న్యూఢిల్లీ: రష్యాలోని వెలికీ నోవ్‌గోరోడ్‌ ప్రాంతంలోని విశ్వవిద్యాలయంలో చదువుకుంటున్న నలుగురు భారత వైద్య విద్యార్థులు వోల్ఖోవ్‌ నదిలో మునిగి దుర్మరణం పాలయ్యారు. మంగళవారం ఈ దుర్ఘటన జరిగినట్టు విదేశాంగ శాఖ శుక్రవారం వెల్లడించింది. ఒక మహిళా విద్యారి్థని కాపాడి వైద్య చికిత్స అందిస్తున్నారు. ఇద్దరి మృతదేహాలను వెలికితీశారు. విద్యార్థులంతా వెలికీ నోవ్‌గోరోడ్‌ స్టేట్‌ వర్సిటీలో చదువుతున్నారు. మృతులంతా మహారాష్ట్రలోని జల్గావ్‌ జిల్లాకు చెందిన వారు. మృతుల్లో జియా, జిషాన్‌ అక్కాతమ్ముళ్లు. నది ఒడ్డున వాకింగ్‌ తర్వాత వారంతా నదిలోకి దిగారు. ఈత కొడుతుండగా జిషాన్‌ తమ కుటుంబసభ్యులకు వీడియో కాల్‌ చేశాడు. ఈత వద్దని కుటుంబసభ్యులు ఫోన్లో వారిస్తుండగానే జియా మునగడం, కాపాడేందుకు ప్రయతి్నస్తూ మిగతావారు కూడా నదిలో కొట్టుకుపోవడం కాల్‌లో రికార్డయింది. మృతదేహాల తరలింపు కోసం భారత కాన్సులేట్‌ ప్రయత్నిస్తోంది.

పట్నా: బిహార్‌లోని వేర్వేరు ప్రాంతాల్లో 24 గంటల వ్యవధిలో నదులు, చెరువుల్లో స్నానాలు చేసేందుకు వెళ్లిన 22 మంది మృత్యువాత పడినట్లు అధికారులు ఆదివారం తెలిపారు. వీరిలో అత్యధికులు జీవిత్‌పుత్రికా పండుగ సందర్భంగా స్నానాలు చేయడానికి వెళ్లిన మహిళలేనన్నారు. ఈ పండుగ రోజు మహిళలు తమ సంతానం బాగుండాలని దేవుణ్ని కోరుకుంటూ ఉపవాస దీక్షలు, నదీ స్నానాలు ఆచరించడం సంప్రదాయం. భోజ్‌పూర్‌లో బహియారా ఘాట్‌ వద్ద సోనె నదిలో స్నానాలు చేసేందుకు వెళ్లిన 15–20 మధ్య వయస్కులైన బాలికలు సెల్ఫీ తీసుకుంటూ నీటి ఉధృతికి కొట్టుకుపోయినట్లు అధికారులు వివరించారు. భోజ్‌పూర్‌లో అయిదుగురు, జెహానాబాద్‌లో నలుగురు, పట్నా, రొహతాస్‌ల్లో ముగ్గురు చొప్పున, దర్భంగా, నవడాల్లో ఇద్దరేసి, కైమూర్, మాధెపురా, ఔరంగాబాద్‌ల్లో ఒక్కరు చొప్పున జల సమాధి అయినట్లు ముఖ్యమంత్రి కార్యాలయం తెలిపింది. 

