సాక్షి, సిటీబ్యూరో: డబ్బింగ్‌ సీరియళ్లతో తెలుగు ఆర్టిస్టులు, టెక్నీషియన్ల జీవితాలు రోడ్డున పడుతున్నాయని ‘తెలుగు టెలివిజన్‌ యూనియన్‌’ మరోసారి ఉద్యమానికి సిద్ధమైంది. ఫిలిం చాంబర్‌లో ‘తెలుగు టెలివిజన్‌ ఆర్టిస్ట్‌ యూనియన్‌’ సభ్యులు ఆదివారం సమావేశమయ్యారు. ఈ సందర్భంగా వారు మాట్లాడుతూ ‘డబ్బింగ్‌ సీరియళ్లతో ఇక్కడ ఉన్న ఎంతో మంది ఆర్టిస్టులు, టెక్నీషియన్లు ఉపాధి కోల్పోతున్నారు. వీటిని ఆపేయాలని ఒకసారి ఉద్యమం చేశాం.
 మరోసారి ఉద్యమం చేస్తాం. ఎట్టి పరిస్థితుల్లో వాటిని అడ్డుకుంటామ’ని చెప్పారు. అనంతరం బుల్లితెర నటీనటుల డైరెక్టరీని దర్శక–నిర్మాత తమ్మారెడ్డి భరద్వాజ చేతుల మీదుగా విడుదల చేశారు. నిర్మాత గురురాజ్, టీవీ ఫెడరేషన్‌ చైర్మన్‌ మేచినేని శ్రీనివాసరావును ఘనంగా సన్మానించారు. తెలుగు టెలివిజన్‌ ఆర్టిస్టు సంఘం అధ్యక్షుడు వినోద్‌బాల, సెక్రటరీ విజయ్‌ యాదవ్, నటులు శివాజీ రాజా, రామ్‌జగన్, నాగమణి, సుబ్బారావు పలువురు టీవీ ఆర్టిస్టులు పాల్గొన్నారు.


 ‘కోడలా కోడలా కొడుకు పెళ్లామా’ హిట్ అయిన డబ్బింగ్ సీరి యల్స్‌లో ఒకటి. అమాయకురాలైన ఓ కోడలు మహా గడుసుదైన అత్త గారి ఇంట పడే కష్టాలే ఈ సీరియల్. విషయం పాతదే అయినా అందరిళ్లలో జరిగేది కాబట్టి వెంటనే కనెక్ట్ అయిపోయారు ప్రేక్షకులు. దాంతో పండగ చేసుకున్నారు నిర్వా హకులు. అయితే పరిస్థితి ఎలా అయ్యిందంటే... ఆదరిస్తున్నారు కదా అని సీరియల్‌ని సాగదీసు కుంటూ పోతున్నారు. ఇది మన వాళ్ల సమస్య కాదు. ఒరిజినల్‌తోనే ఉంది సమస్య. 2010 మేలో మొద లైంది ‘సాథ్ నిభానా సాథియా’. ఇప్పటికీ కొనసా...గు...తూ...నే... ఉంది. అత్తగారు మారిపోయింది.
 
 కోడల్ని ఆదరించింది. అయినా సీరియల్ ఆగలేదు. కొత్త కొత్త పాత్రలు... కొత్త కొత్త సమస్యలు! తెలుగువారు చూడాల్సిన ట్విస్టులు ఇంకా చాలానే ఉన్నాయి. మరి ఎంతకీ తీరని కోడలు పిల్ల కష్టాలు మనవాళ్ల మనసుల్ని కలచివేసి కంటతడి పెట్టిస్తాయో లేక వాటిని చూడలేక ఏమిటీ నస అని ఏడిపిస్తాయో చూడాలి!