పైన లైట్‌ బల్బు వెలుగుతుండగా... ఆ కాంతిలో...క్యారమ్‌ బోర్డ్‌పై ‘టప్‌’ ‘టప్‌’ అంటూ శబ్దాలు వినిపించేవి. లక్ష్యాన్ని ఛేదించడం నుంచి ఛేదించక పోవడం వరకు ఆ శబ్దాలలో ఎన్నో అర్థాలు ఉండేవి. ఆ అర్థాలను ఔపాసన పట్టింది చెన్నైకి చెందిన కాశీమా. ‘క్యారమ్స్‌’ కుటుంబ ఆట అంటారు. ఆ ఆటలోని రెడ్, వైట్, బ్లాక్‌ కాయిన్స్, స్ట్రైకర్‌... కాశీమాకు కుటుంబ సభ్యులు అయ్యాయి. వాటితో అనుబంధం ఆమెను క్యారమ్స్‌ ప్లేయర్‌గా అంతర్జాతీయ స్థాయికి తీసుకువెళ్లింది.ఆరు సంవత్సరాల వయసు నుంచి కాశీమా క్యారమ్స్‌ ఆడడం మొదలుపెట్టింది. కుమార్తె క్యారమ్స్‌లో చూపుతున్న ప్రతిభకు సంబరపడిపోయేవాడు తండ్రి మెహబూబ్‌ బాషా.ఉత్తరచెన్నై పరిధిలో ఎక్కడ టోర్నమెంట్‌ జరిగినా కాశీమాను ఆడించే వాడు బాషా. కప్పులు గెలుచుకోవడం సంగతి ఎలా ఉన్నా ఇరుగు, ΄÷రుగు, బంధువులు ‘అమ్మాయిని అలా బయటికి తీసుకువెళ్లవచ్చా? ఇది పద్ధతేనా!’ అనేవారు. అయితే మెహబూబ్‌ వారి మాటల్ని పట్టించుకునేవాడు కాదు. ‘వారి మాటలు పట్టించుకోవద్దు. క్యారమ్స్‌లో నువ్వు పెద్దపేరు తెచ్చుకోవాలి’ అంటూ కూతుర్నిప్రోత్సహించేవాడు బాషా.గల్లీనుంచి జిల్లా, రాష్ట్రస్థాయి పోటీల వరకు ఎన్నో పతకాలు సొంతం చేసుకున్న కాశీమా జాతీయ స్థాయిలో పదికి పైగా స్వర్ణ, రజత, కాంస్య పతకాలను సాధించింది. కాశీమా ప్రతిభ అర్జున అవార్డు గ్రహీత మరియా ఇరుదయం దృష్టిలో పడింది. ఆయన శిక్షణలో తనలోని ప్రతిభను మరింత మెరుగు పరుచుకునే అవకాశం కాశీమాకు వచ్చింది.అమెరికాలోని శాన్ ఫ్రాన్సిస్కో, కాలిఫోర్నియాలలో జరిగిన 6వ క్యారమ్‌ ప్రపంచ కప్‌ పోటీలలో 18 దేశాల క్రీడాకారులు పాల్గొన్నారు. మనదేశం నుంచి పాల్గొన్న కాశీమా సింగిల్స్, డబుల్స్, గ్రూప్‌ పోటీలలో మూడు బంగారు పతకాలు సాధించి క్యారమ్స్‌లో విశ్వవిజేతగా నిలిచింది. అమెరికాకు వెళ్లడానికి ముందు వీసా రెండుసార్లు తిరస్కరణకు గురి కావడంతో కాశీమా పడిన బాధ ఇంతా అంతా కాదు. ‘నేను కచ్చితంగా అమెరికాకు వెళ్లాలి. వెళ్లడమే కాదు పతకాలు సాధించాలి’ అని గట్టిగా అనుకుంది. పట్టువదలకుండా ప్రయత్నించి అమెరికాలో అడుగుపెట్టిన కాశీమా ఏకంగా మూడు స్వర్ణాలతో క్యారమ్స్‌ విశ్వవిజేతగా చెన్నైలో అడుగు పెట్టింది. ఆటకు అడ్డుపడే విధంగా విమర్శలు చేసిన వారే కాశీమాకు చెన్నైలో బ్రహ్మరథం పట్టడం విశేషం. ఆమె విజయానికి మరింతప్రోత్సాహాన్నిస్తూ తమిళనాడు ఉప ముఖ్యమంత్రి ఉదయనిధి స్టాలిన్‌ ఇటీవలే ఆమెకు కోటి రూపాయల చెక్‌ అందజేశారు. ‘క్యారమ్స్‌’ అనేది జీవితంలాంటిది. కాయిన్స్‌ లక్ష్యాలు అనుకుంటే ‘స్టైకర్‌’ అనేది ఆ లక్ష్యాన్ని చేరుకునే ప్రయత్నంలాంటిది. స్ట్రైకర్‌ మీద పట్టు ఉన్న కాశీమా మరిన్ని విజయాలు సాధించాలని ఆశిద్దాం.నాన్న కల సాకారం చేస్తానుక్యారమ్స్‌ ఆడుతుంటే ఉత్సాహంగా ఉండడమే కాదు కొత్తశక్తి నాలో ప్రవహిస్తున్నట్లుగా ఉంటుంది. ఆ శక్తే నన్ను చెన్నైలోని న్యూ వాషర్‌మెన్‌పేట మురికివాడ నుంచి అమెరికా వరకు తీసుకువెళ్లింది. ‘క్యారమ్స్‌ ఆకాడమీ’ ఏర్పాటు చేసి మురికివాడలోని పేద పిల్లలకు శిక్షణ ఇచ్చి తీర్చిదిద్దాలనేది నాన్న కల. ఆయన కల నెరవేర్చాలని ఉంది.– కాశీమా – అస్మతీన్‌ మైదీన్, సాక్షి, చెన్నై

