ప్రేమ ఒక అనిర్వచితమైన అనుభూతి. దానికి మరింత బలం చేకూర్చేది పెళ్లి. ప్రతి ఒక్కరూ తమ పెళ్లికి దారి తీసిన సంఘటనలను మర్చిపోలేరు. అది సెలబ్రిటీలు అయినా సరే సామాన్యులు అయినా సరే. వారి పెళ్లి గురించి చెప్పమంటే మొదటగా సిగ్గు పడతారు. తర్వాత ఒక్కో విషయాన్ని సినిమా స్టోరీలా  వివరిస్తారు. తాజాగా ఓ సెలబ్రిటీ ప్రేమ జంట తమ లవ్‌ జర్నీని వీడియో తీసి రిలీజ్‌ చేసింది. ఆ ప్రేమ పక్షులు ఎవరో కాదు టీమిండియా మాజీ పేసర్ జహీర్ ఖాన్, బాలీవుడ్‌ నటి సాగరిక ఘట్గేలు. ఈ జంట పెళ్లి అయిన దగ్గర నుంచి అందరి చూపు వారిపైనే. వారు ఎటూ వెళ్లిన అందరూ ఓ లుక్కేస్తారు. దానికి కారణం అప్పట్లో వీరి లవ్‌ స్టోరి హాట్‌ టాపిక్‌గా మారడం. ఈ ప్రేమ పక్షులు వారి పెళ్లి జ్ఞాపకాలను గుర్తుచేస్తూ వీడియో చేశారు. ఆ వీడియోలో ఇంట్లో వారి ప్రేమ విషయాన్ని చెప్పడానికి పడిన కష్టాలను వివరించారు. వీడియోలో జహిర్‌ ఖాన్‌ మాట్లాడుతూ... ‘ఇప్పటి వరకు సాగరిక ఏమి మారలేదు. నేను ప్రేమించినప్పుడు ఎలా ఉందో ఇప్పుడు అలానే ఉంది. నేను మొదటగా మా ప్రేమ విషయాన్ని చెప్పడానికి సాగరిక వాళ్ల నాన్న దగ్గరకి వెళ్లాను. అంతకు ముందే నాకు వారి అమ్మతో పరిచయం ఉంది. దీంతో పెద్దగా భయపడలేదు. సాగరిక వాళ్ల నాన్నను తొలిసారి కలిసిప్పుడు15-20 నిమిషాలు మాట్లాడుతాడు అనుకున్నా, కానీ ఆయన నాతో మూడు గంటలపాటు మాట్లాడారు. అన్ని గంటలు అప్పటి పరిస్తితులపైనే మా చర్చ జరింది’ అని గుర్తుచేసుకుంటూ నవ్వేశాడు జహీర్‌ ఖాన్‌. ఇక సాగరిక మాట్లాడుతూ.. ‘నేను మొదటగా జహీర్‌ ఖాన్‌ కుటుంబ సభ్యులను కలవడానికి వెళ్లినప్పుడు కాస్త భయపడ్డాను. వారు చాలా గంభీరంగా ఉంటారు. మనం వారిని ఎంత గౌరవిస్తామో, వారు మనల్ని అంతకు మించి గౌరవిస్తారు. మనుషులు గంభీరం కానీ మనసులు మాత్రం మంచివి అని లవ్‌ స్టోరీ చెబుతూ సిగ్గు పడింది ఈ హిరోయిన్‌. ఆ వీడియోకి సాగరిక ‘ఇది జహీర్‌ ఖాన్‌, సాగరికల లవ్‌ జర్నీ’  అని టైటిల్‌ కూడా పెట్టింది. కింది స్థాయి నుంచి కష్ట పడి వచ్చిన వాళ్లు నాకు ఎక్కువగా తెలియదు.  కానీ ఆ గుణం జహీర్‌లో చూశా. అందరూ జహీర్‌ను ఇష్ట పడుతారు దానికి కారణం అతను మంచి వాడు. అతను నాకు దొరకడం నిజంగా లక్కీ అని సెలవిచ్చింది ఈ బాలీవుడ​ నటి.


