హన్మకొండ కల్చరల్ : ప్రముఖ రచయిత కేంద్ర సాహిత్య అకాడమీ అవార్డు గ్రహీత డాక్టర్ అంపశయ్య నవీన్ ప్రతిష్ఠాత్మకమైన రామినేని ఫౌండేషన్ విశేష పురస్కారం- 2015కు ఎంపికయ్యారని ఫౌండేషన్ చైర్మన్ ధర్మప్రచారక్ రామినేని ప్రకటించారు. వచ్చే నెల 12న విశాఖపట్నంలో పురస్కార ప్రదా నం ఉంటుందన్నారు. నవీన్ గతంలో  కేంద్ర సాహిత్య అకాడమీ అవార్డు, గుర్రం జాషువా అవార్డు, గోపీచంద్ అవార్డులతోపాటు పలు పురస్కారాలు అందుకున్నారు. ఈ పురస్కారం ప్రకటించడంపట్ల నవీన్ హర్షం వ్యక్తం చేశారు.