తమిళసినిమా: అనుకున్నదొక్కటీ అయ్యింది ఒక్కటీ.. బోల్తా కొట్టిందిలే బుల్‌బుల్‌ పిట్టా.. ఏమిటీ అసందర్భ ప్రేలాపన అనుకుంటున్నారా? ఆశించింది జరగకపోతే ఇలాంటి పాటలే గుర్తుకొస్తాయి మరి. నటి రాయ్‌లక్ష్మీ ఎన్ని భాషల్లో నటించినా, పేరును తారుమారు చేసుకున్నా, రాశి మాత్రం మారకపోవడంతో తీవ్ర నిరాశకు గురయిందట. కోలీవుడ్‌ హీరోయిన్‌గా పరిచయం అయినా.. వచ్చిన అవకాశాన్ని వదలకుండా, గెస్ట్‌ అపియరెన్స్, ఐటమ్‌ సాంగ్స్‌, నటిగా ఎన్ని రకాల పాత్రలు చేయాలో అన్నీ చేసేసింది. అయినా ఏ తరహా పాత్ర రాయ్‌లక్ష్మీని స్టార్‌ నటిని చేయలేక పోయింది. అయినా అందుకు అలుపెరుగని పోరాటం చేస్తూనే ఉంది.  ఇవన్నీ ఒక ఎత్తు అయితే ఈ బ్యూటీ ఎన్నో ఆశలు పెట్టుకున్న హిందీ చిత్రం జూలీ -2 ఇటీవల విడుదల దిమ్మ తిరిగే షాక్‌ ఇచ్చింది. ఈమె నిజానికి బాలీవుడ్‌ రంగప్రవేశానికి చాలా కాలంగా పోరాడి జూలీ -2 చిత్ర అవకాశాన్ని దక్కించుకుంది. మరో విషయం ఏమిటంటే ఇది ఈ అమ్మడి అర్ధ శత చిత్రం. దక్షిణాదిలో అంతగా ఆశాజనకంగా లేకపోవడంతో జూలీ-2తో బాలీవుడ్‌లో సెటిల్‌ అయిపోదామని ఆశించిన రాయ్‌లక్ష్మీకి ఆ చిత్రం ఘోర నిరాశనే మిగిల్చింది. ఈ చిత్రంలో అందాలు ఆర బోసినా ఫలితం దక్కలేదు. అయితే ఈమె నటనలో విమర్శించదగ్గ అంశం లేకపోయినా కథలోనే క్లారిటీ లేదనే విమర్శలు వెల్లువెత్తుతున్నాయి. హిందీలో తెరకెక్కిన జూలీ -2 చిత్రాన్ని తమిళంలోనూ డబ్‌ చేసి విడుదల చేశారు. సుమారు రూ.30 కోట్ల బడ్జెట్‌తో నిర్మాణం జరిగిన ఈ చిత్రం ఇప్పటికి కేవలం కోటి రుపాయలు మాత్రమే వసూలు చేసిందని గణాంకాలు చెబుతున్నాయి. దీంతో జూలీ-2ను ప్లాప్‌ చిత్రంగా పరిగణించేస్తున్నారు సినీ పండితులు. కాగా తన 50వ చిత్రం ఇలాంటి ఫలితాన్నివ్వడంతో నటి రాయ్‌లక్ష్మీ అనుకున్నదొక్కటీ అయ్యింది ఒక్కటీ అనుకుని తీవ్ర షాక్‌కు గురైందని తెలుస్తోంది.

