సాక్షి, అమరావతి: చంద్రబాబు నిజంగా విజనరీయే. 20 ఏళ్ల కిందటే రూ. లక్ష కోట్లు కొట్టేయడానికి పన్నాగం పన్నారంటే... అందుకోసం ఎవ్వరి దృష్టీ పడని క్రీడా రంగాన్ని ఎంచుకున్నారంటే ఏమనుకోవాలి. 2004లో ఆపద్ధర్మ ముఖ్యమంత్రి హోదాలో తన బినామీ బిల్లీరావు అలియాస్‌ అహోబిలరావు చేత ‘ఐఎంజీ అకాడెమీస్‌ భారత్‌’ అనే కంపెనీని పెట్టించి... అది అమెరికాలో ఉన్న ఐఎంజీ అకాడెమీకి చెందిన కంపెనీ అని నమ్మించి... హడావుడిగా దానికి గచ్చిబౌలిలోని 400 ఎకరాలు కేటాయించి, సేల్‌డీడ్‌ కూడా చేసేశారంటే ఏమనుకోవాలి? శంషాబాద్‌ పక్కన మరో 450 ఎకరాలు కూడా కేటాయించటంతో పాటు... హైదరాబాద్, రంగారెడ్డి జిల్లాల్లోని అన్ని స్టేడియాలనూ ఆ కంపెనీకి 45 ఏళ్ల పాటు లీజుకిచ్చేసి... వాటి నిర్వహణ ఛార్జీలను కూడా ప్రభుత్వమే ఇచ్చేలా  ఒప్పందం చేసుకున్నారంటే ఏమనుకోవాలి? క్రీడల ద్వారా, వాటి అడ్వర్టయిజ్‌మెంట్లు, స్పాన్సర్‌షిప్‌ల ద్వారా వచ్చే డబ్బులన్నీ ఐఎంజీ అకాడెమీస్‌కే చెందేలా భారీ దోపిడీకి పథకం వెయ్యగలిగారంటే ఆయన విజనరీయే కదా? ఇప్పటి విలువల ప్రకారం చూస్తే ఈ స్కామ్‌ విలువ లక్ష కోట్లపైనే.   స్పై కెమెరాకు పట్టుబడిన బిల్లీ...  ఈ రాష్ట్ర ప్రజల అదృష్టం బాగుంది కాబట్టే 2004 ఎన్నికల్లో వైఎస్‌ రాజశేఖరరెడ్డి గెలిచారు. బాబు ఓడిపోయారు. వైఎస్సార్‌ ప్రభుత్వం ఐఎంజీ కేటాయింపుల్ని సమీక్షించినపుడు మొత్తం బోగస్‌ కంపెనీలేనని తేలటంతో ఒప్పందాన్ని రద్దు చేసి, భూమిని వెనక్కి తీసుకుంది. కానీ బాబు గారి ముఠా ఊరుకోలేదు. తమకు కోర్టుల్లో బలం ఉంది కనక... న్యాయస్థానంలో సవాల్‌ చేశారు. 2009 ఎన్నికల ముందు... ఈ కేసులో తీర్పు వెలువడవచ్చని బిల్లీరావు భావించారు. ఆ సమయంలో ఆయన సన్నిహితుడొకరు ఆయన్ను కలిసి.. తమ సంభాషణను స్పై కెమెరాతో రికార్డు చేశారు. వ్యవస్థ నిర్ఘాంతపోయే నిజాల్ని అప్పట్లో బిల్లీరావు వెల్లడించారు. వాటిని ‘సాక్షి’ ప్రచురించింది కూడా. అప్పట్లో అది సంచలనం కావటంతో... తీర్పు వాయిదా పడింది. న్యాయమూర్తులు మారటంతో సుదీర్ఘకాలం కొనసాగింది. తాజాగా గురువారంనాడు బిల్లీరావు తమకే కేటాయించిన భూముల్ని తమకు ఇవ్వాలంటూ వేసిన పిటిషన్‌ను తెలంగాణ హైకోర్టు కొట్టేసింది. అంతేకాదు... అది మొత్తం వ్యవస్థ నివ్వెరపోయే కుంభకోణమని తేల్చింది. చంద్రబాబు దోపిడీని బయటపెట్టింది. దీనిపై వైఎస్సార్‌ ప్రభుత్వం సీబీఐ దర్యాప్తునకు ఆదేశించగా... అప్పట్లో ఇన్‌ఛార్జిగా ఉన్న సీబీఐ అధికారి లక్ష్మీనారాయణ... తమకు తగిన సిబ్బంది లేరన్న సాకుతో దాన్ని చేపట్టలేదు. తాజాగా గురువారంనాడు హైకోర్టు ఈ వ్యవహారంపై వ్యాఖ్యానిస్తూ... దీనిపై సీబీఐ విచారణ ఎందుకు జరిపించలేదో చెప్పాలని తెలంగాణ ప్రభుత్వాన్ని ఆదేశించింది. లేదంటే తామే ఆదేశిస్తామని కూడా స్పష్టంచేసింది. ఈ అంశంపై సమాధానమివ్వాలంటూ అక్కడి ప్రభుత్వానికి వారం రోజుల గడువునిచ్చింది. నిజానికి అప్పట్లోనే సీబీఐ దర్యాప్తు జరిపి ఉంటే..  ఈ పాటికే బాబు దోపిడీ బయటపడి, చంద్రబాబు జైల్లో ఊచలు లెక్కబెడుతుండేవారని స్పష్టంగా చెప్పొచ్చు.  బాబు... నా జేబులో ఉంటారన్న బిల్లీ  తాజా పరిణామాల నేపథ్యంలో... అప్పట్లో బిల్లీరావు స్పై కెమెరాల సాక్షిగా ఏమన్నారు... బాబు ఎంత ఎంత పెద్ద దోపిడీకి స్కెచ్‌ వేశారు? వ్యవస్థలో ఎంతమందిని వాడేశారు? వంటి వివరాలు మరొక్కసారి చూద్దాం. ‘‘ఇదిగో తీర్పు ...ఇదే మనకు అనుకూలంగా రాబోతున్న కోర్టు తీర్పు కాపి. ఈ తీర్పును నేనే రాశాను. నేను ఏది రాస్తే అదే తీర్పుగా వస్తుంది. ఈ విషయం చంద్రబాబుకు కూడా తెలుసు. ––– కు ఎంత డబ్బులు ఇవ్వాలో చంద్రబాబే చెప్పారు. అసలు ఆయనకు ఉన్న జ్ఞాపక శక్తి అలాంటిది. ఆయనే  అన్నీ చూస్తున్నారు. అర్ధరాత్రి 2 గంటలకు నిద్రలేపి అడిగినా ఈ కేసుకు సంబంధించిన అన్ని విషయాలను ఆయన చెప్పేస్తారు. నేను ఏం చెబితే చంద్రబాబు అది చేస్తారు’’. వాస్తవానికి నాటి వీడియోలో న్యాయ వ్యవస్థలోని పలువురి పేర్లను బిల్లీ వాడేశారు. ‘సాక్షి’ వాటిని ప్రచురించలేదు. ఆ వీడియో కాపీని సుప్రీంకోర్టు ప్రధాన న్యాయమూర్తికి పంపింది కూడా.   క్రీడా వ్యవస్థను చెరబట్టేందుకు పన్నాగం  కేవలం కాగితాలకే పరిమితమైన ఐంఎంజీ భారత్‌ కంపెనీకి ఉమ్మిడి ఆంధ్ర ప్రదేశ్‌లోని యావత్‌ క్రీడా వ్యవస్థను ధారాదత్తం చేసేందుకు చంద్రబాబు కుతంతం్ర పన్నారు. 2004 ఎన్నికల్లో చంద్రబాబు ప్రభుత్వం గెలిచినా, వైఎస్సార్‌ ప్రభుత్వం నాటి ఒప్పందాన్ని రద్దు చేయకపోయినా... రాష్ట్రంలో క్రీడా వ్యవస్థ మొత్తం ఓ మాఫియా గుప్పిట్లోకి వెళ్లిపోయేది. సామాన్యులెవ్వరూ క్రీడల్లోకి ప్రవేశించే ఆలోచన కూడా చేయలేకపోయేవారు. ఎందుకంటే ఐఎంజీ భారత్‌ కంపెనీతో అప్పటి చంద్రబాబు ప్రభుత్వం కుదుర్చుకున్న ఒప్పందం అలాంటిది. కేవలం హైదరాబాద్‌ గచ్చిబౌలిలోని 850 ఎకరాలను కేటాయించడమే కాదు. 16 స్టేడియంలు సహా ఉమ్మడి ఆంధ్రప్రదేశ్‌లోని యావత్‌ క్రీడా వ్యవస్థను తన బినామీ బిల్లీ రావుకు 45 ఏళ్లపాటు లీజు పేరిట కట్టబెట్టేశారు. ఆ సమయంలో ఆ స్టేడియంలు, వాటి ఆస్తుల నిర్వహణ అంతా ఐంఎంజీ భారత్‌ పెత్తనం కిందకే వస్తాయి. కానీ ఏటా నిర్వహణ వ్యయాన్ని ప్రభుత్వమే భరిస్తుంది. బీమా ప్రీమియాన్నీ చెల్లిస్తుంది. స్టేడియాల నిర్వహణ కోసం ఆ కంపెనీకి ఉచిత నీరు, ఉచిత విద్యుత్, వినోద పన్ను రాయితీ, విదేశీ సుంకం రాయితీలు అన్ని వెసులుబాట్లు కల్పిస్తుంది. టీవీ ప్రసార హక్కుల ఆదాయం ఆ కంపెనీకే దక్కుతుంది. అంతేకాదు.. మరో ప్రమాదకరమైన నిబంధననూ చేర్చారు. స్టేడియంలు, వాటి ఆస్తులను ఐఎంజీ భారత్‌ తన విచక్షణ మేరకు నిర్ణయించిన ధరకు కొనుగోలు చేసుకోవచ్చనే క్లాజును చేర్చారు. రాష్ట్ర ప్రభుత్వం సహాయ నిరాకరణ చేస్తే ఆ క్లాజు కింద ఆ స్టేడియంలను ఐఎంజీ భారత్‌ తన సొంతం చేసుకునే హక్కు కల్పించడమన్న మాట. అంటే రాష్ట్రంలో 45 ఏళ్ల పాటు క్రీడా వ్యవస్థ అంతా ఐఎంజీ భారత్‌ కంపెనీ ముసుగులో చంద్రబాబు గుత్తాధిపత్యం కింద ఉంటుంది. ఏదో ఒక సాకు చూపించి స్టేడియంలు, వాటి ఆస్తులన కూడా ఆ కంపెనీ తాను నిర్ణయించిన నామమాత్రపు ధర కింద కొనుగోలు చేసేసుకోవచ్చు. అంటే ప్రస్తుతం చంద్రబాబు భాషలో చెప్పాలంటే... రాష్ట్రంలో క్రీడా వ్యవస్థను చంద్రబాబు కుర్చీ మాదిరి మడతపెట్టేస్తారన్నది సుస్పష్టం. కాగా న్యాయ వ్యవస్థ తన నిబద్ధతను, విశ్వసనీయతను మరోసారి చాటిచెప్పింది. చంద్రబాబు, ఐఎంజీ భారత్‌ కంపెనీ కుతంత్రాలను తిప్పికొట్టింది. ఐంఎంజీ భారత్‌కు అప్పట్లో చంద్రబాబు ప్రభుత్వం హైదరాబాద్‌లో 850 ఎకరాలను కేటాయించడాన్ని రద్దు చేస్తూ వైఎస్‌రాజశేఖర్‌రెడ్డి ప్రభుత్వం తీసుకున్న నిర్ణయాన్ని సమర్థించింది. ఆ భూకేటాయింపులు సరైన నిర్ణయమేనని తీర్పునిచ్చింది. దాంతో చంద్రబాబు భూబాగోతం బెడిసికొట్టింది. ఇపుడు సీబీఐ దర్యాప్తునకు కూడా ఆదేశిస్తే... చంద్రబాబు ఊచలు లెక్కబెట్టడం ఖాయమనేది న్యాయవర్గాల మాట. 

