నేటి నుంచి థియేటర్స్‌ తెరుచుకుంటున్నాయి. థియేటర్స్‌ను నమ్ముకున్నవాళ్లకు సందడి మొదలుకానుంది. అయితే థియేటర్స్‌కి ప్రేక్షకులు ఎక్కువ సంఖ్యలో వస్తారా? కొత్త సినిమాలను విడుదల చేయడానికి నిర్మాతలు రెడీగా ఉన్నారా? ప్రస్తుతానికి ప్రశ్నలే. పరిస్థితిని బట్టి సమాధానాలు దొరుకుతాయి. అయితే థియేటర్స్‌ తిరిగి ఓపెన్‌ అవుతున్న సందర్భంలో పాత సినిమాలను మళ్లీ విడుదల చేయడానికి సన్నాహాలు చేస్తున్నారు. బాలీవుడ్‌లో రీ–రిలీజ్‌ కాబోతున్న చిత్రాల విశేషాలు. ఆ సినిమాలను ప్రదర్శించం లాక్‌డౌన్‌ సమయంలో పలు సినిమాలు ఓటీటీ లో విడుదలయ్యాయి. థియేట్రికల్‌ విడుదల కాకుండా ఓటీటీలో విడుదలయిన సినిమాలను థియేటర్స్‌లో ప్రదర్శించం అని ప్రకటించాయి పలు మల్టీప్లెక్స్‌ సంస్థలు. ఆ సినిమాలను ఓటీటీలో విడుదల చేస్తున్నట్టు ప్రకటించినప్పుడే మల్టీప్లెక్స్‌ సంస్థలు తమ అసంతృప్తిని బహిరంగంగానే వ్యక్తం చేశాయి. ఇప్పుడు ఆ సినిమాలను ప్రదర్శించకూడదని నిర్ణయించుకున్నట్టు తెలిసింది. అమితాబ్‌ బచ్చన్, ఆయుష్మాన్‌ ఖురానా నటించిన ‘గులాబో సితాబో’, విద్యాబాలన్‌ ‘శకుంతలా దేవి’, సుశాంత్‌ సింగ్‌ రాజ్‌పుత్‌ చివరి చిత్రం ‘దిల్‌ బేచారా’, జాన్వీ కపూర్‌ ‘గుంజన్‌ సక్సేనా’, ‘సడక్‌ 2’ వంటి సినిమాలను తమ థియేటర్స్‌లో ప్రదర్శించేది లేదని ఐనాక్స్, పీవీఆర్, సినీపోలీస్, కార్నివాల్‌ వంటి మల్టీప్లెక్స్‌ అధినేతలు నిర్ణయించుకున్నారని సమాచారం. ప్రధాన మంత్రి నరేంద్ర మోదీ జీవితం ఆధారంగా తెరకెక్కిన చిత్రం ‘పీయం మోదీ’. వివేక్‌ ఒబెరాయ్‌ టైటిల్‌ రోల్‌ పోషించారు. 2019లో విడుదలైన ఈ సినిమా నేడు మళ్లీ థియేటర్స్‌లోకి రానుంది. ‘ఈ సినిమా మరింత మందికి చేరువ అవ్వడానికి ఇదో మంచి అవకాశం’ అని అన్నారు చిత్రనిర్మాతలు. హృతిక్‌ రోషన్, టైగర్‌ ష్రాఫ్‌ ముఖ్య పాత్రల్లో తెరకెక్కిన యాక్షన్‌ చిత్రం ‘వార్‌’. గత ఏడాది ఈ సినిమా బాక్సాఫీస్‌ వద్ద కలెక్షన్లు భారీగా సాధించింది. ఈ సినిమాను మళ్లీ థియేటర్స్‌లోకి తీసుకొస్తున్నట్టు తెలిపారు నిర్మాతలు. అజయ్‌ దేవగన్‌ ముఖ్య పాత్రలో తెరకెక్కిన చారిత్రాత్మక చిత్రం ‘తన్హాజీ’, ఆయుష్మాన్‌ ఖురానా నటించిన సందేశాత్మక చిత్రం ‘శుభమంగళ్‌ సావధాన్‌’, తాప్సీ లీడ్‌ రోల్‌ చేసిన ‘థప్పడ్‌’, ఆదిత్యా రాయ్‌ కపూర్, దిశా పటానీ నటించిన ‘మలంగ్‌’ సినిమాలు కూడా మళ్లీ విడుదల కానున్నాయి. వీటికి తోడు ఇటీవలే ‘పే ఫర్‌ వ్యూ’ (డబ్బుకట్టి సినిమా చూడటం) పద్ధతిలో విడుదలయిన హిందీ చిత్రం ‘ఖాలీ పీలీ’, తమిళ చిత్రం ‘కాపే రణసింగం’ అక్టోబర్‌ 16 నుంచి థియేటర్స్‌లోకి రానున్నాయి.

