రీసెంట్ టైంలో బాలీవుడ్‌లోకి వారసులు వరసగా ఎంట్రీ ఇస్తూనే ఉన్నారు. గతేడాది రిలీజైన ఓ మూవీతో ఖుషీ కపూర్, అగస్త్య నంద, సుహానా ఖాన్ తదితర నటులుగా ఇండస్ట్రీలోకి వచ్చారు. ఇప్పుడు ఆ లిస్టులోకి ఇబ్రహీం అలీ ఖాన్ కూడా త్వరలో చేరబోతున్నాడు. ఇంకా హీరోగా తొలి మూవీ రిలీజ్ కాలేదు. కానీ ఖరీదైన కారు కొనుగోలు చేశాడు. ఆ కారు ఖరీదుతో పాటు ఇందుకు సంబంధించిన వీడియోలు ఇప్పుడు సోషల్ మీడియాలో వైరల్ అవుతున్నాయి.(ఇదీ చదవండి: స్టార్ హీరోయిన్ వల్ల ఆగిపోయిన అభిమాని పెళ్లి)సైఫ్ అలీ ఖాన్ తొలి భార్యకు కలిగిన సంతానం సారా అలీ ఖాన్, ఇబ్రహీం అలీ ఖాన్. వీళ్లలో సారా ఇప్పటికే హీరోయిన్‌గా గుర్తింపు తెచ్చుకోగా, ఇప్పుడు ఇబ్రహీం హీరోగా లాంచ్ కాబోతున్నాడు. 'సర్జమీన్' అనే మూవీ చేస్తున్నాడు. ఇందులో నటిస్తున్నందుకు గానూ మంచి రెమ్యునరేషన్ అందుకున్నట్లు తెలుస్తోంది. ఈ డబ్బులుతోనే బీఎండబ్ల్యూ ఎక్స్5 అనే లగ్జరీ కారు కొనుగోలు చేసినట్లు టాక్. మార్కెట్‌లో దీని ధర రూ.1.13 కోట్లు అని సమాచారం.తాజాగా ఈ కారులో బయట కనిపించిన ఇబ్రహీం.. దీన్ని కొన్న సందర్భంగా పార్టీ చేసుకున్నట్లు తెలుస్తోంది. ఇందులోనే ఇతడి రూమర్ గర్ల్‌ఫ్రెండ్, నటి పాలక్ తివారీ కూడా పాల్గొంది. ఇబ్రహీం ఇంటి నుంచి బయటకొస్తూ కనిపించడంతో ఇదే నిజమేనని మాట్లాడుకుంటున్నారు. (ఇదీ చదవండి: డైరెక్టర్‌తో ప్రేమలో ఉన్న యంగ్ హీరోయిన్.. వీడియో వైరల్) View this post on Instagram A post shared by Viral Bhayani (@viralbhayani) View this post on Instagram A post shared by Viral Bhayani (@viralbhayani)

బాలీవుడ్ భామ పాలక్ తివారీ గతేడాది కిసీ కా భాయ్.. కిసీ కా జాన్‌ చిత్రంతో అలరించింది. సల్మాన్ ఖాన్ హీరోగా నటించిన ఈ మూవీలో పూజా హెగ్డే లీడ్‌రోల్‌లో కనిపించింది. నటి శ్వేత తివారీ వారసులరాలిగా ఇండస్ట్రీలో అడుగుపెట్టింది. అయితే గత కొద్ది రోజులుగా ఈ ముద్దుగుమ్మపై డేటింగ్ రూమర్స్ వినిపిస్తున్నాయి.