ఢిల్లీ: మణిపూర్‌ హింసకు మతం రంగును అద్ది.. ఏకంగా పార్లమెంట్‌లో తీర్మానం ప్రవేశపెట్టింది యూకే. అయితే దీనిపై కేంద్రం తీవ్ర అభ్యంతరం వ్యక్తం చేసింది. అంతర్గత విషయాల్లో జోక్యాన్ని సహించబోమని చెబుతూనే..  వలసవాద బుద్ధిని ప్రదర్శించారంటూ మండిపడింది. తాజాగా ఈ ఎపిసోడ్‌లో మరో పరిణామం చోటు చేసుకుంది.  ఇంఫాల్‌కు చెందిన పౌర సంఘాలన్నీ Coordinating Committee on Manipur Integrity సంయుక్తంగా.. యూరోపియన్‌ పార్లమెంట్‌కు లేఖలు రాశాయి.  మణిపూర్‌ అల్లర్లు వలస చిన్‌-కుకీ నార్క్‌ ఉగ్రవాదులకు, స్థానిక మెయితీ తెగలకు మధ్య జరుగుతోంది. అంతేకాని దానికి మతం రంగు పులమడం సరికాదని పేర్కొన్నాయి.  ఈ మేరకు స్ట్రాస్‌బోర్గ్‌కు చెందిన యూరోపియన్‌ పార్లమెంట్‌ ప్రెసిడెంట్‌ రాబర్టా మెట్‌సోలాకు సీవోసీవోఎంఐ కో-ఆర్డినేటర్‌ జితేంద్ర నిన్‌గోంబా లేఖ రాశారు.    ‘‘మణిపూర్‌ అల్లర్లు.. హింసపై ప్రధాని నరేంద్ర మోదీ మౌనవహించడం సరికాదని, కేంద్రం సత్వరమే జోక్యం చేసుకుని ఉంటే ఉంటే పరిస్థితి ఇలా తయారయ్యేది కాదని.. ఇప్పటికైనా చర్యలు చేపట్టాలంటూ యూరోపియన్‌ పార్లమెంట్‌ తొలిసారిగా మణిపూర్‌ అంశం మీద తీర్మానం ప్రవేశపెట్టింది. ఈ పరిణామాన్ని స్వాగతించిన సీవోసీవోఎంఐ.. మతం రంగు అద్దడంపై మాత్రం తీవ్ర అభ్యంతరం వ్యక్తం చేశాయి.  మణిపూర్‌ ఘర్షణలకు ఆజ్యం పోసింది నార్క్‌-టెర్రరిజం. అలాంటి ప్రధాన సమస్యను మీరు విస్మరించారు. తద్వారా  మణిపూర్‌ను మరో న్యూ గోల్డెన్‌ ట్రయాంగిల్‌గా మారేందుకు అవకాశం కల్పించారు. (చైనా, లావోస్‌, మయన్మార్‌, థాయ్‌లాండ్‌లో డ్రగ్‌ ట్రాఫికింగ్‌ కారిడార్లను కలిపి ది గోల్డెన్‌ ట్రయాంగిల్‌గా అభివర్ణిస్తుంటారు.) ఇలాంటి తీర్మానం ప్రవేశపెట్టడం విచారకరం. చిన్‌-కుకీ ఉగ్ర సం‍స్థల ప్రచారం వల్లే..  మణిపూర్‌లో క్రైస్తవ మైనారిటీ, మెజారిటీ మెయితీ హిందువుల మధ్య వివాదంగా మీరు తప్పుగా అర్థం చేసుకోగలిగేలా చేసింది.  మణిపూర్‌లో మతపరమైన  కారణాల వల్ల హింస చెలరేగలేదు. పైగా ఇక్కడెంతో సామరస్యం విరజిల్లుతోంది కూడా.  రాజధాని ఇంఫాల్‌ సహా మెయితీల ప్రాధాన్యం ఉన్న ప్రాంతాల్లోనూ చర్చిల కార్యకలాపాలకు ఎలాంటి విఘాతం కలగలేదని మీరు గమనించాలి. మణిపూర్‌లో లక్షాల డెబ్భై వేల జనాభా ఉన్న మెయితీ తెగ ప్రజలు క్రైస్తవులే. అలాగే.. కుకీ జనాభాలో 35 శాతం క్రైస్తవులు ఉన్నారు. కేవలం గంజాయి, మత్తు పదార్థాల రవాణా(నార్కో టెర్రరిజం), ఆయుధాల అక్రమ రవాణా మీద ఆధారపడి ఉన్న వలస ‘చిన్‌-కుకీ’ గ్రూప్‌ల వల్లే మణిపూర్‌కు ఈ పరిస్థితి దాపురించింది. వీళ్ల ప్రభావం సరిహద్దు దేశాలైన బంగ్లాదేశ్‌, మయన్మార్‌కు కూడా తప్పడం లేదు అని లేఖలో స్పష్టం చేసింది సీవోసీవోఎంఐ. ఇదీ చదవండి: మెయితీల వలసబాట.. కారణం ఎవరంటే..