భువనేశ్వర్‌/కటక్‌: మహానదిలో మునిగి, నలుగురు విద్యార్థులు మృతి చెందారు. ఈ విషాద సంఘటన కటక్‌ నగరంలోని మహానది భడిములో తీరంలో గురువారం సాయంత్రం చోటుచేసుకుంది. మృతులంతా కటక్‌ నయాబజార్‌ ప్రాంతంలోని పొటొపొఖొరి 8వ తరగతి విద్యార్థులు జొగ్గా బెహరా, ఆకాష్‌ బహాలియా, చందన్‌ బెహరా, శుభం శెట్టిగా తెలుస్తోంది. వివరాలిలా ఉన్నాయి.. పాఠశాల నుంచి ఇంటికి వచ్చిన వీరు..స్నానం చేసేందుకు మహానదికి వెళ్లారు. ఎంతసేపు అయినా వీరు ఇంటికి రాకపోవడంతో ఆందోళన చెందిన బాధిత కుటుంబాలు వారి ఆచూకీ కోసం చుట్టుపక్కల ప్రాంతాల్లో వెతికారు. ఈ క్రమంలో నదీ తీరాన విద్యార్థుల సైకిళ్లు, బట్టలు ఉండడం చూసి, నదిలో స్నానం చేస్తూ గల్లంతైనట్లు భావించారు. దీనిపై కేసు నమోదు చేసిన పోలీసులు అగ్నిమాపక సిబ్బంది సహాయంతో విద్యార్థుల ఆచూకీ కోసం నదిలో గాలింపు చర్యలు ప్రారంభించారు. గురువారం రాత్రి నాటికి విద్యార్థుల్లో జొగ్గా బెహరా మృతదేహం లభించింది. ఆ తర్వాత శుక్రవారం ఉదయం జరిగిన గాలింపు చర్యల్లో మిగతా విద్యార్థులు కాష్‌ బహాలియా, చందన్‌ బెహరా, శుభం శెట్టి మృతదేహాలు లభించాయి. దీంతో గ్రామంలో విషాద ఛాయలు అలముకున్నాయి. చదవండి: దారుణం: భర్త రాక్షసత్వానికి ఇటీవల అబార్షన్‌.. ఇప్పుడు చీర కొనుక్కుందని ఏకంగా..

పద్మనాభం(భీమిలి): ఆ ఇంటి ఆశల దీపం ఆరిపోయింది. గోస్తని నదిలో గల్లంతైన బాలుడు మంగళవారం శవమై తేలాడు. రేవిడి గ్రామానికి చెందిన మరగడ యశ్వంత్‌ కుమార్‌ రెడ్డి(9) సోమవారం ఉదయం 5.13 గంటలకు పాండ్రంగి సమీపంలో గోస్తని కాజువే ఒడ్డున స్నానం చేస్తుండగా.. కాలుజారి గల్లంతైన విషయం తెలిసిందే. పాండ్రంగి జాలర్లు, గజ ఈతగాళ్లు సోమవారం నదిలో గాలించినా బాలుడు జాడ కనిపించలేదు. చివరకు 18 మంది ఎన్‌డీఆర్‌ఎఫ్‌ సిబ్బందిని రంగంలోకి దించి గాలించినా ఆచూకీ లభించలేదు.  దీంతో కుటుంబ సభ్యులు తెల్లవారంతా ఎదురు చూపులు చూశారు. మంగళవారం వేకువ జామున రేవిడికి చెందిన ఈతగాళ్లు నదిలో గాలించారు. సంఘటన జరిగిన కాజువేకు సుమారు 200 మీటర్ల దూరంలో.. నీలకంఠ రాజు కళ్లానికి సమీపంలో ఉదయం ఆరు గంటల సమయంలో యశ్వంత్‌ కుమార్‌ మృతదేహం నీటిలో తేలుతూ కనిపించింది. బాలుడు మృతదేహాన్ని ఒడ్డుకు చేర్చి ఇంటికి తీసుకువెళ్లారు. ఆ మృతదేహాన్ని చూసిన కుటుంబ సభ్యులు, బంధువులు కన్నీరుమున్నీరయ్యారు.  యశ్వంత్‌ చదువుతున్న కృష్ణాపురం స్ప్రింగ్‌ ఫీల్డ్‌ పాఠశాల విద్యార్థులు విషాద వదనంలో మునిగిపోయారు. వెంకటలక్ష్మి, గౌరి రెడ్డిలకు కుమారులు యశ్వంత్‌ కుమార్‌ రెడ్డి(9), గౌశిక్‌(6), కుమార్తె శరణ్య(3) ఉన్నారు. వీరి పెద్ద కుమారుడు యశ్వంత్‌ కుమార్‌ రెడ్డిని నది రూపంలో మృత్యువు కబళించడంతో.. ఆ తల్లిదండ్రులు గుండె విసేలా రోదిస్తున్నారు. వీరిని ఓదార్చడం ఎవరితరం కాలేదు.