మోసాల చంద్రబాబునీ, ఆయన మీసాలొత్తే రామోజీరావును ఎన్ని ఏనుగులను కట్టీ విడదీయలేం. నీతిమాలిన అవిభాజ్య కవలలు వాళ్లిద్దరూ! కుటిల రాజకీయాల అవిభక్త కుటుంబ వ్యాపారం వాళ్లిద్దరిదీ చంద్రబాబుపై ఎవరైనా కేసు వేస్తే.. కే సు వేసినవాళ్లే దొంగలు, దోషులు అని నిస్సిగ్గుగా ఒంటిమీద రాసుకుని తిరుగుతారు రామోజీ. చంద్రబాబు ‘దోషి’ అని స్వయంగా కోర్టే తీర్పు ఇచ్చినా.. కోర్టును తప్పుదారి పట్టించారని కూడా అసత్యాలను ప్రచారం చేయగలరు రామోజీ! ‘‘850 ఎకరాల స్కామ్‌లో చంద్రబాబుకు హైకోర్టు షాక్‌’’ అన్నది తాజా వార్త. ‘‘చంద్రుడిపై స్కామ్‌ మచ్చ’’ అనేది రామోజీ పెట్టే తిరగమోత! బాబుపై ఈగను వాలనివ్వని రామోజీ.. ఇంగితం లాంటి అంగీనైనా జారవిడుచుకుంటాడు కానీ.. కోర్టు షాకిచ్చిందంటే ఒప్పకుంటాడా? బాబుని సమర్థించటం మానుకుంటాడా? విషయం ఏంటంటే.? చంద్రబాబు తన హయాంలో ఒక సంస్థకు అక్రమంగా కేటాయించిన 850 ఎకరాల ప్రభుత్వ భూమికి సంబంధించిన కోర్టు తీర్పొకటి 18 ఏళ్ల సుదీర్ఘ విచారణ తర్వాత నేడు (2024 మార్చి 7) వెలువడింది. 2004 మే నెలకు ముందు ఆపద్ధర్మ ముఖ్యమంత్రిగా ఉన్న చంద్రబాబు ప్రభుత్వం చేసిన భూ కేటాయింపులను ఈ తీర్పులో తెలంగాణ హైకోర్టు తప్పుపట్టింది. ఆ కేటాయింపులను రద్దు చేసిన వైఎస్‌ రాజశేఖర్‌ రెడ్డి ప్రభుత్వ నిర్ణయాన్ని సమర్థించింది. ఇంకా స్పష్టంగా చెప్పాలంటే – 2003లో బిల్లీ రావు అనే వ్యక్తి హైదరాబాద్, చుట్టుపక్కల క్రీడా మౌలిక వసతుల అభివృద్ధి పేరుతో ఐఎంజీ  భారత్‌ అనే సంస్థను ప్రారంభించాడు. ఈ సంస్థకు 2004లో అప్పటి ముఖ్యమంత్రి నారా చంద్రబాబు నాయుడు ఆపద్ధర్మ ప్రభుత్వంలో ఉండగానే 850 ఎకరాల ప్రభుత్వ భూమిని అక్రమంగా కారుచవకగా కేటాయించారు. ఆ తర్వాత ఎన్నికల్లో ఓడిపోయి చంద్రబాబు ప్రభుత్వం దిగిపోయింది. వైఎస్‌ రాజశేఖర్‌ రెడ్డి ముఖ్యమంత్రిగా కాంగ్రెస్‌ ప్రభుత్వం ఏర్పాటైంది. నాటి చంద్రబాబు ప్రభుత్వం చేసిన అక్రమ భూ కేటాయింపులను గుర్తించిన వైఎస్సార్‌ ప్రభుత్వం 2006లో ఈ భూ కేటాయింపులను రద్దు చేసింది. దీంతో బిల్లీ రావు ఈ రద్దును సవాల్‌ చేస్తూ కోర్టుకు వెళ్లారు. అప్పటి నుంచి దీనిపై సుదీర్ఘ విచారణ జరుగుతూ వచ్చింది. తాజాగా చీఫ్‌ జస్టిస్‌ అలోక్‌ అరాధే, జస్టిస్‌ అనిల్‌ కుమార్‌ కూడిన తెలంగాణ హైకోర్టు ధర్మాసనం ఈ కేసు విషయమై తీర్పునిచ్చింది. వైఎస్సార్‌ ప్రభుత్వం భూ కేటాయింపులను రద్దు చేయడాన్ని సమర్థిస్తూ బిల్లీ రావు పిటిషన్ ను కొట్టేసింది. ఏకపక్షంగా భూ కేటాయింపులు చేసిన నాటి చంద్రబాబు ప్రభుత్వ తీరును తప్పుపట్టింది. విపరీతం ఏంటంటే.? చంద్రబాబు కొమ్ము కాస్తున్న రామోజీరావుకు ఇదొక వార్తగా కనిపించకపోవటం! ఆ స్థానంలో అదే కోర్టు ఇచ్చిన ఇంకో వార్తతో చంద్రబాబు స్కామ్‌ నుంచి తెలుగు ప్రజల దృష్టి మళ్లించే ప్రయత్నం చేశారు రామోజీ! ‘‘ఎమ్మెల్సీల నియామకంలో ప్రభుత్వానికి చుక్కెదురు’’ అనేదే ఆ వార్త. సరే, చంద్రబాబు గురించీ, రామోజీ గురించి, వారిద్దరి మధ్య ఉన్న బలీయమైన అనుబంధం గురించి తెలియంది ఎవరికి? కనుక బాబు గారికీ, బిల్లీ రావుగారికి మధ్య ఉన్న బాంధవ్యం ఏమిటో కాస్త ఫ్లాష్‌ బ్యాక్‌లోకి వెళ్లి చూద్దాం. 1995 ఏపీ రాజకీయాల్లోని ముఖ్య ఘట్టం.. మామ గారికి అల్లుడు గారు పొడిచిన వెన్నుపోటు. ఆ సమయంలో చంద్రబాబుకు పరిచయమైన వ్యక్తే బిల్లీ రావు. ఉరఫ్‌ అహోబిల రావు. ఎన్టీఆర్‌ గారిని వెన్నుపోటు పొడిచి ముఖ్యమంత్రి కాగానే చంద్రబాబు చేసిన పని.. బిల్లీకి ‘కుప్పం’ ప్రాజెక్టును కట్టబెట్టటం! బిల్లీది కృష్ణా జిల్లాలోని కొండపల్లి. మద్రాస్‌ ఐఐటీలో చదివారు. అక్కడి నుంచి అమెరికా వెళ్లారు. అమెరికా చదువు పూర్తవగానే తిరిగి ఇండియా వచ్చేశారు. బిల్లీ రావుకు తెలియంది లేదు అన్నట్లే ఉంటాయి ఆయన మాటలు. 