టాలీవుడ్‌లో బేబీ సినిమా ఆడుతోంటే బాలీవుడ్‌లో రాఖీ ఔర్‌ రాణీకి ప్రేమ్‌ కహానీ చిత్రం ఆడుతోంది. జూలై 28న విడుదలైన ఈ సినిమా ఇప్పటివరకు దాదాపు రూ.70 కోట్ల మేర కలెక్షన్స్‌ రాబట్టింది. సెంచరీ దాటేసి రికార్డులు సృష్టించాలన్న కసితో ఏదో ఒకరకంగా ప్రమోషన్స్‌ చేస్తూనే ఉంది చిత్రయూనిట్‌. తాజాగా ఈ సినిమా దర్శకనిర్మాత కరణ్‌ జోహార్‌ ముంబైలో ప్రెస్‌మీట్‌ పెట్టాడు. ఈ సందర్భంగా ఆయన తన వ్యక్తిగత విషయాల గురించి మాట్లాడాడు.  'నేను మా అమ్మకు లోదుస్తులు కొనిస్తాను. అదేమీ అంత సిగ్గుపడాల్సిన విషయం కాదు. కానీ నా స్నేహితులు మాత్రం తనకోసం షాపింగ్‌ చేస్తున్నప్పుడు తెగ భయపడిపోతారు. ఎవరికైనా అమ్మాయికి చెప్పి తనతో కొనిపించవచ్చుకదా అని సూచిస్తారు. మా అమ్మ నన్ను తీసుకురమ్మని చెప్పినప్పుడు నేను ఇంకొకరికి అజమాయిషీ చేయడమెందుకు? మా అమ్మకు ఇప్పుడు 81 ఏళ్లు. తనకు ఏది కావాలన్నా నేనే స్వయంగా వెళ్లి తీసుకొస్తాను. అది లోదుస్తులే కావచ్చు, మరేదైనా కావచ్చు. కానీ అందరూ దాన్ని అసౌకర్యంగా ఫీలవుతారు' అని చెప్పుకొచ్చాడు కరణ్‌ జోహార్‌. రాఖీ ఔర్‌ రాణీకి ప్రేమ్‌ కహానీ సినిమా విషయానికి వస్తే.. ఇందులో రణ్‌వీర్‌ సింగ్‌, ఆలియా భట్‌ ప్రధాన పాత్రల్లో నటించారు. ఇందులో షబానా అజ్మీ, ధర్మేంద్ర, జయా బచ్చన్‌ ముఖ్యపాత్రలు పోషిస్తారు. వయాకామ్‌18 స్టూడీయోస్‌, ధర్మ ప్రొడక్షన్స్‌ బ్యానర్‌పై హిరు యాష్ జోహార్, కరణ్‌ జోహార్, అపూర్వ మెహతా నిర్మించారు. ప్రీతమ్‌ చక్రవర్తి సంగీతం అందించగా మనూశ్‌ నందన్‌ సినిమాటోగ్రాఫర్‌గా వ్యవహరించాడు. చదవండి: గతేడాది ప్రియుడితో పెళ్లి.. ఇంతలోనే నటికి అన్యాయం చేస్తూ.. బేబీ హీరోయిన్‌కు బంపరాఫర్‌

బాలీవుడ్ దర్శకుడు, చిత్రనిర్మాత కరణ్ జోహార్ గతేడాది బ్రహ్మస్త్ర సినిమాతో బ్లాక్ బస్టర్ హిట్ సాధించారు. ఆలియా భట్, రణ్‌బీర్ కపూర్ జంటగా తెరకెక్కిన ఈ చిత్రం బాక్సాఫీస్‌ను షేక్ చేసింది. అయితే ఇటీవల ఓ ఇంటర్వ్యూలో ఓ ఆసక్తికర విషయాన్ని వెల్లడించారు. 2012లో అలియా భట్, వరుణ్ ధావన్, సిద్ధార్థ్ మల్హోత్రా నటించిన స్టూడెంట్ ఆఫ్ ది ఇయర్ తనకు తీవ్ర నష్టాన్ని మిగిల్చిందన్నారు. ఆ సినిమాతో దాదాపు రూ.20 కోట్లు నష్టపోయామని కరణ్ జోహార్ వెల్లడించారు. ఈ చిత్రం బాక్సాఫీస్ వద్ద సూపర్‌హిట్ అయినప్పటికీ ఆర్థికంగా భారీ నష్టం వాటిల్లిందని తెలిపారు.  