నందమూరి బాలకృష్ణ ప్రధాన పాత్రలో నటించిన చిత్రం భగవంత్‌ కేసరి. అందాల చందమామ కాజల్‌ హీరోయిన్‌గా నటించింది. కుర్ర హీరోయిన్‌ శ్రీలీల.. బాలకృష్ణ కూతురి పాత్రను పోషించింది. దర్శకుడు అనిల్‌ రావిపూడి.. కామెడీ జానర్‌ను వదిలేసి ఎమోషనల్‌ కంటెంట్‌ను ఎంచుకున్నాడు. బాలయ్యను సరికొత్తగా తెరపై చూపించే ప్రయత్నం చేశాడు. షైన్‌ స్క్రీన్స్‌ బ్యానర్‌పై హరీశ్‌ పెద్ది, సాహు గారపాటి నిర్మించిన ఈ మూవీకి తమన్‌ సంగీతం అందించాడు. అక్టోబర్‌ 19న ప్రేక్షకుల ముందుకు వచ్చిన ఈ సినిమాకు మిశ్రమ స్పందన లభిస్తోంది. తాజాగా ఈ మూవీ తొలి రోజు వసూళ్ల సంఖ్యను నిర్మాణ సంస్థ బయటపెట్టింది. భగవంత్‌ కేసరి మొదటి రోజు ప్రపంచవ్యాప్తంగా రూ.32.33 కోట్లు రాబట్టిందని వెల్లడించింది. ఈ మేరకు ప్రత్యేక పోస్టర్‌ విడుదల చేసింది. అయితే భగవంత్‌ కేసరి బాక్సాఫీస్‌ దగ్గర గట్టిగానే చప్పుడు చేశాడు.. కానీ మెగాస్టార్‌ చిరంజీవి భోళా శంకర్‌ మొదటి రోజు కలెక్షన్స్‌ను మాత్రం బ్రేక్‌ చేయలేకపోయాడు. భోళా శంకర్‌ మొదటి రోజు రూ.33 కోట్లు రాబట్టగా భగవంత్‌ కేసరి మాత్రం రూ.32.33 కోట్ల దాకా వచ్చి అడుగు దూరంలో ఆగిపోయింది. హిట్‌ టాక్‌ ఉన్న భగవంత్‌ కేసరి.. డిజాస్టర్‌గా నిలిచిన భోళా శంకర్‌ వసూళ్లను బ్రేక్‌ చేయలేకపోయిందని సోషల్‌ మీడియాలో నెటిజన్లు చర్చించుకుంటున్నారు. భగవంత్ కేసరి విస్ఫోటనం🔥#BhagavanthKesari Grosses 32.33 Crores Worldwide on DAY 1 & emerges as a DASARA WINNER💥 - https://t.co/rrWPhVwU6B Enjoy #BlockbusterDawath in cinemas now❤️‍🔥#NandamuriBalakrishna @AnilRavipudi @MsKajalAggarwal @sreeleela14 @MusicThaman @sahugarapati7… pic.twitter.com/C8i2VTpeb5 — Shine Screens (@Shine_Screens) October 20, 2023 ....No caption needed #BhagavanthKesari #BholaaShankar pic.twitter.com/vTmX727xfn — KriShNaᴮᴼˢs (@Ramyaholic) October 20, 2023 చదవండి: ‘భగవంత్‌ కేసరి’ మూవీ రివ్యూ

డార్లింగ్ ప్రభాస్ 'ఆదిపురుష్' థియేటర్లలోకి వచ్చేసింది. ఈ సినిమా కొందరికి నచ్చింది, మరికొందరికి నచ్చలేదు. రామాయణాన్ని చాలావరకు మార్చి తీశారని, వీఎఫ్ఎక్స్.. హాలీవుడ్ చిత్రాల్ని తలపించిందని, రావణాసురుడి గెటప్ సరిగా లేదనని.. ఇలా ఎవరికివాళ్లు తమ తమ అభిప్రాయాల్ని చెబుతున్నారు. మరోవైపు టాక్ తో సంబంధం లేకుండా ఇందులో నటించిన ప్రభాస్ సరికొత్త రికార్డు సృష్టించాడు. ప్రస్తుతం ఇదే విషయం ఇండస్ట్రీలో హాట్ టాపిక్ గా మారిపోయింది. (ఇదీ చదవండి: Adipurush: ఫస్ట్‌ డే కలెక్షన్స్ తుఫాన్) 'బాహుబలి' తర్వాత డార్లింగ్ ప్రభాస్.. పాన్ ఇండియా స్టార్ అయిపోయాడు. ఈ ఊపులో చాలా సినిమాలు ఒప్పేసుకున్నాడు. వాటిలో సాహో(2019), రాధేశ్యామ్ (2022) ప్రేక్షకుల ముందుకొస్తే, తాజాగా 'ఆదిపురుష్' థియేటర్లలోకి వచ్చింది. రామాయణం ఆధారంగా తీసిన ఈ సినిమా టీజర్ రిలీజ్ చేసినప్పుడు ఘోరంగా ట్రోల్స్ వచ్చాయి. కానీ ట్రైలర్స్ తో కాస్త రిలీఫ్ అనిపించింది. ఇప్పుడు సినిమా బిగ్ స్క్రీన్ పై చూసిన ఆడియెన్స్ మాత్రం చాలావరకు పెదవి విరుస్తున్నారు. 'ఆదిపురుష్' మూవీ టాక్ ఏంటనేది పక్కనబెడితే తొలిరోజు కలెక్షన్స్ మాత్రం అదిరిపోయే రేంజులో వచ‍్చాయి. ప్రపంచవ్యాప్తంగా ఫస్ట్ డే దాదాపు రూ.140 కోట్ల వరకు ఈ మూవీ కలెక్ట్ చేసింది. గతంలో 'బాహుబలి', 'సాహో'తో పాటు ఇప్పుడు 'ఆదిపురుష్'.. రిలీజైన మొదటిరోజే రూ.100 కోట్లకు పైగా వసూళ్లు సాధించాయి. తద్వారా మూడు సినిమాలతో ఈ మార్క్ ని అందుకున్న ఓన్లీ హీరోగా ప్రభాస్ నిలిచాడు. ప్రస్తుతానికైతే ఏ హీరో కూడా.. తొలిరోజు కలెక్షన్స్ విషయంలో ప‍్రభాస్ కి దరిదాపుల్లో లేకపోవడం విశేషం. (ఇదీ చదవండి: ప్రభాస్ 'ఆదిపురుష్' మూవీ సరికొత్త రికార్డ్)

