Virat Kohli Century India Vs Australia: రికార్డుల రారాజు విరాట్‌ కోహ్లి అంతర్జాతీయ క్రికెట్‌లో 75 సెంచరీలు పూర్తి చేసుకున్నాడు. తనకిష్టమైన ఫార్మాట్లో.. తనకిష్టమైన ప్రత్యర్థి ఆస్ట్రేలియాపై శతకంతో అరుదైన మైలురాయిని చేరుకున్నాడు. బోర్డర్‌- గావస్కర్‌ ట్రోఫీ-2023 సిరీస్‌లో భాగంగా నాలుగో టెస్టులో ఈ ఫీట్‌ నమోదు చేశాడు. ఉద్వేగానికి లోనైన కోహ్లి అహ్మదాబాద్‌లో నాలుగో రోజు ఆటలో భాగంగా 241 బంతుల్లో 100 పరుగులు స్కోరు చేసి దాదాపు 40 నెలలుగా ఊరిస్తున్న 28వ టెస్టు సెంచరీ సాధించాడు. అభిమానుల సుదీర్ఘ నిరీక్షణకు తెరదించి టెస్టుల్లో కింగ్‌ కోహ్లి కమ్‌బ్యాక్‌ ఇచ్చాడు. ‌దీంతో స్టేడియం మొత్తం కోహ్లి నామస్మరణతో మారుమ్రోగిపోయింది. ఈ క్రమంలో కోహ్లి బ్యాట్‌తో అభివాదం చేస్తూ ఉద్వేగానికి లోనయ్యాడు. వాళ్ల తర్వాత కోహ్లికే సాధ్యమైంది కాగా ఆస్ట్రేలియాపై కోహ్లికి ఇది ఓవరాల్‌గా 16వ సెంచరీ. టెస్టుల్లో 8వది. ఈ క్రమంలో ఒక ప్రత్యర్థి జట్టుపై అత్యధిక శతకాలు సాధించిన బ్యాటర్ల జాబితాలో విరాట్‌ కోహ్లి మూడో స్థానంలో నిలిచాడు. టీమిండియా దిగ్గజం సచిన్‌ టెండుల్కర్‌ , ఆస్ట్రేలియా లెజెండ్‌ డాన్‌ బ్రాడ్‌మన్‌ తర్వాతి స్థానాన్ని ఆక్రమించాడు. ఒకే ప్రత్యర్థిపై అత్యధిక అంతర్జాతీయ సెంచరీలు సచిన్‌ టెండుల్కర్‌- ఆస్ట్రేలియా మీద- 20 డాన్‌ బ్రాడ్‌మన్‌- ఇంగ్లండ్‌ మీద- 19 సచిన్‌ టెండుల్కర్‌- శ్రీలంక మీద- 17 విరాట్‌ కోహ్లి- ఆస్ట్రేలియా మీద 16* విరాట్‌ కోహ్లి- శ్రీలంక మీద- 16. చదవండి:  WTC Final: టీమిండియాతో రేసులో దూసుకొస్తున్న లంక.. కివీస్‌ అద్భుతం చేస్తేనే.. Virat Kohli- Steve Smith: విరాట్‌ కెరీర్‌లో ఇదే తొలిసారి! కోహ్లి బ్యాట్‌ చెక్‌ చేసిన స్మిత్‌.. వైరల్‌ WTC- Ind VS Aus 4th Test: టీమిండియాకు ఊహించని షాక్‌!