సిరిసిల్ల: ఈత సరదా ఆరుగురు విద్యార్థుల ప్రాణాలు తీసింది. దిగిన వారిని దిగినట్లే మానేరు వాగు మింగేసింది. ఈ హృదయ విదారక సంఘటన సిరిసిల్ల జిల్లా కేంద్రం శివారులో చోటుచేసుకుంది.  ఏం జరిగిందంటే...  సిరిసిల్ల శివారులోని రాజీవ్‌నగర్‌కు చెందిన ఎనిమిది మంది పిల్లలు స్థానిక కుసుమ రామయ్య జెడ్పీ హైస్కూల్‌లో 6వ, 8వ, 9వ తరగతి చదువుతున్నారు. పాఠశాలలో సోమవారం బాలల దినోత్సవం అనంతరం మధ్యాహ్నం నుంచి బడికి సెలవు ఇచ్చారు. దీంతో కొలిపాక గణేశ్, కొంగ రాకేశ్, శ్రీరాము క్రాంతికుమార్, తీగల అజయ్, జడల వెంకటసాయి, కోట అరవింద్, దిడ్డి అఖిల్, వాసాల కల్యాణ్‌లు ఇంటర్‌ ఫస్టియర్‌ చదివే సింగం మనోజ్‌తో కలసి రాజీవ్‌నగర్‌ శివారులో క్రికెట్‌ ఆడారు. మధ్యాహ్నం 3 గంటల ప్రాంతంలో నెహ్రూనగర్‌ మానేరు తీరంలోని చెక్‌డ్యామ్‌ వద్దకు ఈత కొట్టేందుకు సైకిళ్లపై వెళ్లారు. చెక్‌డ్యామ్‌ ప్రాంతంలో లోతు ఎక్కువగా ఉన్న విషయాన్ని గమనించకుండానే లోపలికి దిగారు. వారిలో ఎవరికీ ఈత రాదు. కొలిపాక గణేశ్‌ (14), కొంగ రాకేశ్‌ (12), శ్రీరాము క్రాంతికుమార్‌ (14), తీగల అజయ్‌ (14), జడల వెంకటసాయి (15), సింగం మనోజ్‌ (16) ఇలా.. దిగినవారు దిగినట్టే నీటిలో మునిగిపోతూ కాపాడాలని కేకలు వేశారు. భయపడిన మిగిలిన విద్యార్థులు కోట అరవింద్‌ (14), దిడ్డి అఖిల్‌ (13), వాసాల కల్యాణ్‌ (15)లు ఇళ్లకు పరుగుపరుగున వెళ్లి విషయాన్ని తల్లిదండ్రులకు వివరించారు. దీంతో అందరూ కలిసి మానేరుకు చేరుకుని గాలింపు చేపట్టి సోమవారం సాయంత్రానికి కొలిపాక గణేశ్‌ మృతదేహాన్ని వెలికితీశారు. పోలీసులు, రెస్క్యూ టీమ్‌ సభ్యులు మంగళవారం ఉదయం వాగులో గాలింపు ముమ్మరం చేయగా వెంకటసాయి, రాకేశ్, క్రాంతికుమార్, అజయ్‌ శవాలు బయటపడ్డాయి. మనోజ్‌ మృతదేహం కోసం ఇంకా గాలింపు కొనసాగుతోంది. ఘటనాస్థలిని జెడ్పీ చైర్‌పర్సన్‌ న్యాలకొండ అరుణ, జిల్లా ఎస్పీ రాహుల్‌హెగ్డే, మున్సిపల్‌ చైర్‌పర్సన్‌ జిందం కళాచక్రపాణి సందర్శించారు. మంగళవారం సాయంత్రం నాలుగు మృతదేహాలను ఒకే ప్రాంతంలో ఖననం చేశారు. ఆ సమయంలో తల్లిదండ్రులు, బంధువుల రోదనలతో మానేరు తీరం దద్దరిల్లింది. బడికి సెలవు ఇవ్వకపోయినా పిల్లలు బడిలోనే ఉండేవారని బాధితుల బంధువులు వాపోయారు. కాగా, మృతిచెందిన ఆరుగురిలో గణేశ్, వెంకటసాయి, మనోజ్, క్రాంతికుమార్‌ కిందటి నెల జరిగిన వెంకన్న జాతరలో కల్యాణ్, అరవింద్‌లతో సెల్ఫీ దిగారు. ఆప్తమిత్రులతో అదే చివరి ఫొటో అయిందంటూ మిగిలిన మిత్రులు వాపోతున్నారు.  కేటీఆర్‌ సంతాపం..  విద్యార్థులు జలసమాధి కావడంపై మంత్రి కేటీఆర్‌ సంతాపం తెలిపారు. ప్రభుత్వపరంగా బాధితుల కుటుంబాలను ఆదుకుంటామన్నారు. ప్రాజెక్టు వద్ద రక్షణ ఏర్పాట్లు చేయాలని జిల్లా అధికారులను ఆదేశించారు. ప్రణాళికా సంఘం రాష్ట్ర ఉపాధ్యక్షుడు వినోద్‌కుమార్‌ ఘటనపై సంతాపం తెలిపారు.  ఈ పాపం ఎవరిది?  సిరిసిల్ల నెహ్రూనగర్‌ వద్ద ప్రభుత్వం ఈ ఏడాదే రూ. 12 కోట్లతో మానేరు వాగులో 600 మీటర్ల మేర చెక్‌డ్యామ్‌ నిర్మించింది. అయితే నాణ్యతా లోపం, కాంట్రాక్టర్ల ధనదాహానికి తోడు ఇటీవలి వర్షాలు, వరదలకు చెక్‌డ్యామ్‌ తెగిపోయింది. ఆ ప్రదేశం మీదుగానే వరద ప్రవహిస్తోంది. దీంతో వాగుకు కుడివైపు నుంచే ఎక్కువ వరద వెళ్లడం.. అక్కడి నుంచే కొందరు అక్రమార్కులు ఇసుకను తోడేయడంతో భారీ గోతులు ఏర్పడి పిల్లలు నీటి లోతును గుర్తించక అందులో ఈతకు వెళ్లి బలయ్యారు. 

