తమిళ నటుడు ధనుష్, సంయుక్త మీనన్ జంటగా తెరకెక్కుతున్న చిత్రం 'సార్'. వెంకీ అట్లూరి దర్శకత్వం లో తెలుగు, తమిళంలో  నిర్మిస్తున్నారు. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ సంస్థ సంయుక్తంగా నిర్మిస్తున్నారు. శ్రీకర స్టూడియోస్ చిత్ర నిర్మాణ సంస్థ సమర్పిస్తోంది. ప్రస్తుతం నిర్మాణ కార్యక్రమాలు ముగింపు దశలో ఉండగా.. ఈ చిత్రంలోని బంజారా అంటూ సాగే సాంగ్‌ను చిత్రబృందం విడుదల చేసింది.  తాజాగా విడుదలైన 'బంజారా' లిరికల్ వీడియో ప్రేక్షకులను ఆకట్టుకుంటోంది. అందులోని పల్లె వాతావరణాన్ని ప్రతిబింబించేలా ఉన్నాయి.తెలుగు, తమిళ భాషల్లో ఈసినిమాను 17 ఫిబ్రవరి, 2023న ప్రపంచ వ్యాప్తంగా విడుదల చేయనున్నట్లు చిత్ర నిర్మాతలు వెల్లడించారు.  ఈ పాటు ప్రముఖ తెలుగు గీత రచయిత సుద్దాల అశోక్ తేజ రాశారు. మూడు దశాబ్దాల సినీ జీవితంలో ఆయన ఎన్నో అద్భుతమైన పాటలకు ప్రాణం పోశారు.  'నేను సైతం', 'సారంగ దరియా'పాటలు రాసిన ఆయన మరో మధుర గీతాన్ని అందించారు. ఈ చిత్రంలో సాయికుమార్, తనికెళ్ల భ‌ర‌ణి, సముద్ర ఖని, తోటపల్లి మధు, నర్రా శ్రీను, పమ్మి సాయి, హైపర్ ఆది, సార, ఆడుకాలం నరేన్, ఇలవరసు, మొట్టా రాజేంద్రన్, హరీష్ పేరడి, ప్రవీణ తదితరులు నటిస్తున్నారు. జీవీ ప్ర‌కాష్‌కుమార్‌ ఈసినిమాకు సంగీతమందిస్తున్నారు. 

 దసరా సెలవుల్లో వినోదం పంచేందుకు సినిమాలు వరుస కట్టేశాయి. స్కూళ్లు, కాలేజీలకు వరుస హాలీడేస్ రావడంతో థియేటర్లకు రద్దీ పెరిగే అవకాశం ఉంది. ఈ వారం  ఓటీటీ, థియేటర్లలో రానున్న చిత్రాలపై ఓ లుక్కేద్దాం రండి. ధనుష్‌ నేనే వస్తున్నా: తమిళ స్టార్ ధనుష్ నటించిన చిత్రం 'నానే వరునెన్'. తెలుగులో ఈ సినిమా 'నేనే వస్తున్నా' అంటూ ప్రేక్షకులను పలకరించనుంది. ఈ చిత్రానికి శ్రీరాఘవ దర్శకత్వం వహించగా.. యువన్ శంకర్ రాజా సంగీతమందించారు. ఈ సినిమాలో ఇలి అవ్రామ్‌, ఇందుజా, యోగిబాబు ప్రధాన పాత్రల్లో నటించారు. ఈ చిత్రం సెప్టెంబర్ 29న థియేటర్లలో సందడి చేయనుంది. మణిరత్నం పొన్నియిన్ సెల్వన్- పార్ట్ 1: భారీ బడ్జెట్‌తో తెరకెక్కిన చిత్రం పొన్నియిన్ సెల్వన్- పార్ట్ 1. చోళ రాజుల చరిత్ర నేపథ్యంలో రూపొందించిన మణిరత్నం డ్రీమ్ ప్రాజెక్ట్‌ ఈ సినిమా. ఈ సినిమాకు ఏఆర్ రెహమాన్ సంగీతమందించారు. ఈ చిత్రంలో విక్రమ్‌, ఐశ్వర్యరాయ్‌ బచ్చన్‌, జయం రవి, కార్తి, త్రిష, ఐశ్వర్య లక్ష్మి, శోభిత ధూళిపాళ్ల ప్రధాన పాత్రలు పోషించారు. ఈనెల 30న ప్రేక్షకులను పలకరించేందుకు సిద్దమైంది.   