న్యూఢిల్లీ: చైనాకు చెందిన ప్రముఖ మొబైల్ హ్యాండ్‌సెట్స్ తయారీ కంపెనీ ‘లెనొవొ’ తాజాగా తన ‘కే’ సిరీస్‌లోనే ‘కే6 పవర్’ అనే మరొక కొత్త స్మార్ట్‌ఫోన్‌ను మార్కెట్‌లోకి తీసుకువచ్చింది. దీని ధర రూ.9,999గా ఉంది. లెనొవొ కంపెనీ తన ‘కే6 పవర్’ స్మార్ట్‌ఫోన్ల విక్రయాల కోసం ఈ-కామర్స్ దిగ్గజం ఫ్లిప్‌కార్ట్‌తో భాగస్వామ్యం కుదుర్చుకుంది.
 కాగా తాజా కొత్త ఫోన్ల విక్రయాలు డిసెంబర్ 6 నుంచి ప్రారంభంకానున్నవి. ‘కే6 పవర్’లో మెటల్ బాడీ డిజైన్, 5 అంగుళాల ఫుల్ హెచ్‌డీ స్క్రీన్, డాల్బే అట్మాస్ సౌండ్, 1.4 గిగాహెర్ట్జ్‌ఆక్టాకోర్ ప్రాసెసర్, ఫింగర్ ప్రింట్ స్కానర్, 3 జీబీ ర్యామ్, ఆండ్రారుుడ్ మార్ష్‌మాలో ఆపరేటింగ్ సిస్టమ్, 13 ఎంపీ రియర్ కెమెరా, 8 ఎంపీ ఫ్రంట్ కెమెరా, 32 జీబీ ఇంటర్నల్ మెమరీ, 4,000 ఎంఏహెచ్ బ్యాటరీ వంటి పలు ప్రత్యేకతలు ఉన్నట్లు కంపెనీ పేర్కొంది.