జైపూర్‌: 19 ఏళ్ల క్రితం రాజస్తాన్‌ అల్వార్‌కు చెందిన రవి మోహన్ సైనీ అనే 14 ఏళ్ల కుర్రాడి పేరు దేశవ్యాప్తంగా మారుమోగిపోయింది. హిందీలో బాగా ప్రసిద్ధి చెందిన ‘కౌన్‌ బనేగా కరోడ్‌పతి’(కేబీసీ) షోలో మొత్తం 15 ప్రశ్నలకు సరైన సమాధానం చెప్పి.. ప్రైజ్‌ మనీ రూ. కోటి సొంతం చేసుకున్నాడు. ఆ కుర్రాడు ప్రస్తుతం పోర్బందర్‌లో పోలీసు సూపరింటెండెంట్(ఎసస్పీ)‌గా విధులు నిర్వహిస్తున్నాడు. రవి పదో తరగతి చదువుతుండగా ‘కేబీసీ జూనియర్‌’ కార్యక్రమంలో పాల్గొన్నాడు. అమితాబ్‌ బచ్చన్‌ హోస్ట్‌గా ఉన్న ఈ షోలో మొత్తం 15 ప్రశ్నలకు సమాధానం చెప్పి ప్రైజ్‌ మనీ రూ.కోటి గెలుచుకుని ఎందరికో ఆదర్శంగా నిలిచాడు రవి. ఓ ఆంగ్ల మీడియా సంస్థ 2017లో అతడిని  ఇంటర్వ్యూ చేసింది.(అన్ని జాగ్రత్తలు తీసుకున్నాం)  ఈ సందర్భంగా రవి మాట్లాడుతూ ‘‘కేబీసీ’లో గెలిచిన నాలుగేళ్ల తర్వాత నాకు ప్రైజ్‌ మనీ అందింది. షో నియమం ప్రకారం 18 ఏళ్లు నిండిన తర్వాతే డబ్బు ఇచ్చారు. ట్యాక్స్‌ పోను ప్రైజ్‌ మనీ రూ.కోటిలో 69 లక్షల రూపాయలు నాకు దక్కాయి’ అని తెలిపాడు. తండ్రిని ఆదర్శంగా తీసుకున్న రవి.. పోలీసు డిపార్ట్‌మెంట్‌లో చేరాలనుకున్నాడు. ఈ మేరకు యూనియన్‌ పబ్లిక్‌ సర్వీస్‌ కమిషన్(యూపీఎస్సీ)‌ పరీక్షలకు హాజరయ్యాడు. అనేక ప్రయత్నాల తర్వాత 2014లో కోరుకున్న ఉద్యోగంలో చేరాడు. ఇండియన్‌ పోలీస్‌ సర్వీస్‌కు సెలక్టయిన రవి గుజరాత్‌లో విధులు నిర్వహిస్తున్నాడు. రాజ్‌కోట్‌లో డిప్యూటీ కమిషనర్‌గా పని చేస్తున్న ఆయనకు మూడు రోజుల క్రితం పోర్బందర్ బాధ్యతలు అప్పగించారు.(రాధిక శరత్‌కుమార్‌ సరికొత్త అవతారం..)

