అరడజనుకి పైగా సినిమాలతో ప్రభాస్ ఫుల్ బిజీగా ఉన్నాడు. వీటితో పాటే మంచు విష్ణు 'కన్నప్ప' మూవీలోనూ శివుడి పాత్రలో నటిస్తున్నాడు. కొన్నాళ్ల క్రితం రిలీజైన టీజర్‌లో ప్రభాస్ కళ్లు మాత్రమే చూపించారు. తాజాగా ప్రభాస్ ఫుల్ లుక్ ఒకటి సోషల్ మీడియాలో ఎవరో లీక్ చేశారు. ఇది తెగ వైరల్ అయిపోయింది.(ఇదీ చదవండి: 'అమరన్' హిట్.. మ్యూజిక్ డైరెక్టర్‌కి ఖరీదైన గిఫ్ట్)ఇప్పుడు ఈ విషయం 'కన్నప్ప' మూవీ టీమ్ దృష్టికి వెళ్లింది. దీంతో పోలీస్ కేసు పెట్టారు. అలానే నిందితుడిని పట్టుకునేందుకు ఏకంగా క్యాష్ రివార్డ్ కూడా ప్రకటించారు. ఈ సినిమా కోసం 2000 మందికి పైగా వీఎఫ్ఎక్స్ వర్క్ చేస్తున్నారని.. ఈ లీకైన ఫొటో వల్ల వాళ్ల పనిపై ప్రభావం పడుతుందని పేర్కొన్నారు.ఇప్పటికే ఫొటో లీక్ విషయమై కేసు పెట్టామని, అయితే ఈ పని ఎవరో చేశారో కనుగొని ఆ వివరాలు మాకు చెబితే రూ.5 లక్షల రివార్డ్ ఇస్తామని 'కన్నప్ప' టీమ్ చెప్పింది. లీకైన ఫొటోని షేర్ చేసినా చట్టపరమైన చర్యలకు గురికావాల్సి ఉంటుందనని ప్రభాస్ అభిమానులతో పాటు అందరు హీరోల అభిమానులకు 'కన్నప్ప' టీమ్ రిక్వెస్ట్ చేసింది.(ఇదీ చదవండి: పెళ్లయిన 13 ఏళ్లకు ప్రెగ్నెన్సీ.. నటి పోస్ట్ వైరల్)

ఐకాన్‌ స్టార్‌ ఫ్యాన్స్‌తో పాటు టాలీవుడ్‌ సినీ ప్రేక్షకుల మోస్ట్ అవైటేడ్ చిత్రం 'పుష్ప-2 ది రూల్'. ఇప్పటికే ఈ మూవీ రిలీజ్‌ డేట్‌ కూడా మేకర్స్ ప్రకటించారు. ఇటీవల వాయిదా పడుతుందన్న వార్తల నేపథ్యంలో డైరెక్టర్‌ సుకుమార్‌ మరోసారి ఫుల్ క్లారిటీ ఇచ్చేశారు. పుష్ప రూల్ బిగిన్స్‌ ఇన్ 200 డేస్‌ అంటూ మూవీ పోస్టర్‌ను పంచుకున్నారు. దీంతో బన్నీ ఫ్యాన్స్‌కు పుష్ప-2 విడుదలపై ఉన్న అనుమానాలన్నీ పటాపంచలయ్యాయి.   (ఇది చదవండి: పుష్ప-2 పై రూమర్స్.. డైరెక్టర్‌ సుకుమార్‌ పోస్ట్ వైరల్!) ఇదిలా ఉంటే తాజాగా పుష్ప-2కు సంబంధించిన అల్లు అర్జున్‌ ఫోటో  సోషల్‌ మీడియాలో వైరల్‌గా మారింది. షూటింగ్‌ సెట్‌లో అల్లు అర్జున్‌ చీర కట్టుకుని ఉన్న నెట్టింట చక్కర్లు కొడుతోంది. అయితే ఇది చూసిన ఫ్యాన్స్‌ ఈ ఫోటోపై అనుమానాలు వ్యక్తం చేస్తున్నారు. నిజంగానే పుష్ప-2 సెట్‌లోని ఫోటో లీక్‌ అయిందా? లేదా ఎవరైనా మార్ఫింగ్‌ చేశారా అంటూ ఫ్యాన్స్‌తో పాటు నెటిజన్స్ చర్చించుకుంటున్నారు. ప్రస్తుతం ఈ ఫోటో సోషల్ మీడియాలో వైరల్‌గా మారింది. అయితే గతంలో ఇలాంటి సంఘటనలు జరగకుండా షూటింగ్‌ సెట్‌లో జాగ్రత్తలు తీసుకుంటున్నట్లు సుకుమార్ వెల్లడించారు. మళ్లీ పుష్ప-2 సెట్‌లో ఫోటో లీక్ కావడంపై ఎలా స్పందిస్తారో వేచి చూడాల్సిందే.  