సాక్షి, అమరావతి : ప్రభుత్వ వైద్య కళాశాలల్లో సరిపడా అధ్యాపకులు లేకపోవడంతో వైద్య విద్యార్థులు ఇబ్బంది పడుతున్నారు. ఖాళీలను శాశ్వత ప్రాతిపదికన భర్తీ చేసేందుకు ప్రభుత్వం ఎలాంటి చర్యలు తీసుకోకపోవడంతో మున్ముందు వైద్య విద్యార్థులకు మరిన్ని కష్టాలు తప్పేలా లేవు. ఉన్న 1900 సీట్లకు యాబైవేల మందిపైనే పోటీపడి ప్రతిభ ఆధారంగా ప్రభుత్వ కళాశాలల్లో సీటు తెచ్చుకుంటారు. అయితే ఆ ఆనందం కోర్సులో చేరిన కొద్ది రోజులకే ఆవిరైపోతోంది.  అందరికీ అదే సమస్య: వైద్య కళాశాలల్లో నాలుగేళ్లుగా నియామకాల్లేవు. 11 ప్రభుత్వ బోధనా కళాశాలల్లో దారుణమైన పరిస్థితులున్నాయి. మరికొద్ది రోజుల్లో 1900 మంది అభ్యర్థులు వైద్య విద్యలో ప్రవేశాలు పొందుతారు. గడిచిన నాలుగు బ్యాచ్‌లకు చెందిన సుమారు 7,500 మంది మెడికోలు ఇప్పటికే ప్రభుత్వ వైద్య కళాశాలల్లో చదువుతున్నారు. ఏడాదికి 1400 మంది లెక్కన మూడేళ్లకు కలిపి సుమారు 4,200 మంది పీజీ వైద్య విద్యార్థులు చదువుకుంటున్నారు. వీళ్లందరికీ ఇప్పుడు ఒక్కటే ఇబ్బంది.. అధ్యాపకులు సరిపడా లేకపోవడం. సబ్జెక్టుల వారీగా అధ్యాపకుల్లేక మెడికోలు పడుతున్న బాధలు వర్ణనాతీతం. అడ్మిషన్ల వేళ.. అధ్యాపకులు లేరన్న వాస్తవం విద్యార్థులను, తల్లిదండ్రులను ఆందోళనకు గురిచేస్తోంది.  ముఖ్యమైన సబ్జెక్టులకూ లేరే: ఎంబీబీఎస్‌లో చేరిన వారికి అనాటమీ ప్రధానమైన సబ్జెక్టు. అలాంటి కీలక సబ్జెక్టుకే సరిపడా అధ్యాపకుల్లేరు. పీజీ వైద్య విద్యార్థులూ అధ్యాపకుల లేమితో ఇబ్బందిపడుతున్నారు. న్యూరో సర్జరీలోనూ 5 పోస్టులు ఖాళీగా ఉన్నాయి. ఒక్క జనరల్‌ మెడిసిన్‌ విభాగంలో 11 ప్రొఫెసర్, 10 అసోసియేట్‌ ప్రొఫెసర్‌ పోస్టులు ఖాళీగా ఉన్నాయి. ఆఫ్తాల్మాలజీలో 13 అసోసియేట్‌ ప్రొఫెసర్‌ పోస్టులు ఖాళీగా ఉన్నాయి. ఓ వైపు బయట వేలాది మంది పీజీ చేసిన వైద్యులు కూడా నిరుద్యోగులుగా ఉన్నా నియామకాలకు ప్రభుత్వం మొగ్గు చూపట్లేదు. భారతీయ వైద్య మండలి తనిఖీలకు వచ్చినప్పుడు ఇతర కళాశాలల నుంచి అధ్యాపకులను చూపించి అప్పటికప్పుడు గండం నుంచి గట్టెక్కడం జరుగుతోంది. ఉన్న సీట్లను కాపాడుకోవడం ఏటా గండంగా మారింది.  కొత్త సీట్లు రాకపోవడానికీ సిబ్బంది లేమే కారణమని అధ్యాపకులు చెబుతున్నారు.  ప్రభుత్వ వైద్యకళాశాలల్లో ఖాళీలు ఇలా కేటగిరీ                      మంజూరైన పోస్టులు    రెగ్యులర్‌    కాంట్రాక్టు    ఖాళీలు ప్రొఫెసర్లు                    507                    357            09         150 అసోసియేట్‌ ప్రొఫెసర్లు    503                    403            20         100 అసిస్టెంట్‌ ప్రొఫెసర్లు       1825                  1383          57          442 సీఏఎస్‌లు/ట్యూటర్‌       1909                  1282         481        146 డెంటల్‌                       21                      16             02          03 నోట్‌: సీఏఎస్‌–సివిల్‌ అసిస్టెంట్‌ సర్జన్లుAndhra Pradesh Govt Neglecting Fulfill