కరణ్ దర్శకత్వం వహించిన 'స్టూడెంట్ ఆఫ్ ది ఇయర్' బాక్సాఫీస్ వద్ద రూ. 70 కోట్లు వసూలు చేసింది. అయినప్పటికీ ఈ చిత్రంపై ఎక్కువ ఖర్చు చేయడం వల్ల రూ.20 కోట్ల నష్టాన్ని చవిచూడాల్సి వచ్చిందన్నారు. అయితే 'స్టూడెంట్ ఆఫ్ ది ఇయర్' కంటే ముందు ఆలియా, వరుణ్, సిద్ధార్థ్‌లతో మరో 3 చిత్రాలకు ఒప్పందం కుదుర్చుకున్నట్లు తెలిపారు. మిగిలిన చిత్రాలను తక్కువ బడ్జెట్‌తో చేయడంతో నష్టం తిరిగి వచ్చిందని చిత్రనిర్మాత వెల్లడించాడు. సిద్ధార్థ్ 'హసీతో ఫసీ'లో నటించగా, అలియా, వరుణ్ 'హంప్టీ శర్మ కీ దుల్హనియా' చిత్రంలో నటించారు. కరణ్ నిర్మించిన '2 స్టేట్స్'లో  ఆలియా కథానాయికగా నటించిందని పేర్కొన్నారు. కరణ్ జోహార్ ప్రాజెక్ట్‌లు కరణ్ జోహార్ 'రాకీ ఔర్ రాణి కి ప్రేమ్ కహానీ' సినిమాను తెరకెక్కిస్తున్నారు. రణ్‌వీర్ సింగ్, ధర్మేంద్ర, షబానా అజ్మీ, జయా బచ్చన్‌, అలియా నటిస్తోన్న ఈ చిత్రం ఫ్యామిలీ ఎంటర్‌టైనర్‌గా నిర్మిస్తున్నారు. ఈ చిత్రం ఏప్రిల్ 28, 2023న ప్రేక్షకుల ముందుకు రానుంది.  

బాలీవుడ్ స్టార్ డైరెక్టర్ అయాన్ ముఖర్జీ దర్శకత్వంలో తెరకెక్కిన విజువల్ వండర్ బ్రహ్మస్త్ర.  ఈ చిత్రంలో రణ్‌బీర్ కపూర్, అలియా భట్ జంటగా నటించారు. ఈ సినిమా బాక్సాపీస్ వద్ద సక్సెస్ సాధించింది. సెప్టెంబర్ 9న పాన్ ఇండియా స్థాయిలో విడుదలై హిట్ టాక్ తెచ్చుకుంది. ఈ సినిమాలో టాలీవుడ్ కింగ్ నాగార్జున, బాలీవుడ్ సీనియర్ నటుడు అమితాబ్ బచ్చన్ కీలక పాత్రలు పోషించారు. కరణ్ జోహార్ ఈ చిత్రానికి నిర్మాతగా వ్యవహరించారు. ప్రస్తుతం ఓటీటీలో ఈ చిత్రం సందడి చేస్తోంది. (చదవండి: ఓటీటీకి వచ్చేసిన బ్రహ్మాస్త్ర మూవీ, అక్కడ అర్థరాత్రి నుంచి స్ట్రీమింగ్‌) అత్యంత భారీ బడ్జెట్ చిత్రంగా నిర్మించడమే కాకుండా. రెండు భాగాలుగా తీసుకొస్తున్నట్లు అయాన్ ముఖర్జీ గతంలోనే ప్రకటించారు. త్వరలోనే బ్రహ్మస్త్ర పార్ట్-2 షూటింగ్ పనులను ప్రారంభించబోతున్నట్లు తెలుస్తోంది. బ్రహ్మాస్త్ర పార్ట్ -2పై సోషల్ మీడియాలో పలు రకాల రూమర్లు వచ్చాయి. ముఖ్యంగా ఈ సినిమాలో దేవ్ పాత్రలో పలువురు హీరోలు