పాత గుంటూరు: గతంలో ఇంటి స్థలం కావాలంటే రోజుల తరబడి పోరాడాల్సి వచ్చేదని, సీఎంగా వైఎస్‌ జగన్‌మోహన్‌రెడ్డి బాధ్యతలు చేపట్టాక ఆ పరిస్థితి పూర్తిగా మారిపోయిందని మేధావులు, ప్రజా సంఘాల నేతలు అభిప్రాయపడ్డారు. ‘పేదల ఇళ్లు – రాజకీయ సవాళ్లు’ అంశంపై మేధావులు, ప్రజా సంఘాల ఐక్య వేదిక ఆధ్వర్యంలో గురువారం గుంటూరులోని ఎన్జీవో హాల్‌లో రౌండ్‌ టేబుల్‌ సమావేశం నిర్వహించారు. ఆంధ్ర రాష్ట్ర ప్రజా పార్టీ వ్యవస్థాపకుడు జి.శ్రీనివాస్‌ అధ్యక్షతన జరిగిన ఈ సమావేశంలో వివిధ రంగాలకు చెందిన ప్రముఖులు, లబ్ధిదారులు పాల్గొన్నారు. పేదల ఇళ్లపై రాజకీయం చేస్తున్న పలు పార్టీల వైఖరిని ఎండగట్టారు.  విపక్షాల రాద్ధాంతం తగదు  సీఎం వైఎస్‌ జగన్‌మోహన్‌రెడ్డి ఇచ్చిన హామీకి కట్టుబడి అర్హులందరికీ ఇళ్లు కట్టించి ఇస్తుండటం గొప్ప విషయం. విపక్షాలు విజ్ఞత కోల్పోయి  విమర్శలు చేయడం తగదు.    – ఆచార్య డీఏఆర్‌ సుబ్రహ్మణ్యం, మహాత్మా గాంధీ కళాశాల వ్యవస్థాపకుడు బాబు, పవన్‌ రాజకీయాలకు తగరు  రాజ్యాంగ నిర్మాత డాక్టర్‌ బాబా సాహెబ్‌ అంబేడ్కర్‌ ఆలోచనా విధానాన్ని సీఎం వైఎస్‌ జగన్‌ ఆచరణలో అమలు చేసి చూపిస్తున్నారు. నా దృష్టిలో చంద్రబాబు, పవన్‌ కళ్యాణ్‌ ఇద్దరూ రాజకీయ నేతలే కారు. ప్రజల బాధలు పట్టనోళ్లు రాజకీయాలకు తగరు.  – ఆచార్య గురవయ్య, ఏసీ న్యాయ కళాశాల ప్రిన్సిపాల్‌ ఇది స్వర్ణయుగం  గుప్తుల స్వర్ణ యుగం గురించి మనం పుస్తకాలలో చదువుకున్నాం. ఇప్పుడు సీఎం వైఎస్‌ జగన్‌ పాలనలో దానిని ప్రత్యక్షంగా చూస్తున్నాం. అందరికీ ఇళ్లు ఇవ్వడం అనేది అతిపెద్ద యజ్ఞం.  – చక్రపాణి, విశ్రాంత ఎస్పీ పేదల ఇళ్లు – పవర్‌స్టార్‌ కన్నీళ్లు ముఖ్యమంత్రి వైఎస్‌ జగన్‌ ఇళ్లను మహిళల పేరిట రిజిస్ట్రేషన్‌ చేసి ఇవ్వడం మహిళా సాధికారతకు నిదర్శనం. పేదల ఇళ్లు–పవర్‌ స్టార్‌ కన్నీళ్లు అనే నినాదంతో మహిళలంతా ఉద్యమిస్తే కానీ వాళ్లకు బుద్ధి రాదు. – మంజుల, సీనియర్‌ న్యాయవాది, సామాజిక కార్యకర్త సీఎం నిజమైన ప్రజా పాలకుడు  ఏకంగా 31 లక్షల