హృతిక్ రోషన్ మూవీ విక్రమ్ వేద:  బాలీవుడ్‌ నటులు హృతిక్ రోషన్, సైఫ్ అలీఖాన్ ప్రధాన పాత్రలతో తెరకెక్కిన చిత్రం విక్రమ్ వేద. మాధవన్‌, విజయ్‌ సేతుపతి కలిసి నటించిన తమిళ సూపర్‌ హిట్‌ ‘విక్రమ్‌ వేద’ చిత్రానికి హిందీ రీమేక్‌ ఇది.  ఈ సినిమాకు పుష్కర్ గాయత్రి దర్శకత్వం వహించగా.. సీఎస్ సామ్ సంగీతమందించారు.  పుస్కర్‌, గాయత్రి ధ్వయం ఈ చిత్రానికి దర్శకత్వం వహించారు. రాధికా ఆప్టే ఇతర కీలక పాత్రలో నటిస్తుంది. సెప్టెంబర్‌ 30న ఈ చిత్రం ప్రపంచ వ్యాప్తంగా విడుదల కానుంది.  ఈ వారం ఓటీటీలో వచ్చే సినిమాలు/ వెబ్‌ సిరీస్‌లు ఇవే:  నెట్‌ఫ్లిక్స్‌ బ్లోండీ సెప్టెంబరు 28 ప్లాన్‌ ఏ ప్లాన్‌ బి సెప్టెంబరు 30   జీ5  బుల్లెట్‌ ట్రైన్‌ సెప్టెంబరు 29  కెప్టెన్‌ సెప్టెంబరు 30 సోనీ లివ్‌ కోబ్రా సెప్టెంబరు 28 అమెజాన్‌ ప్రైమ్‌ వీడియో  777 చార్లీ సెప్టెంబరు 30 డిస్నీ+హాట్‌ స్టార్‌ కర్మయుద్ధ్‌ సెప్టెంబరు 30 హాకస్‌ పోకస్‌ 2  

తమిళ స్టార్‌ హీరో ధనుష్‌ లేటెస్ట్‌ మూవీ బిగ్ అప్‌డేట్ ఇవాళ సాయంత్రం రానుంది. ఈ సినిమాకు 'కెప్టెన్ మిల్లర్‌' టైటిల్ ఖరారు చేశారు. ఓ రియల్ స్టోరీ ఆధారంగా ఈ చిత్రాన్ని తెరకెక్కిస్తున్నారు. ఈరోజు సాయంత్రం ఐదున్నర గంటలకు మూవీ నుంచి కీలక అప్‌డేట్ ఇవ్వనున్నట్లు సదరు నిర్మాణ సంస్థ ట్విట్టర్‌లో వెల్లడించింది. ఇప్పటికే  రిలీజ్‌ చేసిన ధనుష్‌ లుక్‌ అదిరిపోయింది.  (చదవండి: Thiru OTT Streaming: ఓటీటీలోకి ధనుష్‌ తిరు మూవీ! స్ట్రీమింగ్‌ ఎప్పుడు, ఎక్కడంటే..) ఈ సినిమాకు అరుణ్ మహేశ్వరన్ డైరెక్షన్ వహించనుండగా.. జీవీ ప్రకాశ్ సంగీత మందిస్తున్నారు. ఈ చిత్రానికి సెంథిల్ త్యాగరాజన్, అర్జున్‌ త్యాగరాజన్‌ నిర్మాతలుగా వ్యవహరిస్తున్నారు. వచ్చే ఏడాది సమ్మర్‌లో ఈ మూవీ రిలీజ్‌ చేసేలా చిత్ర బృందం ప్లాన్‌ చేస్తోంది.  ఇటీవల ధనుష్ నటించిన ‘తిరుచిట్రంపళం’(తెలుగులో తిరు) ఆగష్టు 18న విడుదలై హిట్ సాధించింది. తాజాగా ధనుష్ కొత్త చిత్రం అప్‌డేట్ రావడంతో ఫ్యాన్స్ ఖుషీ అవుతున్నారు.  We are very elated to present #CaptainMiller with the indomitable star @dhanushkraja 💫 This will be a very exciting film DIRECTED by the young & maverick @ArunMatheswaran 🔥🤗 A @gvprakash Musical 🥁 pic.twitter.com/FKX2iPL1yr — Sathya Jyothi Films (@SathyaJyothi) July 2, 2022