నటించబోతున్నారని వార్తలు హల్‌చల్‌ చేశాయి. దేవ్ పాత్రలో రణవీర్, యశ్, హృతిక్ రోషన్ వంటి హీరోలు నటిస్తున్నారని ఇప్పటికే ఎంతో మంది పేర్లు బయటకు వచ్చాయి. తాజాగా చిత్ర నిర్మాత కరణ్ జోహార్ విజయ్ దేవరకొండ పేరును సూచించినట్లు గుసగుసలు వినిపిస్తున్నాయి. లైగర్ హీరో విజయ్ దేవరకొండను బ్రహ్మాస్త్ర-2లో తీసుకోవడానికి నిర్మాత ఆసక్తి చూపిస్తున్నట్లు సమాచారం. అయితే ఈ వార్తలపై డైరెక్టర్ అయాన్ ముఖర్జీ స్పందించారు. బ్రహ్మాస్త్ర సినిమాలో దేవ్ పాత్రపై వస్తున్న హైప్ చూస్తుంటే చాలా సంతోషంగా ఉంది. ఇటీవల హృతిక్, రణవీర్, యశ్ నటిస్తున్నారని వార్లలొచ్చాయి. అందుకే ఈ పాత్రలో ప్రభాస్ నటిస్తున్నారని చెప్పిన ఆశ్చర్య పోవాల్సిన అవసరం లేదంటూ అయాన్ వ్యంగ్యంగా మాట్లాడారు. దేవ్ పాత్రలో ఎవరు నటిస్తారనే విషయం ఇంకా ఫైనల్ కాలేదని తెలిపారు. విజయ్ దేవరకొండ నటిస్తున్నారనే విషయంలో కూడా ఏమాత్రం వాస్తవం లేదన్నారు. డైరెక్టర్ కామెంట్స్‌తో దేవ్ పాత్రపై వస్తున్న వార్తలకు చెక్ పడింది. 

Rocky Aur Raniki Prem Kahani: ఏడేళ్ల సుధీర్ఘ కాలం తర్వాత మళ్లీ 'లైట్స్‌ ఆఫ్‌, రోలింగ్‌, యాక్షన్' అని చెప్పబోతున్నారు బాలీవుడ్‌ దర్శక నిర్మాత కరణ్‌ జోహార్‌. 'రాకీ ఔర్‌ రాణీకి ప్రేమ్‌ కహానీ' సినిమాతో మరోసారి దర్శకత్వం వహిస్తున్నందుకు ఉత్సాహంగా ఉన్నారు. అలియా భట్‌, రణ్‌వీర్ సింగ్‌ ప్రధాన పాత్రల్లో వస్తున్న ఈ సినిమా విడుదల తేదిని నవంబర్ 29న కరణ్‌ సోషల్‌ మీడియా వేదికగా తెలిపారు. అయితే ఈ సినిమాకు తానే దర్శకత్వం వహిస్తున్నట్లు జూలైలోనే పేర్కొన్న సంగతి తెలిసిందే. ఓ వీడియో షేర్‌ చేస్తూ రొమాన్స్‌ డ్రామా ఫిబ్రవరి 10, 2023న రానున్నట్లు పోస్ట్‌ చేశారు. ఆ పోస్టులో '7 సుధీర్ఘ సంవత్సరాల తర్వాత నేను ఇక్కడకు రావడం నాకు చాలా సంతోషాన్ని ఇచ్చింది. నా తర్వాతి చిత్రం 'రాకీ ఔర్‌ రాణీకి ప్రేమ్‌ కహానీ' కుటుంబ విలువలతో కూడిన ప్రేమకథ ఫిబ్రవరి 10, 2023న విడుదలవనుంది. థియేటర్లలో పూర్తి వినోదాత్మక చిత్రంతో మిమ్మల్ని కలవడానికి సిద్ధంగా ఉన్నాం.' అని రాసుకొచ్చారు కరణ్‌. ఈ చిత్రంలో షబానా అజ‍్మీ, జయ బచ్చన్‌, ధర్మేంద్ర కూడా కీలకపాత్రల్లో నటిస్తున్నారు. సైఫ్‌ అలీ ఖాన్  తనయుడు ఇబ్రహీం అలీఖాన్‌ ఈ సినిమాకు అసిస్టెంట్‌ డైరెక్టర్‌గా పనిచేస్తుండగా, ధర్మ ప్రొడక్షన్స్‌, వయాకామ్‌ 18 స్టూడియోస్‌ నిర్మించాయి.  