సాక్షి , రాజమహేంద్రవరం: ముఖ్యమంత్రి వైఎస్‌ జగన్‌మోహన్‌రెడ్డి వచ్చే నెలలో జిల్లాలో పర్యటించనున్నారు. గత తెలుగుదేశం ప్రభుత్వంలో నిర్లక్ష్యం చేసి గాలికొదిలేసిన జీఎస్‌పీసీ (గుజరాత్‌ స్టేట్‌ పెట్రోలియం కార్పొరేషన్‌) పరిహారాన్ని బాధిత మత్స్యకారులకు అందజేసేందుకు ముఖ్యమంత్రి ఇటీవల జరిగిన క్యాబినెట్‌లో ఆమోదించిన సంగతి తెలిసిందే. ముమ్మిడివరం, రామచంద్రపురం నియోజకవర్గాల్లోని సుమారు 17,550 మంది మత్స్యకారులకు ఏడు నెలల కాలానికి పరిహారం రూ.80 కోట్లు విడుదల చేసేందుకు నిర్ణయించారు. ముమ్మిడివరం ఎమ్మెల్యే పొన్నాడ సతీష్‌కుమార్‌ కృషి ఫలించడంతో ఆ పరిహారాన్ని ముమ్మిడివరంలోనే సీఎం చేతులు మీదుగా పంపిణీ చేయించేందుకు ఏర్పాట్లు చేస్తున్నారు. ఈ మేరకు సీఎం ముమ్మిడివరం వచ్చేందుకు సూత్రప్రాయంగా ఆమోదించిన క్రమంలో వచ్చే నెల 21న ముహూర్తంగా నిర్ణయించారు. పశువుల్లంకలో వంతెనను పరిశీలిస్తున్న కలెక్టర్‌ మురళీధర్‌రెడ్డి, ఎమ్మెల్యే పొన్నాడ సతీష్‌ తదితరులు  పరిహారం పంపిణీతోపాటు అదే నియోజకవర్గం ఐ.పోలవరం మండలంలో మహానేత దివంగత ముఖ్యమంత్రి రాజశేఖరరెడ్డి రూ.35 కోట్లతో శంకుస్థాపన చేయగా పూర్తయిన పశువుల్లంక–సలాదివారిపాలెం వంతెనను  కూడా సీఎంతో ప్రారంభింపజేయాలని నిర్ణయించారు. ఈ నేపథ్యంలో  కలెక్టర్‌ డి.మురళీధర్‌రెడ్డి, ఎమ్మెల్యే పొన్నాడ సతీష్‌కుమార్‌ శుక్రవారం నిర్మాణం పూర్తయిన వంతెనను, పరిహారం పంపిణీ కోసం ఏర్పాటు చేసే సభకు అనువైన  మురమళ్ల శరభయ్య చెరువు సమీపంలో ఉన్న ఖాళీ స్థలం, వారధికి సమీపంలో ఖాళీ స్థలాలు, హెలికాప్టర్‌ ల్యాండింగ్‌కు అనువైన ప్రదేశాలు పరిశీలించారు. ముమ్మిడివరం మండలం కొమానపల్లి ప్రాంతాన్ని కూడా వారు పరిశీలించారు. ముఖ్యమంత్రి 21న పర్యటన దాదాపు ఖాయమైందని కార్యక్రమం ఎలా నిర్వహించాలనేది మంత్రులు, ప్రజాప్రతినిధులు త్వరలో నిర్ణయిస్తారని కలెక్టర్‌ తెలిపారు.


 
 జిల్లాలో చేప పిల్లల పంపిణీకి నిధులు మంజూరు
 
 మత్స్యకారుల జీవనోపాధికి ప్రభుత్వం కృషి చేస్తోంది
 
 డిప్యూటీ సీఎం కడియం శ్రీహరి
 
 మాధన్నపేట చెరువులో కార్యక్రమం ప్రారంభం
 
 నర్సంపేటరూరల్‌ : తెలంగాణ పల్లెల్లో మత్స్యకారుల జీవనోపాధి పెంచేందుకు రాష్ట్ర వ్యాప్తంగా చేప పిల్లలను పంపిణీ చేసే కార్యక్రమాన్ని నీలి విప్లవంగా చేపడుతున్నామని డిప్యూటీ సీఎం కడియం శ్రీహరి అన్నారు.  మండలంలోని మాధన్నపేట చెరువులో బుధవారం ఆయన చేప పిల్లలను వదిలి కార్యక్రమాన్ని ప్రారంభించారు. అనంతరం మాట్లాడుతూ రాష్ట్ర వ్యాప్తంగా రూ. 46 కోట్లతో 4697 చెరువులు, రిజర్వాయర్లలో మేలురకాలైన బొచ్చె, రోహు, మ్రిగాల చేప పిల్లలను ఉచితంగా పంపిణీ చేస్తున్నట్లు తెలిపారు. వరంగల్‌ జిల్లాలోనే 16 జలాశయాలు, 717 చెరువుల్లో 4.44 లక్షల చేప పిల్లల పంపిణీకి నిధులు మంజూరు చేశామన్నారు. జిల్లాలో 592 మత్స్య పారిశ్రామిక సహకార సంఘాల్లోని 46, 200 మంది మత్స్యకారులకు ప్రయోజనం కలుగుతుందన్నారు. మత్స్యకారుల అభివృద్ధి కోసం చేప పిల్లలను వందశాతం సబ్సిడీతో, ట్రాలీలను 75 శాతం సబ్సిడీపై అందిస్తున్నట్లు వివరించారు.
  
 నర్సంపేటలోని 66 సొసైటీలకు చేపల పంపిణీతో పాటు  18 సంఘాలకు రూ.10 లక్షలతో కమ్యూనిటీ భవనాలను అందిస్తున్నామని తెలిపారు. ఇందులో రూ.లక్ష సంఘం డిపాజిట్‌ చేస్తే, రూ.9 లక్షలు ప్రభుత్వం అందిస్తుందని చెప్పారు. ఎంపీ సీతారాంనాయక్, జడ్పీ చైర్‌ పర్స¯ŒS గద్దల పద్మ మాట్లాడుతూ ప్రభుత్వ ఫలాలను మత్స్యకారులు సద్వినియోగం చేసుకోవాలని కోరారు. పేదల సంక్షేమమే లక్ష్యంగా  రాష్ట్ర ప్రభుత్వం పని చేస్తోందని చెప్పారు. కార్యక్రమంలో ఆర్డీవో రామకృష్ణారెడ్డి, నగర పంచాయతీ చైర్మ¯ŒS పాలెల్లి రాంచందర్, టీఆర్‌ఎస్‌ నేత పెద్ది సుదర్శ¯ŒSరెడ్డి, సర్పంచ్‌లు ఆకుతోట కుమారస్వామి, సున్నం కొమ్మాలు, మండల అధ్యక్షుడు మచ్చిక నర్సయ్య, కార్యదర్శి గూళ్ల అశోక్, ఎంపీటీసీ అజ్మీర శంకర్‌ తదితరులు పాల్గొన్నారు.