాం’’ అన్నారు.


 మనోజ్ నందం, భవానీ అగర్వాల్ జంటగా రూపొందుతున్న చిత్రం ‘నిన్ను చూశాక’. స్వీయ దర్శకత్వంలో రాజా దాసరి రూపొందిస్తున్న ఈ చిత్రం ప్రస్తుతం నిర్మా ణానంతర కార్యక్రమాలు జరుపుకుంటోంది. త్వరలో పాటలను, ఈ నెలాఖరున సినిమాని విడుదల చేయాలనుకుంటున్నారు. 
  
  ఈ సందర్భంగా దర్శక, నిర్మాత మాట్లాడుతూ -‘‘సున్నితమైన భావోద్వేగాల మధ్య నడిచే వినోదాత్మక ప్రేమకథ ఇది. ప్రేమలో ఉన్న ప్రతి ఒక్కరికీ ఈ చిత్రంలోని సన్నివేశాలు కనెక్ట్ అవుతాయి. అలాగే ప్రేమ గురించి తెలిసినవాళ్లనీ ఆకట్టుకుంటాయి. 
  
  యువతను ఆకట్టుకునే అంశాలతో రూపొందించిన ఫ్యామిలీ ఎంటర్‌టైనర్. ఇందులో సరికొత్త పాత్రలో బ్రహ్మానందం కనిపిస్తారు. ఆయన పాత్ర ఈ సినిమాకి ఓ ఎస్సెట్ అవుతుంది. ఇందులో ఉన్న ఐదు పాట లకు చిన్నికృష్ణ మంచి స్వరాలిచ్చారు’’ అని చెప్పారు.