నాలుగో టెస్టులో నాలుగో రోజు నాలుగో శతకం నమోదైంది. ఒక టెస్టులో నాలుగు సెంచరీలు కొత్తేం కాదు... కానీ ఈ ‘బోర్డర్‌–గావస్కర్‌ ట్రోఫీ’లో మాత్రం ఇది గొప్ప విశేషం. ఎందుకంటే ఇంతకుముందు జరిగిన మూడు టెస్టులు కూడా మూడో రోజుల్లోనే ముగిశాయి. స్పిన్నర్లు తిప్పేసిన ఆ మ్యాచ్‌ల్లో బ్యాటర్లు విలవిలలాడారు. గత మ్యాచుల్ని శాసించిన బౌలర్లపై ఇరు జట్ల బ్యాటర్లు   సెంచరీలతో విరుచుకుపడ్డారు. ఫలితంగా నాలుగో టెస్ట్‌లో చివరి రోజు ఆట ఆసక్తికరం కానుంది.    అహ్మదాబాద్‌: విరాట్‌ కోహ్లి (364 బంతుల్లో 186; 15 ఫోర్లు) భారీ శతకంతో చివరి టెస్టులో భారత్‌ పట్టు సాధించింది. తొలి ఇన్నింగ్స్‌లో టీమిండియా 178.5 ఓవర్లలో 571 పరుగుల వద్ద ఆలౌటైంది. నాలుగో రోజు ఆటలో అక్షర్‌ పటేల్‌ (113 బంతుల్లో 79; 5 ఫోర్లు, 4 సిక్సర్లు) కోహ్లితో కలిసి విలువైన భాగస్వామ్యాన్ని నమోదు చేశాడు. దీంతో భారత్‌ తొలి ఇన్నింగ్స్‌లో కీలకమైన 91 పరుగుల ఆధిక్యం సంపాదించింది. ఆఖరి రోజు సోమవారం ఉదయం ఆతిథ్య బౌలర్లు కూడా సమష్టిగా ఓ చేయి వేసి... ఆసీస్‌ను 200 పరుగుల్లోపు కట్టడి చేస్తే ఛేదించే లక్ష్యం మన ముందుంటుంది. తద్వారా ప్రపంచ టెస్టు చాంపియన్‌షిప్‌ ఫైనల్‌ బెర్త్‌ వేటకు శుభం కార్డు పడుతుంది.   1205 రోజుల తర్వాత...  భారత స్టార్‌ బ్యాటర్‌ విరాట్‌ కోహ్లి... సుదీర్ఘ టెస్టు సెంచరీ నిరీక్షణకు తెరదించాడు. ఆఖరి టెస్టులో మూడంకెల స్కోరు ముచ్చట తీర్చుకున్నాడు. ఓవర్‌నైట్‌ స్కోరు 289/3 ఓవర్‌నైట్‌ స్కోరుతో నాలుగో రోజు ఆదివారం ఆట ప్రారంభించిన భారత్‌కు జడేజా (84 బంతుల్లో 44; 2 ఫోర్లు, 3 సిక్సర్లు) రూపంలో గట్టిదెబ్బే తగిలింది. బ్యాటింగ్‌కు కలిసొచ్చే పిచ్‌పై కోహ్లికి జతయిన ఆంధ్ర క్రికెటర్‌ శ్రీకర్‌ భరత్‌ (44; 2 ఫోర్లు, 3 సిక్సర్లు) జతయ్యాడు. ‘రన్‌ మెషిన్‌’ అండతో భరత్‌ భారీ సిక్సర్లతో అలరించాడు. 363/4 వద్ద లంచ్‌కు వెళ్లొచ్చాక ఎంతో ఓపిగ్గా ఆడిన కోహ్లి 241 బంతుల్లో సెంచరీని పూర్తి చేసుకున్నాడు. 2019లో నవంబర్‌ 23న క్రికెట్‌ మక్కా ఈడెన్‌ గార్డెన్స్‌లో బంగ్లాదేశ్‌పై కోహ్లి 27వ టెస్ట్‌ శతకం సాధించాడు. మళ్లీ 43 టెస్టుల తర్వాత భారత గడ్డపైనే 28వ సెంచరీ చేసి 1205 రోజుల నిరీక్షణకు ముగింపు పలికాడు. ఐదో వికెట్‌కు 84 పరుగులు జోడించాక లయన్‌ బౌలింగ్‌లో భరత్‌... హ్యాండ్స్‌కాంబ్‌ చేతికి చిక్కాడు. అనంతరం అక్షర్‌ పటేల్‌ కూడా పట్టుదలతో ఆడటంతో ఆ్రస్టేలియాకు కంగారు తప్పలేదు. ఇద్దరి జోడీ కుదరడంతో భారత్‌ భారీస్కోరుకు బాటపడింది. మూడో సెషన్‌లో టీమిండియా 500 మార్క్‌ను అందుకోగా, కోహ్లి 150 పరుగులు పూర్తయ్యాయి. కాసేపటికే అక్షర్‌ 95 బంతుల్లో అర్ధసెంచరీ సాధించాడు. అక్షర్‌ను స్టార్క్‌ బౌల్డ్‌ చేయడంతో ఆరో వికెట్‌కు 162 పరుగుల భాగస్వామ్యం ముగిసింది. తర్వాత కాసేపటికే భారత్‌ ఆలౌటైంది. అనంతరం రెండో ఇన్నింగ్స్‌ ఆడిన ఆసీస్‌ ఆట నిలిచే సమయానికి వికెట్‌ నష్టపోకుండా 3 పరుగులు చేసింది. కునెమన్‌ (0 బ్యాటింగ్‌), హెడ్‌ (3 బ్యాటింగ్‌) క్రీజులో ఉన్నారు.  