కాగా.. గతంలో వచ్చిన 'పుష్ప-ది రైజ్' బాక్సాఫీస్ వద్ద అద్భుత విజయం సాధించంది. పార్ట్‌-1 సక్సెస్‌ కావడంతో సీక్వెల్‌గా'పుష్ప 2' తెరకెక్కిస్తున్నారు. ఈ చిత్రంలో రష్మిక మందన్నా హీరోయిన్‌గా నటిస్తోంది. మరో నటుడు ఫాహద్‌ ఫాజిల్‌ కీలక పాత్రలో కనిపించనున్నారు.  Pushpa 2 the rule leaked picture 💥#Pushpa2TheRule pic.twitter.com/n2eRsW2mdJ — Trending 2024 (@tren_ding20) January 29, 2024 Leaked Pic Of Syndicate King ' PUSHPA RAJ ' Wears Saree in Shooting Spot 🔥🔥🔥#PushpaKaRuleIn200Days #AlluArjun #Pushpa2 #PushpaTheRule #Pushpa2TheRule pic.twitter.com/O7u5N3z39u — FilmiFever (@FilmiFever) January 29, 2024

సాక్షి ప్రతినిధి, మహబూబ్‌నగర్‌:  జోగుళాంబ గద్వాల జిల్లాలో మహిళలు, యువతులను ట్రాప్‌ చేసి, బ్లాక్‌ మెయిల్‌ చేసిన వ్యవహారంలో కొత్త కోణం వెలుగుచూసింది. ఈ వ్యవహారంతో ఏ సంబంధం లేని ఓ మహిళ ఫొటోను వైరల్‌ చేసిన విషయం బయటికి వచ్చింది. సదరు మహిళ దీనిపై బుధవారం ఎస్పీ రంజన్‌ రతన్‌కుమార్‌కు ఫిర్యాదు చేశారు. తాను, తన కుటుంబం అంటే పడనివారు కావాలనే ఇలా సామాజిక మాధ్యమాల్లో ఫొటోను పోస్టు చేశారని వాపోయారు. తన పరువుకు భంగం కలిగించేలా వ్యవహరించినవారిని శిక్షించాలని కోరారు. ఆమె స్టేట్‌మెంట్‌ను రికార్డు చేసిన పోలీసులు తగిన చర్యలు తీసుకుంటామని హామీ ఇచ్చారు.  కీలక వ్యక్తులను తప్పిస్తున్నారనే ఆరోపణలు  మహిళలపై ట్రాప్, బ్లాక్‌ మెయిలింగ్‌ ఉదంతంలో ఇప్పటివరకు గద్వాల పట్టణానికి చెందిన తిరుమలేశ్‌ అలియాస్‌ మహేశ్వర్‌రెడ్డితోపాటు నిఖిల్, వినోద్‌లను పోలీసులు అరెస్టు చేశారు. ఓ పోలీస్‌ అధికారిపై బదిలీ వేటు వేశారు. అయితే ఈ వ్యవహారంలో ఓ రాజకీయ పార్టీకి చెందిన యువ నాయకులు, కౌన్సిలర్లు, ఓ ముఖ్య నేత అనుచరుడు ఉన్నారని.. వారిని తప్పిస్తున్నారని ఆరోపణలు వస్తున్నాయి. ఈ క్రమంలో కీలక వ్యక్తులను అరెస్టు చేయాలంటూ.. బుధవారం ప్రజా, విద్యార్థి సంఘాలు, బీజేపీ, సీపీఐ, సీపీఎం, వైఎస్సార్‌టీపీ, సీనియర్‌ సిటిజన్‌ ఫోరం ఆధ్వర్యంలో గద్వాలలో నిరసన ప్రదర్శనలు జరిగాయి. ఈ ఉదంతంపై సమగ్ర విచారణ చేయాలని, అసలు నిందితులను అరెస్టు చేయాలని ఆందోళనకారులు కలెక్టర్‌ వల్లూరు క్రాంతి, ఎస్పీ రంజన్‌ రతన్‌కుమార్‌లకు వినతిపత్రాలు అందజేశారు. మరోవైపు ఈ వ్యవహారంపై మహిళా కమిషన్‌కు ఫిర్యాదు అందింది. స్థానిక పోలీసులపై ఒత్తిళ్లు ఉన్నాయని, సిట్‌తో విచారణ జరిపిస్తేనే న్యాయం జరుగుతుందని డీజీపీకి ఫిర్యాదులు అందాయి. ఈ క్రమంలో పట్టణంలో సిట్‌ అధికారులు రహస్య విచారణ చేపట్టారంటూ రోజంతా హైడ్రామా నడవడం గమనార్హం.  