1995లో ఎన్టీఆర్‌ ముఖ్యమంత్రిగా ఉన్నపుడే, సరిగ్గా చంద్రబాబు నాయుడు వెన్నుపోటు పొడుస్తున్న సమయంలోనే బాబుకు పరిచయమయ్యారు. అప్పటి నుంచి వారిద్దరి బంధం బలపడుతూ వచ్చింది. వివిధ దేశాల్లో విస్త్రృతంగా పర్యటించటం, పెద్దపెద్ద వ్యక్తులతో పరిచయాలు పెంచుకోవటం బిల్లీ హాబీ. ఇదే క్రమంలో ఈయనకు ఫ్లోరిడాలోని ఐఎంజీ యాజమాన్యమైన మార్క్‌ కుటుంబంతో సంబంధాలున్న ఆండ్రూక్రీగర్‌ పరిచయమయ్యాడు. బాబుకు క్రీగర్‌ను పరిచయం చేసి... ఆయన్ను ఐఎంజీబీ (ఇండియా) కంపెనీకి నామమాత్రపు చైర్మన్ గా చేసి... బాబు– బిల్లీ ఇద్దరూ చక్రం తిప్పారు. ఐఎంజీబీకి భూములు దక్కాక... క్రీగర్‌ను నేరస్తుడనే ముద్ర వేసి కంపెనీ నుంచి తొలగించటంతో ఆయన బిల్లీపై హైదరాబాద్‌ సిటీ సివిల్‌ కోర్టులో కేసు కూడా వేశారు. కానీ బిల్లీ–బాబుల బంధం, బలం తెలిశాక తప్పుకున్నారు. ఇజ్రాయెల్‌ పేరిట కుప్పంలోను, అమెరికా పేరిట ఐఎంజీని సృష్టించి హైదరాబాద్‌లోను వేల కోట్ల రూపాయలు కొల్లగొట్టడానికి పథకం వేసిన వారు చంద్రబాబు–బిల్లీ రావు. కేబినెట్‌ అనుమతి లేకుండా... అది కూడా ఆపద్ధర్మ ముఖ్యమంత్రిగా ఉంటూ ఐఎంజీకి భూములు కట్టబెట్టిన చంద్రబాబును నేడు కోర్టు తప్పు పట్టిందంటే పట్టదా? అయినా గానీ రామోజీకి చీమ కుట్టినట్లయినా ఉండదా?! తప్పించుకున్న సీబీఐ! ఐఎంజీ కుంభకోణం బయటపడ్డాక.. ఒప్పందాన్ని రద్దు చేసిన వై.ఎస్‌.రాజశేఖర రెడ్డి ప్రభుత్వం.. 2007లో ఈ వ్యవహారంపై సీబీఐ దర్యాప్తునకు ఆదేశిస్తూ జీవో విడుదల చేసింది. కానీ సీబీఐ మాత్రం దీనిపై దర్యాప్తు జరపడానికి పెద్దగా ఆసక్తి చూపించలేదు! చంద్రబాబును దోషిగా రుజువు చేసేందుకు సకల సాక్ష్యాలూ కళ్ల ముందు కనిపిస్తున్నా.. ఆయన్ను విచారించడానికి గానీ, అరెస్టు చెయ్యటానికి గానీ సీబీఐ ముందుకెళ్లలేదు. ‘‘మా దగ్గర తగినంత సిబ్బంది లేరు. తగిన వనరులు లేవు. అందుకని దర్యాప్తు జరపలేం’’ అని ప్రభుత్వానికి సమాధానమిచ్చి తప్పించుకుంది. విచిత్రమేంటంటే... అప్పుడు కూడా రాష్ట్రంలో సీబీఐ ఇంఛార్జిగా ఉన్నది  జగన్‌ కేసులో అత్యుత్సాహం ప్రదర్శించిన వి.వి.లక్ష్మీనారాయణే!. అసలు ఆయనకు బాబుపై ఎందుకు అంత ప్రేమ? నేరం స్పష్టంగా కనిపిస్తున్నా... దొంగలెవరో ఆధారాలతో సహా తేలినా పట్టుకోవటానికి ఎందుకు తాత్సారం చేశారు? సమాధానం లేని ప్రశ్నలైతే కావు. తగిన వనరులు లేవన్న కారణంతో విచారణ జరపలేమని చెప్పటం ప్రపంచంలో ఎక్కడైనా ఉంటుందా? దొంగల్ని పట్టుకోవటానికి పోలీసులు లేరంటే... ఈ వ్యవస్థెందుకు? ఈ దర్యాప్తు సంస్థలెందుకు? కుప్పం ప్రాజెక్టు కథేంటి?! బిల్లీకి చంద్రబాబు నాయుడు తన నియోజకవర్గమైన కుప్పంలో... ఇజ్రాయెల్‌ టెక్నాలజీ ప్రాజెక్టును మొదట అప్పగించారు. అది ఘోరంగా విఫలం అయింది. కుప్పంలో 9,572 ఎకరాల్లో ఇజ్రాయెల్‌ తరహా సేద్యాన్ని అమలు చేసి... రెండోదశలో రంగారెడ్డి జిల్లాలో అమలు చేసి... ఆ తర్వాత దాన్ని రాష్ట్రమంతటికీ విస్తరించాలని 1997లో చంద్రబాబు ప్రభుత్వం  నిర్ణయించింది. ఈ ప్రాజెక్టు అమలు బాధ్యతను బిల్లీ, ఆయన సోదరుడు ప్రభాకరరావు అలియాస్‌ ప్యాట్‌రావుకు చెందిన ‘బీహెచ్‌సీ ఆగ్రో ఇండియా ప్రైవేట్‌ లిమిటెడ్‌’కు అప్పగించేశారు చంద్రబాబు. సేద్యంలో ఇజ్రాయెల్‌ తరహా విప్లవాన్ని తెస్తామని, ఆకాశాన్ని కిందికి దించుతామని రకరకాల డప్పులు వాయించింది ఈ కంపెనీ. ఆ డప్పుల చప్పుడును రాష్ట్రమంతటికీ వినిపించేలా – రాష్ట్ర వ్యవసాయ రంగ ముఖచిత్రం మారిపోబోతోందంటూ – ఊదరగొట్టించేశారు రామోజీరావు. కానీ కుప్పంలో మాత్రం పరిస్థితి అడ్డం తిరిగింది. ఆ ప్రాజెక్టుకు రూ.19 కోట్లు ఖర్చుచేశారు. దీన్లో కొంత టెక్నాలజీకి, కొంత మౌలిక సదుపాయాలకు, మరికొంత యంత్రాలకు అంటూ మొత్తం బిల్లీ చేతిలో పోసేశారు. ప్రాజెక్టు కోసమని రైతుల నుంచి బలవంతంగా సేకరించిన భూముల్లో సరిహద్దులను మళ్లీ గుర్తించలేనంతగా చెరిపేశారు. మోతాదుకు మించి రసాయన ఎరువులు వాడేశారు. దాంతో చుట్టుపక్కల భూముల్లో కూడా భూసారం నాశనమైపోయింది. చుట్టుపక్కల రైతులు అప్పటిదాకా 200 అడుగుల బోర్లు వేస్తే... ఈ భూముల్లో ఏకంగా 600 అడుగుల లోతున బోర్లు వేయవలసి వచ్చింది. దీంతో చుట్టూ ఉన్న బోర్లు ఎండిపోయి రైతులు బోరుమన్నారు. ఎకరానికి రూ.30,000– 50,000 వరకూ ఫలసాయం అందిస్తామని ఆర్భాటపు ప్రకటనలు చేసినా... ఎకరాకు రూ.3 నుంచి 5 వేలు కూడా దిగుబడి సాధించలేకపోయారు. ఈ వైఫల్యాల గురించి కూడా రామోజీరావు ఒక్క మాటా రాయలేదు! ఆయన నాడూ అంతే, ఈనాడూ అంతే.. ఏనాడూ అంతే. బిల్లీ, బాబుల ఆలింగనం కంటే కూడా గాఢమైనది రామోజీ, చంద్రబాబుల పరిష్వంగనం.


