బ్రెజిల్: బ్రెజిల్ మాజీ అధ్యక్షుడు లూయిజ్ ఇనాసియో లులా ద సిల్వా మరో పదిమందిపై తాజాగా అవినీతి ఆరోపణలు నమోదయ్యాయి. లులాతోపాటు ప్రముఖ వ్యాపార వేత్త మార్సిలో ఓదెబ్రెక్ లపై ఫెడరల్ ప్రాసీక్యూటర్స్ సోమవారం వీరిపై ఆరోపణలు నమోదుచేసినట్లు అక్కడి మీడియా తెలిపింది.
 
 'అవినీతి, మనీలాండరింగ్, ప్రలోభాలకు గురిచేయడంవంటి చర్యలకు వీరు పాల్పడినట్లు ఆరోపణల్లో పేర్కొన్నారు. అంగోలన్ ప్రభుత్వంతో ఒప్పందాల మార్పిడిలో భాగంగా బ్రెజీలియన్ డెవలప్ఎంట్ బ్యాంక్ ను ఉపయోగించుకొని పెద్ద మొత్తంలో నిధులు కాజేశారని అధికారులు వెల్లడించారు.


 అనిల్ ధీరూబాయ్ అంబానీ గ్రూప్ (అడాగ్) చైర్మన్ అనిల్ అంబానీపై ఢిల్లీ ముఖ్యమంత్రి అరవింద్ కేజ్రీవాల్ డైరెక్ట్ ఎటాక్‌కు దిగారు. కరెంటు చార్జీలు తగ్గకుండా ఉండేందుకు లంచాలిచ్చారంటూ అంబానీపై ఢిల్లీ ప్రభుత్వం ఆరోపించింది. బీఎస్ఈఎస్ పనితీరు అత్యంత దారుణంగా, వేధించేలా ఉందని మండిపడింది. దీనిపై మాట్లాడేందుకు రావాలని అనిల్ అంబానీని పిలిపించింది.
 
 అనిల్ ధీరూబాయ్ అంబానీ గ్రూప్‌నకు చెందిన బీఎస్ఈఎస్ ఢిల్లీలోని విద్యుత్ పంపిణీ సంస్థలలో ఒకటి. తాను అధికారంలోకి వచ్చిన తర్వాత ఢిల్లీలో విద్యుత్ చార్జీలను తగ్గిస్తానని కేజ్రీవాల్ ఎన్నికల ప్రచారంలో చెప్పారు. అంతకుముందు కూడా బిల్లులు కట్టొద్దంటూ పెద్ద ఎత్తున ప్రచారం చేశారు. అయితే ఇప్పటికీ పెద్దగా విద్యుత్ చార్జీలు తగ్గకపోవడంతో.. దానికి ప్రధాన కారణం అడాగ్ అని ఆయన ప్రభుత్వం ఆరోపిస్తోంది. ఈ వ్యవహారం ఎంతవరకు వెళ్తుందో చూడాలి.