సాక్షి, ముంబయి : చాలాకాలంపాటు సినిమాలకు దూరంగా ఉండి మరోసారి ఇంగ్లిష్‌ వింగ్లిష్‌ అనే చిత్రంతో తళుక్కున మెరిశారు శ్రీదేవి. అది ఆమెకు దాదాపు సెకండ్‌ ఇన్నింగ్స్‌ కూడా ఆ చిత్రంలో చాలా అద్భుతంగా శ్రీదేవిని చూపించారు ప్రముఖ దర్శకురాలు గౌరీ షిండే. గురువారం ఆమె తన ట్విటర్‌ ఖాతాలో శ్రీదేవితో తనకు ఎంతటి ఎమోషన్‌ ఉందో ఒక్క ట్వీట్‌ ద్వారా చెప్పారు. 'శ్రీ... వచ్చే వారం నిన్ను చూడలేననే నిజాన్ని ఇంకా నమ్మలేకపోతున్నాను' అంటూ ఆమె ట్వీట్‌ చేశారు. ఇంగ్లిష్‌ వింగ్లిష్‌ చిత్రం వచ్చి ఐదేళ్లు పూర్తయిన సందర్భంగా ఆమె ఇటీవలె శ్రీదేవిని కలిసి రెండు స్వీయ చిత్రాలు కూడా ట్విటర్‌లో పెట్టారు. త్వరలోనే మళ్లీ వస్తున్నాం అంటూ అందులో పెట్టారు. సీక్వెల్‌ చిత్రం చేద్దామనుకున్నారు. కానీ, శ్రీదేవి హఠాన్మరణం చెందడంతో గౌరీ తీవ్ర దిగ్భ్రాంతికి లోనయ్యారు. Sri ... I still refuse to believe that I won't be seeing you next week... pic.twitter.com/5DeAWnfqUg — Gauri Shinde (@gauris) 1 March 2018

పరాయి దేశంలో అక్కడి భాష సరిగా రాకపోతే ఇక్కట్లు తప్పవు. లోకల్‌ లాంగ్వేజ్‌ వచ్చినవారు ఎవరైనా తోడుంటే పర్లేదు. కానీ, ఒంటరి ప్రయాణం చేస్తే మాత్రం కమ్యూనికేషన్‌ ప్రాబ్లమ్స్‌ను ఫేస్‌ చేయక తప్పదు. అయితే అక్కడే లైఫ్‌ లీడ్‌ చేయాలనుకున్నప్పుడు భాష నేర్చుకోవడంలో తప్పు లేదు. అందుకు వయసుతో సంబంధంలేదు. తక్కువ టైమ్‌లోనే భాష నేర్చుకుని అక్కడి లోకల్‌ పీపుల్స్‌కు దీటుగా మాట్లాడగలిగితే గ్రేట్‌. రీల్‌ లైఫ్‌లో శ్రీదేవి ఇదే పని చేసి, ప్రేక్షకుల చేత గ్రేట్‌ అనిపించుకున్నారు. పైన చెప్పిన లైన్స్‌ను చదువుతున్నప్పుడు ఆమె నటించిన ‘ఇంగ్లీష్‌..వింగ్లీష్‌’ సినిమాలోని కొన్ని సీన్స్‌ సినిమా చూసినవారికి గుర్తొచ్చి ఉండొచ్చు. ఐదేళ్లక్రితం దర్శకురాలు గౌరీ షిండే రూపొందించిన ఈ సినిమాతోనే శ్రీదేవి సెకండ్‌ ఇన్నింగ్స్‌ను స్టార్ట్‌ చేశారన్న విషయం తెలిసిందే. ఇప్పుడు ‘ఇంగ్లీష్‌–వింగ్లీష్‌’ సినిమాకు సీక్వెల్‌ రూపొందించనున్నారట గౌరీ షిండే. వచ్చే ఏడాది మొదట్లో ఈ సినిమా షూటింగ్‌ను స్టార్ట్‌ చేయాలనుకుంటున్నారన్నది బాలీవుడ్‌ సమాచారమ్‌. అంటే శ్రీదేవి కొత్త సంవత్సరంలో సరికొత్తగా న్యూ మూవీ స్టార్ట్‌ చేయబోతున్నారన్నమాట. అసలు.. 2014లోనే శ్రీదేవి–గౌరీ షిండే కాంబినేషన్‌లో ఓ థ్రిల్లింగ్‌ లేడీ ఓరియంటెడ్‌ చిత్రం తెరకెక్కనుందని వార్తలొచ్చాయి. అయితే ఆ స్క్రిప్ట్‌ వర్కౌట్‌ కాలేదని, అందుకే ‘ఇంగ్లీష్‌..వింగ్లీష్‌’ సీక్వెల్‌ను తెరకెక్కించాలని భావిస్తున్నారన్నది బాలీవుడ్‌ టాక్‌. అంతా ఓకే అయితే ఐదేళ్ల తర్వాత హిట్‌ కాంబినేషన్‌లో ఓ డిఫరెంట్‌ కాన్సెప్ట్‌తో మరో హిట్‌ మూవీ చూడొచ్చని బాలీవుడ్‌ వర్గాలు అనుకుంటున్నాయి.