 1995లో బాబుకు పరిచయమైన బిల్లీరావు
  తాను అధికారంలోకి వస్తూనే బిల్లీకి ‘కుప్పం’ ప్రాజెక్టు కట్టబెట్టిన బాబు
  
  సాక్షి, హైదరాబాద్: బిల్లీ రావు అసలు పేరు అహోబల రావు. పుట్టింది కృష్ణా జిల్లా కొండపల్లి. మద్రాస్ ఐఐటీలో చదివాక... అమెరికా వెళ్లి చదువుకుని ఇక్కడికి తిరిగి వచ్చేశారు. గ్రామస్థాయి నుంచి అంతర్జాతీయ స్థాయి వరకూ ఏ అంశంపై అయినా అన్నీ తెలిసినట్లే మాట్లాడే బిల్లీ రావు... 1995లో ఎన్టీఆర్ ముఖ్యమంత్రిగా ఉన్నపుడే... చంద్రబాబు నాయుడు వెన్నుపోటు పొడుస్తున్న సమయంలోనే పరిచయమయ్యారు. అప్పటి నుంచి వారిద్దరి బంధం బలపడుతూ వచ్చింది. వివిధ దేశాల్లో విసృ్తతంగా పర్యటించటం, పెద్దపెద్ద వ్యక్తులతో పరిచయాలు పెంచుకోవటం బిల్లీ హాబీ. ఇదే క్రమంలో ఈయనకు ఫ్లోరిడాలోని ఐఎంజీ యాజమాన్యమైన మార్క్ కుటుంబంతో సంబంధాలున్న ఆండ్రూక్రీగర్ పరిచయమయ్యాడు. బాబుకు క్రీగర్‌ను పరిచయం చేసి... ఆయన్ను ఐఎంజీబీకి నామమాత్రపు చైర్మన్‌గా చేసి... బాబు- బిల్లీ ఇద్దరూ చక్రం తిప్పారు. ఐఎంజీబీకి భూములు దక్కాక... క్రీగర్‌ను నేరస్తుడనే ముద్ర వేసి కంపెనీ నుంచి తొలగించటంతో ఆయన బిల్లీపై హైదరాబాద్ సిటీ సివిల్ కోర్టులో కేసు కూడా వేశారు. కానీ బిల్లీ-బాబుల బంధం, బలం తెలిశాక తప్పుకున్నారు. అదీ కథ. అలాంటి బిల్లీకి చంద్రబాబు నాయుడు తన నియోజకవర్గమైన కుప్పంలో... ఇజ్రాయెల్ టెక్నాలజీ ప్రాజెక్టును మొదట అప్పగించారు. అదెంత ఘోరంగా విఫలమైందంటే... దాన్ని గురించి మాట్లాడటానికే సిగ్గుపడేంత. కావాలంటే మీరే చూడండి..
  