ప్రముఖ దర్శకుడు మణిరత్నం ఎంతో ప్రతిష్టాత్మకంగా తెరకెక్కించిన హిస్టారికల్ చిత్రం ‘పొన్నియన్ సెల్వన్’. కల్కి కృష్ణ మూర్తి రాసిన ‘పొన్నియన్ సెల్వన్’ నవల ఆధారంగా తెరకెక్కిన ఈ సినిమాని రెండు భాగాలుగా రిలీజ్ చేస్తున్నారు. అందులో మొదటి భాగం శుక్రవారం(సెప్టెంబర్‌ 30న) ప్రపంచవ్యాప్తంగా విడుదలైంది. చియాన్‌ విక్రమ్‌, హీరో కార్తీ, ఐశ్వర్యరాయ్‌, ‘జయం’ రవి, త్రిష, ప్రకాశ్‌ రాజ్‌, శరత్‌ కుమార్‌ వంటి తదితర భారీ తారాగణంతో రూపొందిన  ఈ సినిమా తెలుగు రాష్ట్రాల్లో మిక్స్‌డ్‌ టాక్‌ తెచ్చుకోగా.. తమిళనాట భారీ వసూళ్లు చేసినట్లు ట్రెడ్‌ వర్గాలు పేర్కొన్నాయి. తమిళనాడులో తొలి రోజు రికార్ట్‌ కలెక్షన్స్‌ చేసినట్లు సినీ విశ్లేషకులు చెబుతున్నారు.  చదవండి: పృథ్వీరాజ్‌కు ఫ్యామిలీ కోర్టు షాక్‌, భార్యకు ప్రతి నెల రూ. 8 లక్షలు చెల్లించాలి పొన్నియన్ సెల్వన్ మొదటి రోజు కలెక్షన్స్.. ఈ ఏడాది కోలీవుడ్ బెస్ట్ ఓపెనింగ్స్‌లో మూడో స్థానంలో నిలిచినట్లు తెలుస్తోంది. మొదటి రోజు రూ. 25.86 కోట్లు గ్రాస్ వసూల్ చేసి.. ఈ ఏడాది వలిమై రూ. 36.17 కోట్లు, బీస్ట్ రూ. 26.40 కోట్లు తర్వాత మూడో స్థానంలో పొన్నియన్ సెల్వన్ నిలిచింది. కేవలం తమిళంలోనే పొన్నియన్ సెల్వన్ రూ. 25.86 కోట్లు రాబడితే.. వరల్డ్ వైడ్ మంచి నెంబర్ వచ్చే అవకాశం ఉంది అంటున్నాయి ట్రెడ్‌ వర్గాలు. ఇక తెలుగు రాష్ట్రాల్లో ఈ మూవీ టాక్‌ ఎలా ఉన్నప్పటికీ సాయంత్రం, నైట్‌ షోలకు హౌజ్‌ఫుల్‌ కలెక్షన్స్‌ చేసినట్లు సమాచారం. ఈ లెక్కన తెలుగులో కూడా పొన్నియన్‌ సెల్వన్‌ బాగానే కలెక్షన్స్‌ చేసిందంటున్నారు. అలాగే బి-టౌన్‌ బాక్సాఫీస్‌ వద్ద ఈ చిత్రం సుమారు రూ. 1.75 కోట్ల కలెక్షన్లు రాబట్టిందని సమాచారం.  చదవండి: పుట్టినరోజుకి ముందు అవార్డు అందుకున్నాను: నటి ఆశా పారేఖ్‌  #PonniyinSelvan part 1 is off to a FANTASTIC start at the box office. The film has grossed ₹25.86 cr on Day 1 in the state. 3rd BIGGEST opener of the year.#PonniyinSelvan1 — Manobala Vijayabalan (@ManobalaV) October 1, 2022 Top TN openers of 2022#Valimai- ₹36.17cr#Beast- ₹26.40cr#PS1- ₹25.86cr#Vikram- ₹20.61cr#ET- ₹15.21cr#RRRMovie- ₹12.73cr#Thiruchitrambalam- ₹9.52cr#Don- ₹9.47cr#Cobra- ₹9.28cr#KGFChapter2- ₹8.24cr#NaaneVaruvean - ₹7.37cr#Viruman- ₹7.21cr#VTK- ₹6.85cr — Manobala Vijayabalan (@ManobalaV) October 1, 2022

రౌడీ హీరో విజయ్‌ దేవరకొండ, అనన్య పాండే జంటగా నటించిన చిత్రం 'లైగర్‌'. భారీ అంచనాల నడుమ నిన్న(గురువారం) ఈ సినిమా ప్రపంచ వ్యాప్తంగా విడుదలైంది. పూరి జగన్నాథ్‌ దర్శకత్వం వహించిన ఈ సినిమాకు విపరీతమైన బజ్‌ క్రియేట్‌ అయ్యింది. కానీ సినిమా మాత్రం అనుకున్నంతగా ఆడియెన్స్‌ను మెప్పించలేకపోయింది. దీంతో బాక్సాఫీస్‌ వద్ద కలెక్షన్స్‌ పరంగానూ నిరాశపరిచింది. పాన్‌ ఇండియా స్థాయిలో హైప్‌ క్రియేట్‌ చేసిన ఈ సినిమా తొలిరోజు రూ. 12కోట్ల షేర్‌ను రాబట్టే అవకాశం ఉందని ట్రేడ్‌ వర్గాలు అంచనా వేశాయి. కానీ నెగిటివ్‌ టాక్‌ కారణంగా ఆ టెర్గెట్‌ను లైగర్‌ అందుకోలేకపోయింది. తొలిరోజు తెలంగాణ, ఏపీలో కలిపి రూ. 9. 57కోట్ల షేర్‌ని మాత్రమే రాబట్టింది.  తెలుగురాష్ట్రాల్లో కలెక్షన్‌ వివరాలు ఈ విధంగా ఉన్నాయి... నైజాంలో రూ. 4.2కోట్లు సీడెడ్‌లో రూ. 1.32కోట్లు వైజాగ్‌లో రూ. 1.30కోట్లు ఈస్ట్‌లో రూ.. 64లక్షలు వెస్ట్‌లో  రూ. 39లక్షలు కృష్ణలో రూ. 48 లక్షలు గుంటూరులో రూ. 83లక్షలు నెల్లూరులో రూ. 40 లక్షల వసూళ్లను రాబట్టింది.  ట్రేడ్‌ అంచనాల ప్రకారం.. తెలుగు రాష్ట్రాల్లో తొలిరోజు రూ. 12 కోట్లు వసూలు చేయాల్సి ఉండగా 15.40 కోట్ల గ్రాస్, రూ. 9.57కోట్ల షేర్‌ను రాబట్టింది. ఓవర్ సీస్‌ సహా వరల్డ్ వైడ్ గా లైగర్‌ సినిమా తొలి రోజు 33.12 కోట్ల గ్రాస్‌ను రాబట్టింది. బ్రేక్‌ ఈవెన్‌ రూ. 90కోట్లు ఉండగా, ఇంకా రూ.76.55 కోట్ల వసూళ్లు రావాల్సి ఉంది.