ముఖ్య నేతకు ఫోన్‌.. సీరియస్‌ వార్నింగ్‌?  మహిళలపై ట్రాప్, బ్లాక్‌ మెయిలింగ్‌ ఘటన పరిణామాలపై ప్రధాన పార్టీకి చెందిన ముఖ్య నేతతో పార్టీ అధిష్టానం మాట్లాడినట్టు తెలిసింది. ముందుగా ఉమ్మడి మహబూబ్‌నగర్‌ జిల్లాకు చెందిన ఓ మంత్రి నుంచి అసలు ఏం జరిగింది? ఇందులో ఎవరు ఉన్నారు? ఏం చేస్తున్నారనే వివరాలు తెలుసుకున్నట్టు సమాచారం. ఆ తర్వాతే గద్వాలకు చెందిన ముఖ్యనేతతో ఫోన్‌లో మాట్లాడినట్టు తెలిసింది. ఈ వ్యవహారంలో ఎవరున్నా ఉపేక్షించొద్దని, పార్టీ ప్రతిష్టకు భంగం కలిగిస్తే చూస్తూ ఊరుకోబోమని హెచ్చరించినట్టు సమాచారం. పోలీసుల విచారణకు ఎలాంటి అడ్డంకులు సృష్టించొద్దని సూచించినట్టు తెలిసింది. చదవండి: హనీట్రాప్‌ కేసులో సంచలనం.. ఒక్కొక్కటిగా వెలుగులోకి లీలలు

ప్రస్తుతం మెగాస్టార్‌ చిరంజీవి (Chiranjeevi) వరుస పెట్టి సినిమాలు చేస్తూ ఫుల్‌ బిజీగా ఉన్నారు. ఆయన చేతిలో గాడ్ ఫాదర్‌, భోళా శంకర్‌, వాల్తేరు వీరయ్య (ప్రచారంలో ఉన్న టైటిల్‌) చిత్రాలు ఉన్నాయి. జులై 4న 'గాడ్ ఫాదర్‌' సినిమా ఫస్ట్‌ లుక్‌ పోస్టర్‌తో పాటు చిన్నిపాటి వీడియోను విడుదల చేసిన విషయం తెలిసిందే. ఈ వీడియో నెట్టింట దూసుకుపోయింది. తాజాగా ఈ మూవీ నుంచి ఓ ఫొటో లీక్‌ అయింది.  ఇందులో సల్మాన్ ఖాన్‌ (Salman Khan), చిరంజీవి కనిపిస్తున్నారు. ఈ సీన్ ‍చూస్తుంటే ఇది క్లైమాక్స్‌ పోర్షన్‌లా అనిపిస్తుంది. విలన్‌ను చంపేందుకు వెళ్లేటప్పుడు చిరంజీవికి సల్లూ భాయ్‌ బాడీగార్డ్‌లా ఉన్నట్లు తెలుస్తోంది. ప్రస్తుతం ఈ పిక్‌ సోషల్‌ మీడియాలో తెగ వైరల్‌ అవుతోంది.  చదవండి: భర్త న్యూడ్ ఫొటోలు తీసిన హీరో భార్య.. వైరల్‌ మిస్‌ ఇండియా సినీ శెట్టికి ఇష్టమైన తెలుగు హీరో అతడే.. కాగా 'హనుమాన్‌ జంక్షన్‌' ఫేమ్‌ మోహన్‌ రాజా దర్శకత్వం వహిస్తున్న'గాడ్‌ ఫాదర్‌'లో నయన తార, సల్మాన్ ఖాన్‌ వంటి స్టార్లు నటిస్తున్న సంగతి తెలిసిందే. అలాగే ఈ మూవీలో నయన తార భర్తగా సత్యదేవ్ నటిస్తున్నాడని టాక్. మలయాళం చిత్రం 'లూసీఫర్‌'కు రీమేక్‌ వచ్చిన ఈ మూవీలో అనేక మార్పులు చేసినట్లు సమాచారం. 