  ఇదండీ.. బాబు ఇజ్రాయెల్ సాగు
  
  కుప్పంలో 9,572 ఎకరాల్లో ఇజ్రాయెల్ తరహా సేద్యాన్ని అమలు చేసి... రెండోదశలో రంగారెడ్డి జిల్లాలో అమలు చేసి... ఆ తర్వాత దాన్ని రాష్ట్రమంతటికీ విస్తరించాలని 1997లో చంద్రబాబు ప్రభుత్వం  నిర్ణయించింది. ఈ ప్రాజెక్టు అమలు బాధ్యతను బిల్లీ, ఆయన సోదరుడు ప్రభాకరరావు అలియాస్ ప్యాట్‌రావుకు చెందిన ‘బీహెచ్‌సీ ఆగ్రో ఇండియా ప్రైవేట్ లిమిటెడ్’కు అప్పగించేశారు బాబు. సేద్యంలో ఇజ్రాయెల్ తరహా విప్లవాన్ని తెస్తామని, స్వర్గాన్ని తెచ్చి కుప్పంలో కూర్చోబెడతామని రకరకాల డబ్బాలు వాయించింది ఈ కంపెనీ. షరా మామూలుగా ఈ డబ్బాను రాష్ట్రమంతటికీ వినిపించేలా కొట్టింది ‘ఈనాడు’. రాష్ట్ర వ్యవసాయ రంగ ముఖచిత్రం మారిపోబోతోందంటూ ఊదరగొట్టేశారు రామోజీరావు. కానీ కుప్పంలో మాత్రం పరిస్థితి అడ్డం తిరిగింది.
  