 ఇటీవల వరుస ఫ్లాప్లతో కష్టాల్లో పడ్డ షారూఖ్ ఖాన్, డియర్ జిందగీ సినిమాతో తిరిగి ఫాంలోకి వచ్చాడు. రోటీన్ కమర్షియల్ ఫార్ములాకు భిన్నంగా గ్లోబలైజేషన్ నేపథ్యంలో తెరకెక్కిన డియర్ జిందగీ మంచి వసూళ్లతో దూసుకుపోతోంది. అయితే ఈ సినిమా ఓ కెనడియన్ టీవీ సీరీస్కు కాపీ అన్న వాదన రిలీజ్కు ముందు నుంచే వినిపిస్తోంది. సినిమా రిలీజ్ తరువాత ఆ టాక్ మరింత ఎక్కువైంది.
 
 ఇంగ్లీష్ వింగ్లీష్ సినిమాతో దర్శకురాలిగా మంచి గుర్తింపు తెచ్చుకున్న గౌరీషిండే.. షారూఖ్, అలియా భట్లు లీడ్ రోల్లో డియర్ జిందగీ సినిమాను తెరకెక్కించారు. అయితే ఈ సినిమా కెనడియన్ టీవీ సీరీస్ 'బీయింగ్ ఎరికా'కు కాపీ అన్న టాక్ పెద్ద ఎత్తున వినిపించింది. షారూఖ్ లాంటి స్టార్ హీరో సినిమా కావటంతో ఆ టాక్ ఒరిజినల్ వర్షన్ మేకర్స్ వరకు చేరిందట. దీంతో బీయింగ్ ఎరికా యూనిట్ సభ్యులు నిర్మాత కరణ్ జోహార్తో పాటు షారూఖ్ ఖాన్లకు నోటిసులు పంపించారన్న టాక్ వినిపిస్తోంది. అయితే ఈ విషయంపై డియర్ జిందగీ యూనిట్ సభ్యులు మాత్రం స్పందించలేదు.


 ముంబయి: ఒకరు కాదు ఇద్దరు కాదు.. ఏకంగా ఐదుగురు హీరోలతో ప్రముఖ బాలీవుడ్ ముద్దుగుమ్మ అలియా భట్ ఆడిపాడనుంది. తన తదుపరి ఒకే చిత్రంలో ఐదుగురు నటులతో కలిసి నటించనుంది. వీరిలో ఒకరు అగ్రహీరో, సూపర్ స్టార్ షారుక్ ఖాన్కాగా మిగితా నలుగురు యంగ్ హీరోలు.
 
 ఇంగ్లిష్ వింగ్లిష్ చిత్రాన్ని తెరకెక్కించి మంచి హిట్ కొట్టిన గౌరీ షిండే ఆ చిత్రానికి దర్శకత్వం వహించనున్నారు. ఈ చిత్రంలో అలియాభట్ హీరోయిన్గా నటించనుండగా ఆష్కి-2 ఫేమ్ ఆదిత్యరాయ్ కపూర్, అలి జాఫర్, అంగాడ్ బేడి, కునాల్ కపూర్ ఇతర పాత్రల్లో నటిస్తున్నారు. షారుక్ ఖాన్ కూడా నటించనున్న ఈ చిత్రంలో ఆయన పాత్ర ఏమిటనే విషయం మాత్రం ఇంకా గోప్యంగానే ఉంది.


 ముంబై: బాలీవుడ్ బాద్ షాను యువ హీరోయిన్ అలియా భట్ పొగడ్తల్లో ముంచెత్తింది. తనతో పాటు నటించిన హీరోల్లో షారూఖ్ ఖాన్‌ బెస్ట్ కో-స్టార్ అంటూ పొడిగేసింది. గౌరీ షిండే తెరకెక్కిస్తున్న సినిమా షారూఖ్ సరసన అలియా నటిస్తోంది. 'షారూఖ్ తో నేను నటిస్తున్న సినిమా షూటింగ్ మొదలైంది. నాకు చాలా గొప్పగా అనిపిస్తోంది. నేను చాలా నెర్వస్ గా ఫీలయ్యా.. డైలాగులు మర్చిపోకూడదని బాగా రిహార్సల్ చేశాం. నేను నటించిన హీరోల్లో షారూఖే బెస్ట్ కో-స్టార్' అని అలియా పేర్కొంది.
 
 నటన పట్ల ఆయనకు అంకితభావం మెండుగా ఉందని కితాబిచ్చింది. షారూఖ్, అలియా సినిమాకు ఇంకా టైటిల్ నిర్ణయించలేదు. కాగా, తాజా చిత్రం 'కపూర్ అండ్ సన్స్' ప్రమోషన్ లో అలియా బిజీగా ఉంది. ఇందులో తన పాత్ర కొత్తగా ఉంటుందని చెప్పింది. ఈ సినిమా మార్చి 18న విడుదల కానుంది.