యువ నటుడు సుధీర్‌ బాబు హీరోగా ఇంద్రగంటి మోహనకృష్ణ దర్శకత్వంలో తెరకెక్కుతున్న సినిమా సమ్మోహనం. ఇటీవల అమీతుమీ సినిమాతో మరోసారి తన మార్క్‌ చూపించిన మోహనకృష్ణ, సమ్మోహనంతో అదే మ్యాజిక్‌ రిపీట్ చేయాలని భావిస్తున్నాడు. ప్రస్తుతం షూటింగ్ జరుపుకుంటున్న ఈ సినిమా టైటిల్‌ లోగోను ఇటీవల రిలీజ్‌ చేశారు. ఈ లోగోకు మంచి రెస్పాన్స్‌ వచ్చింది. తాజాగా ఉగాది సందర్భంగా స్పెషల్‌ పోస్టర్‌ను రిలీజ్ చేస్తున్నట్టుగా ప్రకటించారు చిత్రయూనిట్‌. రేపు ఉదయం 9 గంటలకు ఈ పోస్టర్ విడుదల కానుంది. సుధీర్‌ సరసన అదితీరావ్‌ హైదరీ హీరోయిన్‌గా నటిస్తున్న ఈసినిమాకు వివేక్ సాగర్ సంగీతమందిస్తున్నారు.  శ్రీదేవి మూవీస్‌ బ్యానర్‌పై శివలెంక కృష్ణ ప్రసాద్‌ నిర్మిస్తున్నారు. Ugadi Special poster from #Sammohanam will be releasing tomorrow at 9 am #UgadiSammohanam #HappyUgadi@isudheerbabu @aditiraohydari @mokris_1772 #VivekSagar @vidyasivalenka pic.twitter.com/FQVG64ErhQ — sridevimoviesofficial (@SrideviMovieOff) 17 March 2018


 రొటీన్ కమర్షియల్ ఫార్ములాకు భిన్నంగా సినిమాలను తెరకెక్కించే ఇంద్రగంటిమోహన కృష్ణ దర్శకత్వంలో తెరకెక్కిన మరో సినిమా అమీ తుమీ. అవసరాల శ్రీనివాస్, అడవి శేష్, వెన్నెల కిశోర్ లు ప్రధాన పాత్రల్లో తెరకెక్కిన ఈ సినిమా నిర్మాణ కార్యక్రమాలు పూర్తి చేసుకొని ప్రస్తుతం పోస్ట్ ప్రొడక్షన్ పనుల్లో బిజీగా ఉంది. ఉగాది సందర్భంగా రిలీజ్ చేసిన అమీ తుమీ ఫస్ట్ లుక్ పోస్టర్ కు మంచి రెస్పాన్స్ వచ్చింది.
 
 త్వరలో రిలీజ్ కు రెడీ అవుతున్న ఈ సినిమా టీజర్ ను దర్శకుడు ఇంద్రగంటి మోహన కృష్ణ పుట్టిన రోజు సందర్భంగా యంగ్ హీరో నాని చేతుల మీదుగా రిలీజ్ చేస్తున్నారు. సోమవారం టీజర్ లాంచ్ కార్యక్రమాన్ని అభిమానుల సమక్షంలో ఘనంగా నిర్వహించనున్నారు. ఈ కార్యక్రమంలో యూనిట్ సభ్యులతో పాటు హీరో నాని పలువురు సినీ ప్రముఖులు పాల్గొననున్నారు. గ్రీన్ టీ ప్రొడక్షన్స్ పతాకం పై తెరకెక్కుతున్న ఈ సినిమాలో ఈషా, అదితి మాయకల్ లు హీరోయిన్లుగా నటిస్తున్నారు. ప్రముఖ సంగీత దర్శకుడు మణిశర్మ సంగీతం అందిస్తున్నాడు.


 వరుసగా మూడు సూపర్ హిట్స్తో మంచి ఫాంలో ఉన్న యంగ్ హీరో నాని, ప్రస్తుతం జెంటిల్మేన్ సినిమాతో ఆడియన్స్ ముందుకు రావడానికి రెడీ అవుతున్నాడు. తనను హీరోగా పరిచయం చేసిన ఇంద్రగంటి మోహనకృష్ణ దర్శకత్వంలో తెరకెక్కుతున్న ఈ సినిమాతో మరోసారి ప్రయోగం చేయనున్నాడు. ఈ సందర్భంగా మీడియాతో మాట్లాడిన నాని పలు ఆసక్తికర విషయాలు వెల్లడించాడు.
 