బాలీవుడ్ హీరో సైఫ్ అలీ ఖాన్ కుమారుడు ఇబ్రహీం అలీఖాన్‌తో ‍ప్రేమాయణం కొనసాగిస్తున్నట్లు వార్తలొస్తున్నాయి. గత ఏప్రిల్‌లో ఇబ్రహీం, పాలక్ తివారీ గోవా నుంచి తిరిగివస్తూ విమాశ్రయంలో కనిపించారు. అప్పటి డేటింగ్ రూమర్స్ మరింత ఊపందుకున్నాయి. ఈ నేపథ్యంలో పాలక్ తివారీ తాజాగా ప్రియుడు ఇబ్రహీం అలీ ఖాన్‌ ఇంటివద్ద కనిపించింది. అతని ఇంటి నుంచి కారులో వెళ్తుండగా కెమెరాలకు చిక్కింది.ఇది చూసిన ఫ్యాన్స్‌ క్రేజీ కామెంట్స్ చేస్తున్నారు. పాలక్, ఇబ్రహీం డేటింగ్‌లో ఉన్నారంటూ నెటిజన్స్‌ కామెంట్స్ చేస్తున్నారు. మరోవైపు కరణ్ జోహార్ రాబోయే చిత్రం 'సర్జమీన్'చిత్రం ద్వారా ఇబ్రహీం బాలీవుడ్ ఎంట్రీ ఇవ్వనున్నారు. ఈ చిత్రంలో కాజోల్, పృథ్వీరాజ్ సుకుమారన్ కూడా కీలక పాత్రల్లో నటించనున్నారు. View this post on Instagram A post shared by Viral Bhayani (@viralbhayani)

శ్రీలీల.. టాలీవుడ్‌లోకి వచ్చి వరసపెట్టి సినిమాలు చేసిన ఈ బ్యూటీ ప్రస్తుతానికైతే తెలుగు వరకు పూర్తిగా సైలెంట్ అయిపోయింది. తెలుగు వరకు అయితే ఈమె చేతిలో 'ఉస్తాద్ భగత్ సింగ్' మాత్రమే ఉంది. మరోవైపు తమిళంలోనూ ఆఫర్స్ వచ్చాయని అంటున్నారు. కానీ ఇంకా ఫైనల్ అయినట్లు లేదు. ఇప్పుడు ఇవన్నీ కాదన్నట్లు బాలీవుడ్‌లోకి ఎంట్రీ ఇచ్చేస్తుందని టాక్ బయటకొచ్చింది.(ఇదీ చదవండి: ఓటీటీలోకి వచ్చేసిన తమిళ హిట్ సినిమా.. తెలుగులోనూ స్ట్రీమింగ్)అమెరికాలో పుట్టి పెరిగిన శ్రీలీల.. తెలుగు-కన్నడ మూలాలున్న ఫ్యామిలీలో పుట్టింది. టీనేజ్‌లో ఉండగానే కన్నడ సినిమాతో హీరోయిన్ అయిపోయింది. 'పెళ్లి సందD' మూవీతో తెలుగులోకి ఎంట్రీ ఇచ్చింది. ఇది హిట్ కానప్పటికీ కేక పుట్టించే డ్యాన్సింగ్ స్కిల్స్ ఉండటంతో వరస ఛాన్సులు వరించాయి. అలా అరడజనుకు పైగా మూవీస్ చేసింది. కానీ 'ధమాకా' తప్పితే చెప్పుకోదగ్గర హిట్ ఈమెకు పడలేదు.రీసెంట్‌గా తమిళ స్టార్ అజిత్ 'గుడ్ బ్యాడ్ అగ్లీ' మూవీలో హీరోయిన్‌గా సెలెక్ట్ అయిందని అన్నారు. ఇది ఇలా ఉండగానే ఇప్పుడు బాలీవుడ్ ఎంట్రీకి కూడా శ్రీలీల రెడీ అయిపోయిందంటున్నారు. స్టార్ హీరో సైఫ్ అలీఖాన్ కొడుకు ఇబ్రహిం ఖాన్ ప్రస్తుతం 'దిలర్' మూవీ చేస్తున్నాడు. ఇందులో శ్రీలీలని హీరోయిన్‌గా అనుకుంటున్నారట. ఇది కన్ఫర్మ్ అయి, హిట్ కొడితే మాత్రం శ్రీలీల పంట పండినట్లే!(ఇదీ చదవండి: బిగ్‌బాస్‌ షోలో లవ్‌, పెళ్లి.. నాలుగేళ్లకే విడాకులు!)

