బాలీవుడ్‌లో ‘లేడి సూపర్‌స్టార్‌’గా గుర్తింపు తెచ్చుకున్న తొలి హీరోయిన్‌ శ్రీదేవి. అందం, అభినయానికి చిరునామగా నిలిచిన శ్రీదేవి హఠాన్మరణాన్ని ఆమె అభిమానులు ఇంకా జీర్ణించుకోలేకపోతున్నారు. నటిగానే కాదు నిజ జీవితంలో తల్లి పాత్రను అంతే సమర్ధవంతంగా పోషించారు శ్రీదేవి. పెద్దకూతురు జాహ్నవి కపూర్‌ను హీరోయిన్‌గా పరిచయం చేయడానికి ఎంతో కృషి చేశారు. ప్రస్తుతం ఈ తల్లికూతుళ్లకు సంబంధి​చి ఒక ఆసక్తికర వీడియో వైరల్‌గా మారింది. విషయమేంటంటే జాహ్నవికి తొలుత హిందిలో మాట్లడటం సరిగా వచ్చేది కాదంట. జాహ్నవి పాఠశాలలో చదువుతున్న సమయంలో తల్లి శ్రీదేవితో కలిసి ఒక మీడియా సమావేశానికి హజరయ్యారు. ఆ సమయంలో విలేకరులు జాహ్నవిని తమ ప్రశ్నలకు హిందీలోనే సమాధానాలు చెప్పాలని కోరారు. దాంతో జాహ్నవి తనకు వచ్చిన బ్రోకెన్‌ హిందీలోనే సమాధానాలు చెప్పారు. పక్కనే ఉన్న  శ్రీదేవి జాహ్నవిని హిందీలో మాట్లడించవద్దంటూ విలేకరులను కోరారు. జాహ్నవి హిందీలో ఎలా మాట్లడుతుందో శ్రీదేవి అనుకరించి చూపించేసరికి జాహ్నవితోపాటు అక్కడున్న వారందరూ ఒక్కసారిగా నవ్వేశారు. ప్రస్తుతం ఈ వీడియో వైరల్‌ అయ్యింది. ప్రస్తుతం జాహ్నవి కరణ్‌జోహర్‌ నిర్మిస్తున్న ‘ధడక్‌’ సినిమా ద్వారా వెండితెరకు పరిచయం కాబోతున్నారు. ‘ధడక్‌’ సినిమా మరాఠీ చిత్రం ‘సైరత్‌’కు రిమేక్‌. కాగా ఈ చిత్రం 2018, జూలై 20న విడుదల కానుంది.


 కోహ్లిని అనుకరించిన బ్యాట్స్‌మన్‌  
 రాంచీ: భారత్, ఆస్ట్రేలియా ఆటగాళ్లు వివాదాన్ని పక్కనబెట్టి ఆటపై దృష్టిపెడతారని ఇరు బోర్డుల ఉన్నతాధికారులు గొప్పగా పేర్కొన్నారు. కానీ పెద్దల రాజీకి విరుద్ధంగా వివాదం రేపడం మాకు వెన్నతో పెట్టిన విద్య అన్నట్లు ఆసీస్‌ ఆటగాళ్లు ప్రవర్తిస్తున్నారు. దీంతో బోర్డర్‌–గావస్కర్‌ ట్రోఫీలో ఈ ఆన్‌ఫీల్డ్‌ ‘చిటపటల’కు ఫుల్‌స్టాప్‌ పడేలా లేదు. తాజాగా మూడో టెస్టు మూడో రోజు ఆటలో మ్యాక్స్‌వెల్‌ వెక్కిరింత కాస్త శ్రుతిమించింది. కోహ్లి తొలి రోజు డైవ్‌ చేస్తూ గాయంతో విలవిలలాడిన వైనాన్ని మ్యాక్స్‌వెల్‌ మూడో రోజు ఆటలో విపరీత పోకడతో అనుకరించడం భారత వర్గాల్ని ఆగ్రహానికి గురిచేసింది.
 కమిన్స్‌ వేసిన ఇన్నింగ్స్‌ 81వ ఓవర్లో చతేశ్వర్‌ పుజారా మిడాన్‌లో షాట్‌ కొట్టగా మ్యాక్స్‌వెల్‌ డైవ్‌ చేసి బౌండరీ వెళ్లకుండా చక్కగా ఆపేశాడు. కానీ అంతటితో ఆగకుండా కోహ్లి తొలి రోజు డైవ్‌తో అయిన గాయాన్ని మ్యాక్స్‌వెల్‌ వెకిలిగా అచ్చు అలాగే అనుకరించాడు. గత టెస్టులో కెప్టెన్‌ స్మిత్‌ డీఆర్‌ఎస్‌ అప్పీలుపై డ్రెస్సింగ్‌ రూమ్‌ సంకేతాల కోసం చూడటాన్ని భారత కెప్టెన్‌ కోహ్లి తీవ్రంగా పరిగణించిన సంగతి తెలిసిందే. స్మిత్‌ అంపైర్‌ నిర్ణయ సమీక్ష పద్ధతిని డ్రెస్సింగ్‌ రూమ్‌ సమీక్షగా మార్చేశాడని కోహ్లి విమర్శించాడు. ఇప్పుడు తమ కెప్టెన్‌ (స్మిత్‌) మెప్పుపొందేందుకో మరి వివాదం రేపేందుకో కానీ మ్యాక్స్‌వెల్‌ అనుకరణ మళ్లీ చర్చనీయాంశమైంది.
 
 కోహ్లి చప్పట్లు!
 అంతకుముందు ఒకీఫ్‌ వేసిన ఇన్నింగ్స్‌ 58వ ఓవర్‌ చివరి బంతి పుజారా (21 పరుగుల వద్ద) ప్యాడ్‌లకు తగిలింది. ఎల్బీడబ్ల్యూ కోసం అప్పీలు చేయగా ఫీల్డ్‌ అంపైర్‌ తిరస్కరించాడు. తిరిగి డీఆర్‌ఎస్‌ కోసం అప్పీలు చేసినప్పటికీ ఆసీస్‌కు చుక్కెదురైంది. దీంతో ఆసీస్‌ రెండో రివ్యూ కూడా వృథాగా పోయింది. డీఆర్‌ఎస్‌లో రెండు సార్లూ ఆసీస్‌ కెప్టెన్‌ స్మిత్‌ విఫలమవ్వడంతో పెవిలియన్‌లో ప్యాడ్‌లు కట్టుకొని కూర్చున్న కోహ్లి ఒక్కసారిగా లేచి బిగ్గరగా చప్పట్లు కొట్టడం గమనార్హం.