ఎవరైనా పని లేని వాళ్లు ఉంటే తన మీద మరిన్ని మీమ్స్‌ సృష్టించాలని కోరుతున్నారు బాలీవుడ్‌ భామ సోనాక్షి సిన్హా. మీమ్స్‌ను పిచ్చిగా ప్రేమిస్తానని...తన మీద జోకులు వేయడాన్ని ఆస్వాదిస్తానని పేర్కొన్నారు. ఇంతకీ విషయమేమిటంటే.. అమితాబ్‌ హోస్ట్‌గా నిర్వహిస్తున్న కౌన్‌ బనేగా కరోడ్‌పతి షోలో సోనాక్షి ఇటీవల పాల్గొన్నారు. ఈ సందర్భంగా హాట్‌సీట్‌లో కూర్చున్న సోనాక్షికి బిగ్‌ బీ...ఎవరికోసం హనుమంతుడు సంజీవని పర్వతాన్ని తీసుకొచ్చాడు? అని ప్రశ్న సంధించాడు. ఇందుకు.. ఏ. సుగ్రీవుడు, బి.లక్ష్మణుడు, సీ. సీత, డీ. రాముడు అని నాలుగు ఆప్షన్లు ఇచ్చాడు కూడా. అయితే సోనాక్షి మాత్రం ఈ ప్రశ్నకు సమాధానం చెప్పలేక లైఫ్‌లైన్‌ను ఉపయోగించుకున్నారు. ఇక అప్పటి నుంచి సోషల్‌ మీడియా వేదికగా నెటిజన్లు ఆమెను ఓ ఆట ఆడుకుంటున్నారు. ఇంత చిన్న ప్రశ్నకు సమాధానం తెలియదా అంటూ ట్రోల్‌ చేస్తున్నారు. వీటిపై హుందాగా స్పందించిన.. ‘ప్రియమైన ట్రోల్స్‌...నాకు పైథాగరస్‌ సిద్ధాంతం, మర్చంట్‌ ఆఫ్ వెనిస్‌, పిరియాడిక్‌ టేబుల్‌, మొఘల్‌ వంశం.. ఇంకా చాలా చాలా గుర్తుకులేవు. అసలు గుర్తులేని విషయాలేంటో కూడా మర్చిపోయాను. మీకు పనేమీ లేకపోతే..ఈ విషయలాన్నింటిపై మీమ్స్‌ సృష్టించండి. ఐ లవ్‌ మీమ్స్‌ అంటూ ఘాటు సమాధానమిచ్చారు. ఈ ట్వీట్‌పై స్పందించిన సోనాక్షి అభిమానులు..భలే కౌంటర్‌ ఇచ్చారు మేడమ్‌ అంటూ కామెంట్లు చేస్తున్నారు.  Dear jaage hue trolls.I don't even remember the Pythagoras theorem,Merchant of Venice,Periodic Table,Chronology of the Mughal Dynasty,aur kya kya yaad nahi woh bhi yaad nahi. Agar aapke paas koi kaam nahi aur Itna time hai toh please yeh sab pe bhi memes banao na. I love memes 😂 — Sonakshi Sinha (@sonakshisinha) September 21, 2019

ముంబై: దేశంలో రామాయణం, మహాభారతం గురించి తెలియని చాలా తక్కువగా ఉంటారు. హిందు మత ఇతిహాసాలైన ఈ గ్రంథాల గురించి.. సినిమాలు, సీరియళ్లతోపాటు నవలలు ఇప్పటికీ వెలువడుతూనే ఉన్నాయి. కానీ, రామాయణానికి సంబంధించి ఓ చిన్న ప్రశ్నకు ప్రముఖ బాలీవుడ్‌ నటి సోనాక్షి సిన్హా సమాధానం చెప్పలేకపోయారు. ఇటీవల ఆమె ప్రముఖ క్విజ్‌ రియాలిటీ షో కౌన్‌ బనేగా కరోడపతిలో పాల్గొన్నారు. గత రాత్రి ప్రసారమైన ఈ షోలో ‘హాట్‌ సీట్‌’లో కూర్చున్న సోనాక్షిని హోస్ట్‌ అమితాబ్‌ బచ్చన్‌ రామాయణానికి సంబంధించి ఓ ప్రశ్న అడిగారు. ఎవరికోసం హనుమంతుడు సంజీవని పర్వతాన్ని తీసుకొచ్చాడు? అని అడిగిన అమితాబ్‌..  ఏ. సుగ్రీవుడు, బీ.లక్ష్మణుడు, సీ. సీత, డీ. రాముడు అని నాలుగు ఆప్షన్లు ఇచ్చారు.  సోనాక్షి మాత్రం ఈ ప్రశ్న సమాధానం చెప్పలేక.. ఒక లైఫ్‌లైన్‌ను ఉపయోగించుకున్నారు. దీంతో ఇంత చిన్న ప్రశ్నకు సమాధానం తెలియదా? అంటూ సోషల్‌ మీడియాలో నెటిజన్లు ఆమెను ట్రోల్‌ చేస్తున్నారు. జనరల్‌ నాలెడ్జ్‌ ప్రశ్నల ఆధారంగా సాగే క్విజ్‌ షో అయిన కౌన్‌ బనేగా కరోడపతి షోకు దేశవ్యాప్తంగా మంచి ఆదరణ ఉంది. 