ఆదిత్య రాయ్‌ కపూర్‌, దిశా పటానీ హీరోహీరోయిన్లుగా నటించిన చిత్రం ‘మలంగ్‌: అన్‌లిష్‌ ద మ్యాడ్‌నెస్‌’. రొమాంటిక్‌ యాక్షన్‌ డ్రామాగా తెరకెక్కిన ఈ సినిమా ఫిబ్రవరి ఏడున ప్రేక్షకుల మందుకు వచ్చింది. ‘ఆషికి 2’, ‘ఏక్‌ విలన్‌’ సినిమాలతో ఆకట్టుకున్న దర్శకుడు మోహిత్‌ సూరి ఈ సినిమాకు దర్శకత్వం వహించాడు. ఈ మధ్య సరైన హిట్‌ దొరకని ఆదిత్య కపూర్‌కు ఈ సినిమా కాస్త ఊరటనిచ్చిందనే చెప్పవచ్చు. యాక్షన్‌ సన్నివేశాల్లో ఆదిత్య విజృంభిస్తే, ప్రేమ సన్నివేశాల్లో దిశా అద్భుతంగా నటించింది. ఈ సినిమా ఎక్కువ భాగం గోవాలోనే షూటింగ్‌ జరుపుకుంది. (మలంగ్‌ ట్రైలర్‌ను వీక్షించండి) ‘మలంగ్‌’ తొలివారం మంచి వసూళ్లనే రాబట్టింది. విడుదలైన తొలి నాడు సుమారు రూ.7 కోట్లు రాబట్టగా తర్వాతి రోజుల్లో వరుసగా రూ. 8, 10 కోట్లు కురిపించింది. దీంతో వీకెండ్‌లో పుంజుకున్నట్లు కనిపించినా.. సోమవారానికి మాత్రం వసూళ్లు రూ.4 కోట్ల దగ్గరే ఆగిపోయాయి. తొలుత కలెక్షన్లలో దూకుడు ప్రదర్శించిన ఈ చిత్రం దాన్ని కొనసాగించడంలో మాత్రం కాస్త తడబడుతోంది. మొత్తంగా ఇప్పటివరకు రూ.36 కోట్లు రాబట్టింది. కాగా వాలంటైన్స్‌ డే నాడు కార్తీక్‌ ఆర్యన్‌, సారా అలీ ఖాన్‌ నటించిన రొమాంటిక్‌ డ్రామా సినిమా ‘లవ్‌ ఆజ్‌ కల్‌2’ విడుదల అవుతుండటంతో ‘మలంగ్‌’ వసూళ్లకు గండిపడే అవకాశాలున్నాయి. (ఔను: వాళ్లిద్దరూ ప్రేమించుకుంటున్నారు) చదవండి: బైక్‌పై షికారు చేస్తున్న సారా, కార్తీక్‌!

ముంబై: ఆదిత్యరాయ్‌ కపూర్‌, దిశా పటానీ జంటగా నటించిన తాజా బాలీవుడ్ సినిమా మలంగ్‌. అనిల్ కపూర్, కునాల్‌ ఖేము ప్రధాన పాత్రల్లో నటిస్తున్న ఈ సినిమా ట్రైలర్‌ తాజాగా ప్రేక్షకుల ముందుకు వచ్చింది. మోహిత్‌ సూరి దర్శకత్వం వహించిన ఈ సినిమా కథ.. హంతకుల చుట్టూ తిరుగుతుందని ట్రైలర్‌ను బట్టి తెలుస్తోంది. చంపడాన్ని అలవాటుగా చేసుకున్న కిల్లర్‌గా ఆదిత్య.. అతన్ని వెంటాడే పోలీసాఫీసర్‌ పాత్రలో అనిల్‌ కపూర్‌ కనిపించారు. ప్రేమికులుగా నటించిన ఆదిత్య, దిశ మధ్య మోతాదుకు మించి లవ్‌, రొమాంటిక్‌ సీన్లు ఈ సినిమాలో ఉన్నట్టు ట్రైలర్‌ను బట్టి తెలుస్తోంది. బికినీ సీన్‌తో ట్రైలర్‌లో ఎంట్రీ ఇచ్చిన దిశ మరోసారి తన అందచందాలతో ప్రేక్షకులను అలరించేలా కనిపిస్తోంది. ట్రైలర్‌ క్లైమాక్స్‌లో తమంతా చంపడాన్ని ఎంజాయ్‌ చేస్తామన్న రీతిలో సినిమాలోని నాలుగు ప్రధాన పాత్రలు డైలాగ్‌ చెప్పడం కొసమెరుపు. ఆదిత్య భూజాల మీద కూర్చుని.. అతడితో దిశ లిప్‌ లాక్‌ చేస్తున్న ఈ సినిమా స్టిల్‌ను ఇటీవల రిలీజ్‌ చేసిన సంగతి తెలిసిందే. ఇంటెన్స్‌ లవ్‌, ఎమోషనల్‌, క్రైమ్‌ డ్రామాగా ఈ సినిమా తెరకెక్కినట్టు కనిపిస్తోంది. ఫిబ్రవరి 7న ఈ సినిమా విడుదల కానుంది.