అయ్యర్‌ అవుట్‌!  భారత  మిడిలార్డర్‌ బ్యాటర్‌ శ్రేయస్‌ అయ్యర్‌ నాలుగో రోజు బ్యాటింగ్‌కు దిగలేదు. వెన్నునొప్పితో బాధపడిన అతనికి స్కానింగ్‌ కూడా తీశారు. ముందు జాగ్రత్తగా జట్టు మేనేజ్‌మెంట్‌ అతన్ని ఆడించలేదు. మూడో రోజు ఆటలోనే అతనికి నొప్పి మొదలైనట్లు తెలిసింది. గాయం తీవ్రత దృష్ట్యా అతను ఈ నెల 17 నుంచి జరిగే మూడు వన్డేల సిరీస్‌కు కూడా దూరమయ్యే అవకాశాలున్నాయి.  56 భారత గడ్డపై అత్యధిక వికెట్లు తీసిన విదేశీ జట్టు బౌలర్‌గా నాథన్‌ లయన్‌ గుర్తింపు పొందాడు. భారత్‌లో 11 టెస్టులు ఆడిన లయన్‌ 56 వికెట్లు పడగొట్టాడు. డెరిక్‌ అండర్‌వుడ్‌  (ఇంగ్లండ్‌; 16 టెస్టుల్లో 54 వికెట్లు) పేరిట ఉన్న రికార్డును లయన్‌ బద్దలు కొట్టాడు. 10 తొలి ఇన్నింగ్స్‌లో భారత్‌ కొట్టిన సిక్స్‌లు.  ఆ్రస్టేలియాపై ఓ టెస్ట్‌ ఇన్నింగ్స్‌లో భారత్‌ కొట్టిన అత్యధిక సిక్స్‌లు ఇవే. 1986లో ముంబైలో, 2013లో చెన్నైలో ఆ్రస్టేలియాతో జరిగిన టెస్ట్‌ల్లో భారత్‌ ఎనిమిది చొప్పున సిక్స్‌లు కొట్టింది.  3 ఓ టెస్ట్‌ మ్యాచ్‌లో తొలి ఆరు వికెట్లకు 50 అంతకంటే ఎక్కువ పరుగుల భాగస్వామ్యాలు నమోదు చేసిన మూడో జట్టుగా భారత్‌ నిలిచింది. గతంలో ఆ్రస్టేలియా (1960లో వెస్టిండీస్‌పై), పాకిస్తాన్‌ (2015లో బంగ్లాదేశ్‌పై) ఈ ఘనత సాధించాయి.    స్కోరు వివరాలు  ఆస్ట్రేలియా తొలిఇన్నింగ్స్‌: 480; భారత్‌ తొలి ఇన్నింగ్స్‌: రోహిత్‌ (సి) లబుõషేన్‌ (బి) కునెమన్‌ 35; గిల్‌ (ఎల్బీడబ్ల్యూ) (బి) లయన్‌ 128; పుజారా (ఎల్బీడబ్ల్యూ) (బి) మర్ఫీ 42; కోహ్లి (సి) లబుõషేన్‌ (బి) మర్ఫీ 186; జడేజా (సి) ఖాజా (బి) మర్ఫీ 28; భరత్‌ (సి) హ్యాండ్స్‌కాంబ్‌ (బి) లయన్‌ 44; అక్షర్‌ (బి) స్టార్క్‌ 79; అశ్విన్‌ (సి) కునెమన్‌ (బి) లయన్‌ 7; ఉమేశ్‌ (రనౌట్‌) 0; షమీ (నాటౌట్‌) 0; అయ్యర్‌ (అబ్సెంట్‌ హర్ట్‌); ఎక్స్‌ట్రాలు 22; మొత్తం (178.5 ఓవర్లలో ఆలౌట్‌) 571. వికెట్ల పతనం: 1–74, 2–187, 3–245, 4–309, 5–393, 6–555, 7–568, 8–569, 9–571. బౌలింగ్‌: స్టార్క్‌ 22–3–97–1, గ్రీన్‌ 18–1–90–0,  నాథన్‌ లయన్‌ 65–9– 151–3, కునెమన్‌ 25–3–94–1, మర్ఫీ 45.5– 10–113–3, హెడ్‌ 3–0–8–0.   ఆస్ట్రేలియా రెండో ఇన్నింగ్స్‌: కునెమన్‌ (బ్యాటింగ్‌) 0; హెడ్‌ (బ్యాటింగ్‌) 3; ఎక్స్‌ట్రాలు 0; మొత్తం (6 ఓవర్లలో వికెట్‌ నష్టపోకుండా) 3.  బౌలింగ్‌: అశ్విన్‌ 3–2–1–0, రవీంద్ర జడేజా 2–1–1–0, షమీ 1–0–1–0.   చదవండి: Virat Kohli- Steve Smith: విరాట్‌ కెరీర్‌లో ఇదే తొలిసారి! కోహ్లి బ్యాట్‌ చెక్‌ చేసిన స్మిత్‌.. వైరల్‌ WTC- Ind VS Aus 4th Test: టీమిండియాకు ఊహించని షాక్‌!