మందికి ఇళ్ల స్థలాలు ఇవ్వడమే కాకుండా ఇళ్లు కట్టించి ఇచ్చే బృహత్తర కార్యక్రమానికి సీఎం వైఎస్‌ జగన్‌ శ్రీకారం చుట్టడం గొప్ప విషయం. జగనే నిజమైన ప్రజా పరిపాలకుడు. – గోళ్లమూడి రాజసుందరబాబు, ఐద్వా వ్యవస్థాపకులు రాజకీయాలకు అతీతంగా హర్షిద్దాం  గతంలో ఇళ్ల స్థలాలు కావాలంటే రోజుల తరబడి ఆందోళన చేయాల్సి వచ్చేది. వైఎస్‌ జగన్‌ ముఖ్యమంత్రి అయ్యాక పేదలందరికీ ఇళ్లు కట్టించి ఇస్తున్నారు. రాజకీయాలకు అతీతంగా ఇది అందరూ హర్షించదగ్గ అంశం.  – జి.శ్రీనివాస్, ఆంధ్ర రాష్ట్ర ప్రజా పార్టీ వ్యవస్థాపకుడు గొప్ప విషయం  ప్రజలకు ఇళ్ల స్థలాల కోసం ప్రభుత్వం 71,811 ఎకరాల భూమి సేకరించింది. నిరుపేదల ఇళ్ల కోసం మొత్తం 25 వేల ఎకరాల భూమిని కొనుగోలు చేసింది. రూ.11 వేల కోట్లు ఖర్చు చేసింది. ఇది వాస్తవం.       – పరిశపోగు శ్రీనివాసరావు, నవ్యాంధ్ర ఎమ్మార్పీఎస్‌ వ్యవస్థాపకుడు పవన్‌ ఆందోళన హాస్యాస్పదం  జగనన్న ఇళ్లపై పవన్‌ కళ్యాణ్‌ ఆందోళన హాస్యాస్పదం. జగనన్న ఇళ్లు – జనసేనాని కన్నీళ్లు అని కార్యక్రమం పేరు మార్చితే బాగుంటుంది.   – భగవాన్‌ దాస్, రాష్ట్ర విద్యార్థి ఉద్యమ నేత  గూడు చెదరగొట్టే కుట్ర  అంబేడ్కర్‌ ఆశయాలకు అనుగుణంగా పేదలకు ముఖ్యమంత్రి జగన్‌ కల్పిస్తున్న గూడు చెదర గొట్టేందుకు రాష్ట్రంలో ఒక పెద్ద కుట్ర జరుగుతోంది. దీన్ని తిప్పికొట్టాల్సిన అవసరం ఉంది.   – తిప్పాబత్తుని గోవింద్, ఎస్సీ సంక్షేమ సంఘం రాష్ట్ర అధ్యక్షుడు ఇది సరికొత్త చరిత్ర  తాడి తన్నేవాడి తల తన్నేవాడే జగన్‌. చంద్రబాబు, పవన్‌ కళ్యాణ్‌ ఎన్ని ఎత్తులు వేసినా.. వాటికి పైఎత్తు వేసి చిత్తు చేయగల సమర్థుడు. ఇళ్ల నిర్మాణం ద్వారా సరికొత్త చరిత్ర సృష్టించారు. – వేముల భారతి, అస్మిత మహిళా మండలి అధ్యక్షురాలు పవన్‌కొచ్చిన నొప్పేంటి? సొంత ఇంటి కోసం ఎన్నో ఇక్కట్లు పడ్డాం. సీఎం జగన్‌ పుణ్యాన ఇప్పుడు సొంతింటిలో దర్జాగా ఉంటున్నాం. మాలాంటోళ్లకు జగనన్న ఇళ్లు ఇస్తే మీకొచ్చిన నొప్పేమిటి?   – రత్నకుమారి, ఇంటి లబ్ధిదారురాలు 