లక్నో: ఉత్తరప్రదేశ్‌లో పెను విషాదం చోటుచేసుకుంది. అయోధ్యలోని సరయు నదిలో స్నానం చేస్తుండగా ఒకే కుటుంబానికి చెందిన 12 మంది గుప్తార్‌ ఘాట్‌ వద్ద నీటిలో మునిగిపోయారు. వెంటనే స్థానికులు ముగ్గురిని రక్షించారు. వారిని ఆసుపత్రికి తరలించి చికిత్స అందిస్తున్నారు. సమాచారం అందుకున్న పోలీసులు ఈతగాళ్లను పిలిపించి మిగతా వారికోసం సహాయక చర్యలు చేపట్టారు. ఇప్పటి వరకు ఆరుగురి మృతదేహాలను వెలికితీశారు. మునిగిన వారిలో మహిళు, చిన్నపిల్లలు కూడా ఉన్నారు. కాగా ఆగ్రాకు చెందిన 15 మంది కుటుంబ సభ్యులు అయోధ్యను సందర్శించేందుకు వచ్చారు. వీరిలో కొంతమంది చేతులు, కాళ్ళు కడుక్కోగా, మరికొందరు స్నానం చేసేందుకు నదిలో దిగారు. అదే సమయంలో ఒక్కసారిగా నీటి ప్రవాహం పెరిగడంతో 12 మంది నీటిలో గల్లంతయ్యారు. మిగిలిన వాళ్లు వారిని రక్షించేందుకు ప్రయత్నించగా.. ఫలితం లేకుండా పోయింది. సహాయక చర్యలు ఇంకా కొనసాగుతున్నాయని అయోధ్య జిల్లా కలెక్టర్‌ అనుజ్ కుమార్‌ ఝా తెలిపారు.


 డెహ్రాడూన్: ఉత్తర ప్రదేశ్ మంత్రి షాహిద్ మంజూర్ కుమార్తె అబిదా హసన్(24) ఆదివారం రుషీకేశ్‌లోని గంగానదిలో ప్రమాదవశాత్తూ కొట్టుకుపోయింది.
 
 సహాయక బృందాలకు ఆమె మృతదేహం  అర్ధరాత్రికి కూడా కనిపించకపోవడంతో చనిపోయి ఉంటుందని భావిస్తున్నారు. రబ్బరుపడవలో విహారయాత్రకు వెళ్లిన  అబిదా బలమైన ప్రవాహం రావడంతో నదిలో పడిపోయింది.