  19 కోట్లు కుప్పంలో పోసేశారు...
  
  ఈ ప్రయోగాత్మక ప్రాజెక్టుకు రూ.19 కోట్లు ఖర్చుచేశారు. దీన్లో కొంత టెక్నాలజీకి, కొంత మౌలిక సదుపాయాలకు, మరికొంత యంత్రాలకు అంటూ మొత్తం బిల్లీ చేతిలో పోసేశారు. ఈ ప్రాజెక్టుతో ఎంత విధ్వంసానికి దిగారో చెప్పడానికి మాటలు చాలవు. ప్రాజెక్టు కోసమని రైతుల నుంచి బలవంతంగా సేకరించిన భూముల్లో సరిహద్దులను మళ్లీ మానవ మాత్రుడెవరూ గుర్తించలేనంతగా చెరిపేశారు. మోతాదుకు మించి రసాయన ఎరువులు వాడేశారు. దాంతో చుట్టుపక్కల భూముల్లో కూడా భూసారం నాశనమైపోయింది. చుట్టుపక్కల రైతులు అప్పటిదాకా 200 అడుగుల బోర్లు వేస్తే... ఈ భూముల్లో ఏకంగా 600 అడుగుల లోతున బోర్లు వేశారు. దీంతో చుట్టూ ఉన్న బోర్లు ఎండిపోయి రైతులు భోరుమన్నారు. ఎకరానికి రూ.30,000- 50,000 వరకూ ఫలసాయం అందిస్తామని ఆర్భాటపు ప్రకటనలు చేసినా... ఎకరాకు రూ.3 నుంచి 5 వేలు కూడా దిగుబడి సాధించలేకపోయారు. ప్రాజెక్టు పేరిట ఎకరాకు చేసిన ఖర్చుకు బ్యాంకు వడ్డీని సైతం ఫలసాయంగా రాబట్టలేకపోయారంటే పరిస్థితి అర్థం చేసుకోవచ్చు. కుప్పం ప్రాజెక్టుపై వచ్చిన విమర్శలు అన్నీ ఇన్నీ కావు. ‘ఆంధ్రప్రదేశ్  కొయిలిషన్ ఇన్ డిఫెన్స్ ఆఫ్ డైవర్సిటీ’ తరఫున శాస్త్రవేత్తలు, నిపుణులు కుప్పం వెళ్లొచ్చి.. ఒక నివేదిక రూపొందించారు. దిగ్భ్రాంతికరమైన వాస్తవాలు వెల్లడించారు.
  
  ఇలా కూడా దున్నుతారా?
  
  కుప్పంలో భూమి వాలుకు సమాంతరంగా దున్ని... బిల్లీ-బాబులు తమ వ్యవసాయ అజ్ఞానాన్ని ఘోరంగా బయటపెట్టుకున్నారు. ఆ ఫొటోలు దినపత్రిక ల్లో చూసి రాష్ట్ర రైతాంగం నోరెళ్లబెట్టింది. ఎందుకంటే భూమి సహజమైన వాలుకు అడ్డంగా దున్నటం సంప్రదాయం. అలా కాక వాలుకు సమాంతరంగా దున్నితే మట్టి కొట్టుకుపోవటాన్ని ఎవ్వరూ ఆపలేరు. కోసివేతతో నేల శాశ్వతంగా నష్టపోతుంది. నిరక్షరాస్యులైన రైతులకు తెలిసిన కనీస పరిజ్ఞానాన్ని సైతం బిల్లీ కంపెనీ ప్రదర్శించలేకపోయింది. మరి దీన్ని ఇజ్రాయెల్ టెక్నాలజీ అంటారా? ఇజ్రాయెల్‌లో ఇలానే చేస్తారా? ఇది రాష్ట్ర ప్రజలను వంచించటం కాదా? ఇజ్రాయెల్ పేరిట కుప్పంలోను, అమెరికా పేరిట ఐఎంజీని సృష్టించి హైదరాబాద్‌లోను వేల కోట్ల రూపాయలు కొల్లగొట్టడానికి పథకం వేశారంటే... వీళ్లని ఏమనుకోవాలి? దోపిడీలో విదేశాలకెక్కిన చరిత్ర వీళ్లది కాదా? కేబినెట్ అనుమతి లేకుండా... అది కూడా ఆపద్ధర్మ ముఖ్యమంత్రిగా ఉంటూ ఐఎంజీకి భూములు కట్టబెట్టారంటే చంద్రబాబును చరిత్ర క్షమిస్తుందా?
  
  ప్రభుత్వం ఆదేశించినా విచారణకు సీబీఐ నో!
  