టీమిండియా స్టార్‌ ఆటగాడు విరాట్‌ కోహ్లి మరో అద్భుతమైన సెంచరీతో చెలరేగాడు. తిరువనంతపురం వేదికగా శ్రీలంకతో మూడో వన్డేలో 85 బంతుల్లో కోహ్లి సెంచరీ సాధించాడు.  ఈ మ్యాచ్‌లో ఓవరాల్‌గా 110 బంతులు ఎదుర్కొన్న కింగ్‌ కోహ్లి 13 ఫోర్లు, 8 సిక్స్‌లతో 166 పరుగులు చేసి ఆజేయంగా నిలిచాడు.  ఈ సిరీస్‌లో కోహ్లికి ఇది రెండో సెంచరీ. గౌహతి వేదికగా జరిగిన తొలి వన్డేలో కింగ్‌ కోహ్లి అద్భుతమైన శతకం సాధించిన సంగతి తెలిసిందే. కాగా అతడి గత నాలుగు వన్డే ఇన్నింగ్స్‌లో మూడు సెంచరీలు ఉండడం విశేషం. అదే విధంగా వన్డేల్లో విరాట్‌కు ఇది 46 సెంచరీ. ఇక ఓవరాల్‌గా ఇప్పటివరకు విరాట్‌ కోహ్లి కెరీర్‌లో ఇది 74 అంతర్జాతీయ సెంచరీ కావడం గమానార్హం. చదవండి: IND vs AUS: ఆస్ట్రేలియాతో టెస్టు సిరీస్‌.. రవీంద్ర జడేజా కీలక నిర్ణయం

Asia Cup 2022 Virat Kohli Century: టీమిండియా స్టార్ బ్యాటర్‌ విరాట్‌ కోహ్లి, అతడి సతీమణి, నటి అనుష్క శర్మపై పాకిస్తాన్‌ మాజీ క్రికెటర్‌ షోయబ్‌ అక్తర్‌ ఆసక్తికర వ్యాఖ్యలు చేశాడు. అనుష్క ఐరన్‌ లేడీ.. కోహ్లి ఉక్కు మనిషి అంటూ తనదైన శైలిలో వ్యాఖ్యానించాడు. కాగా గతకొన్ని రోజులుగా విమర్శల పాలైన కోహ్లి.. ఆసియా కప్‌-2022 టోర్నీతో తిరిగి ఫామ్‌లోకి వచ్చిన విషయం తెలిసిందే. ముఖ్యంగా అభిమానులు వేయికళ్లతో ఎదురుచూసిన సెంచరీ ఫీట్‌ నమోదు చేశాడు. దాదాపు మూడేళ్ల తర్వాత శతకం బాదాడు. సూపర్‌-4లో భాగంగా అఫ్గనిస్తాన్‌తో మ్యాచ్‌లో కోహ్లి 61 బంతుల్లో 122 పరుగులతో అజేయంగా నిలిచి టీమిండియాను గెలిపించాడు. దీంతో రన్‌మెషీన్‌ 71వ సెంచరీ చూడాలని కళ్లు కాయలు కాసేలా ఎదురుచూసిన అభిమానుల నిరీక్షణకు తెరపడింది. ఇక తనకు టీ20 ఫార్మాట్లో ఇదే తొలి శతకం కావడం.. అది కూడా అత్యంత కఠిన పరిస్థితుల్లో శతకం బాదడంతో కోహ్లి సైతం తీవ్ర భావోద్వేగానికి లోనయ్యాడు. వాళ్లిద్దరికీ అంకితం అఫ్గన్‌తో మ్యాచ్‌లో ‘ప్లేయర్‌ ఆఫ్‌ ది మ్యాచ్‌’ అవార్డు అందుకున్న అనంతరం కోహ్లి మాట్లాడుతూ.. గడ్డు పరిస్థితుల్లో తన భార్య అనుష్క తనకు అండగా నిలిచిందని.. ఈ సెంచరీ ఆమెకు, తమ చిన్నారి కూతురు వామికాకు అంకితమిస్తున్నట్లు పేర్కొన్నాడు. ఇక కోహ్లి వ్యాఖ్యలపై స్పందించిన రావల్పిండి ఎక్స్‌ప్రెస్‌ షోయబ్‌ అక్తర్‌.. విరుష్క జోడీని ఆకాశానికెత్తాడు. హ్యాట్సాఫ్‌ అనుష్క! తన