View this post on Instagram A post shared by Karan Johar (@karanjohar) View this post on Instagram A post shared by Karan Johar (@karanjohar)

పనాజీ: బాలీవుడ్‌ టాప్‌ ప్రొడ్యూసర్‌ కరణ్‌ జోహార్‌ మరో వివాదంలో చిక్కుకున్నారు. ధర్మ ప్రొడక్షన్స్‌‌ సిబ్బంది గత వారం గోవాలోని ఓ గ్రామంలో షూటింగ్‌ చేశారు. ఈ క్రమంలో పోగయిన చెత్తని ఆ‌ గ్రామంలో పడేసి వెళ్లారు. ఈ ఘటన ఉత్తర గోవా నిరుల్‌లో చోటు చేసుకుంది. ప్రాంత వాసులు తమ ఏరియాలో చెత్త పడేయటాన్ని వీడియో తీసి సోషల్‌ మీడియాలో షేర్‌ చేయడంతో ఈ సంఘటన వెలుగులోకి వచ్చింది. దాంతో ఇంత బాధ్యతారహితంగా ప్రవర్తించినందుకు క్షమాపణలు చెప్పాల్సిందిగా గోవా ప్రభుత్వం కరణ్‌ ధర్మ ప్రొడక్షన్స్‌కి నోటీసులు జారీ చేసింది. అలానే విషయం తెలుసుకున్న ప్రభుత్వ ఎంటర్‌టైన్‌మెంట్‌ సొసైటీ ఆఫ్‌ గోవా ధర్మ ప్రొడక్షన్స్‌ లైన్‌ ప్రొడ్యూసర్‌ దిలీప్‌ బోర్కర్‌కి మంగళవారం షోకాజ్‌ నోటీసులు జారీ చేసింది. ఈ క్రమంలో గోవా వ్యర్థ పదార్థాల నిర్వహణ మంత్రి మైఖేల్ లోబో మాట్లాడుతూ... ‘ధర్మ ప్రొడక్షన్స్‌ సిబ్బంది ఈ స్థలంలో చెత్త పడేసి తమ దారిన తాము పోయారు. శుభ్రం చేయలేదు. ఇందుకు గాను వారు రాష్ట్ర ప్రజలకు క్షమాపణలు చెప్పాలి. ఫేస్‌బుక్‌ ద్వారా తమ తప్పును ఒప్పుకోవాలి.. క్షమాపణలు కోరాలి. లేకపోతే వారికి జరిమానా విధిస్తాం’ అని హెచ్చరించారు. ఈ చెత్తలో తారాగణం, సిబ్బంది ఉపయోగించిన పీపీఈ కిట్లు కూడా ఉన్నాయి. (చదవండి: మీడియాపై ఆగ్రహం.. కరణ్‌కు మద్దతు) ఇక ఈ సంఘటనపై లైన్స్‌ ప్రొడ్యూసర్‌ దిలీప్‌ బోర్కర్‌ స్పందించారు. ‘మేము నిరుల్‌ ప్రాంతంలో ఓ సినిమా షూటింగ్‌ చేశాం. ప్రతి రోజు చెత్తను సేకరించి స్థానిక పంచాయతీ తెలిపిన ప్రదేశంలో పడేసేవాళ్లం. కాంట్రాక్టర్‌ క్రమం తప్పకుండా చెత్తను సేకరిస్తాడు. కానీ ఆదివారం మాత్రం తీసుకెళ్లలేదు. దాంతో అది అక్కడే ఉంది. దాన్ని వీడియో తీసి సోషల్‌ మీడియాలో అప్‌లోడ్‌ చేశారు అని తెలిపాడు. ఈ చిత్రంలో దీపికా పదుకోనె ప్రధాన పాత్రలో నటించిందని సమాచారం. 