Alia Bhatt Baby Bump Photos Leaked: ఆరేళ్లు ప్రేమలో మునిగి తేలిన బాలీవుడ్‌ లవ్‌బర్డ్స్ ఆలియా భట్‌-రణ్‌బీర్‌ కపూర్‌లు ఈ ఏడాది వివాహ బంధంతో ఒక్కటయ్యారు. ఎప్రీల్‌ 14న ఇరు కటుంబ సభ్యులు, బంధుమిత్రుల మధ్య ఈ జంట వివాహం ఘనంగా జరిగింది. ఇక పెళ్లయిన 2 నెలలకే ఆలియా ప్రెగ్నెన్సీని ప్రకటించి ఫ్యాన్స్‌కు శుభవార్త అందించింది. అయితే ఈ ప్రెగ్నెన్సీ కారణంగా షూటింగ్‌లకు బ్రేక్‌ ఇవ్వకుండా కమిట్‌మెంట్‌ ఇచ్చిన సినిమాలు చేస్తొంది అలియా భట్‌. ఇక హాలీవుడ్‌ మూవీ 'హార్ట్‌ ఆఫ్‌ స్టోన్‌'లో అలియా నటిస్తున్న విషయం తెలిసిందే.  ఇటీవల అలియాకు సంబంధించిన షూటింగ్‌ పూర్తయింది. అయితే ఇంతకుముందు పోర్చ్‌గల్‌లోని ఎడారిలో షూటింగ్‌ చేసినప్పుడు కొంతమంది ఫొటోలు తీసి సోషల్‌ మీడియాలో పోస్ట్‌ చేశారు. ఈ లీకైన ఫొటోలలో అలియా భట్‌ బేబీ బంప్‌ స్పష్టంగా కనిపిస్తోందని నెటిజన్లు అంటున్నారు. తాజాగా పోర్చ్‌గల్‌కు సంబంధించిన షూటింగ్‌ ఫొటోలను అలియా భట్ షేర్‌ చేసింది. ఇందులో కూడా అలియా భట్ ప్రెగ్నెన్సీ కనిపిస్తోందని నెటిజన్లు అంటున్నారు. ఈ ఫొటోల్లో తన బేబీ బంప్‌ కవర్‌ అయ్యేలా అలియా బ్లాక్‌ జాకెట్‌ ధరించిందని కామెంట్లు పెడుతున్నారు. షూటింగ్‌ పూర్తియిన సందర్భంగా హార్ట్‌ ఆఫ్‌ స్టోన్‌ చిత్రబృందానికి అలియా భట్ థ్యాంక్స్‌ చెప్పింది. హాలీవుడ్‌ స్టార్‌ హీరోయిన్‌ గాల్‌ గాడోట్‌ ప్రధాన పాత్రల్లో నటించిన ఈ మూవీ నెట్‌ఫ్లిక్స్‌లో విడుదల కానుంది.  shooting an action movie while she's pregnant.. MOTHER 🫡 pic.twitter.com/sIKJ32GFSF — hourly ranlia (@goldencranlia) July 8, 2022 View this post on Instagram A post shared by CELEBRITYSHALA (@celebrityshala) Heart of Stone - you have my wholeeeeeee heart ❤️❤️❤️ Thank you to the beautiful @GalGadot.. my director Tom Harper ... #JamieDornan missed you today.. and WHOLE team for the unforgettable experience. pic.twitter.com/wYyDI8sO53 — Alia Bhatt (@aliaa08) July 8, 2022  

