నెల్లూరు(పొగతోట) : ప్రభుత్వ జీఓలకు, కోర్టు వారి ఆదేశాలకు వ్యతిరేకంగా అనుమతులు మంజూరు చేసి, మనసిక క్షోభకు గురి చేసిన తనకు స్వచ్ఛంద మరణానికి అనుమతి ఇవ్వాలని కోరుతు విడవలూరు మండలం ఊటుకూరుకు చెందిన కలిచేటి వెంకారెడ్డి విజ్ఞప్తి చేశారు. సోమవారం కలెక్టరేట్ ఎదుట అందోళన చేశారు. ఆయన మాట్లాడుతూ 13 ఏళ్లుగా నా భూమిని నన్ను సాగు చేసుకోనివ్వకుండా అధికార దుర్వినియోగానికి పాల్పడుతున్నారని తెలిపారు. అనేక ప్రయత్నాలు చేసిన ఫలితం లేదని తెలిపారు. స్వచ్ఛంద మరణానికి అనుమతి ఇవ్వాలని కోరుతూ ధర్నా అనంతరం అధికారులకు వినతిపత్రం అందజేశారు.