RRR Movie First Day Collections World Wide: ఆర్‌ఆర్‌ఆర్‌.. ప్రస్తుతం సినీ ఇండస్ట్రీలో ఎక్కడ చూసినా ఈ సినిమా గురించే మాట్లాడుకుంటున్నారు. నాలుగేళ్ల నిరీక్షణ తర్వాత శుక్రవారం(మార్చి25)న ప్రపంచ వ్యాప్తంగా ప్రేక్షకుల ముందుకు వచ్చిందీ చిత్రం. ఎన్టీఆర్‌, రామ్‌చరణ్‌ మల్టీస్టారర్లుగా తెరకెక్కిన ఈ సినిమాలో బాలీవుడ్ స్టార్స్ ఆలియా భ‌ట్‌, అజ‌య్ దేవ‌గ‌ణ్‌ల‌తో పాటు హాలీవుడ్ స్టార్స్ ఒలివియా మోరిస్‌, అలిస‌న్ డూడి, రే స్టీవెన్ స‌న్ త‌దిత‌రులు న‌టించారు. డీవీవీ దానయ్య భారీ బడ్జెట్‌తో తెరకెక్కించిన ఈ చిత్రంలో ఎన్టీఆర్‌ కొమురం భీమ్‌గా, రామ్‌చరణ్‌ అల్లూరి సీతారామరాజుగా కనిపించారు. భారీ తారాగణం, టెక్నికల్‌ వాల్యూస్‌తో భారీ అంచనాల మధ్య విడుదలైన ఈ సినిమా బాక్సాఫీస్‌ రికార్డులను తిరగరాస్తూ సెన్సేషన్‌ క్రియేట్‌ చేస్తుంది. రిలీజ్‌కి ముందే రికార్డులు బద్దలు కొట్టిన ఈ చిత్రం తొలిరోజు కలెక్షన్లలో సునామి సృష్టించింది. ట్రేడ్ వ‌ర్గాల స‌మాచారం మేర‌కు ఒక్క నైజాం ఏరియాలోనే   క‌లెక్ష‌న్స్ ప‌రంగా స‌రికొత్త రికార్డును క్రియేట్ చేసింది.  నైజాం ఏరియాలో తొలి రోజున రూ.23.35 కోట్లు వసూలు చేసింది. తొలిరోజున తెలుగు రాష్ట్రాల్లో సుమారు 120.19కోట్ల వసూళ్లు రాబట్టినట్లు సమాచారం. అలాగేఆస్ట్రేలియా, న్యూజిలాండ్‌లో కూడా ఈ సినిమా భారీ వసూళ్లను సాధిస్తోంది. ఓవర్సీస్‌ కలుపుకొని ప్రపంచ వ్యాప్తంగా తొలిరోజు రూ. 257.15 కోట్లు వసూలు చేసి తెలుగు సినిమా పవర్‌ మరోసారి చూపించింది.  (ఫొటో గ్యాలరీ కోసం ఇక్కడ క్లిక్ చేయండి) #RRRMovie creates HISTORY at the WW Box Office. AP/TS - ₹ 120.19 cr KA - ₹ 16.48 cr TN - ₹ 12.73 cr KL - ₹ 4.36 cr ROI - ₹ 25.14 cr OS - ₹ 78.25 cr [Reported Locs] Total - ₹ 257.15 cr FIRST ever Indian movie to achieve this HUMONGOUS figure on the opening day. — Manobala Vijayabalan (@ManobalaV) March 26, 2022 All-time Record Alert!#RRR 's Day 1 Share in Nizam is a new all-time record of ₹ 23.3 Crs.. Day 1 Telugu States gross must be more than ₹ 100 Crs.. — Ramesh Bala (@rameshlaus) March 26, 2022

దేశంలో కరోనా కేసుల తగ్గుముఖం పట్టడంతో పెద్ద సినిమాలు విడుదలకు సిద్దమయ్యాయి. ఇప్పటికే పలుమార్లు విడుదలను వాయిదా వేసుకున్న చిత్రాలు.. వరుసగా ప్రేక్షకులను పలకరించేందుకు సిద్దమయ్యాయి. ఈ నేపథ్యంలో తమిళ స్టార్‌ హీరో అజిత్‌ నటించిన పాన్‌ ఇండియా చిత్రం ‘వలిమై’ నిన్న ప్రేక్షకుల ముందుకు వచ్చిన సంగతి తెలిసిందే. పెద్ద సినిమాలన్ని వాయిదా పడటంతో వలిమైపై మరింత హైప్‌ క్రియేట్‌ అయ్యింది. ఈ తరుణంగా ఎన్నో అంచనాల మధ్య గురువారం విడుదలైన ఈ మూవీ హిట్‌టాక్‌ను తెచ్చుకోవడమే కాదు కలెక్షన్స్‌ పరంగా కూడా గ్రాండ్‌ ఓపెనింగ్‌ను ఇచ్చింది. ‘వలిమై’ ఫస్ట్‌డే కలెక్షన్స్‌ను అఫిషియల్‌గా ప్రకటిస్తూ సినిమా పీఆర్‌ఓ రమేష్‌ బాల ట్వీట్‌ చేశాడు. ఈ సందర్భంగా ఆయన.. బ్రేకింగ్‌.. వలిమై తొలిరోజే కలెక్షన్స్‌ సునామి సృష్టించిన తొలి సినిమాగా నిలిచిందని, తమిళనాడులో వలిమై తొలిరోజు రూ. 34కోట్లు వసూలు చేసిందని వెల్లడించాడు. కరోనా సమయంలో సైతం ఈ స్థాయిలో కలెక్షన్స్‌ ఆశ్చర్యకరం అంటున్నారు. చాలా గ్యాప్‌ తర్వాత వచ్చినప్పటికి అజిత్‌ వలిమైతో మరోసారి తన మార్క్‌ చూపించాడంటు మురిసిపోతున్నారు ఆయన అభిమానులు. అయితే ఒక్క తమిళనాడులోనే కలెక్షన్స్‌ ఈ రేంజ్‌లో ఉంటే  ఇక తెలుగు, హిందీ, మలయాళం, కన్నడలో కలిపి 50 నుంచి 60 కోట్లు రూపాయలు దాటే అవకాశం ఉందని సినీ విశ్లేషకులు అంచన వేస్తున్నారు.  #BREAKING : Actor #AjithKumar 's #Valimai takes All-Time No.1 Day 1 Opening in TN.. TN Day 1 Gross - ₹ 34 Crs.. — Ramesh Bala (@rameshlaus) February 25, 2022

