న్యూఢిల్లీ: మహీంద్రా అండ్ మహీంద్రా కంపెనీ వచ్చే నెలలో ఇంపీరియో బ్రాండ్ కింద ప్రీమియం పికప్ వాహనాన్ని మార్కెట్లోకి తేనున్నది. తేలిక రకం వాణిజ్య వాహనాల(ఎల్‌సీవీ) సెగ్మెంట్లో తన అగ్ర స్థానాన్ని మరింత పటిష్టం చేసుకునే చర్యల్లో భాగంగా ఈ ఇంపీరియో వాహనాన్ని మహీంద్రా తెస్తోంది. పుణే సమీపంలోని చకన్ ప్లాంట్‌లో ఈ వాహనాన్ని తయారు చేయనున్నామని మహీంద్రా ప్రెసిడెంట్, చీఫ్ ఎగ్జిక్యూటివ్(ఆటోమోటివ్) ప్రవీణ్ షా  పేర్కొన్నారు. చిన్న, మధ్య తరహా వ్యాపార సంస్థల అవసరాలకు తగ్గట్లుగా ఈ ఇంపీరియో వాహనాన్ని రూపొందిస్తున్నామని ఆయన తెలిపారు.