న్యూఢిల్లీ: రాయ్‌ లక్ష్మీ హీరోయిన్‌గా తెరకెక్కిన సినిమా ’జూలీ 2’.. మరో రెండురోజుల్లో విడుదల కాబోతున్న ఈ సినిమాలోని ఘాటైన సీన్లు సోషల్‌ మీడియాలో లీక్‌ అయ్యాయి.  ఓ హీరోయిన్‌ జీవితకథ ఆధారంగా తెరకెక్కినట్టు భావిస్తున్న ఈ సినిమాతో రాయ్‌లక్ష్మీ బాలీవుడ్‌లోకి అడుగుపెట్టబోతుంది. ఇప్పటికే ఈ సినిమా ట్రైలర్‌లో, టీజర్‌లో రాయ్‌ లక్ష్మీ తన అందాలతో హీటెక్కింది. ఇప్పుడు ఈ సినిమాలో సహ నటుడితో సన్నిహితంగా ఉన్న ఘాటైన సీన్‌ లీకైంది. విడుదలకు ముందే సినిమాలోని సీన్లు లీక్‌ కావడంపై రాయ్‌లక్ష్మీ ఘాటుగా స్పందించింది. ఇలా చేయడం మూర్ఖత్వం అని పేర్కొంది. ‘నేను సినిమా ప్రమోషన్‌లో బిజీగా ఉన్నాను. సీన్లు లీకైన విషయం నాకు తెలియదు. సినిమా విడుదలకు ముందే ఎవరైనా సీన్లు లీక్ చేయడం మూర్ఖత్వం’ అని ఆమె పేర్కొన్నారు. ఈ సినిమాకు సెన్సార్‌ బోర్డు ఏ సర్టిఫికెట్‌ (పెద్దలకు మత్రమే) ఇచ్చింది. సెన్సార్‌ బోర్డు మాజీ చైర్మన్‌ పహ్లాజ్‌ నిహలానీ ఈ సినిమాను సమర్పిస్తుండటం గమనార్హం. గతంలో సినిమాల్లోని ఘాటు సీన్లకు, డైలాగులకు కత్తెరలు వేసి.. సంస్కారీ సెన్సార్‌ బోర్డు చైర్మన్‌గా పేరుతెచ్చుకున్న నిహలానే.. ఘాటైన ‘జూలీ 2’ సినిమాను ప్రమోట్‌ చేస్తుడటంపై బాలీవుడ్‌లో పలువురు విస్మయం వ్యక్తం చేస్తున్నారు. ప్రముఖ హీరోయిన్‌ నగ్మా జీవిత కథ ఆధారంగా ఈ సినిమా తెరకెక్కిందని కథనాలు రాగా.. అది పబ్లిసిటీ స్టంట్‌ మాత్రేనని నగ్మా కొట్టిపారేశారు.  

తమిళసినిమా: నేను ప్రేమలో ఎన్నిసార్లు ఫెయిలయ్యానో తెలుసా? అంటోంది నటి రాయ్‌లక్ష్మి. సంచలనాలకు కేంద్రబిందువుగా ముద్ర పడిన ఈ బహుభాషా నటి తరచూ ఏదో ఇక వివాదాస్పద వ్యాఖ్యలతో కలకలం పుట్టిస్తూనే ఉంటుంది. ఆ మధ్య క్రికెట్‌ క్రీడాకారుడు ధోనీతో డేటింగ్‌ అంటూ రాయ్‌లక్ష్మి గురించి హాట్‌ హాట్‌ ప్రచారం జరిగింది. తాజాగా హిందీ చిత్రం జూలీ–2 చిత్ర ట్రైలర్‌లో మోతాదే మించిన అందాలతో మరో సారి వార్తలో నానుతోంది. ఇటీవల ఈ అమ్మడు ఇచ్చిన భేటీ చూద్దాం. జూలీ–2 చిత్రంలో తాను గ్లామరస్‌గా నటించాననే ప్రచారం జరుగుతోందన్నారు. చిత్ర ట్రైలర్‌ను చూసిన వారు అలా అనుకోవడంలో తప్పులేదని, అయితే చిత్రం పూర్తిగా చూస్తే తన పాత్రను, నటననూ మీరే అయ్యో పాపం అనుకుంటారని అంది. నాన్న చనిపోతాడు. అమ్మ రెండవ పెళ్లి చేసుకుంటుంది.అమ్మ రెండో భర్త తనను బయటకి వెళ్లి సంపాదించకురా అని తరిమేస్తాడని చెప్పింది. అలా ఎంతో కష్టపడి పోరాడి నటిగా నిలదొక్కుకుంటానని చెప్పింది. సినీరంగంలో ఇటీవల అత్యాచారాల గురించి చాలా మంది హీరోయిన్లు బహిరంగంగా వెల్లడిస్తున్నారని అయితే తనకలాంటి అనుభవం ఎదురు కాలేదని చెప్పింది. తనను దర్శకుడు ఆర్‌వీ.ఉదయకుమార్‌ కర్క కచడర చిత్రం ద్వారా కోలీవుడ్‌కు హీరోయిన్‌గా పరిచయం చేశారని, ఆ తరువాత అవకాశాలు లేక  నాలుగేళ్లు పోరాడానని చెప్పింది. ఆ సమయంలో తనకు లైంగిక సంబంధం గురించి నర్మగర్భంగా అర్థంమైందని చెప్పింది.అనుసరించిపోవాలని కొందరు చెప్పారంది. అలా చేస్తే తానిప్పుడు సూపర్‌ హీరోయిన్‌ అయ్యేదానినని అంది. అప్పట్లో తనకు తమిళ భాషలో ఒక్క పదం కూడా తెలిసేది కాదని, తనగురించి ఎవరెవరో తప్పుతప్పుగా ప్రచారం చేసేవారని చెప్పింది. ఇక ప్రేమలో తాను ఐదుసార్లు ఓడిపోయానని తెలిపింది. అలా ఓడిపోయిన ప్రతిసారి గదిలో కూర్చుని ఏడ్చేదానిని అంది. మగవారిలో చాలామంది మంచి వాళ్లు, కొందరు చెడ్డవాళ్లు ఉన్నారని చెప్పింది.నటుడు ఆర్య తనకు చాలా కాలంగా మంచి స్నేహితుడని చెప్పింది. ఇంకా చెప్పాలంటే తను ఒక స్నేహితుడు మాత్రమేనని అంది. తనకు రాజకీయాలు తెలియవని, అందువల్ల రాజకీయరంగంలోకి వచ్చే ఆలోచనే లేదని రాయ్‌లక్ష్మీ స్పష్టం చేసింది.