Pushpa Movie First Day Box Office Collections: అల్లు అర్జున్‌, సుకుమార్‌ కాంబినేషన్‌లో తెరకెక్కిన 'పుష్ప' చిత్రం బాక్సాఫీస్‌ వద్ద ప్రభంజనం సృష్టిస్తోంది. ఎన్నో అంచనాల మధ్య శుక్రవారం(డిసెంబర్‌17)న విడుదలైన ఈ చిత్రం రిమార్కబుల్‌ ఓపెనింగ్స్‌తో దుమ్మురేపుతుంది. ఈ ఏడాది విడుదలైన చిత్రాలన్నింటిలో అత్యధిక వసూళ్లు సాధించిన చిత్రంగా రికార్డు నెలకొల్పింది. ఈ చిత్రం తొలిరోజు ప్రపంచ వ్యాప్తంగా రూ.71 కోట్ల గ్రాస్ రాబట్టిందని చిత్ర నిర్మాణ సంస్థ మైత్రీ మూవీ మేకర్స్ వెల్లడించింది. ఇది 2021లో ఇండియాలోనే తొలి రోజు అత్యధిక గ్రాస్ రాబట్టిన సినిమా అని.. బాక్సాఫీస్ వద్ద బిగ్గెస్ట్ హిట్‌గా నిలిచిందని మేకర్స్‌ తెలిపారు. కాగా ఈ చిత్రానికి సీక్వెల్‌గా పార్ట్‌-2కూడా విడుదల కానున్న సంగతి తెలిసిందే. ‘పుష్ప: ది రూల్‌'(Pushpa: The rule)టైటిల్‌తో ఈ సినిమాను విడుదల చేయనున్నారు.    2021 INDIA'S BIGGEST DAY 1 GROSSER 🔥#PushpaTheRise strikes big at the Box Office 💥 MASSive 71CR Gross Worldwide🤘#ThaggedheLe 🤙#PushpaBoxOfficeSensation @alluarjun @iamRashmika @aryasukku @ThisIsDSP @adityamusic @TSeries @PushpaMovie pic.twitter.com/FwRvqNVl7m — Mythri Movie Makers (@MythriOfficial) December 18, 2021

‘వరుస అపయజయాలు.. కామెడీ ఇమేజ్‌‌ని పక్కనపెట్టి సీరియస్‌ సినిమా చేస్తున్నాడు. ఇలాంటి మూవీస్‌ ఈ హీరోకి సెట్‌ అవుతుందా లేదా? నరేశ్‌ ఈ ఏడాదైనా హిట్‌ కొడుతాడా లేదా?​‍’ ఇలా ఎన్నో అనుమానాల నడుమ శుక్రవారం విడుదలైన అల్లరి నరేశ్‌ ‘నాంది’ సినిమాకి అద్భుత స్పందన వచ్చింది. మార్నింగ్‌ షో నుంచి సినిమాకు పాజిటివ్‌ టాక్‌ వచ్చింది. నరేశ్‌ నటన విమర్శకుల ప్రశంసలు అందుకుంటోంది. ఈ ‘అల్లరోడి’లో మంచి నటుడు ఉన్నాడని సినిమా చూసిన ప్రేక్షకులంతా మెచ్చుకుంటున్నారు. ఇక చాలా కాలం తర్వాత నరేశ్‌ సినిమాకు పాజిటివ్‌ టాక్‌ రావడంతో బాక్సాఫీస్‌ వద్ద ‘నాంది’ ఊహించని రీతిలో దూసుకెళ్తోంది. ప్రపంచ వ్యాప్తంగా తొలి రోజు రూ. 49 లక్షలు షేర్, రూ. 72 లక్షల గ్రాస్ రాబట్టింది. నైజాంలో రూ. 18 లక్షలు, సీడెడ్‌లో రూ. 6 లక్షలు, ఉత్తరాంధ్రలో రూ. 5.5 లక్షలు, ఈస్ట్‌లో రూ. 5.1 లక్షలు, వెస్ట్‌లో రూ. 2.2 లక్షలు, గుంటూరులో 3.5 లక్షలు, కృష్ణాలో 3.2లక్షలు, నెల్లూరులో రూ.2 లక్షలు, ఓవర్సీస్‌లో రూ.2 లక్షలు రాబట్టింది.  ఇక ఇప్పటికే ఈ మూవీ  రూ. 2.70 కోట్ల బిజినెస్‌ జరిగింది. ఈ సినిమా బ్రేక్ ఈవెన్ టార్గెట్‌ను రూ. 3 కోట్లుగా నిర్ణయించుకున్నారు. మొదటి రోజు రూ. 49 లక్షలు వసూలు కావడంతో.. టార్గెట్‌ను చేరుకోవాలంటే మరో రూ. 2.51 కోట్లు కలెక్షన్లు రాబట్టాల్సి ఉంటుంది. వీకెండ్ కావడం, సినిమాకు పాజిటివ్‌ రావడంతో మరో రెండు రోజుల్లో నాంది కలెక్షన్లు భారీగా ఉండోచ్చని సినీ విశ్లేషకులు భావిస్తున్నారు. చదవండి :  ఎనిమిదేళ్లు పట్టింది.. అల్లరి నరేశ్‌ కంటతడి  ‘నాంది’ మూవీ రివ్యూ

చిరంజీవి మేనల్లుడు, సుప్రీమ్ హీరో సాయి ధరమ్ తేజ్ తమ్ముడు వైష్ణవ్ తేజ్ హీరోగా పరిచయం అయిన ‘ఉప్పెన’ చిత్రం తొలి రోజు భారీ వ‌సూళ్ల‌ను రాబ‌ట్టింది. ఫిబ్రవరి 12న థియేటర్లలో విడుదలైన ఈ సినిమా బాక్సాఫీస్‌ వద్ద రికార్డు‌ కలెక్షన్లు కురిపిస్తోంది. ఈ నేప‌థ్యంలో తొలిరోజు ప్ర‌పంచ వ్యాప్తంగా 10.42 కోట్ల రూపాయ‌ల షేర్ వ‌చ్చింది. నైజాంలో రూ.3.08 కోట్లు, వైజాగ్‌లో రూ.1.43 కోట్లు, ఈస్ట్, వెస్ట్ ప్రాంతాల్లో వ‌రుస‌గా రూ. 0.98 కోట్లు, రూ. 0.81 కోట్లు రాబ‌ట్టింది. మొదటి రోజు భారీ స్థాయలో కలెక్షన్లు రాబట్టడంతో వైష్ణవ్ తేజ్ డెబ్యూ హీరోగా తొలిరోజు అత్యధిక కలెక్షన్లు రాబట్టిన హీరోగా ఆల్‌టైమ్‌ రికార్డు నెలకొల్పాడు. ఎక్కడ ఎంత వసూలు చేసిందనే విషయానికి వస్తే.. ►  నైజాం.. రూ.3. 08 కోట్లు ►వైజాగ్ రూ. 1. 43 కోట్లు ►ఈస్ట్ రూ. 0.98 కోట్లు ► వెస్ట్ రూ. 0.81 కోట్లు ► క్రిష్ణా రూ. 0.62 కోట్లు ► గుంటూరు రూ. 0.65 కోట్లు ► నెల్లూరు రూ. 0.35 ► ఏపీ మొత్తం రూ. 4. 87 కోట్లు ► సీడెడ్ రూ. 1. 35 కోట్లు ► నైజాం+ ఏపీ రూ. 9.3 కోట్లు ►‌కర్ణాట‌క‌ రూ.52 ల‌క్ష‌లు ►త‌మిళ‌నాడు రూ.16 ల‌క్ష‌లు ►ఓవ‌ర్ సీస్లో రూ.34 ల‌క్ష‌లు కాగా మొన్నటి వరకు థియేటర్స్‌లో 50-50 ఆక్యుపెన్సీ మాత్రమే ఉండేది. అయితే ఉప్పెన 100 శాతం ఆక్యుపెన్సీతో విడుదలైంది. అంతేగాక నేడు రేపు వీకెండ్‌ కావడంతోపాటు వాలెంటైన్స్ డే కూడా ఉండటంతో ప్రేమికులు ఉప్పెన చిత్రానికి క్యూ కట్టే అవకాశం ఉంది. పైగా మాస్ ఆడియన్స్‌ని ఆకట్టుకునే అంశాలు ఉప్పెన చిత్రంలో చాలానే ఉండటంతో ‘ఉప్పెన’ కలెక్షన్లతో బాక్సాఫీస్ వద్ద సరికొత్త రికార్డులు నెలకొల్పే ఛాన్స్‌ ఉంది. లవ్ అండ్ ఎమోషనల్ డ్రామాగా రూపుదిద్దుకున్న ఈ సినిమాలో కృతిశెట్టి, విజయ్‌ సేతుపతి, రాజీవ్‌ కనకాల ప్ర‌ధాన పాత్ర‌ల్లో న‌టించారు. బుచ్చిబాబు సానా ద‌ర్శ‌క‌త్వం వ‌హించిన ఈ సినిమాకు  దేవిశ్రీ ప్రసాద్ సంగీతం అందించారు. శ్రీమ‌ణి రాసిన‌ 'నీ క‌న్ను నీలి సముద్రం' పాట భారీ హిట్ కొట్టి ఈ సినిమాకు మ‌రింత విజయాన్ని తెచ్చి పెట్టడంలో కృషి చేసింది. చదవండి: ‘ఉప్పెన’మూవీ రివ్యూ దిశా సోదరి గురించి తెలిస్తే ప్రశంసించక మానరు!