ప్రపంచాన్ని గడగడలాడిస్తున్న కరోనా వైరస్‌ (కోవిడ్‌-19) భారత్‌లో వేగంగా విస్తరిస్తోంది. రోజురోజుకు వైరస్‌ బారిన పడుతున్నవారి సంఖ్య పెరుగుతోంది. ఈ క్రమంలో చాలా మంది సినీ ప్రముఖులు స్వీయ నియంత్రణలో భాగంలో హోం క్వారంటైన్‌లో ఉంటున్న విషయం తెలిసిందే. అలా హోం క్వారంటైన్‌లో ఉన్న సైఫ్‌ అలీఖాన్‌ తనయుడు ఇబ్రహిం అలీఖాన్‌ తాజాగా ఓ ఫన్నీగా ఫోటోను తన ఇన్‌స్టాగ్రామ్‌ ఖాతాలో పోస్ట్‌ చేశారు. ఈ ఫొటోలో ఇబ్రహిం.. బూడిద రంగు పైజామాపై గంజి టీ షర్ట్ ధరించి, భూగ్రహం ముందు నిల్చున్నట్టు ఉన్నారు. అదేవిధంగా ‘క్వారంటైన్‌లో ఉండటం చాలా విసుగుగా ఉంది. ఈ భూగ్రహం నుంచి తప్పించుకోవాలని ఉంది’ అంటూ ఇబ్రహిం ఈ ఫోటోకు కాప్షన్‌ కూడా  పెట్టారు. View this post on Instagram Quarantine was so boring had to escape 🌎 A post shared by Ibrahim Ali Khan (@iakpataudi) on Mar 25, 2020 at 11:00am PDT దీంతో  ప్రస్తుతం ఈ ఫోటో సోషల్‌ మీడియాలో వైరల్‌గా మారింది. మరోవైపు ఇబ్రహిం అలీఖాన్‌ సినీరంగ ప్రవేశం గురించి అతని తండ్రి సైఫ్‌ అలీఖాన్‌ ఇప్పటివరకు ఎటువంటి స్పష్టతనివ్వని విషయం తెలిసిందే. ఇక స్టార్‌ కిడ్‌గా బాలీవుడ్‌లో అడుగుపెట్టిన సైఫ్‌ కూతురు సారా అలీఖాన్‌ పలు చిత్రాల్లో నటిస్తున్నారు. ఇక గురువారం ఉదయం నాటికి దేశ వ్యాప్తంగా 649 కరోనా పాజిటివ్‌ కేసులు నమోదయ్యాయి. మృతుల సంఖ్య 13కి చేరింది. (నీకు క‌రోనా సోకింది.. యువతికి వేధింపులు)

బాలీవుడ్‌ భామ సారా అలీ ఖాన్‌ తీరుపై అభిమానులు, నెటిజన్లు తీవ్రస్థాయిలో మండిపడుతున్నారు. ఇటీవల ఆమె తన సొదరుడు ఇబ్రహీంతో కలిసి మాల్దీవుల పర్యటనకు వెళ్లిన సంగతి తెలిసిందే. ఇక తమ్ముడి బర్త్‌డేను సెలబ్రేట్‌ చేయలేకపోయిన సారా.. తాజాగా తన తమ్ముడిని ట్రిప్‌కి తీసుకెళ్లారు. అక్కడ సముద్ర తీరాన ఇబ్రహీంతో కలిసి ఉన్న ఫొటోలను షేర్‌ చేసి.. ‘మా తమ్ముడికి బర్త్‌ డే విషెస్‌ చెప్పండి’ అనే క్యాప్షన్‌తో షేర్‌ చేశారు. అయితే ఈ ఫొటోల్లో సారా బికినీ ధరించి ఉండటంపై నెటిజన్లు ఆమెపై విమర్శలు చేస్తున్నారు. అంతేగాక తమ్ముడి పక్కన తను నిలబడిన తీరుపై మండిపడుతున్నారు. ‘ఇది సరైన పద్ధతి కాదు. నీ తమ్ముడు చూడు ఎంత అసౌకర్యంగా ఉన్నాడో. ఎంత హీరోయిన్‌ అయితే మాత్రం తమ్ముడి పక్కన ఇలా నిలబడటం పద్దతి కాదు’ అంటూ సారాకు క్లాస్‌ పీకుతున్నారు.