Dhanush Captain Miller Movie Motion Poster Released: చేతినిండా చిత్రాలతో బిజీగా ఉన్న నటుడు ధనుష్‌ తాజాగా మరో కొత్త చిత్రానికి పచ్చజెండా ఊపారు. సత్యజ్యోతి ఫిలిమ్స్‌ పతాకంపై టీజీ త్యాగరాజన్‌ నిర్మిస్తున్న ఈ చిత్రానికి 'కెప్టెన్‌ మిల్లర్‌' అనే టైటిల్‌ను నిర్ణయించారు. దీనికి రాఖీ, సాని కాగితం చిత్రాల ఫేమ్‌ అరుణ్‌ మాదేశ్వరన్‌ దర్శకత్వం వహించనున్నారు. ఈ చిత్ర టైటిల్‌ మోషన్‌ పోస్టర్‌ను చిత్ర యూనిట్‌ ఆదివారం (జులై 4) విడుదల చేశారు. ఇది 1930 - 40 ప్రాంతంలో జరిగే పీరియడ్‌ కథా చిత్రంగా ఉంటుందని, తమిళం, తెలుగు, హిందీ చిత్రాన్ని ఏకకాలంలో విడుదల చేయడానికి ప్రణాళికను సిద్ధం చేస్తున్నట్లు చిత్ర యూనిట్‌ మీడియాకు విడుదల చేసిన ప్రకటనలో పేర్కొంది.  నిర్మాత టీజీ త్యాగరాజన్‌ మాట్లాడుతూ తమ సంస్థలో నిర్మించిన భారీ చిత్రాల్లో ఇది చోటు దక్కించుకుంటుందన్నారు. దర్శకుడు కథ చెప్పినప్పుడు తానూ, ధనుష్‌ చాలా ఆనందంగా ఫీలయ్యామన్నారు. ప్రస్తుతం ఫ్రీ ప్రొడక్షన్‌ కార్యక్రమాలు వేగంగా జరుగుతున్నాయని, జీవీ ప్రకాష్‌ కుమార్‌ సంగీతం, మదన్‌ కార్తీ మాటలు, శ్రేయోస్‌ కృష్ణ ఛాయాగ్రహణం అందిస్తున్నారని తెలిపారు. ఇతర తారాగణం, సాంకేతిక వర్గం వివరాలను త్వరలోనే వెల్లడిస్తామని చెప్పారు.   చదవండి: మిస్‌ ఇండియా కిరీటం.. 21 ఏళ్ల అందం సొంతం హీరో విశాల్‌కు మరోసారి గాయాలు.. షూటింగ్‌ నిలిపివేత.. Captain miller .. This is going to be so exciting. Super kicked to work with @ArunMatheswaran and my brother @gvprakash @SathyaJyothi pic.twitter.com/lS8OMSh4I9 — Dhanush (@dhanushkraja) July 2, 2022

Dhanush Starrer Maaran Movie Trailer Released: తమిళ స్టార్​ హీరో ధనుష్ తనదైన విలక్షణమైన నటనతో వరుస సినిమాలు చేస్తూ దూసుకుపోతున్నాడు. ఇటీవల హిందీలో ఆనంద్​ ఎల్ రాయ్​ దర్శకత్వంలో ఆత్రంగి రే చిత్రంతో అలరించిన ధనుష్​ తాజాగా నటించిన మూవీ మారన్​. కార్తీక్​ నరేన్​ దర్శకత్వం వహించిన ఈ సినిమాకు అర్జున్​ త్యాగరాజన్​ నిర్మాతగా వ్యవహరించారు. ఇందులో ధనుష్​కు సరసన మాళవికా మోహనన్​​ నటిస్తుండగా జీవీ ప్రకాష్​ కుమార్​ సంగీతం అందించారు. ఈ సినిమాకు సంబంధించిన పోస్టర్లు, సాంగ్స్, టీజర్​లు ఇప్పటికే అలరించగా మూవీపై అంచనాలు పెంచాయి.  