హీరో సుశాంత్‌ సింగ్ రాజ్‌పుత్‌‌ మరణించిన నాటి నుంచి బాలీవుడ్‌లో బంధుప్రీతి, పక్షపాత ధోరణి గురించి తీవ్రమైన చర్చ నడుస్తోన్న సంగతి తెలిసిందే. ఈ క్రమంలో బాలీవుడ్‌ ఫైర్‌ బ్రాండ్‌ కంగనా రనౌత్‌, ఇండస్ట్రీకి చెందిన పలువురు పెద్దల గురించి తీవ్రమైన ఆరోపణలు చేశారు. ముఖ్యంగా కరణ్‌ జోహార్‌, మహేష్‌ భట్‌, ఆలియా భట్‌లపై విమర్శలు కురిపించిన సంగతి తెలిసిందే. ప్రస్తుతం కరణ్‌ జోహర్‌.. కంగనను విమర్శిస్తున్న వీడియో ఒకటి సోషల్‌ మీడియాలో తెగ వైరలవుతోంది. 2017లో జరిగిన ఓ లండన్‌ స్కూల్‌ ఆఫ్‌ ఎకనామిక్స్‌ అంతర్జాతీయ సమావేశం సందర్భంగా కరణ్‌ జోహర్‌.. కంగనను తీవ్రంగా విమర్శించారు. (‘కరణ్‌‌ జోహార్‌‌ను అభిమానిస్తానని చెప్పలేదు’) This the clip Kangana is talking about, Karan telling her to leave and people applauding. He attacked her on an international summit #KanganaSpeaksToArnab pic.twitter.com/ODl0jTHaxe — Navi (@NaviKRStan) July 18, 2020 ఈ వీడియోలో కరణ్‌ ఆడియెన్స్‌ను ఉద్దేశిస్తూ.. ‘కంగన తనను తాను బాధితురాలిగా చెప్పుకోవడానికి.. మహిళననే సానుభూతి పొందడానికి ప్రయత్నిస్తుంటారు. ప్రతి సారి తనని తాను బాధితురాలిగా చెప్పుకుంటూ.. ఇండస్ట్రీ ఆమెని ఎలా బెదిరించదో వివరించే విషాదకర కథలు చెప్పుకుంటూ ఉంటారు. తుపాకీతో బెదిరించి మరి నటించమని మిమ్మల్ని ఎవరూ బలవంతం చేయడం లేదు కదా. ఇండస్ట్రీని వదిలి వెళ్లండి.. వేరే పని చేసుకొండి’ అంటూ తీవ్ర విమర్శలు చేశారు కరణ్‌. అంతేకాక ప్రతిసారి అవతలి మనిషి ఇగోను రెచ్చగొడితే ఇలాంటి పరిణామాలే ఎదుర్కొవాల్సి వస్తుందన్నారు కరణ్‌. ప్రస్తుతం ఈ వీడియో సోషల్‌ మీడియాలో తెగ వైరలవుతోంది. ఇదిలా ఉండగా.. సుశాంత్‌ సింగ్‌ ఆత్మహత్య విషయంలో తన విమర్శలను నిరూపించుకోలేకపోతే, పద్మశ్రీ అవార్డును ఉంచుకునే అర్హత తనకుండదని కంగనా పేర్కొన్న సంగతి తెలిసిందే.

బాలీవుడ్‌ నటుడు సుశాంత్‌ సింగ్ రాజ్‌పుత్‌‌ ఆత్మహత్య చేసుకుని మరణించిన ఘటనలో ప్రముఖ నిర్మాత కరణ్‌ జోహార్‌ తీవ్ర విమర్శలు ఎదుర్కొన్న సంగతి తెలిసిందే. ఈ చర్యలతో కరణ్‌ తీవ్రంగా కలత చెందాడని.. ఏడుస్తూనే ఉన్నాడని అతడి సన్నిహితుడు ఒకరు మీడియాకు వెల్లడించారు. అయితే ఈ వ్యాఖ్యలపై కూడా నెటిజనులు ఆగ్రహం వ్యక్తం చేస్తున్నారు. ఇంత జరిగినా ఇంకా చీప్‌ పబ్లిసిటీ స్టంట్‌లు మానరా అంటూ ట్రోల్‌ చేస్తున్నారు. అభిమానులు ఇంతలా మండిపడటానికి కారణం ఉంది. ఏంటంటే బుధవారం నీతూ కపూర్‌ పుట్టినరోజు. ఈ సందర్భంగా నిర్వహించిన వేడుకలకు కరణ్‌ జోహార్‌ హాజరయ్యాడు. ఇందుకు