(అది నన్ను చాలా బాధించింది: హీరోయిన్‌) View this post on Instagram Happiest birthday Brother 🎂 🍰 🎁👫 I love you more than you know and am missing you lots today!! Wish I was with you 🤗 #tbt @ncstravels @luxnorthmale A post shared by Sara Ali Khan (@saraalikhan95) on Mar 4, 2020 at 11:58pm PST ‘అన్నయ్యా.. వదిన వచ్చింది చూడు..!’ మరికొందరు స్టార్‌డమ్ సారాను  ప్రభావితం చేయడం ప్రారంభించిందని కామెంట్లు చేస్తున్నారు.  ‘ పలుకుబడి, డబ్బుతో  మనుషులు ఎంతకైనా దిగజారి  ప్రవర్తిస్తారని సారాను చూస్తే మరోమారు రుజువైందని, పిల్లలకు తెలియకపోతే కనీసం పెద్దవాళ్లైనా ఏది సరైనదో, కాదో చెప్పాలి కదా’ అంటూ సూచిస్తున్నారు. అదేవిధంగా తను ఎలాంటి దుస్తులు వేసుకుందన్నది ముఖ్యం కాదు.. కానీ తమ్ముడితో కలిసి అలా పోజ్‌ ఇవ్వడం చూడటానికి అసభ్యకరంగా ఉంది’ అంటూ మండిపడుతున్నారు. కాగా సారాను ఇది వరకు కూడా ‘లవ్‌ ఆజ్‌ కల్‌’లో తన నటన చాలా ఓవర్‌గా ఉందంటూ విమర్శలు వచ్చిన సంగతి తెలిసిందే. సినిమాలో సాంప్రదాయ దుస్తుల్లో ఉండి అసభ్యకరంగా మాట్లాడటం ఎంటని నెటిజన్లు కామెంట్లు చేశారు.

బాలీవుడ్‌ నటుడు సైఫ్‌ అలీఖాన్‌ గారాల పట్టీ సారా అలీఖాన్‌ బాలీవుడ్‌లోకి గ్రాండ్‌గా తెరంగేట్రం చేసిన విషయం తెలిసిందే. ఇప్పడు సైఫ్‌ కొడుకు ఇబ్రహిం అలీఖాన్‌ వంతు వచ్చింది. ఈ నేపథ్యంలో ఇబ్రహిం బాలీవుడ్‌ ఎంట్రీపై సైఫ్‌ స్పందించాడు. ఇబ్రహిం తన కంటే అందంగా ఉన్నాడని.. మంచి బాడీ, లుక్‌ కూడా ఉందని పేర్కొన్నాడు. అతడొక చార్మింగ్‌ బాయ్‌, ఇబ్రహింకు నటనపై ఆసక్తి ఉంటే సినీరంగ ప్రవేశం గురించి అలోచిస్తానని తెలిపాడు. అయితే ఇబ్రహిం ఇంకా చిన్నవాడే, చదువు అయిపోయాక ఏ రంగాన్ని కోరుకుంటే.. దానికే సపోర్టు చేస్తానని అన్నాడు. అయితే ఇటీవల సారా అలీఖాన్‌.. తన సోదరుడు బాలీవుడ్‌లో అడుగుపెట్టబోతున్నట్లు వెల్లడించింది. ప్రస్తుతం సైఫ్‌ అలీఖాన్‌ లండన్‌లో జరుగుతున్న ‘జవానీ జనేమాన్‌’ షూటింగ్‌లో బిజీగా ఉన్నాడు. సైఫ్‌.. ఆ సినిమాలో హిరోయిన్‌ తండ్రి పాత్రను పోషిస్తున్నాడు. ఈ సినిమా నవంబర్‌లో ప్రేక్షకుల ముందుకు రానుంది.


