న్యూఢిల్లీ: స్థానికంగా డివైజ్‌లను అభివృద్ధి చేసే క్రమంలో చైనీస్‌ స్మార్ట్‌ఫోన్ల తయారీ సంస్థ వివో భారత్‌లో పారిశ్రామిక డిజైన్‌ కేంద్రాన్ని ఏర్పాటు చేయనుంది. అలాగే ఫ్యాక్టరీలో ఉద్యోగుల సంఖ్యను 50,000కు పెంచుకోనుంది. వివో ఇండియా డైరెక్టర్‌ (బ్రాండ్‌ స్ట్రాటజీ విభాగం) నిపుణ్‌ మార్యా ఈ విషయాలు తెలిపారు. 3.3 కోట్లు యూనిట్లుగా ఉన్న స్మార్ట్‌ఫోన్స్‌ తయారీ సామర్థ్యాన్ని 12 కోట్లకు పెంచుకునే దిశగా భారత్‌లో రూ. 7,500 కోట్లు పెట్టుబడి పెట్టే ప్రణాళికలను కంపెనీ ఇప్పటికే ప్రకటించినట్లు ఆయన వివరించారు. ‘భారత్‌లో తయారు చేయడం మాత్రమే కాదు డిజైన్‌ కూడా ఇక్కడే చేస్తాం. ఇందుకోసం త్వరలో పారిశ్రామిక డిజైన్‌ కేంద్రం భారత్‌లో ఏర్పాటు చేయబోతున్నాం. భారతీయ వినియోగదారుల అవసరాలపై ఈ సెంటర్‌ ప్రధానంగా దృష్టి పెడుతుంది. భారత్‌లోనే డిజైన్‌ చేసి, తయారు చేసిన తొలి ఉత్పత్తి 2020–21లోనే మార్కెట్లోకి వస్తుంది‘ అని మార్యా తెలిపారు.  ఎక్స్‌50 సిరీస్‌ ఫోను..: ప్రీమియం సెగ్మెంట్‌కి సంబంధించి ఎక్స్‌50 సిరీస్‌లో రెండు మోడల్స్‌ను వివో గురువారం వర్చువల్‌గా ఆవిష్కరించింది. వీటి ధర రూ. 34,990, రూ. 37,990గా ఉంటుంది. మరింత మెరుగైన ప్రాసెసర్, బ్యాటరీ, కెమెరా తదితర స్పెసిఫికేషన్స్‌ గల ఎక్స్‌50 ప్రో ధర రూ. 49,990గా ఉంటుందని మార్య చెప్పారు.


 * రెండేళ్లలో రూ.300 కోట్ల పెట్టుబడి
 * కంపెనీ చైర్మన్ దశరథ గుడె
 హైదరాబాద్, బిజినెస్ బ్యూరో: సెమికండక్టర్ ఐపీ డిజైనింగ్ రంగంలో ఉన్న ఇన్వెకాస్ టెక్నాలజీస్ హైదరాబాద్, బెంగళూరులో డిజైన్ సెంటర్లను ఏర్పాటు చేసినట్టు ప్రకటించింది. ఇందుకోసం కంపెనీ తొలుత రూ.120 కోట్ల దాకా వ్యయం చేస్తోంది. ప్రస్తుతం ఈ రెండు కేంద్రాల్లో కలిపి 200 మంది నిపుణులు ఉన్నారు.
 
 రెండేళ్లలో ఉద్యోగుల సంఖ్య 1,000కి చేరుతుందని ఇన్వెకాస్ చైర్మన్ దశరథ ఆర్ గుడె తెలిపారు. గ్లోబల్ ఫౌండ్రీస్ సీనియర్ వైస్ ప్రెసిడెంట్ రిక్ మెహనీతో కలిసి బుధవారమిక్కడ మీడియాతో మాట్లాడారు.  ఆర్‌అండ్‌డీ, శిక్షణకు రెండేళ్లలో రూ.300 కోట్ల దాకా పెట్టుబడి పెడతామని చెప్పారు. చిప్ తయారీలో ఉన్న అంతర్జాతీయ సంస్థ గ్లోబల్ ఫౌం డ్రీస్ సహకారం ఉంటుందని వెల్లడించారు. ఇన్వెకాస్ డిజైన్ చేసి టన చిప్‌ను గ్లోబల్ ఫౌండ్రీస్ త యారు చేస్తుందని వివరించారు.
  
 భారత్‌లో ఒకే కంపెనీ..
 ప్రపంచంలో గ్లోబల్ ఫౌండ్రీస్, టీఎస్‌ఎంసీ, ఇంటెల్, శాంసంగ్‌లు మాత్రమే చిప్ తయారీలో ఉన్నాయి. సెమికండక్టర్ రంగంలో 14 నానోమీటర్ ఫిన్‌ఫెట్ టెక్నాలజీపైన భారత్‌లో పనిచేస్తున్న ఏకైక కంపెనీ తమదేనని దశరథ పేర్కొన్నారు. 10 నానోమీటర్ టెక్నాలజీలోకి ప్రవేశిస్తామని వెల్లడించారు. అత్యాధునిక టెక్నాలజీతో తయారైన చిప్‌లతో విద్యుత్ ఆదా అవడమేగాక ఎక్కువ ఫీచర్లుంటాయని వివరించారు. స్మార్ట్ వాచెస్, గ్రాఫిక్స్, స్మార్ట్‌ఫోన్లలో ఇటువంటి వాడుతున్నారు.