బుల్లితెర ప్రేక్షకులకు ఎంతో ఇష్టమైన షో సీఐడీ. ఒళ్లు గగుర్పొడిచే నేరాలు, ఘోరాలు.. నిందితులను పట్టుకునేందుకు పోలీసులు చేసే సాహసాలు.. అన్నీ కూడా అద్భుతంగా ఉండేవి. అందుకే అందరూ సీఐడీని ఎంతో ఇష్టపడతారు. శివాజీ సతం, ఆదిత్య శ్రీవాత్సవ, దయానంద్‌ శెట్టి, నరేంద్ర గుప్త, అన్ష సాయేద్‌ ప్రధాన పాత్రల్లో నటించిన ఈ టీవీ సిరీస్‌ ఆల్‌టైమ్‌ హిట్‌. 1998 నుంచి 2018 వరకు ఈ సిరీస్‌ కొనసాగింది.తాజాగా సీఐడీ టీమ్‌ గుడ్‌న్యూస్‌ చెప్పింది. ఆరేళ్ల గ్యాప్‌ తర్వాత మరోసారి అలరించేందుకు రెడీ అయ్యామని వెల్లడించింది. అక్టోబర్‌ 26న ప్రోమో రిలీజ్‌ చేస్తున్నట్లు తెలిపింది. దీంతో నెటిజన్లు సంతోషం వ్యక్తం చేస్తున్నారు. సీఐడీ 2 కోసం ఎంతగానో ఎదురుచూస్తున్నామని కామెంట్లు చేస్తున్నారు. అయితే దివంగత నటుడు దినేశ్‌ ఫడ్నీస్‌ లేకుండా సీక్వెల్‌ చూడాల్సి వస్తుండటం కొంత బాధాకరమని విచారం వ్యక్తం చేశారు. కాగా సీఐడీలో ఫెడరిక్‌గా నటించిన దినేశ్‌ ఫడ్నీస్‌ గతేడాది డిసెంబర్‌లో కన్నుమూశారు. View this post on Instagram A post shared by Sony Entertainment Television (@sonytvofficial) చదవండి: లవ్‌ రెడ్డి నటుడిపై ప్రేక్షకురాలి దాడి


 పల్లవి :
 
  అతడు: నా సరి నీవని నీ గురి నేనని ఇపుడే తెలిసెనులే
  తెలిసినదేమో తలచినకొలదీ పులకలు కలిగెనులే
  ఆమె: నీకూ నాకూ వ్రాసివున్నదని ఎపుడో తెలిసెనులే
  తెలిసినదేమో తలచినకొలదీ కలవరమాయెనులే
  ॥
  
  చరణం : 1
 
  అ: నా హృదయమునే వీణజేసుకొని
         ప్రేమను గానము చేతువనీ      (2)
  నా గానము నా చెవి సోకగనే నా మది నీదై పోవుననీ
  ఆ: నీకూ నాకూ వ్రాసి వున్నదని ఎపుడో తెలిసెనులే
  
  చరణం : 2
 
  ఆ: నను నీ చెంతకు ఆకర్షించే గుణమే నీలో ఉన్నదనీ (2)
  ఏ మాత్రము నీ అలికిడి ఐనా నా ఎద దడదడలాడుననీ ఏ మాత్రము నీ అలికిడి ఐనా నా ఎద దడదడలాడుననీ
  అ: నా సరి నీవని నీ గురి నేనని ఇపుడే తెలిసెనులే
  ఆ: తెలిసినదేమో తలచిన కొలదీ కలవరమాయెనులే
  ॥సరి॥
  
  పల్లవి :
 
  అతడు: నా మనసూ నీ మనసూ ఒకటై మనమొకటిగా
  ఎలా ఏకమౌదుమో ఎలా కలిసిపోదుమో     (2)
  ఆమె: నా తనువూ నీ తనువూ వేరు వేరు వేరైనా
  పాలు నీరు కలియునటులె కలసిమెలసి పోదము     (2)
  
  చరణం : 1
 
  అ: నీ హక్కులు నా హక్కులు వేరు వేరు వేరైనా
  కీచులాట లేకుండా మచ్చికతో ఉందమా     (2)
  ॥మనసూ॥
  
  చరణం : 2
 
  ఆ: నీ ప్రాణము నా ప్రాణము ఒకటి ఒకటి ఒకటైనా     (2)
  నీవంటే నీవనుచూ...
  నీవంటే నీవనుచూ కీచులాడుకొందమా
  ॥తనువూ॥
  
  చిత్రం: సి.ఐ.డి. (1965)
  రచన: పింగళి నాగేంద్రరావు
  సంగీతం: ఘంటసాల
  గానం: ఘంటసాల, పి.సుశీల