హైదరాబాద్‌ : నగరంలోని గచ్చిబౌలిలో శుక్రవారం ఉదయం యువకులు హల్చల్ సృష్టించారు. రెండు వర్గాలకు చెందిన యువకులు పరస్పరం దాడులకు తెగబడ్డారు.
 
 యువకులు కత్తులు, కర్రలతో విచక్షణారహితంగా దాడులు చేసుకున్నారు. ఈ ఘటనలో 10 మంది యువకులకు గాయాలయ్యాయి. సమాచారం అందుకున్న పోలీసులు ఘటనా స్థలానికి విచారణ చేపట్టారు. ఈ ఘటనకు సంబంధించి పూర్తి సమాచారం తెలియాల్సి ఉంది.
  


 హైదరాబాద్‌: నగరంలోని మలక్‌పేట్‌ సమీపంలో ఓ కారు అదుపుతప్పి మెట్రో పిల్లర్‌ను ఢీకొట్టింది. ఈ ఘటనలో కారులో ప్రయాణిస్తున్న వారికి స్వల్ప గాయాలయ్యాయి.
 
 దిల్‌సుఖ్‌నగర్‌ వైపు నుంచి అతివేగంగా వస్తున్న ఓ కారు మలక్‌పేట్‌ సమీపంలోకి రాగానే రోడ్డు మధ్యలో ఉన్న మెట్రో పిల్లర్‌ను బలంగా ఢీకొట్టింది. దీంతో పలువురికి గాయాలయ్యాయి. ఇది గుర్తించిన పోలీసులు క్షతగాత్రులను ఆస్పత్రికి తరలించారు.


 చించుపల్లి : ఖమ్మం జిల్లాలో రెండు వర్గాల మధ్య ఘర్షణ చోటుచేసుకుంది. చించుపల్లి రెండో పట్టణ పోలీస్‌స్టేషన్ పరిధిలోని రామవరంలో  ఆదివారం ఉదయం ఒక వర్గం వారు ఇనుపరాడ్లతో మరో వర్గంపై దాడి చేశారు. ఈ ఘటనలో ముగ్గురికి గాయాలయ్యాయి. కిరణ్ పాసీ అనే వ్యక్తి పరిస్థితి తీవ్రంగా ఉండటంతో ఖమ్మం ప్రభుత్వాసుపత్రికి తరలించారు. సమాచారం అందుకున్న పోలీసులు సంఘటనాస్థలానికి చేరుకున్నారు. కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించి పూర్తి సమాచారం తెలియాల్సి ఉంది.