వరుస గాయాలతో హీరోయిన్‌ దిశా పాట్నీ ఇబ్బంది పడుతున్నారు. ఇటీవల సల్మాన్‌ఖాన్‌ ‘భారత్‌’ సినిమా షూటింగ్‌ సమయంలో దిశా కాలికి గాయమైన సంగతి గుర్తుండే ఉంటుంది. తాజాగా మరోసారి దిశా గాయపడ్డారు. మోహిత్‌ సూరి దర్శకత్వంలో రూపొందుతున్న ‘మలాంగ్‌’ సినిమాలో దిశాపాట్నీ హీరోయిన్‌గా నటిస్తున్నారు. ఈ సినిమా షూట్‌లోనే ఆమె చేతికి గాయమైంది. సీన్‌ కంప్లీట్‌ చేశాకే దిశా  హస్పిటల్‌కి వెళ్లారు. పెద్ద గాయం కాకపోవడంతో నో రెస్ట్‌ అంటున్నారు దిశా. ఆదిత్యారాయ్‌ కపూర్, కునాల్‌ కేము, అనిల్‌ కపూర్‌ ఈ సినిమాలో కీలక పాత్రలు చేస్తున్నారు. రొమాంటిక్‌ థ్రిల్లర్‌గా రూపొందుతున్న ఈ సినిమా వచ్చే ఏడాది విడుదల కానుంది.

... అంటున్నారు ఆదిత్య రాయ్‌ కపూర్‌. మోహిత్‌ సూరి దర్శకత్వంలో ఆదిత్య రాయ్‌ కపూర్, దిశా పాట్నీ, అనిల్‌ కపూర్‌ ముఖ్య పాత్రల్లో తెరకెక్కుతున్న చిత్రం ‘మళంగ్‌’. ఈ సినిమాలో ఆదిత్యరాయ్‌ కపూర్‌ యాక్షన్‌ హీరోగా కనిపించనున్నారు. తన పాత్ర కోసం పదకొండు కిలోలు పెరగనున్నారట. ‘‘ఈ సినిమా కోసం నా శరీరాన్ని భారీగా మార్చేయనున్నా. ఆ వర్క్‌ కూడా స్టార్ట్‌ చేశాను’’ అన్నారు ఆదిత్య. ‘ఆషికీ 2’ తర్వాత మోహిత్‌ సూరి, ఆదిత్య కలసి చేస్తున్న సినిమా కావడంతో అంచనాలు ఉన్నాయి.


 బెంగళూరు: బాలీవుడ్ హీరో సుశాంత్ సింగ్ రాజ్‌పుత్‌తో ఇటీవలే బ్రేకప్ అయిన భామ అంకితా లోఖాండే వెండితెరకు పరిచయం కానుంది. బుల్లితెరపై ప్రముఖ నటిగా రాణిస్తున్న ఈ భామ సీనియర్ హీరో సంజయ్ దత్ నటిస్తున్న 'మలాంగ్'తో బాలీవుడ్‌కి ఎంట్రీ ఇవ్వనుంది. ఇందులో పోలీస్ అధికారిణిగా అంకితా కనిపించనుందని సమాచారం. గతంలో షారుక్ సరసన ఛాన్స్ వచ్చినట్లే వచ్చి చివరి నిమిషంలో చేజారడంతో కొన్ని రోజులు ఎదురుచూసిన ఈ బ్యూటీకి అదృష్టం తలుపు తట్టిందని చెప్పవచ్చు.
 
 సుశాంత్‌తో బ్రేకప్ తర్వాత కొన్నిరోజులు ఎంతో బాధపడ్డ ఈ బ్యూటీ.. తన తొలి మూవీనే ఓ మేజర్ ప్రాజెక్టు కావడంపై హర్షం వ్యక్తం చేసింది. అయితే మలాంగ్ ఓ క్యూట్ లవ్ స్టోరీ నేపథ్యంలో సాగనున్నట్లు మూవీ యూనిట్ చెబుతోంది. ఫరాఖాన్ దర్శకత్వంలో తెరకెక్కిన హ్యాపీ న్యూ ఇయర్ లో షారుక్ ఖాన్ సరసన అంకితా ఎంట్రీ ఇస్తుందని ప్రచారం జరిగినా అది కేవలం వదంతులు అని తేలిపోయాయి. అయితేనేం సంజయ్ దత్ లాంటి అగ్రనటుడి మూవీతో అంకిత తన అదృష్టాన్ని పరీక్షించుకోనుంది. మూవీ షూటింగ్‌పై ఇంకా ఎలాంటి అధికారిక ప్రకటన వెలువడలేదు.