భారత అంతరిక్ష పరిశోధన సంస్థ- ఇస్రో (ISRO) చేపట్టిన ప్రతిష్టాత్మక ‘చంద్రయాన్‌-3’ (Chandrayaan-3 ) మిషన్‌ ఘన విజయం సాధించింది. చంద్రుడిపై విజయవంతంగా ల్యాండయి చరిత్ర తిరగరాసింది. ఇస్రో శాస్త్రవేత్తల ఘనతను ప్రపంచమంతా కొనియాడుతోంది. ఈ నేపథ్యంలో లార్సెన్ & టూబ్రో (L&T), మిశ్ర ధాతు నిగమ్ (MIDHANI), భారత్ హెవీ ఎలక్ట్రికల్స్ లిమిటెడ్ (BHEL) తో సహా పలు కంపెనీలు ‘చంద్రయాన్‌-3’ మిషన్‌లో కీలక పాత్ర పోషించాయి. అలాగే హిందుస్థాన్ ఏరోనాటిక్స్, వాల్‌చంద్‌నగర్ ఇండస్ట్రీస్, ఎంటీఏఆర్‌ టెక్నాలజీస్ సంస్థలు వివిధ దశల్లో మిషన్‌కు సహకరించాయి. ఎల్‌అండ్‌టీ పాత్ర ఎల్‌వీఎం3 ఎం4 చంద్రయాన్ మిషన్ ప్రయోగంలో ఎల్‌అండ్‌టీ కీలక పాత్ర పోషించింది. 3.2 మీటర్ల వ్యాసం కలిగిన హెడ్ ఎండ్ సెగ్మెంట్, మిడిల్ సెగ్మెంట్, నాజిల్ బకెట్ ఫ్లాంజ్ అనే క్లిష్టమైన బూస్టర్ భాగాలు పోవైలోని ఎల్‌అండ్‌టీ కర్మాగారంలో తయారయ్యాయి. ఇక్కడే వీటిని పరీక్షించారు. అలాగే కోయంబత్తూరులోని ఎల్‌అండ్‌టీ హై-టెక్ ఏరోస్పేస్ తయారీ కేంద్రంలో గ్రౌండ్, ఫ్లైట్ అంబిలికల్‌ ప్లేట్లు తయ్యారయ్యాయి. ఇండియన్ స్పేస్ ప్రోగ్రామ్ కోసం లాంచ్ వెహికల్ సిస్టమ్ ఇంటిగ్రేషన్‌లో కూడా ఎల్‌అండ్‌టీ పాత్ర ఉంది. మిదాని నుంచి లోహ మిశ్రమాలు మిశ్ర ధాతు నిగమ్ విషయానికొస్తే కోబాల్ట్ చంద్రయాన్‌-3 మిషన్‌కు అవసరమైన నికెల్, టైటానియం లోహ మిశ్రమాలు, ప్రత్యేకమైన ఉక్కు, ఇతర క్లిష్టమైన పదార్థాలను అభివృద్ధి చేసి సరఫరా చేయడంలో కంపెనీ పాత్ర పోషించింది. ఈ సంస్థ భవిష్యత్తులో ఇస్రో జరిపే ప్రతిష్టాత్మక గగన్‌యాన్ మిషన్‌తోపాటు ఇతర మార్గదర్శక కార్యక్రమాలకు కూడా కీలక సహకారం అందించనుంది. బ్యాటరీలు సరఫరా చేసిన బీహెచ్ఈఎల్ చంద్రయాన్-3కి సంబంధించిన బ్యాటరీలను బీహెచ్ఈఎల్ సరఫరా చేసింది. బీహెచ్ఈఎల్‌కు చెందిన వెల్డింగ్ రీసెర్చ్ ఇన్‌స్టిట్యూట్ (WRI) చంద్రయాన్-3 కోసం బై-మెటాలిక్ అడాప్టర్‌లు తయారీ చేసింది. మీడియా నివేదిక ప్రకారం.. ఎల్‌వీఎం3 ఎం4 ఫ్లైట్ చంద్రయాన్-3 క్రయోజెనిక్ దశలో ఉపయోగించిన భాగాలను తయారు చేసింది ఈ సంస్థే. చంద్రయాన్-3 మిషన్ విజయంలో హిందుస్థాన్ ఏరోనాటిక్స్ కూడా పాత్ర పోషించింది. గతేడాది హిందుస్థాన్ ఏరోనాటిక్స్- ఎల్‌అండ్‌టీ కన్సార్టియం న్యూ స్పేస్ ఇండియా లిమిటెడ్ (NSIL) నుంచి ఐదు పోలార్ శాటిలైట్ లాంచ్ వెహికల్ (PSLV) రాకెట్‌లను తయారు చేయడానికి రూ. 860 కోట్ల ఒప్పందాన్ని కుదుర్చుకుంది. నేషనల్ ఏరోస్పేస్ లాబొరేటరీస్ (NAL)కి అనేక భాగాలు అందించడం ద్వారా చంద్రయాన్-3 మిషన్‌కు కీలకమైన సహాయాన్ని అందించినట్లు ఒక మీడియా రిపోర్ట్‌ పేర్కొంది. చంద్రయాన్ 3 మిషన్ ఎల్‌వీఎం3 లాంచ్ వెహికల్‌లో ఉపయోగించిన క్లిష్టమైన S200 బూస్టర్ విభాగాలను వాల్‌చంద్‌నగర్ ఇండస్ట్రీస్ తయారు చేసిందని ఆ సంస్థ సీఈవో, ఎండీ చిరాగ్ దోష్‌ను ఉటంకిస్తూ హిందూస్తాన్ టైమ్స్ నివేదిక పేర్కొంది. ఫ్లెక్స్ నాజిల్ కంట్రోల్ ట్యాంకేజీలు,  S200 ఫ్లెక్స్ నాజిల్ వంటి ఇతర సబ్‌సిస్టమ్‌లు కూడా ఈ సంస్థ ఉత్పత్తేనని వివరించింది. ఇక బాలానగర్‌లోని ఎంటీఏఆర్ టెక్నాలజీస్ సంస్థ చంద్రయాన్-3కి సంబంధించిన కీలక భాగాలను తయారు చేయడంలో కీలక పాత్ర పోషించింది.