ఈ సంక్రాంతి కానుకగా ఎన‌ర్జిటిక్‌ స్టార్‌ రామ్‌ పోతినేని ‘రెడ్’‌ మూవీ నిన్న విడుదలైన సంగతి తెలిసిందే. ఈసినిమాకు ముందు మాస్‌ మహారాజా రవితేజ ‘క్రాక్’‌ మూవీ, థలపతి విజయ్‌ ‘మాస్టర్‌’ చిత్రాలు విడుదలయ్యాయి. ఈ నేపథ్యంతో తక్కువ అంచనాలతో సంక్రాంతి సందర్భంగా గురువారం విడుదలైన ‘రెడ్’‌ మూవీ టాలీవుడ్‌ బక్సాఫీస్‌ వద్ద కలెక్షన్ల సునామీ సృష్టించింది. అందరి అంచనాలను తలకిందులు చేస్తూ ఏపీ, తెలంగాణల్లో కలిపి మొదటి రోజే 6.7 కోట్ల రూపాయల షేర్స్‌ను రాబట్టింది. యాభై శాతం ఆక్యుపెన్సీతో థియేటర్లలో విడుదలైన ఈ మూవీ రికార్డు కలెక్షన్లను కొల్లగొట్టడంతో హీరో రామ్‌ ఆనందం వ్యక్తం చేస్తున్నాడు. తాజా కలెక్షన్లకు సంబంధించి ‘రెడ్‌’ అఫీషియల్ పోస్టర్‌ను విడుదల చేశాడు. ఈ రేంజ్‌లో తనకు భారీ ఓపెనింగ్‌ అందించినందుకు ప్రేక్షకులకు అతడు కృతజ్ఞతలు తెలిపాడు. ‘ఇస్మార్ట్‌ శంకర్’‌లో మాస్‌ లుక్‌లో కనిపించిన రామ్‌ ‘రెడ్’‌ మూవీలో ద్విపాత్రాభినయం చేసి మెప్పించాడు. కాగా రెడ్‌ కలెక్షన్ల తాజా అప్‌డేట్‌ ప్రకారం రెండు తెలుగు రాష్ట్రాల్లో ఈ సినిమాకు 6.7 కోట్ల షేర్స్‌ రాగా గ్రాస్ కలెక్షన్స్ 8.9 కోట్లుగా ఉండొచ్చని సమాచారం. థియేటర్ల సంఖ్య తక్కువగా ఉన్నప్పటికీ 50 శాతం ఆక్యుపెన్సీతో ఇన్ని కలెక్షన్లు రావడమంటే సాధారణ విషయం కాదంటున్నారు సినీ విశ్లేషకులు.

బాలీవుడ్‌ యంగ్‌ హీరో టైగర్‌ ష్రాఫ్‌, శ్రద్ధా కపూర్‌ నటించిన తాజా చిత్రం భాగీ-3. యాక్షన్‌ మూవీగా శుక్రవారం విడుదలైన ఈ చిత్రం బాక్సాఫీస్‌ వద్ద శుభారంభం చేసింది. అహ్మద్‌ఖాన్‌ దర్శకత్వంలో రూపొందిన ఈ సినిమా తొలి రోజు మంచి కలెక్షన్లతో ముందుకు సాగుతోంది. హోళీ సీజన్‌ బరిలో దిగి.. ప్రపంచ వ్యాప్తంగా రూ 17. 50 కోట్లు సాధించి.. తన్హాజీ రికార్డును బ్రేక్‌ చేసింది. తన్హాజీ మొదటిరోజు రూ. 15.10 కోట్లు వసూలు చేయగా భాగీ 3.. 17.50 కోట్లు సాధించింది. కాగా అభిమానులను అలరించిన ఈ సినిమా విమర్శకులను అంతగా ఆకట్టుకోలేకపోయింది. (‘డూ యూ లవ్‌ మీ’: రెచ్చిపోయిన హీరోయిన్‌!) ఓ వైపు దేశంలో కరోనా వైరస్‌ ప్రబలుతుండటంతో కొన్ని సినిమాలు వాయిదా పడ్డ విషయం తెలిసిందే. అయితే అవేవీ పట్టించుకోకండా బరిలో దిగిన భాగీ3 పై కరోనా ప్రభావం ఎంతమాత్రం లేదని విశ్లేషకులు అభిప్రాయపడుతున్నారు. ఇక జేమ్స్‌ బాండ్‌ సిరీస్‌లో డేనియల్‌ క్రేగ్‌ నటించిన ‘నో టైమ్‌ టు డై’ సినిమా విడుదల వాయిదా పడిన విషయం తెలిసిందే. ఏడు నెలల పాటు ఈ సినిమాను వాయిదా వేయడంతో భాగీ సినిమాకు కలిసొచ్చిందని చెప్పవచ్చు. లేకుంటే భాగీ కలెక్షన్లలో భారీ కోత ఏర్పడేదని తెలుస్తోంది. టైగర్‌ ష్రాఫ్‌ తం‍డ్రి జాకీ ఫ్రాఫ్‌తో కలిసి మొదటి సారి నటించారు. సినిమాలో కూడా వారు తండ్రి, కొడుకులుగా నటించడం విశేషం. అదే విధంగా రితేష్‌ దేశ్‌ముఖ్‌, అంకితా లోఖండే తదితరులు ముఖ్య పాత్రల్లో నటించారు. (అదిరిపోయిన ‘భాగీ-3’ ట్రైలర్‌) ఇక భారత్‌లో 4500, ఓవర్సీస్‌లో1100  థియేటర్లతో కలిపి ప్రపంచ వ్యాప్తగా 5,500 థియేటర్లలో విడుదలైన ఈ మూవీ టైగర్‌ ఫ్రాఫ్‌ కెరీర్‌లో బిగ్గెస్ట్‌ రిలీజ్‌గా నిలించింది. భాగీ 3.. భాగీకి సిక్వెల్‌ అన్న విషయం తెలిసిందే. 2016లో విడుదలైన మొదటి భాగంలో టైగర్‌ ఫ్రాఫ్‌, శ్రద్ధా నటించగా, రెండవ భాగంలో టైగర్‌, దిశా పటానీ నటించగా ఈ మూవీ 2018లో విడుదలైంది. మళ్లీ భాగీ 3లో టైగర్‌తో శ్రద్ధా జతకట్టారు. ఇక మొదటిరోజే ప్రేక్షకుల నుంచి భారీ స్పందన రావడంతో మిగిలిన రోజుల్లో అత్యధిక కలెక్షన్లు రాబట్టవచ్చని విశ్లేషకులు అంచనా వేస్తున్నారు. ⭐️ #CoronaVirus scare ⭐️ #Pre-#Holi dull phase ⭐️ #Examination period Yet, #Baaghi3 takes a big start on Day 1... Emerges biggest opener of 2020 [so far]... Fifth film of #TigerShroff to open in double digits... Single screens excel, plexes decent... Fri ₹ 17.50 cr. #India biz. — taran adarsh (@taran_adarsh) March 7, 2020