Ram Charan Shocking Look Goes Viral From RC15: మెగా పవర్‌ స్టార్‌ రామ్‌ చరణ్‌కు సంబంధించిన ఓ షాకింగ్‌ లుక్‌ ప్రస్తుతం నెట్టింట చక్కర్లు కొడుతోంది. ఈ ఫొటో చెర్రి పంచెకట్టులో కనిపించాడు. అంతేకాదు అచ్చం పల్లెటూరి వ్యక్తిలా పంచె కట్టుకుని సైకిల్‌పై కనిపించాడు. ఈ తాజా లుక్‌ చూసి చరణ్‌ ఇలా మారిపోయాడేంటి అని అంతా షాక్‌ అవుతున్నారు. అయితే ఈ లుక్‌.. చరణ్‌ తాజా సినిమా (RC15 మూవీ) సెట్‌ నుంచి లీకైనట్లు తెలుస్తోంది. డైరెక్టర్‌ శంకర్‌ దర్శకత్వంలో భారీ బడ్జెట్‌తో RC15 తెరకెక్కతున్న సంగతి తెలిసిందే. ఇందులో చరణ్‌ ప్రభుత్వ ఉద్యోగిగా కనిపిస్తాడని మొదటి నుంచి చెబుతున్నారు.  చదవండి: ఈ కమర్షియల్‌ యాడ్‌కు చిరు పారితోషికం ఎన్ని కోట్లో తెలుసా? అయితే పంచెకట్టుతో ఉన్న ఈ తాజా లుక్‌ను చూసి అంతా ఆలోచనలో పడ్డారు. ఈ తాజా బజ్‌ ప్రకారం ఈ సినిమాలో చరణ్‌ నాలుగు విభిన్న పాత్రల్లో కనిపించానున్నాడని జోరుగా ప్రచారం జరుగుతోంది. అందులో ఈ లుక్‌ ఒకటని అంటున్నారు. కాగా శంకర్‌ సినిమా అంటే అందులో ఓ ఫ్లాష్‌బ్యాక్‌ ఎపిసోడ్‌ తప్పసరిగా ఉండాల్సిందే. ఆయన దర్శకత్వంలో రూపొంది బిగ్గెస్ట్‌ హిట్‌గా నిలిచిన భారతీయుడు, జెంటిల్‌మెన్‌ అపరిచితుడు వంటి చిత్రాల్లో కూడా ఫ్లాష్‌బ్యాక్‌ సీన్స్‌ ఉన్నాయి. అవి ఆ సినిమాకు హైలెట్‌గా నిలిచాయి. చదవండి: రష్మిక బర్త్‌డే: దుల్కర్‌ సల్మాన్‌తో జతకట్టిన రష్మిక, ఫస్ట్‌లుక్‌ అవుట్‌ అలాగే RC15లో కూడా 1930 సమయంలో ఓ ఫ్లాష్‌బ్యాక్‌ ఎపిసోడ్‌ ఉందని భోగట్టా. ఈ ఎపిసోడ్‌లో చరణ్‌ ఓ పోలిటికల్‌ లీడర్‌గా కనిపిస్తాడట. ఇందుకు సంబంధించిన షూటింగ్‌ రీసెంట్‌ జరగగా.. ఇప్పుడు లీకైన ఈ ఫొటో సెట్స్‌లోనిదని తెలుస్తోంది. కాగా ‘దిల్‌’ రాజు, శిరీష్‌ నిర్మిస్తున్న ఈ సినిమాకు తమన్‌ మ్యూజిక్‌ డైరెక్టర్‌. ఈ సినిమాను వచ్చే ఏడాది సంక్రాంతి టైమ్‌లో రిలీజ్‌ చేయాలనే ఆలోచనలో ఉంది చిత్రయూనిట్‌.