 ముంబై/చెన్నై: పుష్కరకాలం కిందటే వెండితెరకు పరిచయమైన లక్ష్మీ రాయ్‌.. ఇప్పుడు రాయ్‌ లక్ష్మీ.. మంగళవారం ముంబై, చెన్నై నగరాల్లో హాట్‌ టాపిక్‌గా మారింది. ఆమె నటించిన ‘జూలీ-2’  సినిమా టీజర్ ట్రైలర్‌‌.. గడిచిన కొద్దిగంటలుగా ఆ రెండు నగరాల్లో సోషల్‌ మీడియా ట్రెండింగ్‌గా నిలిచింది.
 
 బాలీవుడ్‌ ప్రేక్షకుల్లో రాయ్‌ లక్ష్మీ పేరు తెలియనివాళ్లు సైతం ‘జూలీ-2’కు ఫిదా అయిపోయామంటూ ట్వీట్ల వర్షం కురిపిస్తున్నారు. ‘ముంబైలో విపరీతమైన వర్షం కురుస్తోంది.. దానికి ఏమాత్రం తక్కువ కాకుండా ‘జూలీ-2’ టీజర్‌ వాట్సప్‌లో వరదలా ప్రవహిస్తోంది..’  అంటూ అభిమానులు చేస్తోన్న కామెంట్లను హీరోయిన్‌ రీట్వీట్లుగా మలుస్తున్నారు.
 
 థ్రిల్లర్‌ జానర్‌లో రూపుదిద్దుకున్న ‘జూలీ-2’కు దీపక్‌ శివ్‌దాసాని దర్శకనిర్మాత. 2004లో నేహా ధూపియా నటించిన ‘జూలీ’  సినిమాకు సీక్వెల్‌ ఇది. కొత్త జూలీగా రాయ్‌ లక్ష్మీ, ఇతర ప్రధాన పాత్రల్లో రతి అగ్నిహోత్రి, సాహిల్‌ సలాతియా, ఆదిత్య శ్రీవాస్తవ, రవి కిషన్‌, పంకజ్‌ త్రిపాఠి, నిశికాంత్‌ కామత్‌లు నటించారు.
 
 రాయ్‌ లక్ష్మీ 2015లో ‘జూలీ-2’కు సైన్‌ చేసినప్పటినుంచే ఈ సినిమాపై ట్రేడ్‌ వర్గాల్లో ఆసక్తినెలకొంది. ఇవాళ విడుదలైన టీజర్‌లో లక్ష్మీ ప్రదర్శించిన బోల్డ్‌నెస్‌.. జూలీ-2 మార్కెట్‌ను పీక్స్‌కు తీసుకెళుతుందనడంలో సందేహంలేదు. సెప్టెంబర్‌ 4న ఈ సినిమా ప్రపంచ వ్యాప్తంగా విడుదలకానుంది.