శాతవాహనయూనివర్సిటీ: ప్రైవేట్‌ ఇంజినీరింగ్‌ అధ్యాపకుల నెత్తిన మరో పిడుగుపడనుంది. ఏళ్లుగా అరకొర వేతనాలతోనే బోధన చేస్తున్న లెక్చరర్ల ఉద్యోగాలకు కళాశాల యాజమాన్యాలు ఉద్వాసన పలికేందుకు పావులు కదుపుతున్నాయి. అఖిల భారత సాంకేతిక విద్యామండలి (ఏఐసీటీఈ) రూపొందించిన కొత్త నిబంధన కత్తి ఇంజినీరింగ్‌ మాస్టార్ల మెడపై వేలాడుతోంది. ప్రస్తుతం జేఎన్‌టీయూ తనిఖీలు పూర్తై అనుబంధ హోదా ఇచ్చే ప్రక్రియ కొనసాగుతోంది. త్వరలో ఏఐసీటీఈ తనిఖీలు కూడా జరగనున్నట్లు సమాచారం. ఈ తనిఖీలన్నీ పూర్తయితే అనుబంధ హోదా ప్రకటించగానే పలు కళాశాలలు ఫ్యాకల్టీ సంఖ్య తగ్గించుకునేందుకు చర్యలు చేపట్టనున్నట్లు ఇంజినీరింగ్‌ కళాశాల వర్గాల్లో చర్చ మొదలైంది. ఇదే జరిగితే తనిఖీలు పూర్తవగానే యాజమాన్యాలు అధ్యాపకులను నిర్దాక్షిణ్యంగా బయటకు పంపనున్నాయి. ఈ పరిణామంతో జిల్లా వ్యాప్తంగా దాదాపు 200పైగా మంది రోడ్డున పడనున్నట్లు సమాచారం. తమ ఉద్యోగాలకు భద్రత కల్పించాలని, నిబంధనల పేరుతో బయటకు పంపొద్దని అధ్యాపకులు    ఆవేదన వ్యక్తం చేస్తున్నారు. శరాఘాతంలా 1@20 నిబంధన.. ఏఐసీటీఈ కొత్త నిబంధనలు ఇంజినీరింగ్‌ లెక్చరర్ల ఉద్యోగాలకు ఎసరుపెట్టేందుకు శరాఘాతంగా మారింది. గతంలో 1ః15గా ఉన్న ఉపాధ్యాయ, విద్యార్థి నిష్పత్తి ప్రస్తుతం 1ః20గా మార్చింది. దీంతో 60 మంది విద్యార్థులకు నలుగురు ఉండాల్సింది ఇక నుంచి ముగ్గురే అవసరముంటుంది. అంటే ప్రతీ 60 మందికి ఒక అధ్యాపకుడు ఉద్యోగాన్ని కోల్పోతున్నాడని విద్యావేత్తలు విశ్లేషిస్తున్నారు. కొత్త నిబంధనలతో తమ ఉద్యోగాలు ఏ క్షణాన కోల్పోతామోనని అధ్యాపకులు కలవరపాటుకు గురవుతున్నారు. తనిఖీలు పూర్తయ్యే వరకు ఎలాంటి ఇబ్బందులు లేకుండా కొనసాగిన లెక్చరర్లలో కొత్త నిబంధన అలజడి సృష్టించింది. ఇష్టారాజ్యంగా తొలగింపులు.. ఇంజినీరింగ్‌ కళాశాలల్లో లెక్చరర్ల నియామకాలు యూనివర్సిటీలో పరిధిలోనే ఉంటాయని సమాచారం. దీనికోసం యూనివర్సిటీ అ«ధికారులు ప్రత్యేకంగా ర్యాటిఫికేషన్‌ నిర్వహించి అర్హతను తేల్చి వారి సర్టిఫికేట్‌లు క్షుణ్ణంగా పరిశీలిస్తారు. సబ్జెక్టుల్లో పరిజ్ఞానం స్వయంగా తెలుసుకునేందుకు యూనివర్సిటీ అధికారులు ఇంటర్వ్యూలు నిర్వహిస్తారు. ఈ ప్రక్రియలో ఎక్కడ తేడా జరిగినా వారిని తిరస్కరిస్తారు. ఈ విధంగా లెక్చరర్లను నియమించే