సినిమా: అక్కడే ఏదో జరిగింది అని అంటోంది నటి హన్సిక. దక్షిణాదిలో కథానాయకిగా పలు చిత్రాలు చేసిన నటీమణుల్లో ఈ బ్యూటీ ఒకరు. ధనుష్‌కు జంటగా మాప్పిళై చిత్రం ద్వారా కోలీవుడ్‌కు దిగుమతి అయిన ఈ ముంబై బ్యూటీ ఆ తరువాత విజయ్, విశాల్, జయం రవి,శింబు, ఆర్య అంటూ స్టార్‌ హీరోలందరితోనూ నటించేసింది.అంతేకాదు ఇక్కడ చిన్న కుష్బూగా గుర్తింపు పొందిన హన్సిక నటిగా అన్ని భాషలు కలిపి అర్ధ సెంచరీ కొట్టేసింది. ఈ అమ్మడు నటిస్తున్న 50వ చిత్రం మహా. ఈ చిత్ర ఫస్ట్‌లుక్‌ పోస్టర్ల వ్యవహారంలో కాస్త విమర్శలను ఎదుర్కొన్న హన్సిక వాటిని ఫ్రీ ప్రచారంగా వాడుకునే ప్రయత్నం చేసింది. అయితే అసలు సమస్య మహా చిత్ర విడుదల సమయంలో ఉత్పన్నమయ్యే అవకాశం ఉంది. ఆ విషయం పక్కన పెడితే ఇటీవల హన్సిక అంతరంగిక ఫొటోలు ఇంటర్నెట్‌లో విడుదలై కలకలం సృష్టించాయి. అవకాశాలు పలచబడడంతో ఈ అమ్మడే ఫ్రీ పబ్లిసిటీ కోసం ఆ ఫొటోలను సామాజిక మాధ్యమాలకు విడుదల చేసిందనే ప్రచారం జరుగుతోంది. అయితే తన ఫోన్‌ను, ట్విట్టర్‌ను ఎవరో హ్యాక్‌ చేశారని నటి హన్సిక పేర్కొంది. ఇటీవల తాను అమెరికా వెళ్లానని, అప్పుడు తన ఫోన్‌ సరిగా పనిచేయలేదని  అప్పుడే ఏదో జరిగి ఉంటుందని పేర్కొంది. అంతేకానీ ప్రచారం కోసం అలాంటి ఫొటోలను తానేందుకు వాడుకుంటానని అంది. ఏదేమైనా ఈ ముద్దుగుమ్మ ఆంతరంగిక ఫొటోలు సామాజిక మాధ్యమాల్లో విడుదలై కలకలం సష్టించిన మాట వాస్తవం. దానికి కారణం ఎవరన్న విషయంపై విచారణ జరుగుతోందని నటి హన్సిక అంటోంది.

తమిళసినిమా: ముంబై బ్యూటీ హన్సిక మరోసారి వార్తల్లో నానుతోంది. ఆ మధ్య తాను సెంట్రిక్‌ పాత్రలో నటిస్తున్న మహా చిత్ర ఫస్ట్‌లుక్‌ పోస్టర్‌లో వివాదాస్పద ఫొటోలతో విడుదల కావడంతో విమర్శలను ఎదుర్కొన్న విషయం తెలిసిందే. తాజాగా మరోసారి ఈ అమ్మడు సామాజిక మాధ్యమాలకు పని చెప్పింది. ఇటీవల విదేశాల్లో జాలీగా ఎంజాయ్‌ చేసొచ్చిన విషయం తెలిసిందే. అలా మియామిలోని సముద్ర తీరంలో తీసుకున్న గ్లామరస్‌ ఫొటోలు సామాజిక మాధ్యమాల్లో హల్‌చల్‌ చేస్తుండడంతో హన్సికపై విమర్శల దాడి మొదలైంది. ఇలాంటి పరిస్థితుల్లో వాటి నుంచి బయట పడడానికో, లేక నిజంగానే జరిగిందో తెలియదు గానీ, తన ఫోన్‌ను, ట్విట్టర్‌ను ఎవరో హ్యాక్‌ చేశారని హన్సిక తెలిపింది. దీనికి సంబంధించిన చర్చ ఆగక ముందే హన్సిక మరో సంఘటనను ఎదుర్కొంది. ఈమె నటిస్తున్న 50వ చిత్రం మహా అన్న విషయం తెలిసిందే. ఈ చిత్రంలోని పోరాట సన్నివేశాల్లో నటిస్తుండగా బుధవారం హన్సిక గాయాలపాలైందట. ఈ విషయాన్ని ఆమె వర్గాలు వెల్లడించారు. మహా చిత్రం కోసం పల్టీ కొట్టే సన్నివేశంలో నటిస్తుండగా కాలికి చిన్న గాయం అయ్యిందట. అయితే ప్రథమ చికిత్స అనంతరం మళ్లీ ఆ పోరాట దృశ్యాల్లో హన్సిక పాల్గొందని చిత్ర వర్గాలు వెల్లడించారు. ఇలా రెండు మూడు రోజులుగా ఈ అమ్మడు వార్తలో నానుతున్నారు.


