అల్లు అర్జున్‌ హీరోగా హరీష్‌ శంకర్‌ దర్శకత్వంలో తెరకెక్కిన సినిమా డిజె దువ్వాడ జగన్నాథమ్‌. మాస్‌ యాక్షన్‌ ఎంటర్‌టైనర్‌గా తెరకెక్కిన ఈ సినిమాకు డివైడ్‌ టాక్ వచ్చినా వసూళ్ల పరంగా మాత్రం సత్తా చాటింది. బన్నీ కెరీర్‌లో మరో హయ్యస్ట్‌ గ్రాసర్‌గా నిలిచిన ఈ సినిమా హిందీ డబ్బింగ్‌ వర్షన్‌ ఆన్‌లైన్‌లో సంచలనాలు సృష్టిస్తోంది. గోల్డ్‌ మైన్స్ టెలీఫిలింస్‌ యూట్యూబ్‌ చానల్‌లో ఉన్న డిజె హిందీ డబ్బింగ్‌ సినిమా 71 రోజుల్లో ఏకంగా పది కోట్లకు పైగా వ్యూస్‌ సాధించింది. బన్నీ బ్రహ్మాణుడిగా నటించిన ఈ సినిమాలో పూజ హెగ్డే హీరోయిన్‌ గా అలరించింది. విలక్షణ నటుడు రావూ రమేష్‌ విలన్‌ గా నటించాడు. 50 కోట్ల బడ్జెట్‌ తో దిల్‌ రాజు నిర్మించిన ఈ సినిమా తెలుగులో వందకోట్లకు పైగా వసూళ్లు సాదించినట్టుగా చిత్రయూనిట్‌ వెల్లడించారు. తాజాగా హిందీ వర్షన్‌ పది కోట్లకు పైగా వ్యూస్‌ సాధించటంపై స్పందించిన చిత్ర దర్శకుడు హరీష్ శంకర్‌ కృతజ్ఞతలు తెలిపారు. Thank U All 🙏🙏🙏🙏🙏🙏🙏 pic.twitter.com/nbWrBdoLGP — Harish Shankar .S (@harish2you) 30 January 2018

డీజే దువ్వాడ జగన్నాథమ్‌ సినిమాతో టాలీవుడ్‌లో ఘనవిజయాన్ని అందుకున్న పూజా హెగ్డే వరుస అవకాశాలతో దూసుకుపోతోంది. ప్రస్తుతం బెల్లంకొండ సాయి శ్రీనివాస్‌ హీరోగా తెరకెక్కుతున్న సాక్ష్యం సినిమాలో నటిస్తున్న పూజ, రామ్‌ చరణ్‌ కొత్త సినిమా రంగస్థలంలో స్పెషల్‌ సాంగ్‌ చేసేందుకు అంగీకరించింది. దీంతో పాటు మరో క్రేజీ ఆఫర్‌ను తన ఖాతాలో వేసుకుంది ఈ భామ. ఎన్టీఆర్‌ హీరోగా త్రివిక్రమ్‌ శ్రీనివాస్‌ దర్శకత్వంలో తెరకెక్కించబోయే సినిమాలోనూ పూజా హెగ్డే హీరోయిన్‌గా నటించనుంది. ఇటీవల పూజా కార్యక్రమాలతో ప్రారంభమైన ఈ సినిమాలో అనుఇమ్మాన్యూల్‌ ఒక హీరోయిన్‌గా నటిస్తోంది. మరో హీరోయిన్‌ రోల్ కు పూజ ను ఫైనల్‌ చేశారన్న టాక్‌ వినిపిస్తోంది. ప‍్రస‍్తుతానికి అధికారిక సమాచారం లేకపోయినా ఎన్టీఆర్‌కు జోడిగా పూజా హెగ్డే నటించటం కన్ఫమ్‌ అన్న టాక్‌ బలంగా వినిపిస్తోంది. త్వరలోనే ఈ కాంబినేషన్‌పై అఫీషియల్‌ ఎనౌన్స్‌మెంట్‌ వచ్చే అవకాశం ఉంది.


 ప్రతీ సినిమాకు తన స్థాయిని మరింత పెంచుకుంటున్న పోతున్న స్టైలిష్ స్టార్ అల్లు అర్జున్ తన సినిమాల మేకింగ్ విషయంలో కూడా చాలా జాగ్రత్తలు తీసుకుంటున్నాడు. వరుసగా 50 కోట్ల సినిమాలతో దూసుకుపోతున్న బన్నీ, అందుకు తగ్గట్టు నేషనల్ లెవల్ టెక్నీషియన్స్తో పనిచేసేందుకు ఇంట్రస్ట్ చూపిస్తున్నాడు. భారీ రెమ్యూనరేషన్లు ఆఫర్ చేసి మరి బాలీవుడ్ సినిమాటోగ్రాఫర్లను తన సినిమాలకు తీసుకుంటున్నాడు.
 
 ఇటీవల విడుదలై ఘనవిజయం సాధించిన సరైనోడు సినిమా కోసం సినిమాటోగ్రఫర్గా రిషీ పంజాబిని తీసుకువచ్చిన బన్నీ, తన నెక్ట్స్ సినిమాకు కూడా నార్త్ కెమరామేన్నే తీసుకున్నాడు. గుజారిష్, చక్ దే ఇండియా లాంటి విజువల్ ట్రీట్స్ అందించిన సినిమాటోగ్రాఫర్ సుదీప్ చటర్జీ.., బన్నీ, హరీష్ శంకర్ల సినిమాకు పనిచేయనున్నాడు. ప్రస్తుతం హృతిక్ రోషన్ హీరోగా తెరకెక్కుతున్న కాబిల్ సినిమాకు వర్క్ చేస్తున్నాడు సుదీప్. బన్నీ సినిమా కోసం సుధీప్ భారీ మొత్తాన్నే రెమ్యూరేషన్గా అందుకోనున్నాడట.