వీర్, శ్రీ హర్ష, నిషా, ఖుషి ముఖ్య తారలుగా తోట కృష్ణ దర్శకత్వంలో కేవీ పాపారావు నిర్మించిన ‘చండిక’ ఈ నెలలోనే రిలీజ్‌ కానుంది. ఈ సందర్భంగా శనివారం జరిగిన ఈ సినిమా ట్రైలర్‌ లాంచ్‌ ఈవెంట్‌లో తోట కృష్ణ మాట్లాడుతూ– ‘‘ఓ ఆత్మ ప్రతీకారం తీర్చుకునే విధానాన్ని కొత్తగా చూపించాం. ఈ చిత్రంలో నిర్మాత గురురాజ్‌ ఓ కీలక పాత్ర చేశారు’’ అన్నారు. ‘‘ఈ సినిమాకు నేనే కథ రాశాను’’ అన్నారు చిత్రనిర్మాత కేవీ పాపారావు. ఈ చిత్రానికి సంగీతం: చేతన్‌ విన్, కెమెరా: నగేశ్‌.


 పెళ్లకూరు: చిల్లకూరు వడ్డిపాళెంలో జరుగుతున్న చండికా పరమేశ్వరి బ్రహ్మోత్సవాల్లో మంగళవారం అమ్మవారికి విశేష పూజలు నిర్వహించారు. ఉదయం నుంచి అభిషేకాలు, అర్చనలు జరిపారు. సాయంత్రం మహాహోమం జరిగింది. పెద్దసంఖ్యలో భక్తులు అమ్మవారిని దర్శించుకుని తీర్థప్రసాదాలు స్వీకరించారు. రాత్రి అమ్మవారి పల్లకీసేవ నేత్రపర్వంగా సాగింది. ఈ పూజా కార్యక్రమాలకు ఉభయకర్తలుగా కామిరెడ్డి సత్యనారాయణరెడ్డి వ్యవహరించారు. ఆలయ ధర్మకర్త రాజామాతాదేవి భక్తులకు ప్రవచనం చేశారు.