బాధ్యత పూర్తిస్థాయిలో యూనివర్సిటీ అధికారులదే ఉంటుందని విద్యావేత్తలు అంటున్నారు. తొలగింపు మాత్రం యాజమాన్యాలు ఇష్టారాజ్యంగా చేస్తున్నాయని సమాచారం. ఒక లెక్చరర్‌ను తొలగించాలంటే సాంకేతిక విద్యాశాఖకు సమాచారమిచ్చి తొలగింపునకు గల కారణాలు తెలపాలి. ఈ ఫిర్యాదుపై సాంకేతిక విద్యాశాఖ అధికారులు విచారణ జరిపిన తర్వాత వారు ఇచ్చిన నివేదిక మేరకు నిర్ణయం తీసుకోవాలి. కానీ.. పలు కళాశాలల్లో గతంలో లెక్చరర్ల తొలగింపుల్లో ఇవేమీ జరగడం లేదని ఆరోపణలున్నాయి. అకాడమిక్‌ ఫలితాలు సరిగా లేవని.. ప్యాకల్టీగా నైపుణ్యాలు లేవనే కారణాలు చూపుతూ కొందరు తొలగింపులు చేయడానికి సిద్ధపడుతున్నట్లు సమాచారం. జిల్లాలో 200 మందిపై వేటు..? ఉమ్మడి కరీంనగర్‌ జిల్లా వ్యాప్తంగా 13 ప్రైవేట్‌ ఇంజినీరింగ్‌ కళాశాలలున్నాయి. ఇందులో దాదాపుగా విద్యార్థులకు తరగతులు బోధించే లెక్చరర్ల సంఖ్య వేల సంఖ్యల్లో ఉంటుంది. వీరిలో ఏఐసీటీఈ విధిస్తున్న నూతన నిబంధనలతో ఊహించినట్లు తొలగింపులు జరిగితే దాదాపు 200 మందికి పైగానే ఉద్యోగాలు కోల్పోతారనే చర్చ ఇంజినీరింగ్‌ అధ్యాపకవర్గాల్లో జరుగుతోంది. కొన్ని కళాశాలల్లో లెక్చరర్లు ఎక్కువగా ఉన్నా ఫర్వాలేదని వారిని అలాగే కొనసాగించాలని నిర్ణయానికి వస్తున్నట్లు.. మరికొన్ని కళాశాలల్లో నిబంధన ప్రకారం ఫ్యాకల్టీని సరిచూసుకొని మిగితా వారికి ఉద్వాసన పలకాలని చూస్తున్నట్లు సమాచారం. లెక్చరర్లు తగ్గితే చదువుల్లో నాణ్యత కొరవడుతుందని,  ప్రభుత్వం వెంటనే దీనిపై దృష్టిసారించి వెంటనే తొలగింపులు ఆపేలా చర్యలు చేపట్టాలని లెక్చరర్లు, విద్యార్థి సంఘాల నేతలు డిమాండ్‌ చేస్తున్నారు. తొలగింపులు ఆపాలి ఇంజినీరింగ్‌ కళాశాలల్లో ఏఐసీటీఈ విధించిన నిబంధనల ప్రకారం తొలగింపులు చేయకూడదని కోరుతున్నాం. ఇప్పటికే భద్రత లేని బతుకులతో జీవితాన్ని నెట్టుకొస్తున్నాం. లెక్చరర్లు ఎక్కువ సంఖ్యలో ఉంటే చదువులో నాణ్యత కూడా పెరిగేందుకు అవకాశాలుంటాయి. అనవసరంగా ఇలాంటి నిబంధనలను తీసుకొస్తూ ఇంజినీరింగ్‌ కళాశాల లెక్చరర్లను అయోమయానికి గురిచేస్తున్నాయి. ప్రభుత్వం వెంటనే ఈ నిబంధనను వెనక్కి తీసుకొని పాతపద్ధతిని కొనసాగించాలని కోరుతున్నాం.– కె.మహేశ్,పీజీ అసోసియేషన్‌ జాతీయ ఉపాధ్యక్షుడు


 సాక్షి, హైదరాబాద్: రాష్ట్రంలోని ప్రభుత్వ జూనియర్ కాలేజీల్లో ఖాళీగా ఉన్న 1000 జూనియర్ లెక్చరర్ పోస్టులను భర్తీ చేసేందుకు ఇంటర్మీడియట్ బోర్డు చర్యలు చేపట్టింది. ఈ పోస్టులను గతంలో లాగా కాంట్రాక్ట్ పద్ధతిలో కాకుండా పార్ట్‌టైమ్ లెక్చరర్ల పేరుతో నియమించేందుకు ప్రతిపాదనలు సిద్ధం చేస్తోంది. త్వరలోనే వాటిని ప్రభుత్వానికి పంపనుంది.