సాక్షి, హైదరాబాద్‌: జాతీయ క్రీడల్లో తెలంగాణ ఖాతాలో గురువారం మూడు స్వర్ణాలు చేరాయి. బ్యాడ్మింటన్‌లో రెండు పతకాలు సాధించిన జట్టుకు బాస్కెట్‌బాల్‌లో కూడా మరో బంగారు పతకం దక్కింది. పురుషుల సింగిల్స్‌ ఫైనల్లో తెలంగాణ షట్లర్‌ సాయిప్రణీత్‌ 21–11, 12–21, 21–16తో మిథున్‌ మంజునాథ్‌ (కర్నాటక)ను ఓడించి విజేతగా నిలిచాడు. మహిళల డబుల్స్‌లో ఫైనల్లో ఎన్‌.సిక్కిరెడ్డి–పుల్లెల గాయత్రి గోపీచంద్‌ ద్వయం పసిడి పతకాన్ని తమ ఖాతాలో వేసుకుంది. ఫైనల్లో సిక్కి–గాయత్రి 21–14, 21–11తో శిఖా గౌతమ్‌–అశ్విని భట్‌ (కర్నాటక)ను చిత్తు చేశారు. మహిళల బాస్కెట్‌బాల్‌ 5–5 ఈవెంట్‌లో కూడా తెలంగాణకు స్వర్ణం లభించింది. హోరాహోరీగా సాగిన ఫైనల్లో తెలంగాణ 67–62 పాయింట్ల తేడాతో తమిళనాడుపై విజయం సాధించింది. మూడు క్వార్టర్‌లు ముగిసే సరికి 5 పాయింట్లతో వెనుకబడి ఉన్న తెలంగాణ నాలుగో క్వార్టర్‌లో 10 పాయింట్ల ఆధిక్యం సాధించి విజయాన్నందుకోవడం విశేషం. తెలంగాణ స్విమ్మర్‌ వ్రిత్తి అగర్వాల్‌ ఖాతాలో మరో పతకం చేరింది. మహిళల 1500 మీటర్ల ఫ్రీస్టయిల్‌లో రెండో స్థానంలో నిలిచిన విృత్తి రజత పతకాన్ని అందుకుంది.

సాక్షి, హైదరాబాద్‌: ఈజిప్ట్‌లో జరిగిన ఫారోస్‌ కప్‌ అంతర్జాతీయ జిమ్నాస్టిక్స్‌ టోర్నమెంట్‌లో రెండు స్వర్ణ పతకాలు సాధించిన తెలంగాణ మహిళా జిమ్నాస్ట్‌ బుద్దా అరుణా రెడ్డికి అరబిందో ఫార్మా లిమిటెడ్‌ రూ. 5 లక్షలు నజరానాగా అందజేసింది. గురువారం హైదరాబాద్‌లో జరిగిన ఒక కార్యక్రమంలో అరబిందో ఫార్మా లిమిటెడ్‌ వైస్‌ చైర్మన్‌  కె.నిత్యానందరెడ్డి జిమ్నాస్ట్‌ అరుణా రెడ్డిని సన్మానించి రూ. 5 లక్షల చెక్‌ను అందజేశారు.  