యూట్యూబ్‌ చానెల్‌ వేదికగా స్పందిస్తూ.. ‘‘మ్యాచ్‌ తర్వాత ఇంటర్వ్యూలో విరాట్‌ కోహ్లి మాట్లాడుతూ.. ఆమె నా జీవితంలో చేదు ఘటనలను దగ్గరగా చూసింది అన్నాడు. అతడు తన భార్య గురించే ఆ మాటలు చెప్పాడు. హ్యాట్సాఫ్‌ టూ అనుష్క శర్మ.. వెల్‌డన్‌! నువ్వు ఐరన్‌ లేడీవి. అతడు ఉక్కుతో తయారైన మనిషి.. అతడెవరంటే మిస్టర్‌ విరాట్‌ కోహ్లి’’ అని అక్తర్‌ అభివర్ణించాడు. అదే విధంగా కోహ్లి మరో 29 సెంచరీలు చేసి సచిన్‌ వంద సెంచరీల రికార్డును సమం చేస్తే చరిత్రలో అత్యుత్తమ బ్యాటర్‌గా నిలిచిపోతాడని పేర్కొన్నాడు. ఇందుకోసం కోహ్లి ఎంతో సంయమనం.. సానుకూల దృక్పథంతో ముందుకు సాగాలని సూచించాడు. నువ్వు మంచివాడివి.. మంచి వాళ్లకు మంచే జరుగుతుంది అంటూ కోహ్లిపై అభిమానం చాటుకున్నాడు. కాగా ఆసియా కప్‌-2022లో భారత జట్టు కనీసం ఫైనల్‌ కూడా చేరకుండానే నిష్క్రమించింది. దుబాయ్‌ వేదికగా సెప్టెంబరు 11న శ్రీలంక- పాకిస్తాన్‌ మధ్య ట్రోఫీ కోసం పోరు జరుగనుంది. చదవండి: ఫైనల్లో నసీం షా ఇబ్బంది పెడతాడనుకుంటున్నారా? లంక ఆల్‌రౌండర్‌ రిప్లై ఇదే!


 గాలే: శ్రీలంకతో జరుగుతున్న తొలి టెస్టులో భారత టెస్ట్ కెప్టెన్ విరాట్ కోహ్లీ సెంచరీ చేశాడు. 191 బంతులు ఎదుర్కొన్న కోహ్లీ 11 ఫోర్ల సాయంతో 103 పరుగులు చేశాడు. జట్టు స్కోరు 252/2, వ్యక్తిగత స్కోరు 98 వద్ద ఫోర్ కొట్టి టెస్లుల్లో 11వ శతకాన్ని నమోదు చేశాడు. కానీ సెంచరీ చేసిన అనంతరం కౌశల్ బౌలింగ్లో జట్టు స్కోరు 255 పరుగుల వద్ద ఎల్బీడబ్ల్యూగా మూడో వికెట్ రూపంలో నిష్ర్కమించాడు. మరో ఎండ్ లో  శిఖర్ ధావన్ 121 పరుగులతో నాటౌట్ గా ఉన్నాడు.
 కోహ్లీ ఔటయిన తర్వాత క్రీజులోకి వచ్చిన అజింక్యా రహానే కౌశల్ బౌలింగ్ లోనే ఎల్బీడబ్ల్యూ అయి డకౌట్ గా వెనుదిరిగాడు. కేవలం ఫుట్వర్క్ లోపంతోనే భారత టాపార్డర్ బ్యాట్స్మన్స్ ఇలా ఔటయ్యారు. శ్రీలంక బౌలర్లలో కౌశల్ 2 వికెట్లు, ప్రసాద్, ఎంజెలో మాథ్యూస్ చెరో వికెట్ పడగొట్టారు. ప్రస్తుతం ధావన్ 121పరుగులు (237 బంతులు, 12 ఫోర్లు), వృద్ధిమాన్ సాహా (0) పరుగులతో  క్రీజులో ఉన్నారు.
 శ్రీలంకతో టెస్టులో మూడో వికెట్ కు అత్యధిక భాగస్వామ్యం 227 పరుగులు విరాట్ కోహ్లీ, ధావన్ నెలకల్పారు. గతంలో వినోద్ కాంబ్లి, సచిన్ టెండూల్కర్ జోడి చేసిన 162 పరుగుల రికార్డును కోహ్లీ-ధావన్ జంట తిరగరాశారు.