ముంబై : బాలీవుడ్‌ నటి అనుష్కశర్మను బిగ్‌బీ అమితాబ్‌ బచ్చన్‌ సరదాగా ఆటపట్టించాడు. సూయిదాగా మూవీ ప్రమోషన్స్‌లో భాగంగా  అనుష్క.. కోస్టార్‌ వరుణ్‌ ధావన్‌తో అమితాబ్‌ ’కౌన్‌ బనేగా కరోడ్‌ పతి’ ప్రోగ్రామ్‌కు హాజరయ్యారు. ఈ సందర్భంగా కంటెస్టెంట్‌తో హాట్‌ సీట్‌లో కూర్చున్న అనుష్కను కోహ్లి ఫ్లయింగ్‌ కిస్‌  బిగ్‌బీ సరదాగా టీజ్‌ చేశాడు. కంటెస్టెంట్‌ను క్రికెట్‌ చూస్తారా అని అడగగా.. ఆమె తనకు అర్థం కాదని తెలిపారు. దీంతో వెంటనే బిగ్‌బీ అనుష్క చూస్తుంది తెలుసా అన్నాడు. దీనికి అనుష్క మా భర్త క్రికెటర్‌ అని కంటెస్టెంట్‌కు వివరించే ప్రయత్నం చేసింది. దీనికి బిగ్‌బీ ‘ అనుష్కా.. నీవు కోహ్లి కోసమే క్రికెట్‌ చూస్తావా?’ అని ప్రశ్నించాడు. దీనికి లేదు..దేశం కోసం చూస్తానని అనుష్క స్పష్టం చేసింది. ఆ వెంటనే బిగ్‌బీ ‘ విరాట్‌ బ్యాట్‌ నుంచి నీకు వచ్చే ముద్దులను మేం చూస్తున్నాం’  అని ఆటపట్టించాడు. దీంతో అక్కడ నవ్వులు పూసాయి. ప్రస్తుతం ఈ ప్రొమో వైరల్‌ అయింది. ఇక మైదానంలో సెంచరీలు సాధించినప్పుడల్లా కోహ్లి తన సతీమణి అనుష్కకు బ్యాట్‌తో ముద్దులు ఇస్తూ అలరిస్తాడన్న విషయం తెలిసిందే.


 ముంబయి : బాలీవుడ్ బిగ్ బి అమితాబ్ బచ్చన్ ఇంతకాలం ఓ విషయాన్ని దాచిపెట్టారు. దాచిపెట్టిన ఆ విషాయాన్ని ఆయన ఎట్టకేలకు బయటపెట్టారు. అమితాబ్ నిర్వహణలో 2000లో మొదలైన కౌన్ బనేగా కరోడ్పతి కార్యక్రమానికి ముందు  చేసిన పరీక్షల్లో ఆయనకు క్షయా (టీబీ) ఉన్నట్లు వెల్లడైందట. క్షయపై ఆదివారం ముంబయిలో అవగాహన ప్రచారం ప్రారంభించిన అమితాబ్ ఈ విషయాన్ని తెలిపారు. అయితే ఆ వ్యాధిన నుంచి బయటపడినట్లు ఆయన వెల్లడించారు.