 - గౌరవ డాక్టరేట్‌ను పొందిన వి.భుజంగరావు
 - ఘనంగా వీఎస్‌యూ తొలి స్నాతకోత్సవం
 - 370 మందికి పట్టాలు
 - 19 మందికి గోల్డ్‌మెడల్స్ ప్రదానం
  నెల్లూరు(టౌన్) : అభివృద్ధికి చదువే చక్కటి ఆయుధమని ప్రముఖ శాస్త్రవేత్త, డీఆర్‌డీఓ (న్యూఢిల్లీ) డెరైక్టర్ జనరల్ వేపకొమ్మ భుజంగరావు అన్నారు. విక్రమసింహపురి విశ్వవిద్యాలయం ఏర్పడిన తర్వాత ఏడేళ్లకు తొలిసారిగా సోమవారం ఉత్సాహభరితమైన వాతావరణంలో నగరంలోని కస్తూర్బా కళాక్షేత్రంలో ప్రథమ స్నాతకోత్సవం జరిగింది.  వేపకొమ్మ భుజంగరావుకు యూనివర్సిటీ అధికారులు గౌరవ డాక్టరేట్‌ను అందజేశారు. భుజంగరావు మాట్లాడుతూ   ప్రతిభావంతులైన యువకు రక్షణ రంగంలో అపారమైన ఉద్యోగ అవకాశాలున్నాయన్నారు. డిఫెన్స్ అంటే యుద్ధం కాదన్నారు. శాస్త్ర, సాంకేతిక రంగాల్లో రాణించడం ద్వారా అభివృద్ధి సాధించడంతో పాటు శాంతిని స్థాపించవచ్చన్నారు. నేటి తరం యువత సవాళ్లను ఎదుర్కొనేందుకు సిద్ధంగా ఉన్నారన్నారు.
 
 శాస్త్ర, సాంకేతిక రంగాలను కొంత మంది ధనికుల చేతుల్లో నుంచి సామాన్యులకు అందించేందుకు కృషి చేయాలన్నారు. అందుకు చదువు చక్కటి ఆయుధమన్నారు. నెల్లూరు జిల్లాకు పలు పరిశ్రమలు వస్తున్నాయన్నారు. వీఎస్‌యూలో రీసెర్చ్‌కు కావలసిన వనరులన్నీ సమృద్ధిగా ఉన్నాయన్నారు. తాను గూడూరులో జన్మించినట్టు భుజంగరావు తెలిపారు. సొంత గడ్డపై డాక్టరేట్ అందుకోవడం జీవితంలో మరపురాని రోజుగా ఆయన అభివర్ణించారు.  
  
 అభివృద్ధి పథంలో యూనివర్సిటీ వీసీ రాజారామిరెడ్డి
  విక్రమసింహపురి యూనివర్సిటీ అభివృద్ధి పథంలో పయనిస్తోందని వీసీ రాజారామిరెడ్డి తెలిపారు. సొంత భవనాలు కూడా లేని పరి స్థితి నుంచి ఇప్పుడు 83 ఎకరాల స్థల సేకరణ చేశామన్నారు. అందులో చక్కటి భవనాలు ని ర్మిస్తున్నామన్నారు. ఈ సంవత్సరం నుంచి హా స్టల్స్‌ను నూతన క్యాంపస్‌లోకి మారుస్తామన్నా రు. అంతేకాక కొత్త కోర్సులను ప్రవేశ పెడుతున్నామన్నారు. ఇంజనీరింగ్ కళాశాలతో పాటు ఇంటిగ్రేటెడ్‌కోర్సులను ప్రారంభిస్తున్నామన్నా రు. 370 మంది పీజీ పూర్తి చేసుకున్న విద్యార్థులకు పట్టాలందించారు.
 
 మరో 19 మందికి గోల్డ్‌మెడల్స్‌ను ప్రకటించారు. అయితే ఇద్దరు స కాలంలో రాలేక పోవడంతో మిగిలిన 17 మం దికి గోల్డ్‌మెడల్స్‌ను అందచేశారు. బ్యాండు మే ళాల మధ్య వినూత్న రీతిలో పట్టాలు అందుకోవడం విద్యార్థులకు ఆనందాన్ని కలిగించింది. డిపార్ట్‌మెంట్ విభాగాధిపతులు డాక్ట ర్ శివశంకర్, సునందమ్మ ఆధ్వర్యంలో ముఖ్య అతిథి భుజంగరావు , వీసీ రాజారామిరెడ్డి,  రి జిస్ట్రార్ నాగేంద్రప్రసాద్ చేతుల మీదుగా విద్యార్థులు పట్టాలు అందుకున్నారు.ఈ కార్యక్రమంలో డీన్ డాక్టర్ వెంకటరావు, పరీక్షల నియంత్రణాధికారి ఎస్.మురళీమోహన్‌రావు, ప్రిన్సిపల్ మురుగయ్య, పూర్వపు ప్రిన్సిపల్ శ్రీనివాసులురెడ్డి, అసిస్టెంట్ ప్రొఫెసర్ నరసింహారావు, పలువురు నగర ప్రముఖులు పాల్గొన్నారు.