సాక్షి, హైదరాబాద్‌: ఇంటర్‌ అడ్వాన్స్‌డ్‌ సప్లిమెంటరీ ఫలితాలు ఈనెల 25న విడుదల కానున్నాయి. ఈ మేరకు ఇంటర్‌ బోర్డు సన్నాహాలు చేస్తోంది. ఫలితాల విడుదల తర్వాత దోస్త్‌ ద్వారా డిగ్రీలో ప్రవేశానికి మరో దఫా కౌన్సెలింగ్‌ నిర్వహించనున్నారు. ఇంటర్‌ అడ్వాన్స్‌డ్‌ పరీక్షలకు రెండు సంవత్సరాలకు కలిపి 4.5 లక్షల మంది విద్యార్థులు హాజరయ్యారు. ఇంటర్‌ పరీక్షల్లో ఫెయిల్‌ అయిన వారు, ఫస్టియర్‌ ఇంప్రూవ్‌మెంట్‌ కోసం రాసిన వారు ఈ జాబితాలో ఉన్నారు. మొత్తం 11 లక్షల సమాధాన పత్రాలను కొన్ని రోజులుగా మూల్యాంకనం చేశా రు. గత పరీక్షల్లో తప్పులు దొర్లిన నేపథ్యంలో మరి న్ని జాగ్రత్తలు తీసుకోవాలని నిర్ణయించారు. సాంకేతిక లోపాలను, ఇతర అంశాలను పరిగణలోకి తీసుకున్నారు. డీకోడింగ్, ఆన్‌లైన్‌లో మార్కులు పొందుపర్చే కార్యక్రమం పూర్తయింది. అయితే, ఉన్నతాధికారి ఒకరికి మంగళవారం సెంటిమెంట్‌ ఉండటంతో 25వ తేదీన ఒప్పుకుంటారా అనే సందేహం అధికారుల్లో ఉంది. గత పరీక్ష ఫలితాల విషయంలోనూ ఉన్నతాధికారి మంగళవారం సెంటిమెంట్‌ ముందుకు తేవడంతో అంతా సిద్ధం చేసినా ఫలితాల వెల్లడిని వాయిదా వేశారు. ఈసారి కూడా అలాంటి అడ్డంకి ఉంటే 26 లేదా 27న విడుదల చేసే వీలుందని అధికార వర్గాల ద్వారా తెలిసింది.


 సాక్షి, హైదరాబాద్: ఇంటర్మీడియెట్ అడ్వాన్స్‌డ్ సప్లిమెంటరీ ఫలితాలను ప్రాసెస్ చేస్తున్న కంప్యూటర్ ఏజెన్సీ అలసత్వం కారణంగా ఫలితాల వెల్లడిలో జాప్యం జరుగుతోంది. వాస్తవానికి ఈ నెల 20న ఫలి తాలు విడుదల కావాలి. కానీ దానికి సంబంధించిన పనులు సకాలంలో పూర్తి చేయక  వాయిదా వేయాల్సిన పరిస్థితి ఏర్పడింది. అందుకే ప్రస్తుతం ఒప్పందం చేసుకున్న సంస్థతో కాకుండా గతంలో పని చేసిన సంస్థతో అనధికారికంగా పనులు చేయిస్తున్నట్లు తెలిసింది. దీంతో సప్లిమెం టరీ ఫలితాలు ఈనెల 22 లేదా 23న విడుదలయ్యే అవకాశం ఉంది. ఫలితాల కోసం 5 లక్షల  విద్యార్థులు ఎదురు చూస్తున్నారు.
  
 25న ఓయూసెట్ ఫలితాలు
  హైదరాబాద్: ఓయూసెట్-2016 ఫలితాలు జూన్ 25న విడుదలకానున్నాయి. తొలిసారిగా విడుదల చేసిన ప్రాథమిక కీలో 42 మంది అభ్యంతరాలు వ్యక్తం చేయగా, వాటిని ఆయా విభాగాలకు పంపినట్లు ప్రొఫెసర్ కిషన్ తెలిపారు. ఫైనల్ కీ విడుదల తర్వాత, ఫలితాల్ని ప్రకటిస్తామని అధికారులు పేర్కొన్నారు.