 న్యూఢిల్లీ: దేశంలో గత నాలుగేళ్ల నుంచీ ప్రతీ రోజూ 550 చొప్పున ఉద్యోగాలు కనుమరుగవుతున్న విషయం తెలుసా...? ఇదే విధమైన ధోరణి కొనసాగితే 2050 నాటికి 70 లక్షల ఉద్యోగాలు అంతరించిపోయే ప్రమాదం ఉందట. దేశంలో ఉపాధి అవకాశాలకు సంబంధించి ఢిల్లీకి చెందిన సివిల్ సొసైటీ గ్రూపు ‘ప్రహార్’ నిర్వహించిన అధ్యయనంలో విధాన రూపకర్తలను, నిరుద్యోగులను కలవరపెట్టే ఎన్నో విషయాలు వెలుగు చూశాయి.
  
  రైతులు, రిటైల్ వర్తకులు, కాంట్రాక్టు కార్మికులు, నిర్మాణ రంగ కార్మికులు ఎక్కువగా ప్రభావితమైన వర్గాలని, ఇంతకు ముందెన్నడూ లేని స్థాయిలో జీవనోపాధి ముప్పును ఎదుర్కొంటున్నారని ప్రహార్ సంస్థ తెలిపింది.
  
  2016 ప్రారంభంలో కేంద్ర కార్మిక బ్యూరో వెల్లడించిన గణాంకాల ప్రకారం చూస్తే 2015లో దేశంలో కొత్తగా వచ్చిన ఉద్యోగాలు 1.35 లక్షలుగానే ఉన్నాయి. కానీ ఈ సంఖ్య 2013లో 4.19 లక్షలు, 2011లో 9 లక్షలుగా ఉందన్న విషయాన్ని గమనించాలి.
  
  దేశంలో ఉపాధి అవకాశాలు పెరగకపోగా రోజూ 550 చొప్పున తరిగిపోతున్నాయి. ఇలానే కొనసాగితే 2050 నాటికి 70 లక్షల ఉద్యోగాలు అంతరిస్తాయి. దేశ జనాభా అదనంగా 60 కోట్ల మేర వృద్ధి చెందుతుంది.
  
  ‘దీన్ని బట్టి చూస్తే దేశంలో ఉద్యోగాల సృష్టి అన్నది తగ్గిపోతుందని తెలుస్తోంది. ఇది చాలా కలవరపెట్టే అంశం.
  
  వ్యవస్థీకృత రంగం అందించే ఉపాధి నామమాత్రంగా ఉంటోంది. ఈ రంగం కల్పించే ఉపాధి అవకాశాలు ఒక శాతం కంటే తక్కువే. వ్యవస్థీకృత రంగంలో 3 కోట్ల ఉద్యోగాలు ఉంటే, అవ్యవస్థీకృత రంగంలో 44 కోట్ల ఉద్యోగాలున్నట్టు ఈ అధ్యయనం తెలిపింది.
  
  తిరిగి మూలాలకు వెళ్లాలని... ప్రస్తుతం 99 శాతం ఉపాధి అవకాశాలను కల్పిస్తున్న రంగాలైన వ్యవసాయం, చిల్లర దుకాణాలు, సూక్ష్మ, చిన్న స్థాయి సంస్థలను కాపాడే చర్యలు చేపట్టాలని సూచించింది. ఈ రంగాలకు ప్రభుత్వ సాయం కావాలేగానీ నియంత్రణలు కాదని... 21వ శతాబ్దంలో దేశానికి కావాల్సింది స్మార్ట్ గ్రామాలేగానీ, స్మార్ట్ సిటీలు కాదని అధ్యయనం హితవు పలికింది.