 హైదరాబాద్, బిజినెస్ బ్యూరో: మొబైల్ ఫోన్ల తయారీలో ఉన్న అమెరికన్ బ్రాండ్ ఇన్‌ఫోకస్ త్వరలో భారత్‌లో వినూత్న స్మార్ట్‌ఫోన్‌ను ప్రవేశపెడుతోంది. ఆధార్ ధ్రువీకరణ ప్రక్రియను ఇందులోని ఐరిస్ స్కానర్‌తో సులభంగా పూర్తి చేయవచ్చు. ఈ ఫోన్ రెండు సెకన్లలోనే కనుపాపను చిత్రిస్తుంది. 2017 ఫిబ్రవరిలోగా విడుదల కానున్న బింగో 20 (ఎం425) మోడల్ ధర రూ.12 వేలుంటుందని కంపెనీ తెలిపింది. భారత ప్రభుత్వం నుంచి స్టాండర్డైజేషన్ టెస్టింగ్, క్వాలిటీ సర్టిఫికేట్ కూడా పొందినట్టు వెల్లడించింది.
 ఎస్‌టీక్యూసీ సర్టిఫికేషన్ ఉన్న ఉపకరణాలను బయోమెట్రిక్ ధ్రువీకరణ  కోసం ఉపయోగించే వీలుంటుంది. బ్యాంకింగ్, టెలికం, ఎలక్ట్రానిక్ పబ్లిక్ డిస్ట్రిబ్యూషన్ సిస్టమ్, ఎంఎన్‌ఆర్‌జీఏ పేమెంట్స్, పాస్‌పోర్ట్, ట్యాక్సేషన్, హెల్త్‌కేర్, ఎడ్యుకేషన్ వంటి రంగాల్లో ఈ స్మార్ట్‌ఫోన్ ఉపయుక్తంగా ఉంటుందని కంపెనీ చెబుతోంది. చిత్రాల నాణ్యతకు ఐరిస్‌టెక్ సాంకేతిక పరిజ్ఞానాన్ని వినియోగిస్తున్నట్టు ఇన్‌ఫోకస్ ఇండియా హెడ్ సచిన్ థాపర్ తెలిపారు. ఆధార్‌తో పాటు యూఎస్, కెన్యా, కొలంబియాలోని ప్రభుత్వ ఏజెన్సీలతో కలిసి ఐరిస్‌టెక్ పనిచేస్తోంది.


 న్యూఢిల్లీ : అమెరికాకు చెందిన టెక్నాలజీ కంపెనీ ఇన్‌ఫోకస్ పలు రకాల మొబైల్ హ్యాండ్‌సెట్లను భారత మార్కెట్‌లో విడుదలచేసింది. ‘ఎం550-3డీ’ అనే స్మార్ట్‌ఫోన్ ధర రూ.15,999. ఈ స్మార్ట్‌ఫోన్‌లోని కెమెరాతో 3డీ ఫొటోలను తీసుకోవచ్చు. అలాగే 5.5 అంగుళాల తెర కలిగిన ‘ఎం812’ స్మార్ట్‌ఫోన్ ధర రూ.19,990గా ఉంది. వీటితోపాటు మార్కెట్‌లోకి విడుదల చేసిన ఇతర స్మార్ట్‌ఫోన్ల ప్రారంభ ధర రూ.5,999గా ఉంది.
 
  ఫాక్స్‌కాన్‌తో ఇన్‌ఫోకస్ జట్టు: ఇన్‌ఫోకస్ భారత విభాగం తైవాన్‌కు చెందిన తయారీ కంపెనీ ఫాక్స్‌కాన్‌తో ఒప్పందం కుదుర్చుకుంటున్నట్లు వెల్లడించింది. ఒప్పందంలో భాగంగా ఇన్‌ఫోకస్‌కు సంబంధించిన టీవీ, ఫోన్ ఉత్పత్తులు భారత్‌లోని ఫాక్స్‌కాన్ ప్లాంట్లలో తయారు అవుతాయి. ఈ ఒప్పందం ద్వారా ఇన్‌ఫోకస్ తన మార్కెట్‌ను 2016 నాటికి 100 కోట్ల డాలర్లకు చేర్చాలని లక్ష్యంగా నిర్దేశించుకుంది. అలాగే సర్వీస్ సెంటర్ల సంఖ్యను ఈ ఏడాది చివరకు 101 నుంచి 150 పెంచనుంది.