తాజాగా మారన్​ సినిమా తెలుగు​ ట్రైలర్​ను ప్రముఖ ఓటీటీ సంస్థ డిస్నీ ప్లస్​ హాట్​స్టార్​ తెలుగు విడుదల చేసింది. ఈ చిత్రం మార్చి 11 నుంచి నేరుగా డిస్నీ ప్లస్​ హాట్​స్టార్​లో స్ట్రీమింగ్ కానుంది. ట్రైలర్​ విషయానికస్తే ధనుష్​ ఎప్పటిలానే తన నటనతో ఆకట్టుకున్నాడు. జర్నలిజం నేపథ్యంలో యాక్షన్​ ఎంటర్​టైనర్​గా సినిమా ఉన్నట్లు తెలుస్తోంది. ఇందులో ధనుష్​ జర్నలిస్ట్​గా కనిపించనన్నట్లు ట్రైలర్​ చూస్తే అర్థమవుతోంది. అలాగే ధనుష్​, మాళవిక మోహనన్​ల మధ్య రొమాంటిక్​ సన్నివేశాలు కూడా ఆకట్టుకునేలా ఉన్నాయి. 

Atrangi Re Movie Trailer Out And Releasing On December: బాలీవుడ్‌ యాక్షన్‌ హీరో అక్షయ్  కుమార్‌, సారా అలీ ఖాన్‌, తమిళ స్టార్‌ ధనుష్‌లు కలిసి నటించిన హిందీ చిత్రం ఆత్రంగి రే. ఎంతో ఆసక్తిగా ఎదురుచూస్తున్న ఈ సినిమా ట్రైలర్‌ ఇవాళ (నవంబర్‌ 24) విడుదలైంది. ట్రైలర్‌ చూస్తుంటే ఇది పక్కా ఆనంద్‌ ఎల్ రాయ్‌ సినిమాగా అనుభూతి కలుగుతుంది. ఇందులో సారా అలీ ఖాన్‌, ధనుష్‌ ఒకరికొకరు బలవంతంగా పెళ్లి చేసుకునే పాత్రలో అలరించారు. వారిద్దరి మధ్య కెమిస్ట్రీ ఆకట్టుకుంది. ఈ సినిమాలో అక్కీ తనకంటే పెద్దవయసు పాత్రలో కనిపించనున్నారు. అలాగే ట్రైలర్‌లో అక్షయ్‌ ఎంట్రీ విజిల్స్‌ వేసేలా ఉంది.  View this post on Instagram A post shared by Sara Ali Khan (@saraalikhan95) 'ఆత్రంగి రే' చిత్రంలో సారా అలీ ఖాన్‌ ప్రేమలో రెండు భిన్నమైన అభిరుచులను కలిగి ఉ‍న్న పాత్ర చేసింది. ధనుష్‌, సారాల యాస, నటన అద్భుతంగా ఉంది. ఈ  సినిమా ట్రైలర్‌ను సారా అలీ ఖాన్‌ తన ఇన్‌స్టాలో షేర్ చేసింది. ఆత్రంగి రే ట్రైలర్‌ వచ్చేసింది. 'ఈ అద్భుత క్షణాలను మీతో పంచుకోకుండా ఉండలేకపోతున్నాను. మీ అందరికీ నా రింకు పాత‍్రను పరిచయం చేస్తున‍్నాను' అని రాసుకొచ్చింది. నవంబర్‌ 23న అక్షయ్‌, సారా, ధనుష్‌ పాత్రల ఫస్ట్‌ లుక్‌ను మేకర్స్‌ విడుదల చేశారు. ఈ చిత్రానికి ఆనంద్ ఎల్‌ రాయ్‌ దర్శకత్వం వహించారు. డిసెంబర్‌ 24న డిస్నీ ప్లస్‌ హాట్‌స్టార్‌లో 'ఆత్రంగి రే' విడుదల కానుంది.  View this post on Instagram A post shared by Sara Ali Khan (@saraalikhan95) View this post on Instagram A post shared by Akshay Kumar (@akshaykumar) View this post on Instagram A post shared by Akshay Kumar (@akshaykumar)