 'భలే భలే మొగాడివోయ్, కృష్ణగాడి వీర ప్రేమగాథ సినిమాల తరువాత కొంత మంది మిత్రులు, కమర్షియల్ సినిమాలు చేయాలంటూ నా మీద ఒత్తిడి తెచ్చారు. నేను ప్రయోగాలు చేయటం నచ్చని వాళ్లు పెద్ద పెద్ద నిర్మాణ సంస్థల నుంచి ఆఫర్లు కూడా తీసుకువచ్చారు. కానీ నేను మాత్రం నేను నమ్మిన సబ్జెక్ట్ తోనే సినిమా చేస్తా'నంటూ తెలిపాడు.
 
 'జెంటిల్మేన్ సినిమా అంగీకరించిన సమయంలో కొంత మంది వద్దన్నారు. నిజంగానే వాళ్లు అనుకున్నట్టుగా ఈ సినిమా సక్సెస్ కాకపోవచ్చేమో.. కానీ నేను మాత్రం నమ్మిన సినిమా చేశాననే సంతృఫ్తి పొందుతా. అంతేకానీ నేను నమ్మని కథతో సినిమా చేసి ఇబ్బంది పడలేను'. అంటూ తను జెంటిల్మేన్ అంగీకరించటంపై క్లారిటీ ఇచ్చాడు. ఈ శుక్రవారం రిలీజ్ అవుతున్న జెంటిల్మేన్ సినిమాలో నాని సరసన సురభి, నివేదితా థామస్లు హీరోయిన్లుగా నటిస్తున్నారు.


 వరుస సక్సెస్లతో మంచి ఫాంలో ఉన్న యువ నటుడు నాని హీరోగా తెరకెక్కుతున్న లేటెస్ట్ ఎంటర్టైనర్ జెంటిల్మేన్. తనను హీరోగా పరిచయం చేసిన ఇంద్రగంటి మోహనకృష్ణ దర్శకత్వంలో చాలా కాలం తరువాత నాని చేస్తున్న ఈ సినిమాపై భారీ అంచనాలు ఉన్నాయి. అందుకు తగ్గట్టుగా ప్రమోషన్ విషయంలో కూడా చాలా జాగ్రత్తలు తీసుకుంటున్నారు చిత్రయూనిట్.
 
 ఇప్పటికే రిలీజ్ అయిన పోస్టర్స్, టీజర్లలో నాని హీరోనా..? విలనా..? అంటూ, ప్రశ్నలతో అభిమానులకు సినిమా మీద ఆసక్తిని పెంచేస్తున్నారు. ప్రజెంట్ అన్ని ఇండస్ట్రీలలో సక్సెస్ ఫార్ములాగా మారిని థ్రిల్లర్ జానర్లో తెరకెక్కుతున్న ఈ సినిమా ఇటీవల సెన్సార్ కార్యక్రమాలు పూర్తి చేసుకుంది. క్లీన్ యు సర్టిఫికేట్ సొంతం చేసుకున్న జెంటిల్మేన్, ఈ నెల 17న ప్రపంచవ్యాప్తంగా విడుదలవుతోంది.
  


 ఏ మాటకా మాట చెప్పాలంటే బాసూ... ఏ పాత్ర చేస్తే ఆ పాత్రలానే కనిపించడం మంచి ఆర్టిస్ట్ లక్షణం. అసలు తెరపై కనిపిస్తున్నది ఆ ఆర్టిస్టా? ఆ పాత్రా? అనే ఫీల్ వచ్చేస్తే చాలు.. ఆ ఆర్టిస్ట్ డిస్టింక్షన్‌లో పాసయినట్లే! మన హీరో నాని అలాంటోడే! ‘అష్టాచమ్మా’లో రాంబాబు పాత్ర చేస్తే అక్కడ నాని కనిపించలేదు. ‘అలా మొదలైంది’లో తెర మీద కనిపిస్తున్నది నాని అని మర్చిపోయి గౌతమ్‌నే చూశాం. ‘ఈగ’లో నాని పాత్ర చేసి, నిజమైన నానిని మర్చిపోయేలా చేశాడు. ‘ఎవడే సుబ్రమణ్యం’లో సుబ్రమణ్యం మాత్రమే కనిపించాడు. ఇక, ‘భలే భలే మగాడివోయ్’లో మతిమరుపు ఉన్న ఓ అబ్బాయిని చూస్తున్న ఫీల్‌ను కలగజేయగలిగాడు. ‘కృష్ణగాడి వీర ప్రేమగాథ’లో కృష్ణ మాత్రమే కనిపించాడు.
 
