మాస్‌ మహారాజ రవితేజ కొత్త చిత్రానికి ‘క్రాక్‌’ అనే టైటిల్‌ను ఖరారు చేశారు. డాన్‌ శీను, బలుపు లాంటి సూపర్‌ హిట్‌ సినిమాలు ఇచ్చిన గోపిచంద్‌ మలినేని కాంబినేష‌న్‌లో హ్యాట్రిక్ మూవీగా ఈ సినిమా రాబోతుంది. బాలల దినోత్సవం సందర్భంగా గురువారం ఈ సినిమా అధికారికంగా ప్రారంభమైంది. ఈ సందర్భంగా చిత్ర బృందం సినిమా టైటిల్‌ పోస్టర్‌తో పాటు రవితేజ లుక్‌ను విడుదల చేసింది. నిజ జీవిత సంఘటనల ఆధారంగా తెరకెక్కుతుతన్న ఈ సినిమాని వచ్చే ఏడాది వేసవిలో విడుదల చేయాలని ప్లాన్ చేస్తున్నారు చిత్ర దర్శక నిర్మాతలు.  క్రాక్‌లో రవితేజ సరసన అందాల తార శృతి హాసన్, వరలక్ష్మీ శరత్ కుమార్‌లు నటించనున్నారు. తమిళ నటుడు సముద్రఖని మరో కీలకపాత్ర పోషిస్తున్నారు. ఈ సినిమాలో ర‌వితేజ ప‌వ‌ర్‌ ఫుల్ పోలీస్ ఆఫీస‌ర్‌గా అదరగొట్టనున్నాడు. ఠాగూర్ మధు నిర్మించనున్న ఈ సినిమాకు  ఎస్‌ఎస్‌ తమన్‌ సంగీతం అందిస్తున్నారు. . ప్రస్తుతం రవితేజ ‘డిస్కోరాజా’ చిత్రంలో నటిస్తున్నారు. వీఐ ఆనంద్‌ దర్శకత్వంలో తెరకెక్కుతోన్న ఈ సినిమాలో పాయల్‌ రాజ్‌పుత్, నభా నటేష్, తాన్యాహోప్‌ కథానాయికలుగా నటిస్తున్నారు. వచ్చే ఏడాది జనవరి 24న ఈ చిత్రం ప్రేక్షకుల ముందుకు రాబోతోంది. Mass Maharaj @RaviTeja_offl's #Krack Muhurtham and Launch Video #RT66 @megopichand @shrutihaasan @varusarath @MusicThaman @thondankani @TagoreMadhu @dop_gkvishnu #SaraswathiFilmsDivision pic.twitter.com/zmcK3RwvWF — BARaju (@baraju_SuperHit) November 14, 2019

‘పందెంకోడి 2, సర్కార్‌’ వంటి తమిళ చిత్రాలు తెలుగులో అనువాదమై విడుదలయ్యాయి. ఈ చిత్రాల్లో కీలకపాత్ర పోషించిన వరలక్ష్షీ్మ శరత్‌కుమార్‌ నటనకు మంచి మార్కులే పడ్డాయి. ఇప్పుడామె డైరెక్ట్‌గా తెలుగు చిత్రాలకు సైన్‌ చేస్తూ టాలీవుడ్‌లో జోరు పెంచారు. రవితేజ హీరోగా గోపీచంద్‌ మలినేని దర్శకత్వంలో బి.మధు ఓ సినిమా నిర్మించనున్న సంగతి తెలిసిందే. ఈ చిత్రంలో శ్రుతీహాసన్‌ కథానాయికగా నటిస్తారు. ఈ మూవీలో వరలక్ష్మీ శరత్‌కుమార్‌ ఓ కీలక పాత్ర చేయబోతున్నారు. ‘‘రవితేజగారి సినిమాలో నటించబోతున్నందుకు సంతోషంగా ఉంది’’ అని పేర్కొన్నారు వరలక్ష్మి. ఈ సినిమాకు తమన్‌ సంగీతం అందిస్తారు. కాగా, సందీప్‌కిషన్‌ హీరోగా నటించిన ‘తెనాలి రామకృష్ణ బీఏ బిఎల్‌’ వరలక్ష్మికి తొలి తెలుగు చిత్రం. తమిళంలో హీరోయిన్‌గా, క్యారెక్టర్‌ ఆర్టిస్టుగా ఫుల్‌బిజీగా ఉన్నారామె.

‘డాన్‌ శీను’ (2010), ‘బలుపు’ (2013) చిత్రాల తర్వాత హీరో రవితేజ, దర్శకుడు గోపీచంద్‌ మలినేని మరోసారి చేతులు కలిపారు. ఇదే సినిమాతో మళ్లీ రవితేజ–శ్రుతీహాసన్‌ జోడీ కుదిరింది. ఈ ఇద్దరూ ‘బలుపు’ చిత్రంలో జంటగా నటించిన విషయం గుర్తుండే ఉంటుంది. అలాగే రెండేళ్ల తర్వాత శ్రుతీ అంగీకరించిన తెలుగు చిత్రం ఇదే. ‘కా టమరాయుడు’ (2017) సినిమా తర్వాత ఆమె తెలుగులో కనిపించలేదు. ఇక తాజా చిత్రం విషయానికి వస్తే.. ఈ చిత్రాన్ని బి. మధు నిర్మిస్తారు. వచ్చే నెలలో ఈ సినిమా ప్రారంభోత్సవం జరుగుతుంది.


 కుమారి 21ఎఫ్ సినిమాతో టాలీవుడ్ ప్రేక్షకులతో పాటు ఇండస్ట్రీ వర్గాల దృష్టిని కూడా ఆకర్షించిన హీరోయిన్ హేబా పటేల్.  అందంతో పాటు తన బోల్డ్ యాక్టింగ్తో  మంచి గుర్తింపు తెచ్చుకుంది ఈ బ్యూటి. ఆ ఇమేజే ఇప్పుడు ఈ అమ్మడికి వరుస అవకాశాలను తెచ్చిపెడుతుంది. స్టార్ హీరోయిన్లు కాదన్న ఛాన్స్లు కూడా హేబా తలుపు తడుతున్నాయి. తాజాగా రకుల్ ప్రీత్ సింగ్ కాదన్న ఓ క్రేజీ ఆఫర్ను కొట్టేసింది హేబా.
 
 ఇప్పటికే మెగా హీరో వరుణ్ తేజ్ సరసన మిస్టర్ సినిమాలోనటిస్తుంది హేబా. ఈ సినిమా ఇటీవలే సెట్స్ మీదకు వెళ్లింది. ఈ సినిమా లైన్లో ఉండగానే మరో మెగా హీరో నుంచి పిలుపు వచ్చింది. గోపిచంద్ మలినేని దర్శకత్వంలో సాయిధరమ్ తేజ్ హీరోగా తెరకెక్కుతున్న సినిమాకు రకుల్ ప్రీత్ను హీరోయిన్గా తీసుకోవాలనుకున్నారు. అయితే మహేష్ బాబు సినిమా కోసం ఈ ప్రాజెక్ట్ నుంచి తప్పుకుంది రకుల్. దీంతో ఈ సినిమాలో హేబా పటేల్ హీరోయిన్గా తీసుకున్నారు. త్వరలోనే ఈ సినిమా సెట్స్ మీదకు వెళ్లనుంది.