మెగాస్టార్‌ చిరంజీవి హీరోగా తెరకెక్కిన చారిత్రక చిత్రం ‘సైరా నరసింహారెడ్డి’ బుధవారం విడుదలకానున్న నేపథ్యంలో బాక్సాఫీస్‌ వద్ద సందడి నెలకొంది. దాదాపు రూ. 200 కోట్ల వ్యయంతో నిర్మితమైన ఈ సినిమాపై భారీ అంచనాలున్నాయి. దీంతో పాటు బాలీవుడ్‌ సినిమా ‘వార్‌’  కూడా ప్రపంచవ్యాప్తంగా విడుదలకానుంది. ఈ రెండు సినిమాలు మొదటి రోజు ఎంత వసూలు చేస్తాయనే దానిపై మార్కెట్‌ విశ్లేషకులు అంచనాలు కడుతున్నారు. ‘సైరా నరసింహారెడ్డి’ తొలి రోజు దక్షిణాదిలో రూ. 30 కోట్లు రాబట్టే అవకాశముందని ప్రముఖ ఫిల్మ్‌ ట్రేడ్‌ విశ్లేషకుడు గిరీశ్‌ జోహార్‌ పేర్కొన్నారు. ఇక వార్‌ సినిమా ఫస్ట్‌ డే కలెక్షన్లు రూ. 45 కోట్ల వరకు ఉండొచ్చని అంచనా వేశారు. ‘దక్షిణాదిలో చిరంజీవి పెద్ద స్టార్‌. ఆయన తాజా చిత్రం భారీ ఎత్తున విడుదలవుతోంది. అడ్వాన్స్‌ బుకింగ్‌ కూడా బ్రహ్మండంగా ఉన్నాయి. హిందీకి వచ్చేసరికి వార్‌ సినిమాకే మొదటి ప్రాధాన్యం దక్కుతుంది. వార్‌ సినిమా ఎలా ఉంటుందనే దానిపైనే బాలీవుడ్‌లో సైరా సినిమా కలెక్షన్లు ఆధారపడి ఉంటాయి. సౌత్‌లో మాత్రం సైరా బాక్సాఫీస్‌ను బద్దలు కొడుతుందని కచ్చితంగా చెప్పగలను’ అంటూ గిరీశ్‌ జోహార్‌ వివరించారు. కాగా, ‘సైరా నరసింహారెడ్డి’లో సినిమాతో చిరంజీవి సరికొత్త చరిత్రను లిఖించనున్నారని యూఏఈ సెన్సార్‌ బోర్డు సభ్యుడు ఉమైర్‌ సంధు ప్రశంసించారు. మరోవైపు ‘సైరా నరసింహారెడ్డి’ విడుదలకానున్న థియేటర్ల వద్ద సందడి నెలకొంది. అభిమానులు భారీ ఎత్తున కటౌట్లు ఏర్పాటు చేశారు. (చదవండి: ‘సైరా’ ఫస్ట్‌ రివ్యూ) వార్‌ సినిమా అడ్వాన్స్‌ బుకింగ్‌ టికెట్ల అమ్మకాలు బాగున్నాయని, ఇప్పటికే రూ. 25 కోట్లు వచ్చాయని వెల్లడించారు. సినిమా బాగుందని టాక్‌ వస్తే ‘థగ్స్‌ ఆఫ్‌ హిందూస్తాన్‌’ సినిమా అడ్వాన్స్‌ బుకింగ్‌ రికార్డు(రూ.27.5 కోట్లు)ను వార్‌ అధిగమిస్తుందని జోస్యం చెప్పారు. వరుస సెలవులు ఉండడంతో కలెక్షన్లు భారీగానే ఉండే అవకాశముందని గిరీశ్‌ జోహార్‌ అంచనా వేశారు. (చదవండి: ‘సైరా’ను ఆపలేం.. ) (ఫొటో గ్యాలరీ కోసం ఇక్కడ క్లిక్ చేయండి) చదవండి.. సైరా ఫుల్‌ రివ్యూ (4/5)

