హైదరాబాద్: అతివేగంతో వస్తున్న ఓ కారు అదుపుతప్పి బోల్తా పడింది. ఈ ఘటన ఆరాంఘర్ వద్ద పీవీ ఎక్స్‌ప్రెస్ వేపై ఆదివారం సాయంత్రం చోటుచేసుకుంది. ఈ ఘటనలో ఇద్దరికి గాయలు అయ్యాయి. నగరం నుంచి శంషాబాద్ విమానాశ్రయానికి వెళుతుండగా ఈ ప్రమాదం జరిగింది.
 
 ప్రమాదంలో గాయపడిన క్షతగాత్రులను చికిత్స కోసం ఆస్పత్రికి తరలించారు. ఈ ప్రమాదంతో వాహనాలు ఎక్కడిక్కడా నిలిచిపోయి భారీగా ట్రాఫిక్‌జామ్ నెలకొంది. పూర్తి వివరాలు తెలియాల్సి ఉంది.


 పెనుకొండ: అనంతపురం జిల్లా పెనుకొండ సమీపంలో జరిగిన రోడ్డు ప్రమాదంలో ఓ చిన్నారి మృతి చెందాడు. హైదరాబాద్ నుంచి ఓ కుటుంబం కారులో కర్ణాటకలోని చింతామణి ప్రాంతానికి వెళుతోంది.
 
 మంగళవారం తెల్లవారుజామున పెనుకొండ సమీపంలో అదుపుతప్పిన కారు జాతీయ రహదారి పక్కకు దూసుకెళ్లి బోల్తాపడింది. ఈ ఘటనలో ఉజ్వల్ (3) మృతి చెందగా, మరో ఇద్దరికి స్వల్ప గాయాలు అయ్యాయి.