 వికారాబాద్: వ్యక్తి హత్య మిస్టరీని వికారాబాద్ పోలీసులు ఛేదించి నిందితులను కటకటాల వెనక్కి పంపారు. వారం రోజుల క్రితం పట్టణంలోని ఏసీఆర్ జూబ్లీకాలనీలో ఓ వ్యక్తిని గుర్తుతెలియని వ్యక్తులు గొంతు కోసి చంపిన విషయం తెలిసిందే. స్థానిక పీఎస్‌లో ఏర్పాటు చేసిన విలేకరుల సమావేశంలో ఏఎస్పీ వెంకటస్వామి కేసు వివరాలు వెల్లడించారు. మున్సిపల్ పరిధిలోని శివారెడ్డిపేట్‌కు చెందిన ఇబ్రహీంఅలీ, ఫరీదాబేగం దంపతులు. ఇబ్రహీంఅలీ కూలీపనులు చేస్తుండగా భార్య స్థానిక మహావీర్ అస్పత్రిలో వంట మనిషి. కొంతకాలంగా ఇబ్రహీంఅలీ మద్యానికి బానిసయ్యాడు.
 
 శివారెడ్డిపేటకు చెందిన ఆయన పెద్దఅక్క కొడుకు జమీల్‌తో ఫరీదాబేగంకు వివాహేతర సంబంధం ఏర్పడింది. కారు డ్రైవర్ అయిన జమీల్ ఉపాధి నిమిత్తం దుబాయికి వెళ్లాడు. అప్పుడప్పుడు స్వస్థలానికి వస్తూ తమ ‘సంబంధా’న్ని కొనసాగిస్తుండేవాడు. ఈ విషయం తెలుసుకున్న ఇబ్రహీంఅలీ పలుమార్లు భార్యను మందలించినా ఫలితం లేకుండా పోయింది. దీంతో ఆయన కుంగిపోయాడు. ఎప్పటికైనా ఇబ్రహీంఅలీ తమకు అడ్డుగా ఉన్నాడని, ఆయనను ఎలాగైనా హత్య చేయాలని ఫరీదాబేగం పథకం పన్ని ప్రియుడు జమీల్‌కు చెప్పింది. ఈ నేపథ్యంలో జమీల్ వికారాబాద్‌లోని కొత్తగంజ్‌లో ఉంటున్న తన స్నేహితుడైన ఓ హోటల్ యజమాని యూసుఫ్‌ను ఫోన్‌లో సంప్రదించాడు. ఎలాగైనా ఇబ్రహీంఅలీని చంపేయాలని కోరాడు. చంపడం తనతో కాదని.. తన హోటల్లో కుక్‌గా పనిచేస్తున్న అశుకు డబ్బులు ఇస్తే ఆ పని చేస్తాడని యూసుఫ్ చెప్పాడు.
 
 దీంతో సుపారీ రూ.2 లక్షలకు కుదిరింది. యూసుఫ్ ఖాతాలో జమీల్ రూ.29,500లను వేశా డు. మిగతా డబ్బు పని పూర్తయ్యాక ఇస్తానని చెప్పాడు. దీంతో అశు, ఇబ్రహీంఅలీతో కలిసి ఈ నెల 1న రాత్రి ఏసీఆర్ జూబ్లీకాలనీలో మద్యం తాగాడు. పథకం ప్రకారం అశు ఇబ్రహీంఅలీకి ఎక్కువగా మద్యం తాగించాడు. అనంతరం బీరు బాటిల్ పగులగొట్టిన అశు లేవలేని స్థితిలో ఉన్న ఇబ్రహీంఅలీ   గొంతు కోసి హత్యచేశాడు. కేసు నమోదు చేసుకున్న పోలీసులు దర్యాప్తు ప్రారంభించారు. ఫరీదాబేగం, జమీల్‌ల ఫోన్‌కాల్‌లపై దృష్టి సారించారు. ఈమేరకు ఫరీదాబేగంను అదుపులోకి తీసుకొని విచారించగా పైవివరాలు తెలిపింది. ఈమేరకు పోలీసులు యూసుఫ్, అశులను అరెస్టు చేసి సోమవారం ముగ్గురు నిందితులను రిమాండుకు తరలించారు. కార్యక్రమంలో సీఐ రవి,ఎస్‌ఐ శేఖర్‌లతో పాటు ఐడీ పార్టీ పోలీసులు రమేష్, బాలు ఉన్నారు.