  ఐఎంజీ కుంభకోణం బయటపడ్డాక.. ఒప్పందాన్ని రద్దు చేసిన వై.ఎస్.రాజశేఖర రెడ్డి ప్రభుత్వం.. 2007లో ఈ వ్యవహారంపై సీబీఐ దర్యాప్తునకు ఆదేశిస్తూ జీవో విడుదల చేసింది. కానీ సీబీఐ మాత్రం దీనిపై దర్యాప్తు జరపడానికి పెద్దగా ఆసక్తి చూపించలేదు. చంద్రబాబును దోషిగా రుజువు చేసేందుకు సకల సాక్ష్యాలూ కళ్ల ముందు కనిపిస్తున్నా.. ఆయ న్ను విచారించడానికి గానీ, అరెస్టు చెయ్యటానికి గానీ సీబీఐ ముందుకెళ్లలేదు. ‘‘మా దగ్గర తగినంత సిబ్బంది లేరు. తగిన వనరులు లేవు. అందుకని దర్యాప్తు జరపలేం’’ అని ప్రభుత్వానికి సమాధానమిచ్చి తప్పించుకుంది. విచిత్రమేంటంటే... అప్పుడు కూడా రాష్ట్రంలో సీబీఐ ఇన్‌ఛార్జిగా ఉన్నది మొన్నటిదాకా జాయింట్ డెరైక్టర్‌గా ఉండి, జగన్ కేసులో అత్యుత్సాహం ప్రదర్శించిన వి.వి.లక్ష్మీనారాయణే!. అసలు ఆయనకు బాబుపై ఎందుకు అంత ప్రేమ? నేరం స్పష్టంగా కనిపిస్తున్నా... దొంగలెవరో ఆధారాలతో సహా తేలినా పట్టుకోవటానికి ఎందుకు తాత్సారం చేశారు? తగిన వనరులు లేవన్న కారణంతో విచారణ జరపలేమని చెప్పటం ప్రపంచంలో ఎక్కడైనా ఉంటుందా? దొంగల్ని పట్టుకోవటానికి పోలీసులు లేరంటే... ఈ వ్యవస్థెందుకు? ఈ దర్యాప్తు సంస్థలెందుకు?
  
  ‘కుప్పం’ పైనా హైకోర్టు స్టే
  
  వైఎస్ ప్రభుత్వం అధికారంలోకి వచ్చాక కుప్పం ప్రాజెక్టు అక్రమాలపై పంజాబ్, హర్యానా హైకోర్టు మాజీన్యాయమూర్తి జస్టిస్ చలపతి అధ్యక్షతన ఏకసభ్య కమిషన్‌ను ఏర్పాటు చేశారు. పూర్తిస్థాయిలో విచారణ జరిపిన జస్టిస్ చలపతి కుప్పం ప్రాజెక్టులో పెద్ద ఎత్తున అక్రమాలు, అవకతవకలు జరిగాయని తేల్చారు. సీబీసీఐడీ విచారణ జరిపించాలని, బిల్లీ-ప్యాట్‌లపై క్రిమినల్ కేసు నమోదు చేయాలని ప్రభుత్వానికి సిఫారసు చేశారు. జస్టిస్ చలపతి నివేదికను కేబినెట్ ఆమోదించింది. కానీ సీఐడీ విచారణపై బిల్లీరావు హైకోర్టును ఆశ్రయించారు. కోర్టు స్టే ఇచ్చింది. అది ఇప్పటికీ కొనసాగుతోంది.
  
  ఐఎంజీలో ఏం జరుగుతోందో చంద్రబాబుకు తెలుసు
  తమ బంధాన్ని బయటపెట్టిన బిల్లీ రావు
  
  ఐఎంజీ ఒప్పందం కుదిరిన వెంటనే చంద్రబాబును జనం అధికారం నుంచి దింపేశారు. తరవాత అధికారంలోకి వచ్చిన వైఎస్ రాజశేఖరరెడ్డి ప్రభుత్వం.. ఎంఓయూ కుదిరి రెండేళ్లు దాటుతున్నా ఎలాంటి పనీ చేపట్టకపోవటంతో ఐఎంజీ ప్రతినిధుల్ని వివరణ కోరింది. వారు తేలుకుట్టిన దొంగల్లా సెలైంట్‌గా ఊరుకోవటంతో రోశయ్య కమిటీని వేసింది. ఆ కమిటీ నిజానిజాల్ని పరిశీలించి.. ఇదంతా బోగస్ అని, అతిపెద్ద కుంభకోణమని నిగ్గుతేల్చింది. దీంతో ప్రభుత్వం.. భూములు వెనక్కి తీసుకుంటూ ఒప్పందాన్ని రద్దు చేసింది. అయితే బిల్లీ-బాబు బృందం.. అధికారం పోయింది! భూములు కూడా పోతే ఎలా? అందుకని తమ ఒప్పందాన్ని రద్దు చేయకూడదంటూ ఐఎంజీబీ కోర్టుకెళ్లింది. ఇదింకా హైకోర్టులో పెండింగ్‌లోనే ఉంది. తీర్పు తమకు అనుకూలంగానే వస్తుందని బిల్లీరావు మొదటి నుంచీ చెబుతున్నారు. ఇదే విషయాన్ని 2009 ఏప్రిల్లో తనకు సన్నిహితుడైన ఒక వ్యక్తితో చెబుతూ... ‘సాక్షి’ స్పై కెమెరాకు చిక్కాడు. బిల్లీ సంభాషణను ఎడిట్ చేసి ప్రచురించింది సాక్షి. న్యాయ వ్యవస్థపై అమితమైన గౌరవం ఉన్న ‘సాక్షి’.. ఈ వ్యవహారం కోర్టులో ఉన్న దృష్ట్యా.. బాబు గురించి బిల్లీ చెప్పిన విషయాలను మాత్రమే ఇపుడు ప్రచురిస్తోంది. ఎందుకంటే ఈ సంభాషణ వీరిద్దరి బంధాన్ని మరింత బయటపెడుతుంది కనుక...
  
