హైదరాబాద్‌ : పూర్తి స్థాయి క్రైమ్ థ్రిల్లర్గా తెరకెక్కిన 'ఖాకీ' చిత్రం ప్రముఖ దర్శకుడు శంకర్‌ను అమితంగా ఆకట్టుకుంది. 'ఖాకీ' అద్బుతమైన పోలీస్‌ చిత్రం అని మెచ్చుకున్నారు. ఖాకీ (థిరాన్‌ అధిగరమ్‌ ఒండ్రు) చిత్రం చాలా బాగుందని ట్విట్టర్‌లో పేర్కొన్నారు. డైరెక్టర్‌ వినోద్‌ చిత్రాన్ని అద్భుతంగా తీశారని పొగడ్తలతో ముంచెత్తారు. అద్భుతమైన కథనాన్ని తెరకెక్కించడంలో దర్శకుడు చేసిన ప్రయత్నం సినిమా చూస్తున్నంతసేపు ఉత్కంఠతో కుర్చీ అంచున కూర్చునేలా చేసిందని తెలిపారు. హీరో కార్తీ, సంగీత దర్శకుడు గిబ్రన్‌లతో పాటూ చిత్ర బృందం బాగా కష్టాపడ్డారని కితాబిచ్చారు. Theeran adhigaram 1 - terrific cop movie.. nail biting..seat edge.. excellent efforts and details by director Vinod.. well done karthi Ghibran Dop and the whole team — Shankar Shanmugham (@shankarshanmugh) 25 November 2017


 కాకి అనే పక్షి చుట్టూ తిరిగే కథతో, హార్రర్ సస్పెన్స్ థ్రిల్లర్‌గా తెరకెక్కిన చిత్రం ‘కాకి’. కిరణ్ పత్తికొండ హీరోగా నటించి, నిర్మించిన ఈ చిత్రంలో అశోక్ కుమార్, మేఘశ్రీ ముఖ్యతారలు. మనోన్. యమ్ దర్శకుడు.  ‘‘ ‘కాకి’ అనే టైటిల్ విని చాలా మంది పోలీస్ స్టోరీ అనుకున్నారు. కానీ ఇదొక డిఫరెంట్ స్టోరీ. అనుకున్న దాని కన్నా దర్శకుడు ఈ సినిమాను బాగా తీశారు’’ అని  నిర్మాత తెలిపారు. దర్శకుడు మాట్లాడుతూ- ‘‘దర్శకునిగా తెలుగులో నాకిది తొలి చిత్రం.
 
 ఆద్యంతం ఉత్కంఠభరితంగా సాగే చిత్రమిది. వచ్చే నెలలో విడుదల చేయడానికి సన్నాహాలు చేస్తున్నాం’’ అని చెప్పారు. ఎగ్జిక్యుటివ్ నిర్మాత రొనాల్డ్ రాజ్ ఎస్ విలియమ్స్ కథ అందించిన ఈ చిత్రానికి సంగీతం: అమ్రిత్, కెమెరా: సర్వణ నటరాజన్.


 హారర్ నేపథ్యంలో అందమైన ప్రేమకథగా రూపొందిన చిత్రం ‘కాకి’. అశోక్, మేఘశ్రీ జంటగా అర్పితా క్రియేషన్స్ పతాకంపై పత్తికొండ కిరణ్ నిర్మించిన     ఈ చిత్రానికి మనోన్.ఎం దర్శకుడు. రోనాల్డ్ రాజ్ ఎస్.విలియమ్స్ కథ అందించారు. ఈ చిత్రం షూటింగ్ పూర్తయింది. నిర్మాత మాట్లాడుతూ -‘‘లవ్, హారర్, కామెడీ నేపథ్యంలో సాగే సినిమా ఇది. కొంచెం భయపెడుతూ, కొంచెం నవ్విస్తుంది. హారర్ ప్రధానంగా సాగే ఈ చిత్రంలో వాణిజ్య అంశాలు పుష్కలంగా ఉన్నాయి. కచ్చితంగా అన్ని వర్గాల వారినీ ఆకట్టుకుంటుంది. సెప్టెంబర్‌లో ఈ చిత్రాన్ని విడుదల చేయడానికి సన్నాహాలు చేస్తున్నాం’’ అని తెలిపారు. ఈ చిత్రానికి సంగీతం: అమ్రిత్, సంభాషణలు: వినోద్ శివ, కెమెరా: శరవణ్ నటరాజన్, ఎగ్జిక్యూటివ్ నిర్మాత: రోనాల్డ్ రాజ్ ఎస్. విలియమ్స్.
  


 ‘కాకి’ పేరుతో ప్రేక్షకులను భయపెట్టడానికి ఓ చిత్రం రానుంది. అశోక్, మేఘశ్రీ, శ్రుతీ రామ కృష్ణన్ ముఖ్యతారలుగా అర్పితా క్రియేషన్స్ పతాకంపై మనోన్ యం దర్శకత్వంలో  పత్తికొండ కిరణ్ నిర్మిస్తున్న ఈ చిత్రం షూటింగ్ ఇటీవలే  వైజాగ్‌లో  మొద లైంది. ముహూర్తపు దృశ్యానికి శ్రీమతి సంధ్య స్విచ్చాన్ చేయగా, నిర్మాత  సోదరుడు పత్తికొండ కిశోర్ క్లాప్ నిచ్చారు.
 
 ‘‘లవ్, హర్రర్, థ్రిల్లర్ చిత్రాలకు భిన్నంగా ఆసక్తికరమైన కథతో రూపొందించనున్నాం’’ అని దర్శక, నిర్మాతలు తెలిపారు. ఈ చిత్రానికి ఎగ్జిక్యూటివ్ నిర్మాత, కథకుడు: రోనాల్డ్ రాజ్ ఎస్.విలియమ్స్.