సూపర్ స్టార్ మహేష్ బాబు హీరోగా ప్రతిష్టాత్మకంగా తెరకెక్కిన సినిమా మహర్షి. గురువారం ప్రేక్షకుల ముందుకు వచ్చిన ఈ మూవీకి డివైడ్‌ టాక్‌ వచ్చినా భారీ వసూళ్లు సాధించింది. భారీ అంచనాల మధ్య రిలీజ్ కావటం, అడ్వాన్స్‌ బుకింగ్స్ కూడా అదే స్థాయిలో జరగటంతో మహర్షి తెలుగు రాష్ట్రాల్లో తొలి రోజు 24.6 కోట్ల షేర్‌ సాధించింది. (చదవండి : ‘మహర్షి’ మూవీ రివ్యూ) ఓవర్‌ సీస్‌తో పాటు ఇతర రాష్ట్రాల వసూళ్లు కూడా కలుపుకుంటే ఈ లెక్క 30 కోట్ల మార్క్‌ను చేరుతుందని భావిస్తున్నారు. వంశీ పైడిపల్లి దర్శకత్వంలో దిల్ రాజు, అశ్వనీదత్‌, పీవీపీలు సంయుక్తంగా నిర్మించిన ఈ సినిమాలో పూజా హెగ్డే హీరోయిన్‌గా నటించారు. అల్లరి నరేష్‌, జగపతి బాబు, ప్రకాష్‌ రాజ్‌, జయసుథ ఇతర కీలక పాత్రల్లో నటించారు. #Maharshi Day1 AP, TS Nizam - 6.38 Cr Ceeded - 2.89 Cr UA - 2.88 Cr East - 3.2 Cr West - 2.47 Cr Krishna - 1.39 Cr Guntur - 4.4 Cr Nellore - 1 Cr AP, TS Day 1 Share - 24.6 Cr#Maharshi #SSMB25#EpicBlockbusterMaharshi pic.twitter.com/ZRw8U9dVnp — BARaju (@baraju_SuperHit) 10 May 2019

నందమూరి బాలకృష్ణ స్వయంగా నటిస్తూ నిర్మించిన ఎన్టీఆర్‌ బయోపిక్‌ రెండో భాగం శుక్రవారం ప్రేక్షకుల ముందుకు వచ్చింది. ఏ మాత్రం అంచనాలు లేకుండా విడుదలైన ఈ సినిమా కలెక్షన్లు నిరాశపరుస్తున్నాయి. ముఖ్యంగా ఓవర్‌ సీస్‌లో ఈ సినిమా కలెక్షన్లు దారుణంగా ఉన్నాయి. మహానాయకుడు ప్రీమియర్‌ షోస్‌తో కేవలం ఒక లక్షా పద్నాలుగు వందల అరవై డాలర్ల వసూళ్లు మాత్రమే సాధించినట్టుగా ప్రముఖ ట్రేడ్‌ అనలిస్ట్‌ జీవీ వెల్లడించారు. (మూవీ రివ్యూ : యన్‌.టి.ఆర్‌ మహానాయకుడు) గత నెల రిలీజ్‌ అయిన కథానాయకుడు ప్రీమియర్‌ షోస్‌కు నాలుగు లక్షలకు పైగా వసూళ్లు వచ్చాయి. కథానాయకుడు రిజల్ట్‌ ప్రభావంతో పాటు ఎన్టీఆర్ రాజకీయ జీవితంలోని సంఘటనలను నిష్పాక్షికంగా చూపించే ధైర్యం ‘యన్‌టిఆర్‌’ టీంకు లేదన్న అభిప్రాయానికి ప్రేక్షకులు ముందే వచ్చేయటంతో మహానాయకుడు కలెక్షన్లు భారీగా పడిపోయాయి. తెలుగు రాష్ట్రాల్లోనూ ఇదే పరిస్థితి కనిపిస్తుంది. పూర్తి వివరాలు ఇంకా రావాల్సి ఉంది. అయితే తెలుగు రాష్ట్రాల్లో తొలి రోజు ఈ సినిమా కోటి రూపాయల షేర్‌ కూడా సాధించలేకపోయిందన్న టాక్‌ వినిపిస్తోంది. కథానాయకుడు సినిమాకు ఫుల్‌రన్‌లో రూ. 50 కోట్ల వరకు నష్టాలు వచ్చాయి. ప్రస్తుతం ఉన్న పరిస్థితి చూస్తుంటే మహానాయకుడుకు  కూడా భారీ నష్టాలు తప్పవంటున్నారు విశ్లేషకులు.

ఇటీవల ప్రేక్షకుల ముందుకు వచ్చిన బాలీవుడ్ భారీ చిత్రం థగ్స్‌ ఆఫ్‌ హిందుస్థాన్‌. బాహుబలి సినిమా విడుదలైన దగ్గర నుంచి ఇండియాలో ఆ సినిమా రికార్డ్‌ లను దాటే హిట్ ఇవ్వాలని బాలీవుడ్ స్టార్‌ హీరో ఆమిర్‌ ఖాన్‌ కలలు కంటున్నాడు. దంగల్ సినిమాతో వసూళ్ల విషయంలో బాహుబలిని దాటినా భారత మార్కెట్‌లో మాత్రం బాహుబలిని రికార్డ్‌లను దాటలేకపోయాడు. దీంతో థగ్స్‌ ఆఫ్‌ హిందుస్థాన్‌తో బాహుబలి రికార్డ్‌లను బద్ధలు కొట్టొచ్చన్న ఆశతో ఉన్నాడు ఆమిర్‌. ప్రపంచవ్యాప్తంగా భారీ స్థాయిలో రిలీజ్‌ అయిన ఈ సినిమాకు దారుణమైన టాక్‌ వచ్చింది. దీంతో బాహుబలి రికార్డ్‌లకు ఇప్పట్లో ఎలాంటి ప్రమాదం లేదని కన్ఫామ్‌ అయిపోయింది. అయితే తొలి రోజు రికార్డ్ విషయంలో మాత్రం థగ్స్‌ ఆఫ్‌ హిందుస్థాన్‌ బాహుబలిని దాటేసింది. ఈ సినిమా తొలి రోజు దాదాపు 52 కోట్లకు పైగా వసూళ్లు సాధించినట్టుగా చిత్రయూనిట్ వెల్లడించారు. బాహుబలి 2 తొలి రోజు 40.73 కోట్ల వసూళ్లు సాధించింది. సినిమా టాక్‌తో డీలా పడిపోయినా థగ్స్‌ ఆఫ్ హిందుస్థాన్‌ టీంకు ఇది కాస్త ఊరట నిచ్చే వార్తే అని భావిస్తున్నారు విశ్లేషకులు.