  బాబుకు సర్వం చెబుతున్నా: బిల్లీ
  
  బిల్లీ, ఎదుటి వ్యక్తి అప్పట్లో పెండింగ్‌లో ఉన్న
  ఐఎంజీబీ కేసు గురించి మాట్లాడుకుంటున్నారు
  
   ఎదుటి వ్యక్తి: మీరు ఏదేదో చెబుతున్నారు. కానీ నాయుడు ఈ విషయాలన్నీ ట్రాక్ చేస్తూ ఉంటారా?
  బిల్లీ: నేను మీకు చెబుతాను. దాన్నిబట్టి ఎవరు ట్రాక్ చేస్తున్నారో మీకే తెలుస్తుంది. బాబు ఈ కేసును డీల్ చేయడానికి ప్రత్యేకంగా ఒక మనిషిని నియమించారు. నేను దీనిపై నోరు విప్పను. సెలైంట్‌గా ఉంటాను.
   ఈ కాంట్రాక్ట్ గురించి బాబుకు తెలుసా?
  బిల్లీ: ఏయ్! ఈ ప్రశ్న ఇప్పటికే నువ్వు పదిహేను సార్లు అడిగావు. నా దగ్గర ఉన్న కాపీ ఆయనకు ఇచ్చాను. నాకు ఈ లఫ్డాలు, గొడవలు నచ్చవు. ముక్కుసూటిగా ఉంటా. నేను ఏం చేయాలో నాకు క్లియర్‌గా తెలుసు. నేను ఇదే నమ్ముతాను. జడ్జిమెంట్ ఎలా రావాలో, ఎలా ఉండాలో... కాపీని నేను బాబుకు ఇచ్చాను.
   ఏ పేపరు అది?
  బిల్లీ: అదే! నీకిచ్చిన పేపరే. ఈ కేసులో తీర్పు ఎలా ఉండాలి అనేది. ఎందుకంటే బాబుకు కూడా తెలియాలి కదా!... ఏం జరుగుతోందో!
   ఎదుటి వ్యక్తి: మరి బాబు ఏమన్నారు?
  బిల్లీ: ఏం లేదు. చదివారు. అయినా చాలా కాలం కిందటే నేను కొన్ని ముఖ్యమైన పాయింట్లతో కాపీని ఆయనకిచ్చాను. అందులో తీర్పు ఎలా ఉండాలో ఉంది.
  నా కాంట్రాక్ట్ చాలా క్లియర్‌గా ఉంది. మేం సైన్ చేసిన కాంట్రాక్ట్ ప్రకారం 10 ఎకరాలు కోర్టుల కోసం. కొంత హైకోర్టు ఖర్చులకు. కొంత సుప్రీంకోర్టు ఖర్చులకు. ఇప్పుడే బాబుకు ఎస్‌ఎంఎస్ పంపా. బాబును ప్రతిసారీ డిస్టర్బ్ చేయటం నాకిష్టం లేదు. ఆయన పెట్టిన మనిషి ఎప్పటికప్పుడు సమాచారం అందిస్తారు.
  నాకు బోగస్, ఫ్రాడ్ అస్సలు నచ్చదు. నన్ను మోసగిస్తే నాకు నచ్చదు. పనిచేయండి.. డబ్బులు తీసుకోండి. మనమేమీ మూర్ఖులం కాదు కదా!!
  బాబుకు ఈ కేసు వివరాలు పూర్తిగా తెలుసు. అర్ధరాత్రి రెండు గంటలకు లేపి అడిగినా కూడా దాని గురించి ఠక్కున చెప్పేస్తారు. నేను ఏది చెప్పినా అది 110 శాతం కరెక్టని బాబు నమ్ముతారు. ఆయనకు చాలా జ్ఞాపకశక్తి ఉంది.
  
   మీకు బాబుతో మంచి సంబంధాలే ఉన్నాయా?
  
  బిల్లీ: చాలా బలమైన సంబంధాలే ఉన్నాయి. కొంతమంది సుప్రీంకోర్టులో దీనిపై కసరత్తు చేస్తున్నారని ఆయనకు చెప్పా! ఏం భయపడవద్దని, మా పనిపై మమ్మల్ని ఉండమని చెప్పారాయన.
  చంద్రబాబు దగ్గర ప్రస్తుతం సెక్యూరిటీ చాలా టైట్‌గా తయారైంది. స్టుపిడ్స్ అంతా అడ్డగోలుగా చేసేశారు. సాధారణంగా నేను బాబుకు సన్నిహితంగా ఉండే అశోక్, లేదా విజయ్ లేదా శ్రీనివాస్‌కు ఫోన్ చేస్తా. బాబుతో డెరైక్ట్‌గా ఫోన్లోనే మాట్లాడతా. నా దగ్గర బాబు సెల్ నంబర్ ఉంది. అయినా సెక్యూరిటీ సిబ్బంది ఫోన్ లిఫ్ట్ చేస్తారు. సాధారణంగా నాగేంద్ర ఫోన్లని రిసీవ్ చేసుకుంటాడు. బాబు దగ్గర రెండు నంబర్లున్నాయి. ఒకటి 9948710007, రెండోది 9885000999. ల్యాండ్‌లైన్ ఆపరేటర్‌కు ఫోన్ చేసినా నాకు కనెక్ట్ చేస్తారు. రాత్రి 9.30 లోపే చేస్తా. దాటితే ఆయన భార్యకు నచ్చదు. బాబు టాబ్లెట్ వేసుకుని పడుకుంటారు.
  లోకేష్ బాబుతో నేను గంటలకొద్దీ సమయాన్ని గడిపా. ఆయన కూడా చాలా తెలివైనవాడు. ఆయన నంబర్ కావాలా! తీసుకోండి. 9848009999. విదేశాల్లో చదువుకున్నాడు. చాలా అనుభవం ఉంది. కానీ బాబుతో పోలిస్తే లోకేష్‌ది దూకుడు స్వభావం.
  
   ఆయన కూడా రాజకీయాల్లోకి వస్తారా?
  
  బిల్లీ: ఏమో! జూనియర్ ఎన్టీఆర్ మాదిరి ఆయనకు మాట్లాడటం వస్తుందో రాదో. జూనియర్ ఎన్టీఆర్‌కి అది దేవుడిచ్చిన వరం. ఆయనకు చాలా చరిష్మా ఉంది. ఆయన ప్రసంగాలు నేను విన్నాను.
  సత్యం రామలింగరాజుతో నాకు చాలా సాన్నిహిత్యం ఉంది. చాలా బాగా తెలుసు. అంతెందుకు! నేను లేకపోతే అసలు సత్యం కంపెనీయే లేదు. పది కోట్ల చిన్న సంస్థకు... జీఈ నుంచి వంద కోట్ల రూపాయల ఆర్డర్ ఇప్పించింది నేనే. అతని తమ్ముడు కూడా నాకు బాగా తెలుసు. నేను చేసిన దానికి రాజు నాకు షేర్లు ఇవ్వాలనుకున్నాడు. నేను అలాంటి చిల్లర వాటికి ఆశపడను.