 అంత సహజంగా నటిస్తాడు కాబట్టే, ‘న్యాచురల్ స్టార్’ అనిపించుకోగలిగాడు నాని. ఇప్పుడు మరో కొత్త పాత్ర ద్వారా కనిపించనున్నాడు. ఈసారి నాని ‘జెంటిల్‌మన్’ అన్నమాట. యస్... మోహనకృష్ణ ఇంద్రగంటి దర్శకత్వంలో నాని నటించిన తాజా చిత్రానికి ‘జెంటిల్‌మన్’ అనే టైటిల్‌ని ఖరారు చేశారు. ‘జెంటిల్‌మన్’గా నాని లుక్, ఫస్ట్ లుక్ పోస్టర్‌లో పదిమంది నానిల మధ్యలో కథానాయకుడు నాని వెరైటీగా కనిపించేలా డిజైన్  చేసిన తీరు చూస్తుంటే, ఈ పాత్ర, సినిమా కూడా నానికి మరో వెరైటీ అయ్యే సూచనలున్నాయి.  ‘ఆదిత్య 369’, ‘వంశానికొక్కడు’ వంటి విజయవంతమైన చిత్రాలను నిర్మించిన శ్రీదేవి మూవీస్ అధినేత శివలెంక కృష్ణప్రసాద్ కొంత విరామం తర్వాత నిర్మిస్తున్న చిత్రం ఇది.
 
 సురభి, నివేదా థామస్ నాయికలు. ‘‘ఇదొక అందమైన రొమాంటిక్ థ్రిల్లర్ మూవీ. రొమాన్స్, సెంటిమెంట్, కామెడీ సమపాళ్లల్లో ఉంటాయి. ప్రస్తుతం నిర్మాణానంతర కార్యక్రమాలు జరుగుతున్నాయి’’ అని నిర్మాత తెలిపారు. మణిశర్మ స్వరపరచిన ఈ చిత్ర గీతాలను మే ద్వితీయార్ధంలో విడుదల చేయాలనుకుంటున్నారు. ఈ చిత్రానికి కథ: డేవిడ్ నాథన్, కెమేరా: పీజీ విందా, ఎడిటింగ్: మార్తాండ్ కె. వెంకటేశ్, కో-డెరైక్టర్: కోట సురేశ్‌కుమార్.
 
 హీరోగా నాని ఎదుగుదల చూస్తుంటే చాలా గర్వంగా ఉంది. 'అష్టాచమ్మా' నిర్మాతగా నాకూ, హీరోగా నానీకి మొదటి సినిమా. మళ్లీ ఇప్పుడు నాని-మోహనకృష్ణ కాంబినేషన్లో రూపొందుతున్న ఈ 'జెంటిల్మెన్' నాకు చాలా స్పెషల్. ఏ హీరో అయినా నటుడిగా ఎదగాలంటే వెరైటీ కథలు ఎంపిక చేసుకోవాలి. నాని సెలక్ట్ చేసుకునేవన్నీ అలానే ఉంటాయి.'
 - 'అష్టాచమ్మా' నిర్మాత పి. రామ్మోహన్


 ప్రయోగాల బాట పట్టాక వరుస సక్సెస్లతో దూసుకుపోతున్న నాని మరోసారి అదే మ్యాజిక్ను రిపీట్ చేయడానికి రెడీ అవుతున్నాడు. తనను హీరోగా ఇండస్ట్రీకి పరిచయం చేసిన ఇంద్రగంటి మోహన కృష్ణ దర్శకత్వంలో ఓ డిఫరెంట్ ఎంటర్టైనర్తో అలరించడానికి రెడీ అవుతున్నాడు. ఇప్పటికే 80 శాతం షూటింగ్ పూర్తి చేసుకున్న ఈ సినిమా, ఫస్ట్ లుక్ పోస్టర్ను శ్రీరామ నవమి సంధర్భంగా రిలీజ్ చేశారు.
  
 హీరోనా..? విలనా..? అన్న ప్రశ్నతో రూపొందించిన ఈ పోస్టర్లో నాని కొత్తగా కనిపిస్తున్నాడు. నాని లుక్ పాటు ఈ సినిమా టైటిల్ను కూడా ఎనౌన్స్ చేశారు. జెంటిల్మన్ పేరుతో రూపొందుతున్న  ఈ సినిమాలో నాని డ్యూయల్ రోల్లో కనిపించనున్నాడన్న టాక్ వినిపిస్తోంది. మళయాలి భామ నివేదా థోమస్, సురభిలు హీరోయిన్లుగా నటిస్తున్న జెంటిల్మన్ సినిమాలో అవసరాల శ్రీనివాస్ కీలక పాత్రలో నటిస్తున్నాడు.
  
 
 HERO? - VILLAIN?
 Raamuda? - Raavanasuruda?
 Andhariki Sri Rama navami shubhakankshalu :) #GENTLEMAN pic.twitter.com/yaoqA0odMn
 
 — Nani (@NameisNani) 15 April 2016