 ముంబై: హృతిక్ రోషన్, కంగనా రనౌత్ లీగల్ వివాదం రోజురోజుకు వికృతరూపం దాలుస్తోంది. హృతిక్-కంగన 'ఎఫైర్' కు సంబంధించి అనేక విషయాలు వెలుగుచూస్తున్నాయి. ఈ వివాదంలో మొదటినుంచి హృతిక్ ఒకటే మాట చెప్తున్నాడు. తనకు కంగనతో వృత్తిపరమైన సంబంధమే కానీ, వ్యక్తిగత అనుబంధం లేదని, ఆమెతో ఎప్పుడూ తాను ప్రేమాయణం సాగించలేదని వాదిస్తున్నాడు.
 
 తన లాయర్ ద్వారా కంగనకు ఇచ్చిన నోటీసులోనూ 'నేను, కంగన కలిసి రెండు చిత్రాల్లో నటించాం. మా మధ్య కేవలం వృత్తిపరమైన సంబంధం మాత్రమే ఉంది. అంతకుమించి సామాజిక, వ్యక్తిగత, ప్రేమ, సాన్నిహిత్య సంబంధం మా మధ్య లేనేలేదు' హృతిక్ స్పష్టం చేశాడు. అయితే, కంగన మాత్రం తమ డేటింగ్‌ సంబంధించి గట్టి ఆధారాలు ఉన్నాయని చెప్తోంది.
 
 ఈ నేపథ్యంలో తాజాగా ఆన్ లైన్ లో లీకైన ఓ ఫొటో హల్‌చల్‌ చేస్తోంది. కంగనను హృతిక్ ఆత్మీయంగా చుట్టుకొని ముద్దుపెడుతున్నట్టు ఉన్న ఈ ఘాటైన ఫొటో.. వీరి వివాదంలో మరింత ఆజ్యం పోసింది. క్రిష్ సినిమా ప్రి-ప్రొడక్షన్ సందర్భంగా ఓ ప్రవేటు పార్టీలో ఈ ఇద్దరు సాన్నిహిత్యంగా ఉన్నప్పుడు ఈ ఫొటో తీసినట్టు సన్నిహిత వర్గాలను ఉటంకిస్తూ ఓ ఆంగ్లమీడియా వెల్లడించింది. అసలు కంగనతో తనకు వ్యక్తిగతంగా ఏ సంబంధం లేదంటున్న హృత్తిక్‌.. ఈ ఫొటోలో ఏం చేస్తున్నట్టు అని నెటిజన్లు ప్రశ్నిస్తున్నారు.
 
 మరోవైపు ఈ ఫొటో ఆధారంగా వీరిద్దరు డేటింగ్ చేశారా? అన్నది ఇదమిత్థంగా చెప్పలేమని ఈ వివాదాన్ని దగ్గర చూస్తున్న పరిశీలకులు అంటున్నారు. కానీ, ఈ ఫొటో మాత్రం హృతిక్-కంగన వివాదంలో కొత్త ట్విస్టు ఇచ్చింది. హృతిక్ చెప్తున్నట్టు కంగన ఒక్కరే వన్ సైడ్ లవ్ చేయలేదని ఈ ఫొటో వెల్లడిస్తున్నదని అంటున్నారు. రానురాను వీరి వివాదం, లీగల్ పోరాటం ఎన్ని మలుపులు తిరుగుతుందో చూడాలి.