   హనీమూన్ కోసం 15 దేశాల్లో సైకిల్ సవారీ  దేవరపల్లి చేరుకున్న ఫ్రాన్స్ దంపతులు
  ‘ప్రేమయాత్రలకు కొడెకైనాలు..కాశ్మీరాలు ఏలనో’.. అంటూ గుండమ్మకథలో ఏఎన్నార్, జమున ఆడిపాడిన యుగళగీతం తెలుగు శ్రోతల మదిలో ఎప్పటికీ మార్మోగుతుంటుంది. ఆ కథానాయికలు హనీమూన్ వద్దనుకున్నా ఫ్రాన్స్ దేశానికి చెందిన ఓ చిన్నది, ఓ చిన్నోడు అలా అనుకోలేదు. వారి ‘ప్రేమ దేశాలు’ దాటి ప్రయాణిస్తోంది. విశ్వవ్యాప్తమై పరిమళిస్తోంది. ఈ ప్రేమ జంట పెళ్లయ్యాక హనీమూన్‌ను వినూత్నంగా జరుపుకోవాలనుకున్నారు. ఫ్రాన్స్ నుంచి సైకిల్‌పై బయల్దేరిన వీళ్లిద్దరూ ఎన్నో దేశాల్లో తిరిగి ప్రస్తుతం భారతదేశంలో పర్యటిస్తున్నారు. మంగళవారం దేవరపల్లి చేరుకున్న మాధ్యూ, మేలిస్ అబాడై దంపతులు స్థానిక బసంతి హోటల్‌లో విలేకరులకు అందించిన ఆసక్తికరమైన విశేషాలు వారి మాటల్లో..
  
   2014 జూలై 12న మాధ్యూ, మేలిస్ అబాడై వివాహం జరిగింది. జూలై 27న ఫ్రాన్స్ నుంచి సైకిల్‌పై బయల్దేరారు. పదిహేను దేశాల పర్యటనలో భాగంగా ఇప్పటి వరకు 10 దేశాల్లో పర్యటించి 11వ దేశమైన భారతదేశం చేరుకున్నారు. ఈ ఏడాది జూలై 25 నాటికి యాత్ర పూర్తి చేసుకొని స్వదేశానికి వెళ్తారు. రోజుకు వంద కిలో మీటర్లు ప్రయాణిస్తున్నారు. ఇందుకు రోజుకు సుమారు రూ.1,000 ఖర్చవుతోంది. యాత్ర ముగిసేటప్పటికి మొత్తం రూ.4 లక్షలు ఖర్చవుతుంది.
 
  సైకిల్ ఖరీదు రూ.60 వేలు
   జర్మనీలో తయారైన సైకిల్‌ను రూ.60 వేలకు కొనుగోలు చేసి 15 దేశాల్లో పర్యటిస్తున్నారు. ఆర్మేనియా నుంచి సైకిల్‌ను విమానంలో ముంబయికి తీసుకొచ్చారు. ముంబయి నుంచి సైకిల్‌పై కన్యాకుమారి, చెన్నై, శ్రీలంక వెళ్లారు. అక్కడినుంచి మళ్లీ ఆంధ్రప్రదేశ్‌కు వచ్చారు. ఇప్పటి వరకు థాయ్‌లాండ్, వియత్నాం, కంబోడియా, లావోస్, షార్జా, గల్ఫ్ దేశాల్లో పర్యటించారు. భారతదేశం సంస్కృతి సంప్రదాయాలు బాగున్నాయని దంపతులు తెలిపారు. ఫ్రాన్స్, యూరప్ దేశాల్లో వరి పంట ఉండదన్నారు. ఇక్కడి వ్యవసాయానికి, ఫ్రాన్స్ వ్యవసాయానికి తేడా ఉందన్నారు. జూన్ 27 నాటికి కోలకత్తా చేరుకొని యాత్రను ముగిస్తామని, అక్కడి నుంచి విమానంలో ఫ్రాన్స్ వెళ్తామని మాధ్యూ తెలిపారు. న్యాయవాదిగా పనిచేస్తున్న మేలిస్ అబాడైను ప్రేమించి పెళ్లి చేసుకున్నట్టు ఆయన తెలిపారు. దంపతులకు జిల్లా కిసాన్‌మోర్చా అధ్యక్షుడు కైరం అప్పారావు వీడ్కోలు పలికారు.
  - దేవరపల్లి
  


 ప్రేమసాగరంలో మునిగి తేలుతున్న విరాట్ కోహ్లీ, అనుష్క శర్మ.. తమ లవ్ జర్నీ జోరు పెంచాలని ఫిక్సయ్యారు. ఇద్దరూ సహజీవనం చేయడానికి ప్లాన్స్ వేసుకుంటున్నారు. ఇదే విషయమే విరాట్.. అనుష్క శర్మ పేరెంట్స్ నుంచి కూడా పర్మిషన్ తీసుకున్నట్టు సమాచారం. వాళ్లు కూడా సరే అనడంతో.. ఈ పరుగుల వీరుడు అనుష్కతో సహజీవనానికి సరిపడా నెలవు కోసం వెదుకులాటలో ఉన్నాడట. ప్రస్తుతం ముంబైలో అనుష్క ఉంటున్న వెర్సోవా ప్యాడ్‌కు దగ్గర్లోనే ఓ ఫ్లాట్ అద్దెకు తీసుకోవాలని భావిస్తున్నాడట విరాట్.