సంబంధించిన ఫోటోలు సోషల్‌ మీడియాలో షేర్‌ చేశారు. అవి కాస్త కరణ్‌జోహార్‌ స్నేహితుడి వ్యాఖ్యల తర్వాత పబ్లిష్‌ అయ్యాయి. దాంతో అడ్డంగా బుక్కయ్యి విమర్శల పాలవుతున్నాడు కరణ్‌ జోహార్‌. (సల్మాన్‌, కరణ్‌లపై పిటిషన్‌ కొట్టివేత) ఈ ఫోటోలు చూసిన నెటిజనులు ‘ఓ పాపం కరణ్‌ జోహార్‌ మాట్లాడే పరిస్థితుల్లో లేడు. అతడి స్నేహితుడు కాల్‌ చేసిన ప్రతిసారి అతడు ఏడుస్తూనే ఉన్నాడు. అదే నిజమయితే.. నీతూ కపూర్‌ పుట్టినరోజు వేడుకలకు హాజరై.. నవ్వుతూ ఎంజాయ్‌ చేసిన వ్యక్తి ఎవరు. మళ్లీ చీప్‌ ప్లబ్లిసిటీ స్టంట్‌ ప్లే చేశారు. బాలీవుడ్‌ సిగ్గుపడు’ అంటూ అభిమానులు ఆగ్రహం వ్యక్తం చేస్తున్నారు.    Oh really! 🤣🤣 Karan is not in a condition to speak ? He cries everytime his friends call him! Then who is this person smiling and celebrating Neetu Kapoor's Birthday! Again cheap PR Stunts!! Shame on you bollywood!#SCOrderCBIForSSR #WhyDelayInCBIForSSR pic.twitter.com/c5BOQBJsYY — Soha Patel (@patelsoha18) July 9, 2020 సుశాంత్‌ ఆత్మహత్య తర్వాత బాలీవుడ్‌లో పాతుకుపోయిన బంధుప్రీతి గురించి మరోసారి చర్చకు వచ్చింది. ఈ క్రమంలో నెటిజనులు కరణ్‌ జోహార్‌, ఆలియా భట్‌,  సోనాక్షి సిన్హా, సోనమ్ కపూర్, సల్మాన్ ఖాన్‌లను తీవ్రంగా ట్రోల్‌ చేసిన సంగతి తెలిసిందే.


 ఈరోజు మీతో పాటు పుట్టిన రోజు జరుపుకుంటున్న ప్రముఖులు: కరణ్ జోహార్ (బాలీవుడ్ దర్శకుడు), కార్తి  (నటుడు)
 ఈరోజు పుట్టిన రోజు జరుపుకుంటున్న వారి సంవత్సర సంఖ్య 2. వీరికి ఈ సంవత్సం ఒడుదొడుకులు ఎదురయే అవకాశం ఉంది. బలమైన ప్రయత్నాలతోనే విజయం సాధిస్తారు. వృత్తి ఉద్యోగాలలో ఒత్తిడి ఎదురవుతుంది. తల్లితరఫు వారినుంచి, భార్య తరఫు వారి నుంచి మేలు జరుగుతుంది. ఆధ్యాత్మిక కార్యకలాపాలలో పాల్గొంటారు.
 
 పుణ్యక్షేత్ర సందర్శన చేస్తారు. సిద్ధపురుషుల ఆశీస్సులు లభిస్తాయి. సైన్స్, మెడిసిన్ విద్యార్థులకు ఇది మంచి సమయం. విదేశాలలో చదువుకోవాలనుకునేవారి కల నెరవేరుతుంది. విదేశాలలో ఉద్యోగాల కోసం చేసే ప్రయత్నాలు ఫలిస్తాయి. ఆర్థిక విషయంలో కొద్దిపాటి ఒడుదొడుకులున్నప్పటికీ, ఆందోళన పడవలసిన పనిలేదు.
  
 లక్కీనంబర్స్:1,2,6,7 లక్కీ కలర్స్: రోజ్, వైట్; సిల్వర్, గ్రే లక్కీ డేస్:ఆది, సోమ, శుక్రవారాలు.
 సూచన: సాయిబాబా లేదా దత్త దర్శనం చేసుకోవడం, గోవిందనామాలు పారాయణ చేయడం, సుబ్రహ్మణ్యేశ్వరారాధన, పేద విద్యార్థులకు అన్నదానం, ఆర్థిక సాయం చేయడం.
 - డాక్టర్ మహమ్మద్ దావూద్, సంఖ్య, జ్యోతిష శాస్త్ర నిపుణులు