వాషింగ్టన్: భారత సంతతికి చెందిన ప్రొఫెసర్ విజయ్ సింగ్‌ను పర్యావరణం విభాగంలో అందించే అత్యున్నత పురస్కారం వరించింది. జలధర్మ శాస్త్రం(హైడ్రాలజీ)లో చేసిన విశేష కృషికిగాను అమెరికన్ సొసైటీ ఆఫ్ సివిల్ ఇంజనీర్స్ ఎన్విరాన్‌మెంటల్ అండ్ వాటర్ రిసోర్సెస్ ఇన్‌స్టిట్యూట్ ఆయనను ‘జీవితకాల సాఫల్య పురస్కారం-2013’కు ఎంపికచేసింది. విజయ్‌సింగ్  ప్రస్తుతం అమెరికాలోని టెక్సాస్ ఏ అండ్ ఎం యూనివర్సిటీలో బయోలాజికల్ , అగ్రికల్చరల్ ఇంజనీరింగ్ విభాగంలో ప్రొఫెసర్‌గా పనిచేస్తున్నారు. హైడ్రాలజీ విభాగంలోచేసిన పరిశోధనలకు సింగ్ పలు అంతర్జాతీయ అవార్డులను పొందారు. ఈయన రూపొందించిన ‘ఎంట్రొపీ థియరీ’ హైడ్రాలజీలో సరికొత్త విభాగానికి బాటలు వేసింది.