బీజింగ్‌ : బాలీవుడ్‌ సూపర్‌స్టార్‌ సల్మాన్‌ ఖాన్‌ నటించిన భజ్‌రంగి భాయ్‌జాన్‌ చైనా బాక్సాఫీస్‌ను షేక్‌ చేస్తోంది. ఈనెల 2న చైనాలో విడుదలైన ఈ మూవీ ఇప్పటివరకూ రూ 150 కోట్లు కలెక్ట్‌ చేసింది. అమీర్‌ఖాన్‌ సినిమాలకు మెరుగైన మార్కెట్‌ ఉన్న చైనాలో అక్కడ విడుదలైన సల్మాన్‌ తొలిమూవీ ఇదే కావడం గమనార్హం. చైనా మార్కెట్‌లో సినిమా మంచి వసూళ్లు రాబడుతోందని భజ్‌రంగి భాయ్‌జాన్‌ మేకర్లు పేర్కొన్నారు.ఈరోస్‌ ఇంటర్నేషనల్‌, సల్మాన్‌ ఖాన్‌ ఫిల్మ్స్‌ భజ్‌రంగీ భాయ్‌జాన్‌ రెండో వారాంతంలో మెరుగైన కలెక్షన్లతో దూసుకుపోతూ ఇప్పటివరకూ రూ 150.70 కోట్లు వసూలు చేసిందని చిత్ర నిర్మాతలు ఓ ప్రకటనలో తెలిపారు. చైనాలో విడుదలైన తొలిరోజే ఈ సినిమా రూ 18 కోట్లు వసూలు చేసి మంచి ఓపెనింగ్స్‌ సాధించింది. సల్మాన్‌తో పాటు మూవీలో కరీనా కపూర్‌, బాల నటి హర్షాలి మల్హోత్రా, నవాజుద్దీన్‌ సిద్ధిఖీల నటన ప్రేక్షకులను విశేషంగా ఆకట్టుకుంది. చైనా బాక్సాఫీస్‌ గణాంకాల ప్రకారం భజ్‌రంగి భాయ్‌జాన్‌ తొలి రోజు కలెక్షన్లు అమీర్‌ఖాన్‌ దంగల్‌ను అధిగమించాయి. అయితే అమీర్‌ ఖాన్‌ ఇటీవలి చిత్రం సీక్రెట్‌ సూపర్‌స్టార్‌ రికార్డును మాత్రం భజ్‌రంగి చెరిపివేయలేకపోయింది. సీక్రెట్‌ సూపర్‌స్టార్‌ చైనాలో తొలిరోజు రూ 40 కోట్లు కలెక్ట్‌ చేసింది.  


 దేశవ్యాప్తంగా సంచలనం సృష్టించిన బాహుబలి 2 శుక్రవారం ప్రేక్షకుల ముందుకు వచ్చింది. పెయిడ్ ప్రీమియర్స్ పేరుతో గురువారం రాత్రి నుంచి బాహుబలి కలెక్షన్ల వేట మొదలైనా.. అఫీషియల్గా శుక్రవారం ఎర్లీ మార్నింగ్ షోతో బాహుబలి హవా మొదలైంది. ఇప్పటికే బిజినెస్ ఎనలిస్ట్లు చెప్పిన లెక్కల ప్రకారం మొత్తం మీద బాహుబలి 2 తొలి రోజే దాదాపు వంద కోట్ల వరకు వసూళ్లు సాధింస్తుందని భావించారు.
 
 అయితే అందరికీ షాక్ ఇస్తూ తొలి 24 గంటల్లో కేవలం భారత మార్కెట్ లోనే బాహుబలి 2 ఏకంగా 125 కోట్ల కలెక్షన్లు సాధించి రికార్డ్ సృష్టించింది. సౌత్లో వందకోట్ల వసూళ్లు ఫుల్ రన్లో సాధించటమే కష్టంగా ఉన్న రోజుల్లో.. తొలి రోజే 125 కోట్లకు పైగా వసూళ్లు సాధించిన బాహుబలి ఆల్ టైం రికార్డ్ను సెట్ చేసింది. ఇప్పటికే బాలీవుడ్ రికార్డ్ లను కూడా బద్దలు కొట్టడం ప్రారంభించిన ఈ భారీ చిత్రం, ఫుల్ రన్లో 1000 కోట్ల గ్రాస్ వసూలు చేయటం కాయం అంటున్నారు ట్రేడ్ పండితులు.
 
 ఇప్పటి వరకు అందుతున్న సమాచారం ప్రకారం తెలుగు రాష్ట్రాల్లో 55 కోట్లు, హిందీలో 38 కోట్లు, కర్ణాటకలో 12 కోట్లు, కేరళలో 9 కోట్లు, తమిళనాట 11 కోట్ల వసూళ్లు సాధించినట్టుగా తెలుస్తోంది. వీటితో పాటు ఓవర్ సీస్ కలెక్షన్లు కూడా కలుపుకుంటే తొలి రోజే 150 కోట్ల మార్క్ కు బాహుబలి 2 చేరువైనట్టే. అయితే అనధికారిక సమాచారం ప్రకారం కలెక్షన్లు 180 కోట్ల వరకు ఉండొచ్చన్న ప్రచారం కూడా జరుగుతోంది.
  
 
 #Baahubali2 Record Breaker
 AP & Nizam 55 cr
 Hindi 38 cr
 Karnataka 12 cr
 Kerala 9 cr
 TN 11 cr
 Total " 125 cr " on Opening Day in India. pic.twitter.com/L2Gxoqi715
 — Umair Sandhu (@sandhumerry) 28 April 2017
 
 #Baahubali2 SMASHED All Boxoffice RECORDS in India ! It collected Net HISTORIC " 125 cr " on Opening Day in #India ! Celebration Time


 మెగాస్టార్ చిరంజీవి హీరోగా తెరకెక్కిన లేటెస్ట్ మూవీ ఖైదీ నంబర్ 150. చిరు తొమ్మిదిన్నరేళ్ల విరామం తరువాత మెగాస్టార్ హీరోగా నటించిన సినిమా కావటంతో ఈ మూవీపై భారీ హైప్ క్రియేట్ అయ్యింది. అందుకు తగ్గట్టుగా చిరంజీవి కూడా పక్కా మాస్ కమర్షియల్ ఎంటర్టైనర్తో అభిమానులను అలరించాడు. ఆడియో సూపర్ హిట్ కావటంతో పాటు చిరు లుక్స్ ఆకట్టుకోవటంతో ఖైదీ నంబర్ 150 భారీ ఓపెనింగ్స్ సాధించింది. గతంలో రికార్డులు సాధించిన ప్రతీ తెలుగు సినిమా నాన్ బాహుబలి రికార్డ్స్ అంటూ చెప్పుకునేది. కానీ ఖైదీ దెబ్బకు బాహుబలి రికార్డ్స్ కూడా చెరిగిపోయాయంటున్నారు ఫ్యాన్స్.
 
 తొలి రోజు కలెక్షన్ల విషయంలో ఖైదీ నంబర్ 150 సరికొత్త రికార్డ్ను సెట్ చేసింది. తెలుగు రాష్ట్రాలతో పాటు ఓవర్సీస్లో కూడా భారీ వసూళ్లను సాధించిన ఖైదీ నంబర్ 150 ఒక్క రోజులో 39 కోట్లకు పైగా వసూళ్లను సాధించింది. టాలీవుడ్ ఇండస్ట్రీలో బిగెస్ట్ హిట్గా నిలిచిన బాహుబలి తొలి రోజు 35 కోట్లతో సరిపెట్టుకోగా ఖైదీ నంబర్ 150, ఆ రికార్డ్ను దాటి కొత్త చరిత్ర సృష్టించాడు. తొమ్మిదేళ్ల విరామం తరువాత కూడా బాక్సాఫీస్ను షేక్ చేస్తున్న చిరు స్టామినా చూసి అభిమానులు పండగ చేసుకుంటున్నారు.