ముంబై: అమెరికా టెలివిజన్ షో 'క్వాంటికో'లో నటించడం ద్వారా ప్రపంచ వ్యాప్తంగా అభిమానులను సంపాదించిన బాలీవుడ్ బ్యూటీ ప్రియాంక చోప్రా తాజా చిత్రం 'జై గంగాజల్' తొలిరోజు 5.5 కోట్ల రూపాయల వసూళ్లు సాధించింది. తొలిరోజు కలెక్షన్లలో మరో బాలీవుడ్ హీరోయిన్ సోనమ్ కపూర్ నటించిన 'నీర్జా'ను బ్రేక్ చేసింది. నీర్జా సినిమా తొలిరోజు 4.7 కోట్ల రూపాయలు వసూలు చేసింది. ఈ రెండు హీరోయిన్ ఓరియెంటెడ్ సినిమాలే.  
 
 శుక్రవారం విడుదలైన జై గంగాజల్ చిత్రానికి విశ్లేషకుల నుంచి మిశ్రమ స్పందన వచ్చినా.. క్రమేణా వసూళ్లు పుంజుకుంటాయని భావిస్తున్నారు. 2003లో విడుదలైన గంగాజల్ సినిమాకు సీక్వెల్గా తీసిన ఈ చిత్రంలో ప్రియాంక పోలీస్ అధికారిణి పాత్రలో నటించింది. ప్రకాశ్ ఝా దర్శకత్వంలో ఈ సినిమాను 18 కోట్ల రూపాయల బడ్జెట్తో తెరకెక్కించారు.


 ముంబై: బాలీవుడ్ హీరోయిన్ ప్రియాంక చోప్రా కన్నీళ్లు పెట్టుకుంది. చిన్నపిల్లలా ఏడ్చింది. ఆమెను దర్శకుడు ప్రకాశ్ ఝా ఓదార్చారు. 'జై గంగాజల్' సినిమా షూటింగ్ సెట్ లో ఈ సన్నివేశం చోటుచేసుకుంది. యాక్షన్ సీన్ తీస్తుండగా సహనటుడు మానవ్ కాల్ మెడపై ప్రియాంక పొరపాటున తన్నింది. అతడు ఛాతిపై తన్నాలని ఫైట్ మాస్టర్ చెప్పగా, ప్రియాంక పొరపాటున అతడి మెడపై తన్నేసింది. దీంతో ఒక్కసారిగా అతడు కుప్పకూలాడు. యూనిట్ సభ్యులు ఒక్కసారిగా అవాక్కయ్యారు. మానవ్ దెబ్బలేవీ తగలనప్పటికీ అతడు షాక్ తిన్నాడు.
 
 అయితే తాను చేసిన పొరపాటుతో ప్రియాంక వెంటనే కన్నీళ్లు పెట్టుకుంది. షూటింగ్ లో ఇలాంటివి సాధారణంగా జరుగుతుంటాయని దర్శకుడు ప్రకాశ్ ఝా సర్దిచెప్పినా ఆమె ఏడుపు ఆపలేదు. తాను కావాలని తన్నలేదని, పొరపాటుగా అలా జరిగిందని పశ్చాత్తాపం వ్యక్తం చేసింది. మానవ్ వెంటనే తేరుకున్నా ప్రియాంక మాత్రం తప్పు చేసిన భావనతో చాలా బాధ పడిందని ప్రకాశ్ ఝా తెలిపారు. షూటింగ్ లో సహనటులకు ఆమె ఎంతో సహకరిస్తుందని కొనియాడాడు.


 ముంబై: బాలీవుడ్ నుంచి హాలీవుడ్ వైపు అడుగులు అడుగులు వేసి సక్సెస్ అయిన తార ప్రియాంక చోప్రా. క్వింటాకో సిరీస్ తో ఆమె గత కొన్ని నెలలుగా హాలీవుడ్ లో బిజీబిజీగా ఉంటున్న విషయం తెలిసిందే. వచ్చే నెలలో క్వింటాకో టీవీ షో ప్రారంభమవుతుంది. ప్రస్తుతం ఆమె బాలీవుడ్ లో 'జై గంగాజల్' మూవీలో నటిస్తోంది. దాదాపు ఈ చిత్రం షూటింగ్ పూర్తయింది. వచ్చే నెలలో విడుదలకు సిద్ధంగా ఉంది. ప్రియాంక ఇందులో పోలీసు అధికారిణిగా, కీలక పాత్రలో కనిపించనుంది. దర్శకుడు ప్రకాశ్ ఝా 15 నిమిషాలు మాత్రమే కథ చెప్పగానే మాజీ ప్రపంచ సుందరి ఈ సినిమాకు ఓకే చెప్పిన విషయం తెలిసిందే.
 
 ఇటు బాలీవుడ్, అటు హాలీవుడ్ లో బిజీ షెడ్యూల్ కారణంగా 'జై గంగాజల్' మూవీ ప్రమోషన్లలో పాల్గోనే అవకాశం ఉన్నట్లు కనపించడం లేదు. సోషల్ మీడియా ద్వారా ప్రచారం చేసేందుకు ఆమె సిద్ధమైంది. అపహరణ్, రాజ్నీతి, అరక్షణ్, సత్యాగ్రహ లాంటి ఎన్నో సమాజ అంశాలు సమస్యలపై మూవీలు తీసిన ప్రకాశ్ ఝా ఈ సినిమాకు దర్శకత్వం వహించారు. తొలిసారిగా ఈ మూవీలో కనిపించనున్నారు. నటుడు మనవ్ కౌల్ తో కలిసి ప్రకాశ్ ఝా ఈ మూవీ ప్రమోషన్లలో భాగంగా ముంబై నగరంలో ప్రచారం చేస్తున్నారు.