అప్పట్లో మొబైల్ ప్రపంచానికి ఐకానిక్ బ్రాండు. ఎప్పటికీ చెక్కుచెదరని డిజైన్, ఎక్కువ బ్యాటరీ సామర్థ్యత గల ఫోన్ గా మధ్యతరగతి ప్రజలతో ఎక్కువగా మమేకమైన నోకియా 3310, మళ్లీ మార్కెట్లోకి ఎంట్రీ ఇవ్వబోతోంది. బెర్సీలోనాలో జరుగబోయే మొబైల్ వరల్డ్ కాంగ్రెస్(ఎండబ్ల్యూసీ) 2017లో దీన్ని ప్రవేశపెట్టాలని కంపెనీ ప్లాన్ చేస్తుందట. ఈ ఫోన్ ను 2000లో మొదటిసారి ప్రవేశపెట్టారు. ప్రస్తుతం తీసుకురాబోతున్న ఈ ఫోన్ ధర సుమారు రూ.4173గా ఉండనున్నట్టు తెలుస్తోంది. మార్కెట్లోకి రాబోతున్న ఫోన్లను ముందస్తుగా లీక్ చేసే ఇవాన్ బ్లాస్ ఈ విషయాన్ని తెలిపారు.
  
 నోకియా ఫోన్లను ఉత్పత్తి చేయడానికి లైసెన్సు హక్కులను రాబట్టుకున్న హెచ్ఎండీ గ్లోబల్, ఫిన్నిస్ కంపెనీ దీన్ని ప్రవేశపెట్టబోతుందని పేర్కొన్నారు. నోకియా 3310 ఫోన్ అంటే అప్పట్లో ఎక్కువగా క్రేజ్ ఉండేది. దానికి గల కారణం, అది అందించే ఫీచర్లే. ఎస్ఎంఎస్ క్యారెక్టర్ కంటే ఎక్కువగా మెసేజ్ లు చేసుకునే సామర్ధ్యం,  84 x 48 పిక్సెల్ మోనోక్రోమ్ స్క్రీన్, స్క్రీన్ సేవర్స్, క్యాలిక్యులేటర్, గేమ్స్, ఏడు రింగ్ టోన్స్, వెనుక, ముందు వైపు ఎప్పడికప్పుడూ కవర్ మార్చుకుంటూ ఎప్పుడు కొత్త ఫోన్ లా మెరిసిపోయేలా చేసుకోవడం దీన్ని ప్రత్యేకతలు. అంతేకాక 55 గంటల పాటు నిరంతరాయంగా పనిచేయగల ఫోన్ గా ఇది తెగ గుర్తింపు పొందింది.
  
 దీంతో మళ్లీ ఈ ఫోన్ ను తీసుకొచ్చి లో ఎండ్ ఆండ్రాయిడ్ స్మార్ట్‌ఫోన్ల‌కు గట్టి పోటీ ఇవ్వాలని కంపెనీ ప్లాన్ చేస్తుందట.ఈ ఏడాది జ‌న‌వ‌రిలో నోకియా మార్కెట్‌లోకి రీఎంట్రీ ఇచ్చిన విష‌యం తెలిసిందే. హెచ్ఎమ్‌డీ గ్లోబ‌ల్ నోకియా 6 పేరుతో ఓ స్మార్ట్‌ఫోన్‌ను విడుద‌ల చేసింది. దీనికి మార్కెట్‌లో ఫుల్ డిమాండ్ ఉంది. రిలీజ్‌కు ముందే 14 ల‌క్ష‌ల బుకింగ్స్ రావ‌డం విశేషం. చైనా ఈకామ‌ర్స్ వెబ్‌సైట్ జేడీ.కామ్ ద్వారా ఈ ఫోన్లు విక్ర‌యానికి ఉంచారు.
  


 న్యూఢిల్లీ:  కొరియా మొబైల్  మేకర్  తరువాత స్మార్ట్  ఫోన్ వివరాలు లీకయ్యాయి. ఎప్పటినుంచో ఎదురు చూస్తున్న  శాంసంగ్  గెలాక్స్ ఎస్ 8 కు సంబంధించిన వివరాలు నెట్ లో చక్కర్లుకొడుతున్నాయి.  ముఖ్యంగా ఈ స్మార్ట్ ఫోన్ ఫోటో, ఫీచర్లు , ధర, లాంచింగ్ తేదీ తదితర వివరాలు  బహిర్గతమయ్యాయి.  శాంసంగ్ గెలాక్సీ  ఎస్ 8  రెండు  మోడల్స్ లో  మార్చి 29 న   న్యూయార్క్ లో లాంచ్  కానుందని ఇవాన్ బ్లాస్  నివేదించింది.  
 
 శాంసంగ్ గెలాక్సీ  ఎస్ 8  స్పెసిఫికేషన్స్
 5.8 అంగుళాల, 6.2 అంగుళాల డిస్  ప్లేతో రెండు  వేరియంట్లు
 835  స్నాప్ డ్రాగన్ ప్రాసెసర్
 12 ఎంపీ రియర్ కెమెరా
 8 ఎంపీ ఫ్రంట్ కెమెరా  విత్ f / 1.7
 4 జీబీ ర్యామ్, 64 జీబీ ఇన్ బిల్ట్ స్టోరేజ్
 256 విస్తరణ సామర్థ్యం
  3000, 3500 ఎంఏ హెచ్ బ్యాటరీ సామర్థ్యం తో రెండు వేరియంట్లు అయితే హోం బటన్ మిస్ అయిందట.
 
 11 రెట్ల  వేగంగా 23 శాతం గ్రాఫిక్స్, 20 శాతం బ్యాటరీ సామర్థ్యంతో రాబోతోందని రిపోర్ట్ చేసింది. అలాగే  న్యూయార్క్ లో మార్చి 29న లాంచ్ కానుండగా  ఏప్రిల్ 21 విక్రయాలు మొదలు కానున్నాయని ఇవాన్ బ్లాస్  పేర్కొంది.   వీటి ధరలు సుమారు రూ.58,000 (5.8 ఇంచెస్ ) రూ.65,400 (6.2 ఇంచెస్) గా ఉండనున్నాయని  తెలిపింది.