 యువ సంగీత దర్శకుడు అనిరుద్‌ను సంగీత దర్శకుడిగా పరిచయం చేసింది నటుడు ధనుష్. 3 సినిమా ద్వారా రంగప్రవేశం చేసిన అనిరుద్‌కు ధనుష్ భార్య ఐశ్వర్యకు సోదరుడి వరస అవుతాడు. 3 సినిమా విజయం సాధించకపోయినా అందులోని 'వై దిస్ కొలై వెరి డీ' పాట అనిరుద్‌ను ఆకాశానికి ఎత్తేసింది. తర్వాత ధనుష్ ఆయనకు వరుసగా అవకాశాలు ఇస్తూ ప్రోత్సహిస్తున్నాడు. మారి, వేలై ఇల్లా పట్టాదారి, తంగమగన్ చిత్రాలు వీళ్ల కాంబినేషన్‌లో వచ్చాయి. ధనుష్ తాజా చిత్రం కొడికి కూడా అనిరుద్‌నే సంగీతదర్శకుడిగా ఎంపిక చేశారు. అలాంటిది ఇప్పుడు అనూహ్యంగా ఆ చిత్రం నుంచి అనిరుద్‌ను తొలగించి సంతోష్‌ నారాయణ్‌ను నియమించడం కోలీవుడ్‌లో పెద్ద చర్చనీయాంశంగా మారిం ది.
 
 శింబు బీప్‌సాంగ్ వివాదంలో అనిరుద్ ఇరుక్కున్నాడనే వార్తలు వెలువడ్డ సమయంలో ధనుష్ ఆ ప్రచారాన్ని ఖండించాడు. అనిరుద్ తనకు చిన్నతనం నుంచి తెలుసని, అతడు అలాంటి పాటకు సంగీతాన్ని అందించి ఉండకపోవచ్చని అన్నాడు. అలాంటిది ఇప్పుడు తన సినిమా నుంచే అనిరుద్‌ను తొలగించడానికి కారణాలను కోలీవుడ్ ఆరాతీసే పనిలో పడింది. శింబు బీప్ సాంగ్ వివాదంలో అనిరుద్‌పై కూడా పలు కేసులు నమోదయ్యాయి. దీంతో ఆయన్ని పోలీసులు ఏ క్షణంలో అయినా అరెస్ట్ చేయవచ్చనే ప్రచారం హోరెత్తుతోంది. ఈ వ్యవహారంలో శింబు మద్రాసు హైకోర్టును ఆశ్రయించి ముందస్తు బెయిల్‌ను పొందాడు. సంగీత కచేరీ కోసం కెనడా వెళ్లిన అనిరుద్ మాత్రం ఈ వివాదం చెలరేగి నెల రోజులు దాటినా చెన్నైకి తిరిగి రాకుండా కెనడా, లండన్‌ చుట్టూ తిరుగుతున్నాడు. ఇలాంటి సమయంలో ఆయన్ని మళ్లీ తన చిత్రానికి పెట్టుకుంటే తన ఇమేజ్‌కు దెబ్బ తగిలే అవకాశం ఉందని భావించిన ధనుష్ తన కొడి చిత్రం నుంచి తప్పించి సంతోష్‌ నారాయణ్‌ను ఎంపిక చేసినట్లు కోలీవుడ్ వర్గాల టాక్. ఇదే అదనుగా భావించిన సంతోష్‌ నారాయణ్ తన పారితోషికాన్ని భారీగా పెంచినట్లు, బేరసారాల తర్వాత ముప్పావు కోటికి సెటిల్ అయినట్లు చెవులు కొరుక్కుంటున్నారు.