లండన్‌: దేశీ సాఫ్ట్‌వేర్‌ సేవల దిగ్గజం టాటా కన్సల్టెన్సీ సర్వీసెస్‌ (టీసీఎస్‌) తాజాగా టాప్‌ 3 అంతర్జాతీయ ఐటీ దిగ్గజ బ్రాండ్స్‌ జాబితాలో చోటు దక్కించుకుంది. అంతర్జాతీయ బ్రాండ్‌ వేల్యుయేషన్‌ సంస్థ బ్రాండ్‌ ఫైనాన్స్‌ తమకు ఈ ర్యాంకింగ్‌ ఇచ్చినట్లు టీసీఎస్‌ ఒక ప్రకటనలో తెలిపింది. అత్యుత్తమ పనితీరుకు గాను తమకు ఎఎప్లస్‌ రేటింగ్‌ దక్కినట్లు పేర్కొంది.
 అయిదేళ్ల క్రితం టీసీఎస్‌ .. బిగ్‌ 4 బ్రాండ్స్‌లో ఒకటిగా నిలవగా తాజాగా మరో మెట్టు ఎదిగి టాప్‌ 3లో చోటు దక్కించుకుందని బ్రాండ్‌ ఫైనాన్స్‌ సీఈవో డేవిడ్‌ హేగ్‌ తెలిపారు. తొలి రెండు స్థానాల్లో ఐబీఎం, యాక్సెంచర్‌ ఉన్నాయి.